«ىزدەنۋ» جۋرنالى باس شۋجي شي جينپيڭنىڭ ماڭىزدى ماقالاسىن جاريالايدى
ۇلكەن ىسكە جارامدى، اۋىر مىندەت ارقالاي الاتىن تىرەكتى دارىندى بولۋعا قۇلشىنۋ كەرەك
2022.02.07 15:19 كەلۋ قاينارى : شينجياڭ گازەتى
شينحۋا اگەنتتىگىنىڭ 1 - ايدىڭ 31 - كۇنى بەيجيڭنەن بەرگەن حابارى. 2 - ايدىڭ 1 - كۇنى باسپادان شىعاتىن «ىزدەنۋ» جۋرنالىنىڭ 3 - سانى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ «ۇلكەن ىسكە جارامدى، اۋىر مىندەت ارقالاي الاتىن تىرەكتى دارىندى بولۋعا قۇلشىنۋ كەرەك» دەگەن ماڭىزدى ماقالاسىن جاريالايدى.
ماقالادا مىنالار باسا دارىپتەلدى: جاس كادرلار ۇلى داۋىرگە تۋرا كەلدى، ولار پارتيا مەن مەملەكەت ىستەرىن دامىتۋداعى جالىندى كۇش، ءسوز جوق، وزىندىك قابىلەتكە توسەلىپ، جەتىلىمدى جوعارىلاتىپ، قابىلەتتى كۇشەيتىپ، ۇلكەن ىسكە جارامدى، اۋىر مىندەت ارقالاي الاتىن تىرەكتى دارىندى بولۋعا قۇلشىنىپ، ەكىنشى ءجۇز جىلدىق كۇرەس نىساناسىن جۇزەگە اسىرۋ ءۇشىن قۇلشىنا قىزمەت ىستەپ، پارتيا مەن حالىقتىڭ ءۇمىتى مەن ماڭىزدى تاپسىرماسىنىڭ ۇددەسىنەن شىعۋ كەرەك.
ماقالادا مىنالار اتاپ كورسەتىلدى: سەنىمى بەرىك، پارتياعا ادال بولۋ كەرەك. جۇڭگو كوممۋنيستىك پارتياسى قۇرىلعان 100 جىلدان بەرى، باستان - اياق اسقاق مۇراتى مەن بەرىك سەنىمىن ساقتاپ كەلە جاتقان پارتيا. بۇل مۇرات - سەنىم − ماركسيزم سەنىمى، كوممۋنيزم ۇلى مۇراتى، جۇڭگوشا سوتسياليزم ورتاق مۇراتى. مۇرات - سەنىم جۇڭگو كوممۋنيستەرىنىڭ رۋحاني تىرەگى جانە ساياسي جانى ءارى پارتيانىڭ ىنتىماعى مەن بىرلىگىن ساقتاۋدىڭ دا يدەيالىق نەگىزى. جاس كادرلار مىنانى ەستە بەرىك ساقتاۋ كەرەك: بەرىك مۇرات - سەنىم ومىرلىك تاقىرىپ، ۇنەمى جەتىلدىرىپ، ۇنەمى شىڭداپ وتىرۋ، ءومىر بويى سەنۋ، ءومىر بويى ساقتاۋ كەرەك. مۇرات - سەنىمدى بەكەمدەۋ مەن پارتياعا ادال بولۋ تىعىز بايلانىستى. مۇرات - سەنىم بەرىك بولعاندا عانا، پارتياعا ادال بولۋعا بولادى، پارتياعا ادال بولۋ مۇرات - سەنىمنىڭ بەرىك بولۋىنىڭ ەڭ جاقسى تۇسىندىرمەسى.
