ج ك پ ورتالىق كوميتەتى كەڭسەسى، مەملەكەتتىك كەڭەس كەڭسەسى «2022 – جىلعى جاڭا جىل، كوكتەم مەرەكەسى مەزگىلىندەگى قاتىستى قىزمەتتەردى جاقسى ىستەۋ جونىندەگى ۇقتىرۋدى» باسىپ تاراتتى
2021.12.24 15:38 كەلۋ قاينارى : حالىق تورابى
شينحۋا اگەنتتىگى، 12 - ايدىڭ 23 - كۇنى، بەيجيڭ. ج ك پ ورتالىق كوميتەتى كەڭسەسى، مەملەكەتتىك كەڭەس كەڭسەسى تاياۋدا «2022 - جىلعى جاڭا جىل، كوكتەم مەرەكەسى كەزىندەگى قاتىستى قىزمەتتەردى ويداعىداي ىستەۋ جونىندەگى ۇقتىرۋدى» باسىپ تاراتتى. تولىق ءماتىنى تومەندەگىدەي:
2022 - جىل − ەلىمىز جاپپاي سوتسياليستىك وسىزاماندانعان مەملەكەت قۇرۋعا، ەكىنشى 100 جىلدىق كۇرەس نىساناسىنىڭ جاڭا ساپارىنا قادام تاستاۋداعى ماڭىزدى جىل، جىل باسىندا بەيجيڭ قىسقى وليمپياداسىن، مۇگەدەكتەر وليمپياداسىن وتكىزەمىز، جاڭا جىل، كوكتەم مەرەكەسى كەزىندەگى ءتۇرلى قىزمەتتەردى ويداعىداي ىستەۋ توتەنشە ماڭىزدى. جەر - جەر، تاراۋلار شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتىنىڭ ءار رەتكى جالپى ءماجىلىسىنىڭ رۋحىن جاپپاي دايەكتىلەندىرىپ، ىندەتتەن ساقتانۋ - تىزگىندەۋ العى شارتىندا، مەرەكە كەزىندەگى ءتۇرلى قىزمەتتەردى ءبىر تۇتاس جوسپارلاپ، ويداعىداي ىستەپ، حالىق بۇقاراسىنىڭ مەرەكەنى شات - شادىمان وتكىزۋىنە كەپىلدىك ەتۋى كەرەك. پارتيا ورتالىق كوميتەتىنىڭ، مەملەكەتتىك كەڭەستىڭ ماقۇلداۋىمەن قاتىستى ىستەر جونىندە مىناداي ۇقتىرۋ شىعاردىق.
1. ىندەتتەن ساقتانۋ - تىزگىندەۋ قىزمەتىن تيتتەي دە بوساڭسىتپاي ويداعىداي ىستەپ، ىندەتتىڭ قايتا ورشۋىنەن باتىل ساقتانۋ كەرەك. « سىرتتان كىرۋدەن ساقتانۋدا، ىشتە قايتا بەلەڭ بەرۋدەن ساقتانۋدا» تاباندى بولىپ، ۇنەمىلىك، دالمە - ءدال ساقتانۋ - تىزگىندەۋ مەن ءىشىنارالىق شۇعىل جاعدايعا توتەپ بەرۋدى، ءبىر جاقتى ەتۋدى ۇشتاستىرۋدا تاباندى بولىپ، «ەكى مەرەكە» كەزىندە ادامداردىڭ اعىلۋى مەن شوعىرلانۋىن ازايتۋ كەرەك. شەكارا وتكەلى قالالارىنىڭ ىندەتتەن ساقتانۋ - تىزگىندەۋىن كۇشەيتىپ، ادام، زات، ورتا جاقتارىنداعى سەلبەسىپ ساقتانۋ جانە كەمەجاي وتكەلدەرىن ءبولىپ ورنالاستىرۋ شارالارىن قاتاڭ تياناقتاندىرىپ، سۋىق تىزبەك بويىنشا يمپورت ەتىلەتىن ازىق - تۇلىك بازارىن باقىلاۋ - باسقارۋدى كۇشەيتىپ، شەكارا سىرتىنداعى ىندەتتىڭ كىرۋىنەن قاتاڭ ساقتانۋ كەرەك. ىندەتتى باقىلاۋ - تەكسەرۋدى، ساقتاندىرۋدى كۇشەيتىپ، ساياحات، اس - سۋ، باقشا كورىنىس رايونى، ساۋدا