پارتيانىڭ 100 جىلدىق كۇرەسىنىڭ تاريحي تاجىريبەلەرىن تەرەڭ تۇسىنەيىك
— پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋ جونىندە
«حالىق گازەتىنىڭ» شولۋشىسى
2021.11.15 16:39 كەلۋ قاينارى : حالىق تورابى
پارتيا تاريحى − ەڭ جاندى، ەڭ يلانىمدى وقۋلىق، پارتيامىز تاريحي تاجىريبەلەردى قورىتىندىلاۋعا ەجەلدەن باسا ءمان بەرىپ كەلەدى. پارتيا بىرتىندەپ العا باسۋدا، ەڭ ماڭىزدىسى، تاجىريبەلەردى ۇزدىكسىز قورىتىندىلاپ، قابىلەتتى جوعارىلاتىپ، حاۋىپ - قاتەرگە توتەپ بەرۋ، سىن - سايىستى قارسى الۋ، حاۋىپ - قاتەردى جويىپ، تىنىشتىق ورناتۋ قابىلەتى مەن ورەسىن ۇزدىكسىز جوعارىلاتۋ كەرەك.
100 جىلدان بەرى پارتيا حالىققا باسشىلىق ەتىپ، ۇلى كۇرەس جۇرگىزىپ، العا باسۋ بارىسىندا قامال الىپ، ساتسىزدىكتەردەن قايراتتانا العا ۇمتىلىپ، قورىتىندى بارىسىندا ءوزىن جوعارىلاتىپ، قاستەرلى تاريحي تاجىريبەلەر توپتادى. پارتيا 19 - كەزەكتى ورتالىق كوميتەتىنىڭ التىنشى جالپى ماجىلىسىندە قاراپ ماقۇلدانعان «ج ك پ ورتالىق كوميتەتىنىڭ پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرى جونىندەگى قارارىندا» ءتۇبىرلى جانە ۇزاق بولاشاقتىق جەتەكشىلىك مانگە يە 10 تارماقتى تاريحي تاجىريبە جيناقتالعان: پارتيا باسشىلىعىندا تاباندى بولۋ، حالىقتى بارىنەن جوعارى قويۋدا تاباندى بولۋ، نازاريادا جاڭالىق اشۋدا تاباندى بولۋ، دەربەس، وزىنە - ءوزى قوجايىن بولۋدا تاباندى بولۋ، جۇڭگو جولىندا تاباندى بولۋ، كۇللى دۇنيەگە كەڭ پەيىل بولۋدا تاباندى بولۋ، تىڭنان جاڭالىق اشۋدا تاباندى بولۋ، باتىل كۇرەس جۇرگىزۋدە تاباندى بولۋ، بىرلىكساپتا تاباندى بولۋ، وزىنە - ءوزى توڭكەرىس جاساۋدا تاباندى بولۋ. وسى 10 تاريحي تاجىريبە جۇيەسى كەمەلدى، ءوزارا توعىسقان ورگانيكالى تۇتاس تۇلعا بولىپ، پارتيا مەن حالىق ىستەرىنىڭ ۇزدىكسىز تابىسقا جەتۋىنىڭ ءتۇبىرلى كەپىلدىگىن، پارتيانىڭ باستان - اياق جەڭىلمەس ورىندا تۇرۋىنىڭ كۇش قاينارىن، پارتيانىڭ باستان - اياق تاريحي ىرىقتىلىقتى يگەرۋىنىڭ ءتۇبىرلى سەبەبىن، پارتيانىڭ العاباسارلىعى مەن كىرشىكسىزدىگىن ماڭگى ساقتاۋىنىڭ، باستان - اياق ءداۋىردىڭ الدىڭعى لەگىندە ءجۇرۋىنىڭ ءتۇبىرلى جولىن ىشكەرىلەي اشىپ كورسەتتى، كەلەلى تاريحي مانگە جانە رەال جەتەكشىلىك مانگە يە.