ماقالادا مىنالار اتاپ كورسەتىلدى: ءىس جۇزىندىككە باسا ءمان بەرىپ، شىندىقتى ءىس جۇزىنەن ىزدەۋ كەرەك. ءىس جۇزىندىكتى شىعار ءتۇيىن ەتۋگە، شىندىقتى ءىس جۇزىنەن ىزدەۋگە تاباندى بولۋ يدەيالىق ءادىس ماسەلەسى عانا ەمەس ءارى پارتيالىلىقتىڭ كۇشتى بولۋ - بولماۋ ماسەلەسى. قازىرگى كادرلار قوسىنىنىڭ ءىس جۇزىندىگىنەن قاراعاندا، شىندىقتى ءىس جۇزىنەن ىزدەۋگە تاباندى بولۋ شەشۋدى ەڭ قاجەت ەتىپ وتىرعان پارتيالىلىق ماسەلەسى. كادرلاردىڭ شىندىقتى ءىس جۇزىنەن ىزدەگەن - ىزدەمەگەندىگىن كوپ جاقتان قاراۋعا بولادى، ەڭ ءتۇبىرلىسى راس سويلەگەن - سويلەمەگەندىگىنە، شىن سويلەگەن - سويلەمەگەندىگىنە، ناقتى ءىس ىستەگەن - ىستەمەگەندىگىنە، ناقتى ونىمدىلىككە تالپىنعان - تالپىنباعاندىعىنا قاراۋ كەرەك. جاس كادرلار پارتيالىلىق ارقىلى ءوزىن تۇلعالاۋعا، ءىس ىستەۋگە تاباندى بولىپ، شىنايى سويلەۋدى، شىنايى ءىس ىستەۋدى، شىنايى ادام بولۋدى پارتيالىلىق جەتىلىم مەن شىنىعۋدىڭ ماڭىزدى مازمۇنى ەتىپ، باتىلدىقپەن اقيقاتقا تاباندى بولۋ، دەربەس وي جۇگىرتۋگە شەبەر بولۋ، شىندىققا جۇگىنىپ، ناقتى ءىس ىستەۋگە تاباندى بولۋ كەرەك.
ماقالادا مىنالار اتاپ كورسەتىلدى: باتىلدىقپەن جاۋاپكەرشىلىك ارقالاپ، ىسكەرلىك كورسەتۋگە شەبەر بولۋ كەرەك. ءىس ىستەۋ، ءىستى ۇستىنە الۋ كادرلاردىڭ مىندەت جاۋاپكەرشىلىگىنىڭ تياناعى ءارى قۇن تياناعى. پارتيا كادرلاردى ءارقايسى قىزمەت ورىندارىنا قويۋى كوپشىلىكتىڭ ءمانساپتى بولىپ، باقىتقا كەنەلۋى ءۇشىن ەمەس، قايتا جاۋاپكەرشىلىك ارقالاپ، ءىس ىستەۋى ءۇشىن بولىپ تابىلادى. جاۋاپكەرشىلىك ارقالاپ، ىسكەرلىك كورسەتۋدە شىنايى يگەرىپ، ناقتى ىستەۋ، قاجىرلىلىقپەن ىستەۋ كەرەك، استە وتىرىپ الىپ ءسوزدى كوپىرتە بەرۋگە، قۇر سويلەپ جاتتىقپاي قويۋعا استە بولمايدى. جاۋاپكەرشىلىك ارقالاۋ مەن ىسكەرلىك كورسەتۋ ءبىر تۇلعالى، ىسكەر بولماۋدىڭ ءوزى جاۋاپكەرشىلىك ارقالاماعاندىق، ىسكەر بولۋ ءۇشىن، جاۋاپكەرشىلىك ارقالاۋ كەرەك. پارتيا مەن حالىققا پايدالى ءىس بولادى ەكەن، ءبىز قيىنشىلىقتان تايساقتاماۋىمىز، جاۋاپكەرشىلىكتەن جالتارماۋىمىز، جۇرەكتىلىكپەن ىستەۋىمىز، باتىلدىقپەن ىستەۋىمىز كەرەك.