سارايلارى، ەرەن بازار سياقتى ءتۇيىندى بۋىندار مەن ورىنداردا ىندەتتەن ساقتانۋدى - تىزگىندەۋدى كۇشەيتۋ كەرەك. الدىن الا تەكسەرۋ، ءبولىپ دياگنوز قويۋ جانە العاشقى دياگنوز قويۋ جاۋاپكەرلىك ءتۇزىمىن تياناقتاندىرىپ، قىزعان ناۋقاستاردىڭ جابىق باسقارۋدى قاتايتىپ، ەمدەۋ، قۇتقارۋ، قىزمەت وتەۋدى كۇشەيتۋ كەرەك. بۇقارانى ءوز سالاماتتىعىنداعى ءبىرىنشى جاۋاپتى ادام بولۋ تانىمىن كۇشەيتۋگە، از شوعىرلانۋعا، ۇدايى قول جۋۋ، ماسكى تاعۋ، ورتاق ساقپى ىستەتۋ سياقتى تازالىق ادەتتەرىن بۇلجىماستان ورىنداۋعا، جەكە قورعانۋدى جاقسى ىستەۋگە باستاۋ كەرەك.
ەكىنشى، ەڭ تومەنگى شەكتەن تۇسىرمەي قامتاماسىزداندىرۋ تەبىنىن ارتتىرىپ، قيىنشىلىعى بار بۇقاراعا شىنايى قامقورلىق جاساۋ كەرەك. نەگىزگى زەينەتاقى مەن جۇمىسسىزداردى قامسىزداندىرۋ قاراجاتىن ۋاعىندا تولىق تاراتىپ، ءتۇرلى قوعامدىق قۇتقارۋ ساياساتتارىن مۇقيات تياناقتاندىرىپ، قيىنشىلىعى بار بۇقارانىڭ نەگىزگى تۇرمىسىن قامتاماسىزداندىرىپ، حالىق تۇرمىسىنىڭ تومەنگى شەگىن باتىل بەكەمدەۋ كەرەك. قوعامدىق قۇتقارۋ جانە قامتاماسىزداندىرۋ ولشەمىن زات باعاسىنىڭ جوعارىلاۋىمەن بايلانىستىرۋ مەحانيزمىن اتقارۋ قىزمەتىن ويداعىداي ۇيىمداستىرۋ كەرەك. «كومىردىڭ ورنىنا گاز ىستەتۋ»، «كومىردىڭ ورنىنا ەلەكتر پايدالانۋ» قوسىمشا قاراجاتىن دەر كەزىندە تياناقتاندىرىپ، قيىنشىلىعى بار قاۋىمعا جىلۋمەن قامداۋ جاردەماقىسىن بەرۋ تەبىنىن ارتتىرىپ، بۇقارانىڭ قىستان قىمتىرىلماي وتۋىنە شىنايى كەپىلدىك ەتۋ كەرەك. ەڭ تومەنگى تۇرمىسى قامتاماسىز ەتىلەتىندەر، ەرەكشە قيىنشىلىعى بارلار، سالماقتى اۋرۋعا شالدىققاندار، اۋىر دارەجەدەگى مۇگەدەكتەر، سەرگەلدەڭ قايىرشىلار، ۇيدە قالعان بالالار قاتالرى قيىنشىلىعى بار بۇقاراعا قاراتىلعان كومەكتەسۋ - سۇيەمەلدەۋدى كۇشەيتىپ، كەدەيلىكتەن ارىلۋى ورنىقتى بولماعان حالىق سانىن، توسىن تۋىلعان ىستەردەن اۋىر قيىنشىلىققا تاپ بولعان وتباسىلاردى باقىلاۋ - تەكسەرۋدى، سۇيەمەلدەۋدى كۇشەيتىپ، اپاتقا ۇشىراعان بۇقاراعا دەر كەزىندە اپاتتان قۇتقارۋ قارجىسىن، زاتتارىن جانە قىس پەن كوكتەمدەگى تۇرمىس كومەگىن تاراتىپ، ولارعا پارتيا مەن ۇكىمەتتىڭ مەيىرىن سەزىندىرۋ كەرەك. قىس ماۋسىمىندا ارناۋلى قيمىل ورىستەتىپ، شارۋا جۇمىسكەرلەردىڭ ەڭبەكاقىسىن كەشەۋىلدەتۋ جاعىنداعى جونگە سالۋ تەبىنىن ارتتىرىپ، شارۋا جۇمىسكەرلەردىڭ زاڭدى ۇقىق - مۇددەسىن شىنايى قورعاۋ كەرەك.
