لي كىچياڭ 2 – كەزەكتى دۇنيە جۇزىلىك جاسىل نىسانا سەرىكتەرىنىڭ 2030 – جىلعى باسشىلار ماجىلىسىنە قاتىناستى
2021.05.31 15:23 كەلۋ قاينارى : حالىق تورابى
«حالىق گازەتى»، 5 - ايدىڭ 30 - كۇنى، بەيجيڭ (ءتىلشى باي ياڭ). مەملەكەتتىك كەڭەستىڭ زۇڭليى لي كىچياڭ 5 - ايدىڭ 30 - كۇنى 2 – كەزەكتى دۇنيە جۇزىلىك جاسىل نىسانا سەرىكتەرىنىڭ 2030 – جىلعى باسشىلار ماجىلىسىنە بەينە ەكران فورماسىمەن قاتىناستى ءارى ءسوز سويلەدى.
لي كىچياڭ مىنانى ءبىلدىردى: قازىر جاڭا تيپتى ايدارشا ۆيرۋس وكپە قابىنۋ ىندەتى ءالى دە بۇكىل دۇنيە ءجۇزى كولەمىندە اسقىنۋدا، دۇنيە ءجۇزى ەكونوميكاسىنىڭ ورنىقسىزدىعى، تۇراقسىزدىعى ارتىپ، دۇنيە ءجۇزىنىڭ جاسىل جانە باياندى دامۋى اۋىر سايىسقا ءدوپ كەلۋدە. قيىنشىلىق پەن سوققى الدىندا حالىقارالىق قوعام ءبىر ـ بىرىنە قارايلاسىپ، تار جول، تايعاق كەشۋدەن بىرگە ءوتىپ، دامۋدى كوزدەۋ مەن جاسىل تيپكە بۇرىلىس جاساۋدىڭ ءبىر ـ بىرىنە قايشى كەلمەۋىن، ءبىرىن ـ ءبىرى جەبەۋىن قۇلشىنا جۇزەگە اسىرىپ، ساپانى، دارەجەنى جوعارىلاتۋدى ىلگەرىلەتۋى كەرەك.
لي كىچياڭ بىلاي دەپ اتاپ كورسەتتى: دۇنيە جۇزىندەگى ەڭ ءىرى دامۋ ۇستىندەگى ەل رەتىندە جۇڭگو وسى عاسىردىڭ ورتا شەنىندە وسىزامانداندىرۋدى جۇزەگە اسىرۋ، جۇڭگو حالقىن باقىتتى تۇرمىسقا كەنەلتۋ بارىسىندا تومەن كومىرتەكتى، جاسىل دامۋدى جۇزەگە اسىرادى، بۇل ادامزات تاريحىندا بۇرىن بولىپ كورمەگەن، قاجىرلى قۇلشىنىستار جاساعاندا عانا جۇزەگە اسادى. جۇڭگونىڭ مەملەكەت ءتوراعاسى شي جينپيڭ جۇڭگونىڭ 2030 ـ جىلدان بۇرىن كومىرتەگى قوس توتىعىن ىعىستىرۋدى جوعارى مانگە جەتكىزۋ، 2060 ـ جىلدان بۇرىن كومىرتەگىن بەيتاراپتاندىرۋ نىساناسىن جۇزەگە اسىرۋعا كۇش سالاتىنىن جاريالادى. جۇڭگو جاسىل، تومەن كومىرتەكتى اينالمالى ەكونوميكانى دامىتۋ جۇيەسىن ورناتىپ جانە كەمەلدەندىرىپ، ەكونوميكالىق، قوعامدىق دامۋدىڭ جاپپاي جاسىل تيپكە بۇرىلىس جاساۋىن جەبەيدى؛ كومىرتەگى قوس توتىعىنىڭ ىعىستىرىلۋىن ازايتۋدى ءتۇيىندى ستراتەگيالىق باعىت ەتىپ، لاستانۋدى ازايتىپ، كومىرتەگى قوس توتىعىنىڭ ىعىستىرىلۋىن ازايتۋدىڭ سايكەستى ونىمدىلىگىن ارتتىرۋدى ىلگەرىلەتەدى. جۇڭگو بيىل 10 - ايدا «ورگانيزمدەردىڭ الۋان تۇرلىلىگى شارتىنىڭ» 15 - رەتكى شارتتاسۋشى جاقتار جينالىسىن وتكىزەدى، حالىقارالىق قوعاممەن بىرگە دۇنيە جۇزىندەگى ورگانيزمدەردىڭ الۋان تۇرلىلىگىن جونگە سالۋدىڭ تىڭ ساتىعا كوتەرىلۋىن ىلگەرىلەتۋدى قالايمىز.
