لي كىچياڭ مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشتى
وسى قىس پەن كەلەر كوكتەمدە ەلەكترمەن جانە كومىرمەن قامداۋدى ونان ارى ويداعىداي ىستەپ، بۇقارانىڭ نەگىزگى تۇرمىسى مەن ەكونوميكانىڭ ورنىقتى اينالىمىن قامتاماسىزداندىرۋ جونىندە ىشكەرىلەي ورنالاستىرۋ جاسادى؛ «جۇڭحۋا حالىق رەسپۋبليكاسىنىڭ حۋاڭحى وزەنىن قورعاۋ زاڭىن (جوبا)» ماقۇلدادى
2021.10.09 16:16 كەلۋ قاينارى : حالىق تورابى
شينحۋا اگەنتتىگى، 10 - ايدىڭ 8 - كۇنى، بەيجيڭ. مەملەكەتتىك كەڭەستىڭ زۇڭليى لي كىچياڭ 10 - ايدىڭ 8 - كۇنى مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشىپ، وسى قىس پەن كەلەر كوكتەمدە ەلەكترمەن جانە كومىرمەن قامداۋدى ونان ارى ويداعىداي ىستەپ، بۇقارانىڭ نەگىزگى تۇرمىسى مەن ەكونوميكانىڭ ورنىقتى اينالىمىن قامتاماسىزداندىرۋ جونىندە ىشكەرىلەي ورنالاستىرۋ جاسادى؛ «جۇڭحۋا حالىق رەسپۋبليكاسىنىڭ حۋاڭحى وزەنىن قورعاۋ زاڭىن (جوبا)» ماقۇلدادى.
ءماجىلىس بىلاي دەپ اتاپ كورسەتتى: بيىل جىل باسىنان بەرى حالىقارالىق بازاردا ەنەرگيا باعاسى قاۋىرت جوعارىلاپ، ەل ىشىندەگى ەلەكترمەن، كومىرمەن قامداۋ - قاجەتسىنۋ ۇزدىكسىز كۇشەيىپ، كوپ ءتۇرلى فاكتور تاياۋ مەزگىلدە كەيبىر جەرلەردە تيەكتى تارتىپ، ەلەكتردى شەكتەۋگە سەبەپشى بولىپ، قالىپتى ەكونوميكالىق اينالىم مەن تۇرعىنداردىڭ تۇرمىسىنا ىقپال جاسادى. قاتىستى جاقتار پارتيا ورتالىق كوميتەتىنىڭ، مەملەكەتتىك كەڭەستىڭ ورنالاستىرۋىنا ساي، ءبىرقىدىرۋ شارا قولدانىپ، ەنەرگيامەن قامداۋدىڭ قامتاماسىزداندىرىلۋىن كۇشەيتتى. وسى قىس پەن كەلەر كوكتەمدە ەلەكترمەن، كومىرمەن قامداۋ - قاجەتسىنۋ قىسىمى ءالى دە ءبىرشاما زور بولۋ جاعدايىنا مەڭزەس، ءماجىلىس مىنالاردى دارىپتەدى: ەنەرگيا حاۋىپسىزدىگىن قامتاماسىز ەتۋ، كاسىپ تىزبەگى مەن قامداۋ تىزبەگىنىڭ ورنىقتىلىعىن قامتاماسىز ەتۋ − «التىنى قامتاماسىز ەتۋدىڭ» ماڭىزدى مازمۇنى، كومىر، ەلەكتر، مۇناي، تابيعي گاز تاسىمالىن قامتاماسىز ەتۋ مەحانيزمىنىڭ رولىن ويداعىداي ساۋلەلەندىرىپ، بازارلاندىرۋ ءتاسىلى مەن رەفورما شارالارىنان ۇتىمدى پايدالانىپ، ەلەكتر جانە كومىر سياقتىلاردىڭ قامداۋىنا كەپىلدىك ەتۋ كەرەك. ءبىرىنشى، حالىق تۇرمىسىن الدىمەن ەسكەرۋدە تاباندى بولىپ، بۇقارانىڭ تۇرمىسىنا جانە قىسقى جىلۋمەن قامداۋعا ويداعىداي كەپىلدىك ەتىپ، توك تاراتىپ، جىلۋمەن قامداۋعا، اسىرەسە، شىعىس سولتۇستىك ءوڭىردىڭ قىستا كومىردەن، ەلەكتردەن پايدالانۋىنا كەپىلدىك ەتۋ كەرەك. حالىق تۇرمىسىنا پايدالانىلاتىن گازبەن قامداۋدى كۇشەيتىپ، «وڭتۇستىكتىڭ گازىن سولتۇستىككە جەتكىزۋ» ءىسىن دەر كەزىندە ۇيىمداستىرىپ، سولتۇستىك رايونداردىڭ گازبەن جىلىنۋ قۋاتىن ارتتىرۋ كەرەك. ەكىنشى، ءوندىرىس حاۋىپسىزدىگىن قامتاماسىز ەتۋ العى شارتىندا، ءونىمدى ارتتىرۋ كومەسكى كۇشى بار كومىر كەندەرىنىڭ ءوندىرىس قۋاتىن تەز ارادا ىسكە قوسۋىن ىلگەرىلەتىپ، تەكسەرىپ بەكىتىلگەن ءارى نەگىزىنەن سالىنىپ بولعان اشىق كومىر كەندەرىنىڭ وندىرىسكە قوسىلۋىن، ءوندىرىس نىساناسىن ورىنداۋىن جەدەلدەتىپ، ءوندىرىستى توقتاتىپ، رەتتەۋ – تۇزەتۋ جۇرگىزىلگەن كومىر كەندەرىنىڭ زاڭ - ەرەجە بويىنشا رەتتەۋ – تۇزەتۋ جۇرگىزۋىن، ءوندىرىستى ەرتەرەك قالپىنا كەلتىرۋىن جەبەۋ كەرەك. قاتىناس - تاسىمال تاراۋلارى كومىر تاسىمالىن الدىمەن قامتاماسىزداندىرىپ، وندىرىلگەن كومىردىڭ قاجەتتى جەرلەرگە دەر كەزىندە جەتكىزىلۋىنە كەپىلدىك ەتۋ كەرەك. ءۇشىنشى، كومىر ەلەكتر كاسىپورىندارىنىڭ ەلەكترمەن قامداۋدى ارتتىرۋىن قولداۋ كەرەك. كومىر ەلەكتر كاسىپورىندارىنىڭ قيىنشىلىعىن كوزدە ۇستاي وتىرىپ، سالىقتى كەشىكتىرىپ تاپسىرۋ كەزەڭدىك ساياساتىن اتقارىپ، فينانس قۇرىلىمدارىن كومىر ەلەكتر كاسىپورىندارىنىڭ كومىر ساتىپ الۋ سياقتى ۇيلەسىمدى قارجى قۇراۋ قاجەتىن قامتاماسىزداندىرۋعا جەتەكتەۋ جانە شابىتتاندىرۋ كەرەك. ءتورتىنشى، كومىر ەلەكتر باعاسىن بازارلاندىرىپ قالىپتاستىرۋ مەحانيزمىن رەفورمالاۋ جانە كەمەلدەندىرۋ كەرەك. كومىر جاعىپ توك شىعارۋ مولشەرىنىڭ بۇكىلدەي ەلەكتر بازارىنا كىرۋىن تارتىپپەن ىلگەرىلەتىپ، تۇرعىنداردىڭ، اۋىل شارۋاشىلىعىنىڭ، الەۋمەتتىك يگىلىك سيپاتتى ىستەردىڭ ەلەكتردەن پايدالانۋ باعاسىنىڭ ورنىقتىلىعىن ساقتاۋ العى شارتىندا، بازار ساۋداسىنداعى ەلەكتر باعاسىنىڭ جوعارى - تومەن تولقۋ كولەمىن جەكە - جەكە %10 تەن، %15 تەن اسىرماۋ، پرينسيپتىك جاقتان %20 تەن اسىرماۋ، سونداي - اق تۇرگە ءبولىپ رەتتەۋدى ويداعىداي ىستەۋ كەرەك، ەنەرگيانى كوپ سارىپ ەتەتىن سالالاردا بازار ساۋداسىنان باعا قالىپتاستىرۋعا بولادى، ولار %20 تىك شەكتەمەگە ۇشىرامايدى. جەرگىلىكتى ورىنداردىڭ شاعىن، ۇساق كاسىپورىندار مەن جەكەشە ونەركاسىپشىلەرگە، ساۋداگەرلەرگە قاراتا ەلەكتردەن پايدالانۋدا كەزەڭدىك جەڭىلدىك بەرۋ ساياساتىن اتقارۋىنا دەم بەرۋ كەرەك. بەسىنشى، ءشول، قۇمايت وڭىرلەردەگى ءىرى جەل ەلەكتر، فوتوۆولت بازاسى قۇرىلىسىن جەدەل ىلگەرىلەتىپ، شۇعىل جاعدايعا توتەپ بەرۋ زاپاسى جانە