ءۇشىنشى، بازاردى قامداۋدى، باعانى ورنىقتىرۋدى كۇشەيتىپ، بۇقارانىڭ مەرەكە كەزىندەگى تۇتىنۋ قاجەتىن قاناعاتتاندىرۋ كەرەك. كومىر، ەلەكتر، مۇناي، تابيعي گاز تاسىمالىن قامتاماسىز ەتۋدى، قامداۋدى ءبىر تۇتاس جوسپارلاپ، ويداعىداي ورنالاستىرىپ، كومىرمەن، اسىرەسە، ەلەكترمەن، كومىرمەن قامداۋدى شىن مانىندە ارتتىرىپ، ەلەكترمەن قامداۋ، قامتاماسىز ەتۋ قابىلەتىن ايتارلىقتاي جوعارىلاتىپ، وڭدەلگەن مۇنايدى ءوندىرۋ مەن قامداۋدى ورنىقتى ارتتىرىپ، سولتۇستىك رايونداردىڭ جىلۋمەن قامداۋىنا كەپىلدىك ەتۋ كەرەك. استىق حاۋىپسىزدىگىنە پارتيا مەن ۇكىمەت بىردەي جاۋاپتى بولۋ جانە كوجە - قاتىققا قالا باستىعى جاۋاپتى بولۋ ءتۇزىمىن جاپپاي تياناقتاندىرىپ، بازار اينالىمىن باقىلاۋدى كۇشەيتىپ، استىق، ماي، ەت، جۇمىرتقا، ءسۇت، جەمىس - جيدەك، كوكونىس سياقتى حالىق تۇرمىسىنا قاتىستى ماڭىزدى تاۋارلارمەن قامداۋدى قامتاماسىز ەتۋ، باعانى ورنىقتىرۋ قىزمەتىن شىن مانىندە ويداعىداي ىستەپ، تۇرمىسقا قاجەتتى بۇيىمدارمەن قامداۋدىڭ ۇزىلمەۋىنە، ساتىلماي قالماۋىنا كەپىلدىك ەتۋ كەرەك. مەرەكەلىك بازار ۇسىنىلىمىن مولايتىپ، حالىق بۇقاراسىنىڭ الۋان ءتۇرلى تۇتىنۋ قاجەتىن قاناعاتتاندىرۋ كەرەك. ازىق - تۇلىك حاۋىپسىزدىگىندەگى «تورتتە قاتاڭ بولۋ» تالابىن قاتاڭ تياناقتاندىرىپ، اس - سۋ حاۋىپسىزدىگىن قامتاماسىز ەتۋ كەرەك. مەرەكەدەگى ءتۇيىندى تۇتىنۋ بۇيىمدارىنىڭ ساپاسىن باقىلاۋ - باسقارۋدى جانە باعاسىن باقىلاۋ - باسقارۋدى كۇشەيتىپ، تۇتىنۋشىلاردىڭ ۇقىق - مۇددەسىنە زيان جەتكىزەتىن زاڭعا قايشى ارەكەتتەردى زاڭ بويىنشا تەكسەرىپ ءبىر جاقتى ەتىپ، تاماشا بازار ءتارتىبىن قورعاۋ كەرەك.
