ياركەن وزەنى ەرەكشە ۇلكەن كوپىرىنە ارقالىق سالىنا باستادى
جوعارى جىلدامدىقتى تاس جولدى بويلاپ شينجياڭعا نازار سالۋ
2021.04.12 13:43 كەلۋ قاينارى : حالىق تورابى
انار بۇلت / شينجياڭ گازەتىنىڭ تىلشىلەرى ءپاريزات ابدۇل، ءرايدا 4 - ايدىڭ 10 - كۇنى ياركەننەن حابارلايدى. انار بۇلت / شينجياڭ گازەتىنىڭ جالپىلىق اقپارات قۇرالدارى حابارلاۋ توبى 4 - ايدىڭ 10 - كۇنى قاشقار قالاسىنان جولعا شىعىپ، ماكىت - قاشقار جوعارى جىلدامدىقتى تاس جولىن، اچال - ياركەن جوعارى جىلدامدىقتى تاس جولىن بويلاپ، ياركەن اۋدانى ياركەن وزەنى ەرەكشە ۇلكەن كوپىرىنىڭ جۇمىس باسىنا كەلدى. بۇل جەردە ماشينالار گۇرىلدەپ، جۇمىسشىلار قاۋىرت جۇمىس جۇرگىزىپ جاتىپتى.
ياركەن اۋدانى ەلشىحۇ قالاشىعى بازار قىستاعىنىڭ تۇرعىنى 24 جاستاعى ابدۇساتار مامەتيمىننىڭ ياركەن وزەنى ەرەكشە ۇلكەن كوپىرى نىسان قۇرىلىسىنا قاتىناسقانىنا ءبىر جىل بولىپتى. بيىل 9 - ايدا وسى ەرەكشە ۇلكەن كوپىر سالىنىپ بولادى. سول كەزدە ونىڭ وتباسىنداعىلارمەن بىرگە ماكىت اۋدانىنا باراتىن جولى بارىنشا قىسقارادى.
”ەرەكشە ۇلكەن كوپىر سالىنىپ بولعاننان كەيىن، ماكىت اۋدانىنا جۇمىس ىستەۋگە نەمەسە جاڭعاق ساتۋعا بارۋ قولايلى بولدى“، - دەدى ابدۇساتار قۋانىشپەن: ”بۇرىن ۇساق - تۇيەك جۇمىس ىستەپ كۇنەلتەتىنمىن، ەلەكترمەن دانەكەرلەۋ ونەرىن ۇيرەنگەننەن كەيىن، ۇلكەن كوپىردىڭ قۇرىلىسى تۋرا كەلىپ، ەسىك الدىندا جۇمىستانىپ، ايىنا 4500 يۋان ەڭبەكاقى الامىن“.
ياركەن وزەنى ەرەكشە ۇلكەن كوپىرى ياركەن اۋدانى مەن ماكىت اۋدانىنىڭ شەكارالاسقان جەرىنە ورنالاسقان، جالپى ۇزىندىعى 1987 مەتر، بۇدان بۇرىن سالىنعان ”وڭتۇستىك شينجياڭداعى ءبىرىنشى كوپىر“ دەپ اتالاتىن ماكىت - ياركەن وزەنى ەرەكشە ۇلكەن كوپىرىنەن 480 مەتر ۇزىن. ينجەنەريا 2020 - جىلى 9 - ايدا جۇمىس باستاعان، بيىل 3 - ايدىڭ 17 - كۇنىنە دەيىن ياركەن وزەنى ەرەكشە ۇلكەن كوپىرىنىڭ بارلىق 138 قازىقتى فونتاميتىنىڭ قۇرىلىسى اياقتادى، 36 جەردەگى تومەنگى ارقالىق، 9 جەردەگى ورتاڭعى ارقالىق، 66 دىڭگەك سالىنىپ بولدى.
”ۇلكەن كوپىردىڭ قازىقتى فونتاميتىن قۇيۋ جۇمىسى تۇگەل ءبىتتى، قازىر ارقالىق سالۋ جۇمىسى جۇرگىزىلۋدە“، - دەدى نىسان قۇرىلىسىن جۇرگىزۋشى ورىننىڭ قولباسشىسى جاڭ جىگو، ياركەن وزەنى ەرەكشە ۇلكەن كوپىرى مەجەمەن 2021 - جىلى 9 - ايدىڭ 30 - كۇنى بۇكىل لەنيا بويىنشا تۇتاسىپ، سول كەزدە ياركەن وزەنىنىڭ ەكى جاعالاۋىنداعى تۇرعىنداردىڭ قاتىناۋىنا بارىنشا قولايلى بولادى دا، ەكى جاعالاۋداعى بۇقارا ەندىگارى 70 كيلومەتردەن استام جولدى اينالىپ جۇرمەيدى.
ياركەن وزەنى ەرەكشە ۇلكەن كوپىرى نىسانى قاشقار ايماعى قاتىناسىنىڭ جەدەل دامۋىنىڭ ىقشام كورىنىسى. ءتىلشى قاشقار ايماعىندا جالپى 5 جوعارى جىلدامدىقتى تاس جول بار ەكەندىگىن، 2019 - جىلى 7 - ايدا تۇگەلدەي سالىنىپ بولىپ اۆتوموبيل قاتىناعاندىعىن ۇعىستى. وسىدان كەيىن قاشقار ايماعى اۋدان مەن اۋدان اراسىنداعى جوعارى جىلدامدىقتى تاس جول قاتىناسىن، نەگىزىنەن جۇزەگە اسىرىپ، قاشقار قالاسىنىڭ ماڭىنداعى اۋدان، قالالارمەن، سونداي - اق قىزىلسۋ قىرعىز اۆتونوميالى وبلىسىنىڭ اتۇش قالاسىمەن، ۇلۇقشات اۋدانىمەن، اقتاۋ اۋدانىمەن ءبىر ساعاتتىق ەكونوميكالىق شەڭبەرىندە تەز جەتۋ قاتىناس - تاسىمال تورى باستاپقى قادامدا قالىپتاستى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
