شينجياڭ ايتىلمىس شينجياڭعا ساياتىن ءۇش ”ساندى مالىمەت قويماسىنىڭ“ جاي - جاپسارىن جاريالادى
2021.04.12 13:48 كەلۋ قاينارى : شينجياڭ گازەتى
انار بۇلت/ شينجياڭ گازەتىنىڭ ءتىلشىسى جىڭ جو 4 - ايدىڭ 9 - كۇنى بەيجيڭنەن حابارلايدى. نەداۋىر ۋاقىتتان بەرى كەيبىر جۇڭگوعا قارسى كۇشتەر ايتىلمىس شينجياڭعا ساياتىن ”ساندى مالىمەت قويماسىن“ جاساپ، حالىقارالىق قوعامدىق پىكىردى اۋىر دارەجەدە الجاستىردى. 4 - ايدىڭ 9 - كۇنى شينجياڭ ۇيعۇر اۆتونوميالى رايونى بەيجيڭدە شينجياڭعا ساياتىن ماسەلە جونىندە 7 - رەتكى اقپار جاريالاۋ ءماجىلىسىن اشىپ، بۇكىل دۇنيە جۇزىنە شىندىقتىڭ جاي - جاپسارىن جاريالادى.
سوڭعى جىلدارى حالىقاراداعى كەيبىر جۇڭگوعا قارسى كۇشتەر ايتىلمىس ”شينجياڭ ساندى مالىمەتتەرى نىسانىن“، ”شينجياڭداعى جابىرلەنۋشىلەر ساندى مالىمەت قويماسىن“، ”ۇيعۇر وتپەلى مەزگىل ءادىليا ساندى مالىمەت قويماسىن“ جاساپ، ءبىر توپ ايتىلمىس ”كۋاگەرلەردىڭ ىسپاتتاماسىن“ وزدەرىنە بەيىمدەپ جيناپ، وتىرىكتى شىنداي سوعۋعا، شينجياڭدى داتتاۋعا، جۇرتتى الجاستىرۋعا ۇرىندى.
ساندىراقتارعا تويتارىس بەرۋ ءۇشىن، اقپار جاريالاۋ ءماجىلىسى شينجياڭعا ساياتىن ”ساندى مالىمەت قويماسى“ ىشىندەگى اۋىزعا الىنعان قاتىستى ادامداردىڭ شىنايى بەت - بەينەسىن ەگجەي - تەگجەيلى اشكەرەلەدى.
شينجياڭ ۇيعۇر اۆتونوميالى رايوندىق حالىق ۇكىمەتىنىڭ اقپارات مالىمدەمەشىسى شۇي گۇيشياڭ بىلاي دەپ تانىستىردى: مۇقيات زەرتتەپ انىقتاۋ ارقىلى جوعارىداعى ءۇش ”ساندى مالىمەت قويماسى“ جيىنى 12 مىڭ 50 ادامدى قامتىعان، 10 مىڭ 708 ادام انىقتالىپ، 1342 ادام قيسىنسىز ويدان شىعارىلعان. انىقتالعان 10 مىڭ 708 ادامنىڭ ىشىندە 6962 ادام قوعامدا قالىپتى تۇرمىس كەشىرگەن، 3244 ادامعا حاۋىپسىزدىككە قاتەر ءتوندىرۋ، زورلىقتى كۇش لاڭكەستىك قىلمىسى جانە باسقا قىلمىستىق ىستەر قىلمىسى سەبەبىنەن ۇكىم كەسىلگەن، 238 ادام اۋرۋ سياقتى سەبەپتەرمەن ولگەن، 264 ادام شەكارا سىرتىندا جۇرگەن. ايتىلمىس شينجياڭعا ساياتىن ”ساندى مالىمەت قويماسىنداعى“ كەيبىر ”كۋاگەرلەر“، ءىس جۇزىندە امەريكاداعى، باتىس جاقتاعى جۇڭگوعا قارسى كۇشتەر جالداعان، شەكارا سىرتىندا شينجياڭعا كۇيە جاعۋمەن كۇن كەشىرگەن ”ارتيستەر“. ولار ”بوسقىن“ سالاۋاتىن الداپ الۋ، ماتەريالدىق مۇددەگە قول جەتكىزۋ ءۇشىن، امەريكاداعى، باتىس جاقتاعى جۇڭگوعا قارسى كۇشتەردىڭ ”دويبى تاسى“ بولۋدى قالاپ، تالاي رەت وزدەرىنىڭ تاربيەلەۋ - باۋلۋ ورتالىعىنداعى ايتىلمىس ”تاۋقىمەتتەرىن“ ويدان قيىستىردى، ايتسە دە بۇل وسەك - اياڭدار قايتا - قايتا فاكتپەن تويتارىلدى.
تانىستىرۋعا قاراعاندا، ”شينجياڭ ساندى مالىمەت نىسانىن“ ”اۆستراليا ستراتەگيالىق ساياسات زەرتتەۋ ورنى“ قۇرعان؛ ”شينجياڭ جابىرلەنۋشىلەر ساندى مالىمەت قويماسىن“ امەريكالىق بين جي - ىن جۇڭگوعا قارسى ”مامان“ ۋاررەن بيلەر، ”شىعىس تۇركستان“ ەلەمەنتى تايىر يمىن سياقتى ادامدارمەن سىبايلاس بولىپ قۇرعان، امەريكا، اۆستراليا سياقتى مەملەكەتتەردىڭ قاتىستى جاقتارىنىڭ قارجىلاي كومەگى مەن قولداۋىنا يە بولعان؛ ”ۇيعۇر وتپەلى مەزگىل ءادىليا ساندى مالىمەت قويماسىن“ ”دۇنيە جۇزىلىك ۇيعۇرلار قۇرىلتايى“ قاراستىلىعىنداعى ”نورۆەگيا ۇيعۇرلار كوميتەتىنىڭ“ ءتوراعاسى ءباحتيار ءومار قۇرعان، امەريكا ”مەملەكەتتىك دەموكراتيالىق سيعا تارتۋ قورىنىڭ“ قارجىلاي كومەگى مەن قولداۋىنا يە بولعان. وسى ايتىلمىس شينجياڭعا ساياتىن ”ساندى مالىمەت قويمالارىن“ تۇگەلدەي حالىقاراداعى كەيبىر جۇڭگوعا قارسى ۇيىمدار، ادامدار نەمەسە ”شىعىس تۇركستان“ ەلەمەنتتەرى قۇرعاندىعىن، ونىڭ ۇستىنە استارىندا تۇگەلدەي امەريكاداعى، باتىس جاقتاعى جۇڭگوعا قارسى كۇشتەردىڭ كولەڭكەسى بار ەكەندىگىن بايقاۋ قيىن ەمەس.
شينجياڭ ۇيعۇر اۆتونوميالى رايوندىق قوعام حاۋىپسىزدىگى مەڭگەرمەسىنىڭ ورىنباسار باستىعى يالقۇن ياقۇپ جانە شينجياڭ ۇيعۇر اۆتونوميالى رايوندىق جوعارى حالىق سوتى مەكەمەسىنىڭ ورىنباسار باستىعى اكبار اكرام جۇڭگو، شەتەل اقپارات قۇرالدارىنا تانىستىرىپ، ايتىلمىس شينجياڭعا ساياتىن ”ساندى مالىمەت قويماسىندا“ قىرۋار ويدان شىعارىلعان، بۇرمالانعان، پايدالانىلعان ادامداردىڭ بار ەكەندىگىن ايتتى. تاعى كەيبىر ادامدار جۇڭگونىڭ زاڭىنا قايشى كەلگەندىكتەن، زاڭ بويىنشا جازاعا كەسىلگەن، مۇلدە ايتىلمىس ”جابىرلەنۋشىلەر“ ەمەس.
شۇي گۇيشياڭ مىنالاردى ءبىلدىردى: قىرۋار فاكتتىڭ دالەلدەۋىنشە، امەريكاداعى، باتىس جاقتاعى جۇڭگوعا قارسى كۇشتەر جاساعان ايتىلمىس شينجياڭعا ساياتىن ”ساندى مالىمەت قويماسى“ بارىپ تۇرعان ”جالعاندىق قويماسى“، ”وسەك - اياڭ قويماسى“، ”جالعان فاكت قويماسى“. شىلعي وتىرىكتى جاساپ، جالا جابۋعا تولى شابۋىل. الايدا، كەيبىر ەلدەردىڭ ۇكىمەت ساياسي الاياقتارى، ۇيىمدارى، اقپارات قۇرالدارى تابىلماس اسىلداي كورىپ وتىر، انىقتاماي، تالداماي، اق - قاراسىن ايىرماي، وسى ايتىلمىس ”زەرتتەۋ جەتىستىكتەرى“ مەن ”كۋاگەرلەردىڭ ىسپاتتاماسىنا“ كۇمانسىز سەنىپ، ءتىپتى شىمىرىكپەستەن كەيبىر ”ارتيستەردى“ سيلى قوناق ساناپ، ايتىلمىس سيلىقتارىن بەرىپ، ولارعا ”ادامدىق ۇقىق قورعاۋشىلارى“ بوياۋىن بەرۋدە ءارى وسىلارعا ساي شينجياڭعا ”ادامزاتقا قارسى قىلمىس“، ”ءناسىل جويۋ“ قالپاعىن كيگىزۋ دە بارىپ تۇرعان ناعىز سۋايتتىق!
اقپار جاريالاۋ ءماجىلىسى ۇستىندە تاعى شينجياڭنىڭ ادامدىق ۇقىعىنىڭ قازىرگى جاعدايى، ماقتا سياقتى ماسەلەلەر جونىندە جۇڭگو، شەتەل اقپارات قۇرالدارىنىڭ سۇراۋلارىنا جاۋاپ بەرىلدى.
كەلۋ قاينارى: «شينجياڭ گازەتى» - تيانشان تورى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