ءتورتىنشى، نەگىزگى اۋەندى اسقاقتاتا شىرقاپ، بۇقارانىڭ رۋحاني مادەنيەت تۇرمىسىن بايىتۋ كەرەك. پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن ۇگىتتەۋدى، دايەكتىلەندىرۋدى ارقاۋ ەتىپ، فورماسى الۋان ءتۇرلى، مازمۇنى باي مادەنيەت - كوركەمونەر قيمىلدارىن ۇيىمداستىرىپ جانە ورىستەتىپ، قالىڭ بۇقارانىڭ پارتيانى، وتاندى، سوتسياليزمدى قىزۋ ءسۇيۋ ىنتاسىن قوزعاپ، ىنتىماقتاسا العا باساتىن، قايراتتانا العا ۇمتىلاتىن رۋحاني كۇش توپتاۋ كەرەك. «ءبىزدىڭ جۇڭگو ارمانىمىز» − مادەنيەتتى بارشا وتباسىنا جەتكىزۋ قيمىلىن، «ءبىزدىڭ جاڭا ءداۋىرىمىز» تاقىرىبىنداعى تۋىندىلاردى جاراتۋ، تاراتۋ قيمىلىن، «مادەنيەتتى بارشا وتباسىنا جەتكىزۋ − اتا مەكەنىمىزدى بەينە ەكران ارقىلى تىكە تاراتۋ» قيمىلىن ورىستەتىپ، سوتسياليستىك وزەكتى قۇن كوزقاراسى مەن جۇڭحۋانىڭ تاڭداۋلى ءداستۇرلى مادەنيەتىن ساۋلەلەندىرىپ، جاڭا ءداۋىردى جىرلاۋ كەرەك. زاڭ اتقارۋدى كۇشەيتىپ، مادەنيەت جانە ساياحات مەرەكەلەرىنىڭ بازار ءتارتىبىن قورعاۋ كەرەك.
بەسىنشى، كوكتەم مەرەكەسى كەزىندەگى تاسىمال قىزمەتىن ءبىر تۇتاس ورنالاستىرىپ، بۇقارانىڭ حاۋىپسىز، ءتارتىپتى جول جۇرۋىنە كەپىلدىك ەتۋ كەرەك. قاتىناس - تاسىمالداعى ىندەتتەن ساقتانۋ - تىزگىندەۋ تالابىن قاتايتىپ، ۋاقىت مەزەتىنە ءبولىپ جول جۇرۋگە جەتەكتەۋ، جول حاۋىپ - قاتەرىن تومەندەتۋ، ادامداردىڭ قورعانۋىن كۇشەيتۋ پرينسيبىنە ساي، كوكتەم مەرەكەسى كەزىندەگى تاسىمال قىزمەتىن ويداعىداي ىستەۋگە ۇيىمداستىرۋ كەرەك. جولاۋشى تاسىمال الاڭ - پۋنكتتەرى مەن قاتىناس - تاسىمال قۇرالدارىن دەزينفەكسيالاۋ، اۋا الماستىرۋ، ينفورماتسيانى تىزىمدەۋ، اۋاشالاۋ رايونىن قۇرۋ سياقتى شارالاردى ەگجەي - تەگجەيلى تياناقتاندىرىپ، جولاۋشى تاسىمالىنىڭ ءبىرىنشى شەبىندەگى قىزمەت وتەۋشىلەردىڭ كۇندەلىكتى دەنساۋلىعىن باقىلاۋ - تەكسەرۋدى جانە مەرزىم بويىنشا نۋكلەين قىشقىلىن تەكسەرۋدى كۇشەيتىپ، شۇعىل جاعدايعا توتەپ بەرۋ جوباسىن جاساۋ جانە كەمەلدەندىرۋ كەرەك. ءتۇيىندى ۋاقىت كەزەڭدەرىندە ءتۇيىندى جول تاسىمال قۋاتىمەن قامداۋدى كۇشەيتىپ، تاسىمال ءتاسىلىن ۇشتاستىرۋدى، جولاۋشى تاسىمال تورابىنا قىزمەت وتەۋدى، ىندەتتەن ساقتانۋ بويىنشا تەكسەرۋ پۋنكتىن قۇرۋدى ساپالىلاندىرىپ، اۆتوكولىكتەردىڭ كەپتەلۋىن، ادامداردىڭ شوعىرلانۋىن ازايتۋ كەرەك. دەنساۋلىق كودىندا بۇكىل ەل بويىنشا «ءبىر كودپەن ءجۇرۋدى» تياناقتاندىرىپ، قارتتار سياقتى ەرەكشە قاۋىمنىڭ زەردەلىلەنۋ شارت - جاعدايىنداعى ءجۇرىس - تۇرىسىن قامتاماسىز ەتۋ كەرەك. توتەنشە اۋا رايىنا قاراتا شۇعىل جاعدايعا توتەپ بەرۋ دايىندىعىن ويداعىداي ىستەپ، جولاۋشىلار مەن اۆتوموبيلدەردىڭ كەڭ كولەمدە بوگەلۋىنەن ساقتانۋ كەرەك. تاسىمال حاۋىپسىزدىگىن باقىلاۋ - باسقارۋدى كۇشەيتىپ، بۇقارانىڭ ءجۇرىس - تۇرىس حاۋىپسىزدىگىن قامتاماسىز ەتۋ كەرەك.
