قىسقى وليمپيادا ساۋلەسى ادامزاتتىڭ العا باسۋ جولىن نۇرلاندىردى
− شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ دەنە تاربيە ىستەرىنە جانە بەيجيڭ قىسقى وليمپيادا سپورت جارىسىنىڭ، مۇگەدەكتەر قىسقى وليمپيادا سپورت جارىسىنىڭ دايىندىق قىزمەتتەرىنە كوڭىل بولگەندىگى تۋرالى ەستەلىك
شينحۋا اگەنتتىگىنىڭ تىلشىلەرى ما باڭجيە، حۋاڭ يۋە، جاڭ شياۋ، ياڭ فان
2022.02.07 15:21 كەلۋ قاينارى : شينجياڭ گازەتى
2 - ايدىڭ 4 - كۇنى جۇڭگونىڭ ەگىنشىلىك كالەندارى بويىنشا ”كوكتەمنىڭ باسى“، كوكتەم لەبى ەسىپ، ءۇمىت وركەن جاياتىن كۇن، 24 - كەزەكتى قىسقى وليمپيادا سپورت جارىسىنىڭ شىمىلدىعى دۇنيە جۇزىندە تۇڭعىش رەت قوس وليمپيادا وتكىزىلەتىن قالا − بەيجيڭدە اشىلماق. كىرشىكسىز قار - مۇزدان تۇرعىزىلعان ساحنادا قىسقى وليمپيادا ساۋلەسى بۇكىل ادامزاتتىڭ ىنتىماققا، بەيبىتشىلىككە، دوستىققا تالپىنعان العا باسۋ جولىن نۇرلاندىرادى.
بەيجيڭ قىسقى وليمپيادا سپورت جارىسىن، مۇگەدەكتەر قىسقى وليمپيادا سپورت جارىسىن وتكىزۋ − مەملەكەتتىڭ ءىرى ءىسى، الەمدىك سالتاناتتى جينالىس.
جالپى حالىقتىڭ سالاماتتىعىمەن ساناسۋ، حالىقتى بارىنەن جوعارى قويۋ
ساعات ءتىلىن 2015 - جىلى 7 - ايدىڭ 31 - كۇنىنە شەگەرەلىك، مالايزيانىڭ كۋالا - لۋمپۋر قالاسى. حالىقارالىق وليمپيادا كوميتەتىنىڭ جالپى ءماجىلىسى 2022 - جىلعى قىسقى وليمپيادانى وتكىزۋ ۇقىعىنىڭ كىمگە بەرىلەتىندىگىن داۋىسقا سالماق.
”جۇڭگو حالقى وسى رەتكى ورايدى اڭساۋدا جانە كۇتۋدە. سىزدەر بەيجيڭدى تاڭداساڭىزدار، جۇڭگو حالقىنىڭ، ءسوز جوق، بەيجيڭدە دۇنيە ءجۇزى ءۇشىن ءبىر كەزەك تارتىمدى، كەرەمەت، ەرەن قىسقى وليمپيادا سپورت جارىسىن سيلايتىندىعىنا سەنەمىن“!
ءبىر اۋىز ءسوز سوڭعى شەشىمدى تۇيىندەدى! باس شۋجي شي جينپيڭنىڭ بەينە ەكران ارقىلى بەيجيڭنىڭ 2022 - جىلعى قىسقى وليمپيادا سپورت جارىسىن وتكىزۋ وتىنىشىنە باتىل قولداۋ كورسەتۋى جانە ايبىندى ۋادە بەرۋى وتكىزۋ ءوتىنىشىنىڭ ءساتتى قابىلدانۋىنداعى شەشۋشى فاكتور بولدى.
