جۇڭگو مەن مالتانىڭ ديپلوماتيالىق قارىم - قاتىناس ورناتقاندىعىنىڭ 50 جىلدىعى بايلانىسىمەن
شي جينپيڭ مالتانىڭ زۇڭتۇڭى ۆەللامەن ءوزارا قۇتتىقتاۋ تەلەگرامماسىن جولدادى
لي كىچياڭ مالتانىڭ زۇڭليى ابەلامەن ءوزارا قۇتتىقتاۋ تەلەگرامماسىن جولدادى
2022.02.07 15:19 كەلۋ قاينارى : شينجياڭ گازەتى
شينحۋا اگەنتتىگىنىڭ 1 - ايدىڭ 31 - كۇنى بەيجيڭنەن بەرگەن حابارى. 1 - ايدىڭ 31 - كۇنى مەملەكەت ءتوراعاسى شي جينپيڭ مالتانىڭ زۇڭتۇڭى ۆەللامەن ءوزارا قۇتتىقتاۋ تەلەگرامماسىن جولداپ، ەكى ەلدىڭ ديپلوماتيالىق قارىم - قاتىناس ورناتقاندىعىنىڭ 50 جىلدىعىن قۇتتىقتادى.
شي جينپيڭ بىلاي دەپ اتاپ كورسەتتى: جارتى عاسىردان بەرى، مەيلى حالىقارالىق جاعداي قالاي وزگەرسە دە، جۇڭگو مەن مالتا باستان - اياق تاتۋ - ءتاتتى قاتار تۇرىپ، ءوزارا قارايلاسىپ، ءبىر - ءبىرىنىڭ وزەكتى مۇددەلەرىنە جانە كوڭىل ءبولىپ وتىرعان كەلەلى ىستەرىنە ساياتىن ماسەلەلەردە ءوزارا باتىل قولداۋ كورسەتىپ كەلدى. قازىر ەكى ەلدىڭ قارىم - قاتىناسى كۇن سايىن تەرەڭدەپ، ىندەتكە تىزە قوسا قارسى اتتانۋدا كورنەكتى تابىسقا قول جەتكىزىپ، جۇڭگو مەن مالتا حالقىنىڭ قويۋ سۇيىسپەنشىلىگىن، تەرەڭ دوستىعىن تولىق ايگىلەدى. مەن ۆەللا زۇڭتۇڭمەن بىرگە قۇلشىنىپ، جۇڭگو مەن مالتانىڭ ديپلوماتيالىق قارىم - قاتىناس ورناتقاندىعىنىڭ 50 جىلدىعىن وراي ەتىپ، ءداستۇرلى دوستىقتى تەرەڭدەتىپ، ەكى جاقتى، كوپ جاقتى سەلبەستىكتى كەڭەيتىپ، جۇڭگو مەن مالتانىڭ قارىم - قاتىناسىنىڭ ۇزدىكسىز مول جەتىستىككە قول جەتكىزۋىن ىلگەرىلەتىپ، ەكى ەلدى جانە ەكى ەل حالقىن باقىتقا كەنەلتۋدى قالايمىن.
ۆەللا مىنالاردى ءبىلدىردى: ديپلوماتيالىق قارىم - قاتىناس ورناتقان 50 جىلدان بەرى مالتا مەن جۇڭگونىڭ قارىم - قاتىناسى باستان - اياق جوعارى دەڭگەيدە دامىپ، سۇبەلى جەتىستىككە قول جەتكىزىپ، ەكى ەل حالقىنا پايدا جەتكىزدى. مالتا ەۆروپا وداعىنىڭ جۇڭگومەن سەلبەستىگىن كۇشەيتۋىنە ۇزدىكسىز قولداۋ كورسەتىپ، مالتا مەن جۇڭگونىڭ ءداستۇرلى دوستىق قارىم - قاتىناسىنا جاڭا قوزعاۋشى كۇش ۇستەيدى.
سول كۇنى مەملەكەتتىك كەڭەستىڭ زۇڭليى لي كىچياڭ مالتانىڭ زۇڭليى ابەلامەن ءوزارا قۇتتىقتاۋ تەلەگرامماسىن جولدادى. لي كىچياڭ مىنالاردى ءبىلدىردى: جۇڭگو جاق مالتا جاقپەن بىرگە ديپلوماتيالىق قارىم - قاتىناس ورناتقاندىعىنىڭ 50 جىلدىعىن جاڭا باستاما ەتىپ، ساياسي ءوزارا سەنىمدىلىكتى بەكەمدەپ، ءوزارا پايدا جەتكىزۋ سەلبەستىگىن تەرەڭدەتىپ، گۋمانيتارلىق اۋىس - كۇيىستى ارتتىرىپ، جۇڭگو مەن مالتانىڭ قارىم - قاتىناسىنىڭ تىڭ بەلەسكە كوتەرىلۋىن جەبەۋدى قالايدى. ابەلا مىنالاردى ءبىلدىردى: مالتا جاق ەۆروپا وداعىندا ورەلى رولىن ۇزدىكسىز ساۋلەلەندىرىپ، ورنىقتىلىقتى قورعاۋعا، سەلبەستىكتى جەبەۋگە كۇش سالىپ، مالتا مەن جۇڭگونىڭ دوستىق قارىم - قاتىناسىنىڭ تەرەڭدەۋىن، ناقتىلانۋىن ىلگەرىلەتىپ، اناعۇرلىم زور دامۋدى جۇزەگە اسىرادى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