التىنشى، تومەنگى شەك وي جەلىسىن بەرىك ورناتىپ، ءوندىرىس حاۋىپسىزدىگى قىزمەتىن مىقتى، ناقتى يگەرۋ كەرەك. حالىقتى بارىنەن جوعارى قويۋدا، ءومىردى بارىنەن جوعارى قويۋدا تاباندى بولىپ، ءوندىرىس حاۋىپسىزدىگى جاۋاپكەرلىگى مەن باسقارۋ ءتۇزىمىن قاتاڭ تياناقتاندىرىپ، حاۋىپسىزدىك كومەسكى قاتەرىن اداقتاۋ، جونگە سالۋدى كۇشەيتىپ، اۋىر، ەرەكشە اۋىر شىرعالاڭداردىڭ تۋىلۋىن باتىل تەجەۋ كەرەك. ءتۇيىندى كاسىپ سالالارىنىڭ حاۋىپسىزدىگىن قورعاۋدى مىقتى يگەرىپ، ەرەكشە جابدىقتار، قۇرىلىس جۇرگىزۋ، حاۋىپتى حيميالىق زاتتار، تورسىلداق، بالىقشىلىق كەمەلەرى سياقتى جاقتارداعى حاۋىپسىزدىكتى باقىلاۋ - باسقارۋدى كۇشەيتىپ، كولەمدى قيمىلداردى تەكسەرىپ بەكىتۋدى قاتايتىپ، ساۋدا دۇكەندەرى مەن تۇرعىن ۇيلەر بىرگە سالىنعان عيمارات، ءىرى جالپىلىق قۇرىلىس تۇلعاسى سياقتى ادامدار شوعىرلانعان ورىنداردا ءورت ءسوندىرۋ، ورتتەن ساقتانۋ حاۋىپسىزدىگىنىڭ كومەسكى قاتەرىن الاستاپ، جانار گاز حاۋىپسىزدىگىن جونگە سالۋدى تىڭعىلىقتى ورىستەتۋ كەرەك. ەنەرگيامەن قامداۋ حاۋىپسىزدىگىن قورعاۋدى كورنەكتى تۇردە مىقتى يگەرىپ، حاۋىپ - قاتەرى جوعارى كەن قۇدىقتارىن ارناۋلى ادام كۇزەتىپ، زاڭعا قايشى كەن اشۋ ارەكەتتەرىنە قاتاڭ سوققى بەرىپ، مۇناي، تابيعي گاز ساقتاۋ، تاسىمالداۋ سياقتى حاۋىپ - قاتەر قاينارىن شارلاپ تەكسەرۋدى كۇشەيتۋ كەرەك. قاقاعان سۋىق اۋا رايى جانە جاڭبىر، قار، مۇز قاتۋ سياقتى اپاتتاردى، ورمان، جايىلىم ءورت قاتەرىن باقىلاۋ، ساقتاندىرۋدى جانە شۇعىل ءبىر جاقتى ەتۋدى كۇشەيتىپ، حالىق بۇقاراسىنىڭ ءومىرى مەن مال - مۇلكىنىڭ حاۋىپسىزدىگىن قامتاماسىز ەتۋ كەرەك.