پارتيانىڭ تاجىريبەسى پارتيامىزدىڭ جاپا - ماشاقاتتى باستان كەشىرۋ، بوران - شاشىندى باستان كەشىرۋ سىندى ۇزاق ۋاقىتتىق ىزدەنىسى بارىسىندا جيناقتالعان، وندا جەڭىس پەن جەڭىلىس جانە پايدا - زيان قامتىلعان، ىستىق قان مەن ماڭداي تەر سىڭگەن، اقىل - پاراسات پەن باتىلدىققا تولى. تاريح پەن رەالدىق مىنانى تولىق بەينەلەدى: جۇڭگو كوممۋنيستىك پارتياسى − ءبىزدىڭ ىسىمىزگە باسشىلىق ەتەتىن ۇيىتقى كۇش، جۇڭگو حالقى مەن جۇڭحۋا ۇلتىنىڭ تاياۋ زامانعا وتكەننەن كەيىن تاريحي تاعدىرىن وزگەرتىپ، بۇگىنگى ۇلى تابىستارعا قول جەتكىزۋىندەگى ەڭ ءتۇبىرلى سەبەپ جۇڭگو كوممۋنيستىك پارتياسىنىڭ پارمەندى باسشىلىعى بولعانىندا؛ پارتيانىڭ نەگىزى حالىقتا، قان تامىرى حالىقتا، كۇش - قۋاتى حالىقتا، حالىق — پارتيانىڭ بيلىك جۇرگىزىپ، ەلدى كوركەيتۋدەگى ەڭ ۇلكەن تىرەگى؛ ماركسيزم — ءبىزدىڭ پارتيا جانە مەملەكەت قۇرۋداعى، پارتيانى گۇلدەندىرۋدەگى ءتۇبىرلى جەتەكشى يدەيامىز، ماركسيزم نازارياسى دوگما ەمەس، قايتا ارەكەت باعدارناماسى، امالياتتىڭ دامۋىنا ىلەسە دامىپ وتىرۋى كەرەك، جۇڭگوشالانعاندا عانا تامىر تارتادى، جەرگىلىكتەنگەندە عانا جۇرت جۇرەگىنە تەرەڭ ۇيالايدى؛ دەربەس، ءوز - وزىنە قوجا بولۋ − جۇڭحۋا ۇلتى رۋحىنىڭ جانى، ءبىزدىڭ پارتيا قۇرۋداعى، مەملەكەت قۇرۋداعى ماڭىزدى پرينسيبىمىز، ءوز جولىمىزبەن ءجۇرۋ − پارتيانىڭ 100 جىلدىق كۇرەسىنەن شىققان تاريحي قورىتىندى؛ باعىت جولدى بەلگىلەيدى، جول تاعدىردى بەلگىلەيدى، پارتيا 100 جىلدىق كۇرەس بارىسىندا ەلىمىزدىڭ مەملەكەت جاعدايىن شىعار ءتۇيىن ەتۋدە باستان - اياق تاباندى بولدى، جۇڭگونىڭ امالياتىنا سايكەس كەلەتىن دۇرىس جول قاراستىردى جانە قالىپتاستىردى، جۇڭگوشا سوتسياليزم جولى − حالىقتىڭ تاماشا تۇرمىسىن جاراتىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ داڭعىل جولى؛ داڭعىل جولمەن جۇرگەندە الەمگە ادىلەت ورناتۋعا بولادى، پارتيا باستان - اياق ادامزاتتىڭ بولاشاق تاعدىرىنا دۇنيە جۇزىلىك كوز ايامەن نازار اۋدارىپ كەلەدى، ادامزات دامۋىنىڭ ۇلى اعىسىنان، دۇنيە ءجۇزى وزگەرىسىنىڭ جالپى جاعدايىنان، جۇڭگونىڭ دامۋ ۇلى تاريحىنان سىرتقى دۇنيەمەن بولعان قاتىناستى دۇرىس تانۋ جانە ءبىر جاقتى ەتۋ كەرەك، تاريحتىڭ دۇرىس جاعىندا تۇرىپ، ادامزاتتىڭ العا باسۋ جاعىندا تۇرۋ؛ ۇلى ءىس بولعان سايىن، تار جول، تايعاق كەشۋلەرگە تولى بولعان سايىن، قاجىرلىلىقپەن كۇرەس جۇرگىزۋ قاجەت بولعان سايىن، ءورىس اشا جاڭالىق جاراتۋ ءتىپتى دە قاجەت، پارتيا حالىققا باسشىلىق ەتىپ، نازاريادا، امالياتتا، تۇزىمدە، مادەنيەتتە، سونداي - اق باسقا جاقتاردا جاڭالىق اشۋدى ۇزدىكسىز ىلگەرىلەتتى، جۇرت الدىنا جۇرەكتىلىكپەن شىعىپ، الدىڭعىلار باسپاعان جولىمەن ءجۇردى؛ كۇرەس جاساۋعا، جەڭىسكە جەتۋگە باتىل بولۋ − پارتيا مەن حالىقتىڭ جەڭىلمەس قۇدىرەتتى رۋحاني كۇشى، پارتيا مەن حالىقتىڭ قول جەتكىزگەن بارلىق تابىستارى اسپاننان تۇسكەن جوق، باسقالار سيلاعان ەمەس، قايتا ۇزدىكسىز كۇرەس جۇرگىزۋ ارقىلى قولعا كەلگەن؛ ىنتىماق دەگەنىمىز كۇش، ەڭ كەڭ كولەمدى بىرلىكساپ قۇرۋ − پارتيانىڭ جاۋدى جەڭىپ، جەڭىسكە جەتۋىندەگى ماڭىزدى اسىل ءارى پارتيانىڭ بيلىك جۇرگىزىپ، مەملەكەتتى گۇلدەندىرۋدەگى ماڭىزدى اسىلى؛ وزىنە توڭكەرىس جاساۋعا باتىل بولۋ − جۇڭگو كوممۋنيستىك پارتياسىنىڭ باسقا پارتيالاردان پارىقتالاتىن كورنەكتى بەلگىسى، وزىنە توڭكەرىس جاساۋ رۋحى − پارتيانىڭ جاستىق كوكتەمنىڭ ومىرشەڭدىك كۇشىن ماڭگى ساقتاۋىنىڭ قۇدىرەتتى تىرەگى. «قاراردا» ەگجەي - تەگجەيلى جيناقتالعان 10 تاريحي تاجىريبە — ۇزاق ۋاقىتتىق اماليات بارىسىندا جيناقتالعان باعالى تاجىريبە، پارتيا مەن حالىق بىرگە جاراتقان رۋحاني بايلىق، ونى، ءسوز جوق، بارىنشا قاستەرلەپ، وندا ۇزاق ۋاقىت تاباندى بولۋ، سونداي - اق جاڭا ءداۋىر امالياتى بارىسىندا ۇزدىكسىز بايىتۋ جانە دامىتۋ كەرەك.
وتكەندەگى كۇرەس جولىنا قايىرىلا قاراپ، الدىڭعى شەپتىڭ ەكپىندەي ىلگەرىلەۋ جولىنا كوز سالعاندا، ءبىز، ءسوز جوق، پارتيانىڭ تاريحىن ويداعىداي ۇيرەنۋىمىز، ويداعىداي قورىتىندىلاۋىمىز، پارتيانىڭ تابىستى تاجىريبەلەرىن ويداعىداي جالعاستىرۋىمىز، ويداعىداي ساۋلەلەندىرۋىمىز كەرەك. العا باسۋ جولىندا، ءبىز تەك پارتيانىڭ جالپى بەتتىك باسشىلىعىندا بۇلجىماي تاباندى بولساق، پارتيانىڭ ۇيتقىسى مەن پارتيا ورتالىق كوميتەتىنىڭ بەدەلىن باتىل قورعاپ، پارتيانىڭ باسشىلىق ساياسي ابزالدىعىن تولىق ساۋلەلەندىرىپ، پارتيانىڭ باسشىلىعىن پارتيا مەن مەملەكەت ىستەرىنىڭ ءار سالاسىندا، ءار جاعىندا، ءار بۋىنىندا تياناقتاندىرساق، بۇكىل پارتيانىڭ، بۇكىل ارميانىڭ، بۇكىل ەلدەگى ءار ۇلت حالقىنىڭ ىنتىماقتاسا العا باسۋىنا، ءسوز جوق، كەپىلدىك ەتە الامىز؛ ءبىز بۇكىل ىنتا - پەيىلىمىزبەن حالىق ءۇشىن قىزمەت ىستەۋ ءتۇبىرلى ماقساتىندا باستان - اياق تاباندى بولساق، پارتيانىڭ بۇقارالىق لۋشيانىندا تاباندى بولىپ، بيلىك — حالىق، حالىق — بيلىك ەكەنىن قاشان دا ەستە بەرىك ساقتاپ، بارلىق ىستە حالىق ءۇشىن ىستەۋدە، بارلىق ىستە حالىققا سۇيەنۋدە تاباندى بولساق، حالىق ءۇشىن بيلىك جۇرگىزۋدە، حالىققا سۇيەنىپ بيلىك جۇرگىزۋدە تاباندى بولساق، حالىق ءۇشىن دامۋدا، دامۋدا حالىققا سۇيەنۋدە، دامۋ جەتىستىكتەرىنەن حالىقتى بىرگە يگىلىكتەندىرۋدە تاباندى بولساق، جالپى حالىقتى بىرگە اۋقاتتاندىرۋ جولىمەن بۇلجىماستان جۇرسەك بولعانى، حالىققا باسشىلىق ەتىپ، جۇڭگوشا سوتسياليزمنىڭ تىڭ دا اناعۇرلىم زور جەڭىسىنە قول جەتكىزە الامىز، جۇڭگو كوممۋنيستىك پارتياسىن جۇڭگو حالقىنان ءبولۋ، جۇڭگو حالقىنا قاراما - قارسى قويۋ نيەتى ماڭگى ىسكە اسپايدى؛ ءبىز جاڭا امالياتپەن ۇشتاستىرا وتىرىپ نازاريادا جاڭالىق جاراتۋدى ۇزدىكسىز ىلگەرىلەتىپ، جاڭا نازاريا ارقىلى جاڭا امالياتقا جەتەكشىلىك ەتۋگە شەبەر بولساق بولعانى، ماركسيزمنىڭ جۇڭگونىڭ بايتاق دالاسىندا اناعۇرلىم قۇدىرەتتى، اناعۇرلىم يلانىمدى اقيقات كۇشىن، ءسوز جوق، ايگىلەۋىنە مۇمكىندىك جاساي الامىز؛ ءبىز دەربەس، ءوز - وزىنە قوجا بولۋدا، ءوز كۇشىنە سۇيەنىپ ءومىر سۇرۋدە تاباندى بولىپ، ءارى شەتەلدىڭ پايدالى تاجىريبەلەرىن كىشپەيىلدىكپەن ۇيرەنىپ، ۇلگى الىپ، ءارى ۇلتتىق ار - نامىس پەن سەنىمدى بەكەمدەپ، بۇرىسقا سەنبەسەك، قىسىمنان قورىقپاساق، جۇڭگونىڭ دامۋ، العا باسۋ تاعدىرىن، ءسوز جوق، باستان - اياق ءوز قولىمىزدا بەرىك ۇستاي الامىز؛ ءبىز تۇيىق، قاتىپ - سەمگەن كونە سۇردەكپەن جۇرمەسەك، باعداردان اداسقان تەرىس جولمەن دە جۇرمەسەك، جۇڭگوشا سوتسياليزم جولىمەن اۋىتقىماي جۇرسەك، ەلىمىزدى، ءسوز جوق، باي، قۇدىرەتتى، دەموكراتيالى، وركەنيەتتى، جاراسىمدى، كورىكتى سوتسياليستىك وسىزاماندانعان قۇدىرەتتى ەل ەتىپ قۇرىپ شىعا الامىز؛ بەيبىت دامۋ جولىندا تاباندى بولساق، ءارى دۇنيە ءجۇزىنىڭ بەيبىتشىلىگىن قورعاۋ ارقىلى ءوزىمىزدى دامىتساق، ءارى وزىندىك دامۋ ارقىلى دۇنيە ءجۇزى بەيبىتشىلىگىن قورعاساق، دۇنيە جۇزىندەگى بارلىق العاباسار كۇشتەرمەن قول ۇستاسا العا باسساق، باسقالارعا يەك سۇيەمەسەك، باسقالاردى تالان - تاراجىلاماساق، ماڭگى زورەكەر بولماساق، ادامزات وركەنيەتىنىڭ العا باسۋىنا، ءسوز جوق، ۇزدىكسىز اقىل - پاراسات پەن كۇش - قۋات ارناي الامىز، دۇنيە جۇزىندەگى ءار ەل حالقىمەن بىرگە تاريح تەگەرشىگىنىڭ نۇرلى بولاشاققا قاراي العا