رەتتەمەلى ەلەكتر كوزى قۇرىلىسىن جەدەلدەتۋ كەرەك. كومىر، تابيعي گاز، مۇناي زاپاسى جانە ەنەرگيا ساقتاۋ قۋاتى قۇرىلىسىن بەلسەنە ىلگەرىلەتۋ كەرەك. التىنشى، «ەكىدە جوعارى (ەنەرگيا سارىپ ەتۋى جوعارى، لاس زاتتاردى شىعارۋ مولشەرى جوعارى)» نىسانداردى كوزسىزدىكپەن دامىتۋدى باتىل تەجەۋ كەرەك. جەرگىلىكتى ورىنداردىڭ ەنەرگيا قۇراۋىن ەكى جاقتان تىزگىندەۋ مەحانيزمىن كەمەلدەندىرىپ، تۋىندامالى ەنەرگيا تۇتىنۋىنىڭ بەلگىلى ۋاقىت ىشىندە ەنەرگيا تۇتىنۋىنىڭ جالپى مولشەرىنە ەنگىزىلمەۋىن ىلگەرىلەتۋ كەرەك. ءتۇيىندى سالالاردا ەنەرگيا ۇنەمدەپ، كومىرتەگىن ازايتۋدى ىلگەرىلەتىپ، كومىر سارىپ ەتەتىن نەگىزگى سالالاردا كومىردى ۇنەمدەپ پايدالانۋدى كۇش سالا ىلگەرىلەتۋ كەرەك. ءماجىلىس مىنالاردى تالاپ ەتتى: ءار جاقتىڭ ەنەرگيامەن قامتاماسىز ەتۋ جانە ءوندىرىس حاۋىپسىزدىگى جاۋاپكەرلىگىن ناقتىلاندىرۋ كەرەك. شىندىقتى ءىس جۇزىنەن ىزدەۋدە تاباندى بولىپ، ءبىر تۇتاس جوسپارلاپ، تەڭ ءمان بەرۋدى كۇشەيتۋ كەرەك. جەر - جەر قاراستى جەر باسقارۋ جاۋاپكەرلىگىن قاتاڭ تياناقتاندىرىپ، ەلەكتردەن ءتارتىپتى پايدالانۋدى ويداعىداي باسقارىپ، كەيبىر جەرلەردىڭ ءبىر شىبىقپەن ايداۋ ۇلگىسىندە ءوندىرىستى توقتاتۋىن، ءوندىرىستى شەكتەۋىن نەمەسە «قوزعالىس ۇلگىسىندە» كومىرتەگىن ازايتۋىن تۇزەتىپ، مىندەتىن وتەمەۋگە، الباتى ىستەۋگە قارسى تۇرۋ كەرەك. كومىر وندىرەتىن نەگىزگى ولكەلەر مەن ءتۇيىندى كومىر كاسىپورىندارى تالاپ بويىنشا ءونىمدى، قامداۋدى ارتتىرۋ مىندەتىن تياناقتاندىرۋ كەرەك. ورتالىقتىڭ ەلەكتر شىعارۋ كاسىپورىندارى قاراستى وت ەلەكتر اگراگاتتارىنىڭ تاراتىلۋىنا كەپىلدىك ەتۋ كەرەك. ەلەكتر تورابى كاسىپورىندارى ەلەكتر ەنەرگياسى اينالىسىن ورنالاستىرۋ مەن حاۋىپسىزدىك باسقارۋىن كۇشەيتۋ كەرەك. ەنەرگيامەن قامداۋ جاۋاپكەرلىگىن تياناقتاندىرماعانداردىڭ جاۋاپكەرلىگىن قاتاڭ قۋزاۋ كەرەك.
ءماجىلىسى «جۇڭحۋا حالىق رەسپۋبليكاسىنىڭ حۋاڭحى وزەنىن قورعاۋ زاڭىن (جوبا)» ماقۇلدادى. جوبادا ەكولوگيانى قورعاۋ جانە قالپىنا كەلتىرۋ، سۋ بايلىعىن ۇنەمدى، شوعىرلى پايدالانۋ، لاستانۋدان ساقتانۋ - جونگە سالۋ سياقتى تۇزىمدىك بەلگىلەمەلەر كورنەكتى كۇشەيتىلىپ، زاڭعا قايشى ارەكەتتەردىڭ زاڭدىق جاۋاپكەرلىگى قاتاڭ بەلگىلەندى. ءماجىلىس جوبانى مەملەكەتتىك حالىق قۇرىلتايى تۇراقتى كوميتەتىنىڭ قاراۋىنا ۇسىنۋدى ۇيعاردى.
ءماجىلىسى باسقا ىستەردى دە اقىلداستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