جەتىنشى، قايشىلىق ماسەلەسىنەن ساقتانىپ جانە ونى ءبىر جاقتى ەتىپ، قوعامدىق جالپى جاعدايدىڭ ورنىقتىلىعىن بار كۇشپەن قورعاۋ كەرەك. جاڭا داۋىردەگى « فىڭچياۋ تاجىريبەسىندە» تاباندى بولىپ جانە ونى دامىتىپ، ءتۇيىندى سالالاردى، ءتۇيىندى قاۋىمدى ارقاۋ ەتىپ، قايشىلىقتار مەن داۋ - شاردى ءبىر - بىرلەپ تەكسەرىپ، شەشىپ، قاراستى جەردىڭ باسقارۋ جاۋاپكەرلىگى مەن تۋ باستان جونگە سالۋ شارالارىن تياناقتاندىرىپ، قايشىلىقتاردىڭ كومەسكى قاتەرىن جەرگىلىكتى ورىندا، نەگىزگى ساتىدا شەشۋ كەرەك. جىل سوڭى مەن جىل باسىنداعى قوعام اماندىعى زاڭدىلىعىنىڭ ەرەكشەلىگىن يگەرىپ، قارا كۇشتەردى الاستاۋ، سۇرقيا كۇشتەردى جويۋ كۇرەسىن ۇدايىلاندىرۋمەن ۇشتاستىرىپ، مىلتىققا، قوپارىلىسقا ساياتى جايتتەر، تەلەگراف، ينتەرنەت الدامكوستىگى، شەكارا اتتاپ قۇمار ويناۋ، «سارى الاپات، قۇمار ويناۋ، ەسىرتكى تۇتىنۋ»، «ۇرلاۋ، توناۋ، الداۋ»، «ازىق - تۇلىك، ءدارى - دارمەك بۋىندارى» سياقتى بۇقارانىڭ حاۋىپسىزدىك سەزىمىنە ىقپال جاسايتىن كورنەكتى زاڭعا قايشى قىلمىستارعا زاڭ بويىنشا قاتاڭ سوققى بەرىپ، مەرەكە كەزىندە قوعام اماندىعىنىڭ ورنىقتى، ءتارتىپتى بولۋىنا كەپىلدىك ەتۋ كەرەك. قوعامدىق شارلاۋ - ساقتانۋدى، شارلاۋ - مەڭگەرۋدى كۇشەيتىپ، ادام شوعىرلانعان ورىنداردىڭ حاۋىپسىزدىك جاعىنداعى ساقتانۋ - تىزگىندەۋدى كۇشەيتىپ، اماندىق ساقتاۋداعى كومەسكى قاتەرلەر مەن قالتارىستاردى مۇمكىندىكتىڭ بارىنشا الاستاۋ كەرەك. حاۋىپسىزدىكتى قورعاۋ جانە ىندەتتەن ساقتانۋ - تىزگىندەۋ قىزمەتىن ءبىر تۇتاس جوسپارلاپ، قىسقى وليمپيادا سپورت جارىسىنىڭ اماندىق ساقتاۋ قورعانىس شەبىن شىنايى بەكەمدەۋ كەرەك.