باسۋىن ىلگەرىلەتە الامىز؛ ءبىز ءداۋىر اعىمىنا بويسۇنساق، حالىقتىڭ تالابىنا جاۋاپ قايتارىپ، رەفورمانى باتىلدىقپەن ىلگەرىلەتىپ، وزگەرىستى دۇرىس تانىپ، وزگەرىسكە عىلمي توتەپ بەرۋ، ىرىقتىلىقپەن وزگەرىسكە ۇمتىلساق، قاتىپ - سەمۋدەن، توقىراۋدان ماڭگى اۋلاق بولساق، ءسوز جوق، ادامدى تاڭ قالدىراتىن ءتىپتى دە كوپ كەرەمەتتەردى جاراتا الامىز؛ ءبىز جاڭا ۇلى كۇرەستىڭ تاريحي ەرەكشەلىگىن يگەرسەك، تاريحي ورايدى مىقتى يگەرسەك جانە ودان ويداعىداي پايدالانساق، دويبىنىڭ الدىعڭى تاسىن جاقسى ءجۇرىپ، ىرىقتى شايقاس جۇرگىزسەك، كۇرەس رۋحىن ساۋلەلەندىرىپ، كۇرەس قابىلەتىن كۇشەيتىپ، بۇكىل پارتيانىڭ، بۇكىل ەل حالقىنىڭ ەركى مەن كۇش - قۋاتىن ۇيىستىرساق، بولجاۋعا بولاتىن جانە بولجاۋعا بولمايتىن بارلىق حاۋىپ - قاتەر مەن سىن - سايىستى ءسوزسىز جەڭە الامىز؛ ءبىز ۇلتتاردىڭ ۇلى ىنتىماعىن، بۇكىل ەل حالقىنىڭ ۇلى ىنتىماعىن، بارلىق جۇڭحۋا ۇلاندارىنىڭ ۇلى ىنتىماعىن ۇزدىكسىز بەكەمدەسەك جانە دامىتساق، جۇڭحۋا ۇلتى ورتاق تۇلعا تانىمىن بەرىك ورناتىپ، ەل ءىشى - سىرتىنداعى بارلىق جۇڭحۋا ۇلاندارى ءبىر باعىتتا ويلايتىن، ءبىر باعىتتا كۇش سالاتىن جالىندى جاعداي قالىپتاستىرساق، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ قۇدىرەتتى كۇشىن، ءسوز جوق، ۇيىستىرا الامىز؛ ءبىز پارتيانىڭ العاباسارلىعى مەن كىرشىكسىزدىگىنە زيان جەتكىزەتىن بارلىق فاكتوردى ۇزدىكسىز الاستاساق، پارتيانىڭ اقاۋسىز تۇلعاسىن بۇلدىرەتىن بارلىق ۆيرۋستى ۇزدىكسىز الاستاساق، پارتيانىڭ ساپاسىنىڭ وزگەرمەۋىنە، سيپاتىنىڭ وزگەرمەۋىنە، قاسيەتىنىڭ وزگەرمەۋىنە شىنايى كەپىلدىك ەتىپ، پارتيانىڭ جاڭا داۋىردە جۇڭگوشا سوتسياليزمدە تاباندى بولۋ جانە ونى دامىتۋ تاريحي بارىسىندا باستان - اياق پارمەندى باسشىلىق ۇيىتقى بولۋىنا شىنايى كەپىلدىك ەتە الامىز.
ماڭگىلىك ۇلى ءىستى مۇرات ەتۋدە ءجۇز جىل بەتاشار عانا. جاڭا ۇلى جورىقتا شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، پارتيانىڭ 100 جىلدىق كۇرەسىنىڭ تاريحي تاجىريبەلەرىن تەرەڭ ءتۇسىنىپ، العا باسۋ اقىل - پاراساتى مەن كۇش - قۋاتىن ۇزدىكسىز قابىلداپ، قايسارلىقپەن كۇرەس جۇرگىزىپ، قاجىماي - تالماي كۇرەس جۇرگىزسەك، ءبىز، ءسوز جوق، بارلىق قيىندىقتى جەڭىپ، جاڭا ايبىندى داستان جازىپ، تىڭ دا اناعۇرلىم زور كەرەمەتتەر جاراتا الامىز!
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
