التاي بۇكىل ەلدەگى ساياحاتشىلاردى «قوي باعۋعا» ۇسىنىس ەتتى
2021.09.15 14:23 كەلۋ قاينارى : حالىق تورابى
شينجياڭ گازەتىنىڭ 9 – ايدىڭ 14 – كۇنى بۋرىلتوعايدان بەرگەن حابارى. انار بۇلت \ شينجياڭ گازەتى ءتىلشىسى رىن جياڭ حابارلايدى. 9 – ايدىڭ 11 – كۇنى بۋرىلتوعاي اۋدانى كىتىڭارشا جايلاۋىندا مالشىلار اسقاقتاتا ءان شىرقاپ، بۇرالا بيگە باسىپ، بۇكىل ەلىمىزدەگى ساياحاتشىلاردى بۋرىلتوعايعا كەلىپ «قوي باعۋعا» شىن ىقىلاسپەن ۇسىنىس ەتىپ، «التايدا قويىم بار» اتىنداعى 2022 – جىلعى التايدا قوي باعۋ جوسپارىنىڭ شىمىلدىعىن اشتى.
بۇل قيمىل بۋرىلتوعاي اۋدانىندا كوكتەم مەن كۇز مەزگىلىندە وتكىزىلىپ، ساياحاتشىلار ءۇشىن «وتباسىلىق فەرما» دايىندايدى. ساياحاتشىلار قوزى ساتىپ الىپ، «ينتەرنەت ارقىلى» باعادى، بەينە كەسكىن ارقىلى قوزىنىڭ مارقايعان بارىسىن كورىپ وتىرادى؛ بۇدان سىرت، قوي ساتىپ العان سوڭ، التايداعى ساياحات – دەمالىس ورنىنا كەلىپ، قوي باعۋدى باستان كەشىرىپ كورۋىنە دە بولادى. قيمىل بارىسىندا «ويناقتاعان قوي» اتتى مال شارۋاشىلىعى ماركاسى جانە «التايدا قوي باعۋ جوسپارى» اتىنداعى ساياحات ماركاسى ورتاعا قويىلىپ، «مال شارۋاشىلىعى ارقىلى ساياحاتتى جەبەۋ»، «ساياحات ارقىلى مالشىلاردى اۋقاتتاندىرۋ» ىسكە اسىرىلادى.
قيمىلدى باستاۋ سالتىندا، شينجياڭ شىنبەي مالياڭ مادەنيەت تاراتۋ شەكتى سەرىكتەستىگى جانە بۋرىلتوعاي اۋدانى كوكاعاش اۋىلى شىباروي قىستاعى كوميتەتى، مالشىلار سىندى ءۇش جاق كەلىسىمشارتقا قول قويىپ، ۋاكىلدىك ساتۋ، ۋاكىلدىك باسقارۋ، ۋاكىلدىك باعۋ سىندى ءۇش جاق جاۋاپكەرشىلىگىن ايقىندادى، 2022 – جىلعى التاي قويىن باعۋ جوسپارىن قادامداس ىلگەرىلەتتى. شىباروي قىستاعىنىڭ ءبىرىنشى شۋجيى جىگەردىڭ تانىستىرۋىنشا، قىستاقتا 213 وتباسىندا 831 جان سانى بار، قازاق ۇلتى %99.6 ىن ۇستايدى، قىستاقتا ون مىڭ تۇياقتان استام قوي بار، تيپتىك ءداستۇرلى مال شارۋاشىلىعى قىستاعى. بۇدان بىلاي جايلاۋداعى بايلىق باسىمدىلىعى مەن S21 تاس جولىنىڭ بويىنا ورنالاسقان وڭىرلىك باسىمدىلىعىنان پايدالانىپ، S21 جەلىسىندەگى «قوي باعۋداعى ءبىرىنشى قىستاق» بولۋعا قۇلشىنادى، ساياحات ماركاسىن جاراتۋعا كۇش سالىپ، شارۋالاردىڭ ساياحاتتان تابىس تابۋىنا وراي جاراتادى.
التاي قويىن باعۋ جوسپارىن ورتاعا قويۋشىلاردىڭ ءبىرى، شينجياڭ شىنبەي مالياڭ مادەنيەت تاراتۋ شەكتى سەرىكتەستىگىنىڭ باس ديرەكتورى ما شۇي بىلاي دەپ تانىستىردى: بۇل قيمىل بارىسىندا «ويناقتاعان قويلار» اتتى ماركا شىعارىلدى، الداعى جەردە «ويقاستاعان سيىرلار» جانە «ۇشا الاتىن تاۋىقتار» اتتى ەرەكشەلىككە يە ماركالار شىعارىلادى.
قازىر التاي ايماعى «جازدا سايالاۋ، قىستا قاردى تاماشالاۋ، كوكتەم مەن كۇزدە كوشتى تاماشالاۋ؛ ەكى كول، ەكى وزەن، ءۇش جول؛ ءتورت ماۋسىمى التىنداي باعالى» دەگەن ساياحاتتىق اۋقىمدى جانە جاز ماۋسىمىنداعى «ءۇش وزەك پەن N اينالىم»، قىس ماۋسىمىنداعى «ءتورت ءوڭىر مەن ءبىر بەلدەۋ» سىندى ساياحات ونىمدەرى جۇيەسىن بەلسەندىلىكپەن قالىپتاستىرۋدا.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