سەگىزىنشى، مەرەكەنى ۇقىپتىلىقپەن، ۇنەمشىلدىكپەن، وركەنيەتتى وتكىزۋدە تاباندى بولىپ، تاماشا قوعامدىق سالتتى دارىپتەۋ كەرەك. قالىڭ پارتيالى كادرلاردى، اسىرەسە، باسشى كادرلاردى باستاماشىلدىقپەن ستيلگە بۇرىلىس جاساپ، جاڭا سالت ورناتۋعا تاربيەلەپ جانە جەتەكتەپ، ەرەكشە ۇقىق يدەياسىنا، ەرەكشە ۇقىق قۇبىلىسىنا سانالى تۇردە قارسى تۇرىپ، اس - سۋ ىسىراپشىلدىعىنا، ءسان – سالتاناتقا بەرىلۋگە سانالى تۇردە قارسى تۇرىپ، وتباسى تاربيەسىن، وتباسى ستيلىن قاتايتۋ كەرەك. ەسكى سالت - سانانى وزگەرتۋدى ىلگەرىلەتىپ، ۇقىپتى، ۇنەمشىل بولۋدى دارىپتەپ، دابىرالى وتكىزۋ، قالىپتان تىس قالىڭمال الۋ، تىرشىلىگىندە ارداقتاماي، كوز جۇمعاندا جەرلەۋ سالتىن استا – توك وتكىزۋ، فەودالدىق سوقىر سەنىم، مادەنيەتسىز تاساتتىق بەرۋ سياقتى ناشار عۇرىپ - ادەتتەردى باتىل تەجەۋ كەرەك. نەگىزگى ساتى كادرلارىنا، اسىرەسە، قيىنشىلىعى بار جاپالى رايونداردا جانە شۇعىل، قيىن، قاتەرلى، اۋىر مىندەتتەردىڭ ءبىرىنشى شەبىندە قىزمەت ىستەپ جاتقان جولداستارعا كوڭىل ءبولىپ، قامقورلىق جاساپ، ۇكىمەت قىزمەتى سەبەبىنەن قايتىس بولعان نەگىزگى ساتى كادرلارىنىڭ وتباسىنداعىلاردان حال سۇراۋ، قامقورلىق جاساۋ، قۇتقارۋ جانە ۇزاق ۋاقىت سۇيەمەلدەۋ قىزمەتىن جاقسى ىستەپ، «رەسپۋبليكا وردەنىنىڭ»، مەملەكەتتىك داڭق اتاعىنىڭ جانە «1 - شىلدە وردەنىنىڭ» يەگەرلەرىنىڭ قاتىستى مامىلەسىن تياناقتاندىرۋ جانە حال سۇراۋ قىزمەتىن جاقسى ىستەپ، پارتيا ىشىندەگى شابىتتاندىرۋ، قامقورلىق جاساۋ، كومەكتەسۋ قىزمەتىن كۇشەيتۋ كەرەك.
توعىزىنشى، ستيلدى دۇرىستاپ، ءتارتىپتى قاتايتۋدى ۇزدىكسىز ىلگەرىلەتىپ، «مەرەكەدەگى ءىرىپ – شىرۋدەن» قاتاڭ ساقتانۋ كەرەك. ورتالىقتىڭ «8 ءتۇرلى بەلگىلەمەسىنىڭ» جانە ونى اتقارۋدىڭ ەگجەي - تەگجەيلى ەرەجەسىنىڭ رۋحىن قاتاڭ اتقارىپ، بەلگىلەمەگە قايشى تۇردە ءىشىپ - جەۋ، بەلگىلەمەگە قايشى تۇردە تارتۋ - تارالعى، اقشا الۋ، بەرۋ، ۇكىمەت كولىگىن بەلگىلەمەگە قايشى پايدالانۋ، ۇكىمەت اقشاسىمەن ساياحاتتاۋ سياقتى ماسەلەلەردى قاتاڭ تەكسەرىپ، زاڭ - ەرەجەگە قايشى تۇردە قوسىمشا قاراجات نەمەسە يگىلىك تاراتۋدى قاتاڭ جازالاپ، جەدەل جەتكىزۋ ارقىلى تارتۋ - تارالعى ۇسىنۋ، ەلەكتروندىق تارتۋ - تارالعى الۋ، «ۇكىمەت اقشاسىن جەمەۋ، قوجايىنداردىڭ اقشاسىن جەۋ» سياقتى كومەسكى، قۇبىلمالى ارەكەتتەردى تۇزەتۋگە نازار اۋدارىپ، قاتاڭ سيگنال بەرۋ كەرەك. نازاردى