لي كىچياڭ مىناداي ءۇش ءتۇرلى ۇسىنىستى ورتاعا قويدى:
ءبىرىنشى، ىنتىماقتاسا سەلبەسىپ، بۇكىل دۇنيە جۇزىندەگى ىندەتكە قارسى اتتانۋ توسقاۋىل شايقاسىنىڭ جەڭىسىنە بىرگە قول جەتكىزۋ كەرەك. ىندەت اياقتالماسا، ءار ەلدىڭ دە الاڭسىز دامۋى قيىنعا سوعادى. ۆيرۋس سىندى وسى ءبىر ورتاق جاۋعا قاراتا ەشقانداي مەملەكەت ءوز الدىنا دەربەس ءومىر سۇرە المايدى. ىنتىماقتاسۋ، سەلبەسۋ − ىندەتتى جەڭۋدىڭ دۇرىس جولى. ءبىز ىندەتكە قارسى اتتانۋداعى حالىقارالىق سەلبەستىكتى كۇشەيتىپ، دۇنيە جۇزىلىك دەنساۋلىق ساقتاۋدى جونگە سالۋ جۇيەسىن اناعۇرلىم كەمەلدەندىرۋىمىز كەرەك. سونىمەن بىرگە، ساياساتتاردى سايكەستىرۋدى كۇشەيتىپ، «جىلدام ارنا»، «جاسىل ارنا» سياقتى يكەمدى فورمالارمەن دۇنيە جۇزىلىك كاسىپ تىزبەگى مەن قامداۋ تىزبەگىنىڭ حاۋىپسىزدىگىن، ورنىقتىلىعىن قامتاماسىز ەتۋ كەرەك.
ەكىنشى، وي جەلىسىندە بۇرىلىس جاساپ، جاسىل، تومەن كومىرتەكتى تيپكە بۇرىلىس جاساۋدى ىلگەرىلەتۋ كەرەك. ءار ەل ىندەتتەن كەيىنگى قايتا گۇلدەنۋ جولىندا لاستاۋى جوعارى، ىعىستىرۋى جوعارى كونە سۇردەككە قايتا ورالۋعا استە بولمايدى، ەكونوميكالىق دامۋ مەن ەكولوگيالىق ورتانى قورعاۋدا تەڭ يگىلىككە كەنەلۋدە تاباندى بولىپ، ۇتىمسىز ارتۋدىڭ قىزبالىعىن باتىل تەجەۋ كەرەك. ىندەتتەن تۋىنداعان جاڭا كاسىپ فورماتسياسىن مىقتى يگەرۋ، سيفرلاندىرۋ نەگىزىندە تيپتە بۇرىلىس جاساۋدى جەدەلدەتۋ، دامۋدىڭ جاڭا قوزعاۋشى كۇشىن قاۋلاتۋ سياقتى جاڭا ورايلاردى مىقتى يگەرىپ، ساپالى دامۋدى جۇزەگە اسىرۋدى ىلگەرىلەتۋ كەرەك.
ءۇشىنشى، وركەندەپ كەلە جاتقان ەلدەردىڭ ەرەكشە قيىنشىلىعىنا ءمان بەرۋ كەرەك. حالىقارالىق قوعام ورتاق، ءبىراق پارىقتى جاۋاپكەرلىك ارقالاۋ پرينسيبىندە تاباندى بولىپ، وركەندەپ كەلە جاتقان ەلدەردىڭ كوڭىل ءبولىپ وتىرعان ماسەلەلەرى مەن تالابىنا ايرىقشا ءمان بەرىپ، تەحنيكا، قارجى، قابىلەت جاعىنان قولداۋدى كۇشەيتىپ، ولاردىڭ جاسىل، تومەن كومىرتەكتى تيپكە بۇرىلىس جاساۋىنا كومەكتەسۋ كەرەك. دۇنيە جۇزىلىك ساۋدا ۇيىمىن ۇيىتقى ەتكەن كوپ جاقتى ساۋدا ەرەجەسى جۇيەسىن قورعاپ، جاڭا جاسىل ساۋدا قورعانىنان قىراعى بولىپ، سىڭار جاقتىلىق پەن ساۋدا قورعامپازدىعىنا قارسى تۇرۋ كەرەك.
لي كىچياڭ بىلاي دەپ دارىپتەدى: جاسىل ءتۇس بولاشاق دامۋدىڭ ءتۇسىن بەلگىلەيدى. جۇڭگو ءارقايسى جاقپەن بىرگە جاسىل قالپىنا كەلۋدى قول ۇستاسا ىلگەرىلەتىپ، ادامزاتتىڭ اناعۇرلىم كوركەم بولاشاعىن بىرگە جاراتۋدى قالايدى.
2 – كەزەكتى دۇنيە جۇزىلىك جاسىل نىسانا سەرىكتەرىنىڭ 2030 – جىلعى باسشىلار ءماجىلىسىن كورەيا باس بولىپ وتكىزدى، بەينە ەكران تاسىلىمەن وتكىزىلدى. 60 نەشە مەملەكەت پەن حالىقارالىق ۇيىمنىڭ باسشىلارى قاتىناستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