ماقالادا مىنالار اتاپ كورسەتىلدى: پرينسيپكە تاباندى بولىپ، باتىلدىقپەن كۇرەس جۇرگىزۋ كەرەك. پرينسيپكە تاباندى بولۋ كوممۋنيستەردىڭ ماڭىزدى قاسيەتى، ءبىر كادردىڭ تولىمدى - تولىمسىزدىعىن ولشەيتىن ماڭىزدى ولشەم. كوممۋنيستەر جونىنەن العاندا، ”موماقان مىرزا“ ناعىز جاقسى ادام ەمەس. موماقانسىعان ادامنىڭ شىعار تۇيىنىندە ماسەلە بار، ويتكەنى وزىنە جاقسى بولعانىمەن، سالتتى، ءىستى بۇلدىرەدى. كوممۋنيستەر پارتيالىلىقتى دارىپتەگەندە، پرينسيپتى دارىپتەگەندە، كۇرەستى دارىپتەۋ كەرەك. پارتيانىڭ كادرلارىندا ادىلدىكپەن ءىس ىستەيتىن، قارا قىلدى قاق جاراتىن قالتقىسىز رۋح بولۋ، پرينسيپتى دارىپتەۋ، بەتكە قاراماۋ، پارتيالىلىقتى دارىپتەۋ، كوڭىلگە قاراماۋ كەرەك. كوممۋنيستەردە ءارقانداي ۋاقىتتا دا بۇرىستىققا يلانبايتىن، جىن - شايتاننان قورىقپايتىن، بوركەمىك بولمايتىن قايسارلىق، جىگەر، جۇرەكتىلىك بولۋ كەرەك.
ماقالادا مىنالار اتاپ كورسەتىلدى: قاعيداعا قاتاڭ بويسۇنىپ، تومەنگى شەكتەن اتتاماۋ كەرەك. قاعيدانى دارىپتەۋدە، تومەنگى شەكتى ساقتاۋدا، ەڭ اۋەلى، يمەنەتىن كوڭىل كۇي بولۋ كەرەك. كادرلار، ءسوز جوق، يمەنۋدى ءبىلىپ، جاسقانۋدى ءبىلىپ، تومەنگى شەكتى ساقتاپ، پارتيادان يمەنۋى، حالىقتان يمەنۋى، زاڭ مەن تارتىپتەن يمەنۋى كەرەك. ءوزىن قاتاڭ تاربيەلەگەندە عانا، ءوزىن قاتاڭ تارتىپكە شاقىرا الادى. ءبىز كوممۋنيستەر كوپشىلدىكپەن ىستەيمىز، ادىلەتتى ساقتايمىز، ەل قامى ءۇشىن تالپىنامىز، كوڭىلگە تۋراشىلدىق ۇيالاتىپ، ىزگىلىك ۇستانىپ، احىلاقتى، بايىپتى بولىپ، قاي - قاشان دا پارتيا مەن حالىقتى كوڭىلدىڭ ەڭ بيىك تورىنە قويىپ، بۇكىل ىنتا - پەيىلىمەن جالپى ءۇشىن ىستەيتىن، تۋراشىلدىقتى ساقتايتىن، مونتازداي كىرشىكسىز ادام بولۋىمىز كەرەك. كوممۋنيستىك پارتيانىڭ كادرى بولعاندار، جەكە باسىنىڭ اتاق - ابىرويىن، مارتەبەسىن، مۇددەسىن ەلەپ - ەسكەرمەۋ، ساناسپاۋ كەرەك.
ماقالادا مىنالار اتاپ كورسەتىلدى: شوگەلدىكپەن ۇيرەنىپ، قاجىرلىلىقپەن جاتتىعىپ، قابىلەتتى كۇشەيتۋ كەرەك. ءبىز بۇرىن بولىپ كورمەگەن وزگەرىس داۋىرىندە تۇرمىز، بۇرىنعىلار ىستەپ كورمەگەن ۇلى ءىستى ىستەۋدەمىز، ءبىلىم جەتكىلىكتى بولماسا، كوز ايا كەڭ بولماسا، قابىلەت كۇشتى بولماسا، ىسكە نۇقسان جەتەدى. جاس كادرلاردىڭ جىگەر - قايراتى مىعىم، ويى ورامدى، قابىلداۋ قۋاتى كۇشتى، شەبەرلىكتى جەتىلدىرەتىن، دارىنىن وسىرەتىن تاماشا داۋىردە تۇر، ءسوز جوق، ۋاقىتتى قادىرلەپ، ەسىل شاقتى بوس جىبەرمەي، قۇشتارلانا ۇيرەنۋ، ءبىر ءسات تە توقتاماي دەڭگەيدى جوعارىلاتۋ كەرەك.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