ىندەتتەن ساقتانۋ - تىزگىندەۋ، ءوندىرىس حاۋىپسىزدىگى، اپاتتى باقىلاۋ، ساقتاندىرۋ، شۇعىل جاعدايعا توتەپ بەرۋ، ءبىر جاقتى ەتۋ، حالىق تۇرمىسىن قامتاماسىز ەتۋ، اكىمشىلىك قىزمەت وتەۋ سياقتىلارعا شوعىرلاندىرىپ، پارتيا ورتالىق كوميتەتىنىڭ شەشىمدەرى مەن ورنالاستىرۋلارىنىڭ دايەكتىلەنۋىنە، تياناقتانۋىنا ىقپال جاسايتىن، بۇقارانىڭ مۇددەسىنە زيان جەتكىزەتىن فورماشىلدىقتى، تورەشىلدىكتى باتىل تۇزەتۋ جانە جونگە سالۋ كەرەك. قىزمەتتى قورىتىندىلاۋ، ورنالاستىرۋ سياقتى اتتارمەن نەگىزگى ساتىعا مىندەت ءتۇسىرۋ، ولاردان ماتەريال تالاپ ەتۋ، ۇقساس مازمۇنداعى بەينە - ەكران ءماجىلىسىن ساتىلار بويىنشا قايتالاپ اشۋ، «ساۋساق ۇشىنداعى فورماشىلدىق» سياقتى ماسەلەلەردى رەتتەۋ - تۇزەتۋدى دەر كەزىندە قۋزاپ، نەگىزگى ساتىنىڭ اۋىرتپالىعىن شىنايى جەڭىلدەتۋ كەرەك. كەزەك اۋىستىرۋ تارتىبىندەگى «ونعا قاتاڭ تيىم سالۋ» تالابىن قاتاڭ اتقارىپ، كەزەك اۋىستىرۋ قىزمەتىنىڭ پاك، كىرشىكسىز بولۋىنا كەپىلدىك ەتۋ كەرەك.
ونىنشى، شۇعىل جاعدايعا توتەپ بەرۋ مىندەتىن كۇشەيتىپ، ءتۇرلى قىزمەتتەردىڭ قالىپتى جۇرگىزىلۋىنە كەپىلدىك ەتۋ كەرەك. 24 ساعاتتىق ارناۋلى ادام كەزەكشىلىك ىستەۋ جانە باسشى كادرلار جۇمىس ورنىندا جەتەكشىلىك ەتۋ، سىرتقا شىققاندا تىزىمگە الدىرۋ سياقتى تۇزىمدەردى قاتاڭ اتقارۋ كەرەك، شۇعىل جاعدايعا توتەپ بەرۋ مىندەتى ءبىرشاما اۋىر، حالىق بۇقاراسىنىڭ ءوندىرىس، تۇرمىسىمەن تىعىز قاتىستى ورىندار شۇعىل جاعدايعا توتەپ بەرۋ، كۇزەتۋ، بىرلەسىپ ارەكەتتەنۋ مەحانيزمىن اقاۋسىزداندىرۋ كەرەك. شۇعىل جاعدايعا توتەپ بەرۋ، قامتاماسىزداندىرۋ دايىندىعىن الدىن الا جاقسى ىستەپ، اۋىر، ەرەكشە اۋىر توسىن وقيعالارعا نەمەسە باسقا دا ماڭىزدى، شۇعىل جاعدايلارعا تاپ بولعاندا، دەرەۋ نۇسقاۋ سۇراۋ، مالىمەت بەرۋ ءارى دەر كەزىندە ۇيلەسىمدى ءبىر جاقتى ەتۋ كەرەك. بۇقاراعا تىكەلەي قىزمەت وتەيتىن ورىندار مەرەكە كەزىندە كەزەكشىلىك مىندەتىن وتەۋدى ويداعىداي ورنالاستىرۋى ءارى قىزمەت وتەۋ ساپاسىنا كەپىلدىك ەتۋى كەرەك.
جەر - جەر، تاراۋلار «ءتورت تانىمدى» كۇشەيتىپ، ساياسي تۇجىرىم جاساۋ قابىلەتىن، ساياسي سانالىلىقتى، ساياسي اتقارۋ قابىلەتىن جوعارىلاتىپ، قىزمەتىنە ادال بولىپ، مىندەتىن، جاۋاپكەرلىگىن ادا ەتىپ، وسى ۇقتىرۋدىڭ رۋحىنىڭ ناقتى تياناقتانۋىنا شىنايى كەپىلدىك ەتۋى كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