جالپى حالىقتىڭ سالاماتتىعى بولمايىنشا، جاپپاي دوڭگەلەك داۋلەتتىلىك تە بولمايدى. پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى دەنە تاربيە ىستەرىنە ايرىقشا كوڭىل ءبولىپ جانە ءمان بەرىپ، حالىقتى بارىنەن جوعارى ورىنعا قويىپ، قاشاندا حالىق بۇقاراسىنىڭ تاماشا تۇرمىسقا تالپىنىسى تۇرعىسىنان دەنە تاربيە ىستەرىنىڭ اقاۋسىز، ءتارتىپتى دامۋىنا جەتەكشىلىك ەتتى.
جالپى حالىقتىڭ دەنە شىنىقتىرۋى قاشاندا جاڭا داۋىردەگى جۇڭگو دەنە تاربيەسىنىڭ ستراتەگيالىق ورنالاستىرۋىنىڭ ماڭىزدى نەگىزى جانە پارمەندى تۇتقاسى بولىپ كەلەدى.
2013 - جىلى 8 - ايدىڭ 31 - كۇنى باس شۋجي شي جينپيڭ مەملەكەتتىك بۇقارالىق دەنە تاربيەدە وزات ورىنداردى جانە وزاتتاردى ماداقتاۋ - سيلاۋ جينالىسىنا، مەملەكەتتىك دەنە تاربيە جۇيەسىندەگى وزات كوللەكتيۆتەر مەن وزات قىزمەتكەرلەردى ماداقتاۋ - سيلاۋ جينالىسىنا قاتىناسقان ۋاكىلدەرمەن كەزدەسكەندە بىلاي دەپ باسا دارىپتەدى: جالپى حالىقتىڭ دەنە شىنىقتىرۋى جالپى حالىقتىڭ دەنساۋلىعى مەن جىگەر - قايراتىن كۇشەيتۋدىڭ، سالاماتتى ءومىر كەشىرۋىنىڭ نەگىزى جانە قامتاماسىزدىعى، حالىقتىڭ دەنىنىڭ ساۋلىعى جاپپاي دوڭگەلەك داۋلەتتى قوعام ورناتۋدىڭ ماڭىزدى ىشكى ءمانى، جەكە ادامنىڭ ءوسىپ - جەتىلۋى مەن باقىتتى تۇرمىسقا قول جەتكىزۋىنىڭ ماڭىزدى نەگىزى.
2014 - جىلى 10 - ايدا مەملەكەتتىك كەڭەس «دەنە تاربيە كاسىپ سالاسىن جەدەل دامىتىپ، دەنە تاربيەلىك تۇتىنۋدى جەبەۋ جونىندەگى ءبىرقانشا پىكىردى» باسىپ تاراتىپ، جالپى حالىقتىڭ دەنە شىنىقتىرۋىن مەملەكەتتىك ستراتەگيا دەڭگەيىنە كوتەردى ءارى دەنە تاربيە ىستەرى مەن كاسىپ سالاسىن دامىتۋدىڭ جۇڭحۋا ۇلتىنىڭ دەنە ساپاسى مەن سالاماتتىق دەڭگەيىن جوعارىلاتۋدىڭ قاجەتتى تالابى ەكەندىگىن اتاپ كورسەتتى.
ەل باسقارۋدىڭ وزىندىك قاعيداسى بولادى، حالىققا پايدا جەتكىزۋ سونىڭ نەگىزى سانالادى. «دەنە تاربيە كاسىپ سالاسىن جەدەل دامىتىپ، دەنە تاربيەلىك تۇتىنۋدى جەبەۋ جونىندەگى ءبىرقانشا پىكىر» جانە ونان كەيىن جاريالانعان «جالپى حالىق دەنە شىنىقتىرۋ جوسپارى (2016 − 2020 - جىل)»، «”سالاماتتى جۇڭگو 2030“ جوبا باعدارناماسى»، «جالپى حالىق دەنە شىنىقتىرۋ جوسپارى (2021 − 2025 - جىل)» قاتارلى ماڭىزدى حۇجاتتار شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ دەنە تاربيە ارقىلى جالپى حالىقتىڭ سالاماتتىعىن جوعارىلاتۋعا ايرىقشا ءمان بەرگەندىگىن، سونىمەن قاتار، كورنەكتى ناتيجەگە قول جەتكىزگەندىگىن كورسەتتى.
مەملەكەتتىك ازاماتتاردىڭ دەنە ساپاسىن قاداعالاۋ ورتالىعىنىڭ 2021 - جىلدىڭ سوڭىندا جاريالاعان «2020 - جىلى جالپى حالىقتىڭ دەنە شىنىقتىرۋ قيمىلى احۋالدارىن تەكسەرۋ مازمۇنداماسىندا» كورسەتىلۋىنشە، ەلىمىزدەگى قالا، اۋىل تۇرعىندارىنىڭ دەنە شىنىقتىرۋ دەڭگەيى ۇزدىكسىز جوعارىلاعان. 2020 - جىلى 7 جاس جانە ودان جوعارى تۇرعىندار اراسىندا ۇنەمى دەنە شىنىقتىرۋعا قاتىسىپ تۇراتىن ادامداردىڭ سالىستىرماسى ％37.2 بولىپ، 2014 - جىلداعىدان 3.3 پايىز كوبەيگەن.
ورەندەر قۋاتتى، جاستار مىعىم بولسا، جۇڭگو قۇدىرەتتەنەدى. باس شۋجي شي جينپيڭ قاشاندا ميلليونداعان وقۋشىلاردىڭ دەنە ساپاسى مەن دەنساۋلىعىنا كوڭىل ءبولىپ كەلەدى. 2018 - جىلى 9 - ايدا اشىلعان مەملەكەتتىك وقۋ - اعارتۋ ماجىلىسىندە شي جينپيڭ بىلاي دەپ باسا دارىپتەدى: دەنساۋلىق ءبىرىنشى دەيتىن وقۋ - اعارتۋ ۇستانىمىن ورناتىپ، دەنە تاربيە ساباعىن بارلىعىنا بىردەي، تولىق اشىپ، وقۋشىلاردىڭ دەنە شىنىقتىرۋ بارىسىندا شاتتىققا بولەنىپ، دەنە ساپالارىن كۇشەيتۋىنە، مىنەز - قۇلىقتارىن اقاۋسىزداندىرۋىنا، ەرىك - جىگەرىن شىڭداۋىنا كومەكتەسۋ كەرەك.
بەيجيڭ قىسقى وليمپيادا سپورت جارىسىن، مۇگەدەكتەر قىسقى وليمپيادا سپورت جارىسىن وتكىزۋگە ءوتىنىش بەرۋ جانە وتكىزۋگە دايىندىق كورۋ دە وسى باستى ماقساتقا قىزمەت ەتۋ ءۇشىن بولىپ تابىلادى.
باس شۋجي شي جينپيڭ 2017 - جىلى 1 - ايدىڭ 23 - كۇنى حىبەي ولكەسى جاڭجياكوۋ قالاسىندا بەيجيڭ قىسقى وليمپيادا سپورت جارىسىن وتكىزۋگە دايىندىق كورۋ قىزمەتىن تەكسەرگەندە بىلاي دەپ اتاپ كورسەتتى: ءبىزدىڭ بەيجيڭ قىسقى وليمپيادا سپورت جارىسىن وتكىزۋگە ءوتىنىش بەرۋدەگى ماڭىزدى ءبىر ماقساتىمىز ەلىمىزدىڭ قار - مۇز سپورتىنىڭ جەدەل العا باسۋىن جەبەپ، جالپى حالىقتىڭ دەنە شىنىقتىرۋىن كەڭىنەن ورىستەتۋ.
ەلىمىزدە مەكتەپتەگى دەنە تاربيەنى قامتىعان جالپى حالىقتىڭ دەنە شىنىقتىرۋ قيمىلىندا ورىن تەپكەن ءبىر تالماۋ ءتۇيىن − قار - مۇز سپورتىن ورىستەتۋدىڭ جالپىلاسا قويماعاندىعى بولاتىن. وسىدان بۇرىن ەلىمىز قار - مۇز سپورتىنىڭ وڭىرلىك دامۋداعى تەڭگەرىمسىزدىك جاعدايىن وبرازدى تۇردە اشىپ كورسەتكەن ”قار - مۇز سپورتى شانحايگۋاننان ارى وتە المايدى“ دەيتىن ايتىلىم بولعان.
بۇل احۋالدى جاقسارتۋ ءدال ءبىزدىڭ بەيجيڭ قىسقى وليمپيادا سپورت جارىسىن وتكىزۋگە ءوتىنىش بەرۋدەگى، وتكىزۋدەگى اۋەلگى ويىمىز جانە ارقالاعان بورىشىمىز.
2015 - جىلى 11 - ايدا باس شۋجي شي جينپيڭ بەيجيڭ قىسقى وليمپيادا سپورت جارىسىن وتكىزۋگە دايىندالۋ قىزمەتى جونىندە قار - مۇز سپورتىنىڭ دامۋىن جانە جالپىلاسۋىن جەدەلدەتىپ، ودان قالىڭ حالىق بۇقاراسىن يگىلىككە كەنەلدىرۋ كەرەك دەپ ماڭىزدى نۇسقاۋ بەردى.
باس شۋجي شي جينپيڭ بىلاي دەدى: بەيجيڭ قىسقى وليمپيادا سپورت جارىسىن، مۇگەدەكتەر قىسقى وليمپيادا سپورت جارىسىن وتكىزۋ ارقىلى ەلىمىز قار - مۇز سپورتىنىڭ قارىشتاپ دامۋىن ىلگەرىلەتىپ، ولقى تۇستاردى تولىقتاپ، ءالسىز بۋىنداردى كۇشەيتىپ، باسەكەلىك دەنە تاربيەدە مىقتى، بۇقارالىق دەنە تاربيەدە ءالسىز جانە ”جازعى سپورتتا مىقتى، قىسقى سپورتتا ءالسىز“، ”مۇزداعى تۇرلەردە مىقتى، قارداعى تۇرلەردە ءالسىز“ بولۋ ماسەلەسىن بىرتىندەپ شەشىپ، جاڭا داۋىردەگى دەنە تاربيە ىستەرىنىڭ جوعارى ساپالى دامۋىن ىلگەرىلەتۋ كەرەك.
باس شۋجي شي جينپيڭنىڭ جوسپارلاۋى مەن تالابى بويىنشا، بەيجيڭ قىسقى وليمپيادا سپورت جارىسىن وتكىزۋگە دايىندىق كورۋ جالپى حالىق دەنە شىنىقتىرۋ قيمىلىن ورىستەتۋدىڭ ماڭىزدى دەمەگىشىنە اينالدى.
2015 - جىلى بەيجيڭ قىسقى وليمپيادا سپورت جارىسىن، مۇگەدەكتەر قىسقى وليمپيادا سپورت جارىسىن وتكىزۋ ءوتىنىشى ءساتتى قابىلدانعان سوڭ، ۇكىمەت تاراۋلارى ىركەس - تىركەس «قار - مۇز سپورتىن دامىتۋ جوسپارى (2016 − 2025 - جىل)»، «”300 ميلليون ادامدى قار - مۇز سپورتىنا قاتىناسۋعا باستاۋدىڭ“ اتقارۋ باعدارناماسى (2018 − 2022 - جىل)»، «2022 - جىلعى بەيجيڭ قىسقى وليمپيادا سپورت جارىسىن وراي ەتىپ قار - مۇز سپورتىن زور كۇشپەن دامىتۋ جونىندەگى پىكىر» سياقتى حۇجاتتاردى جاريالاپ، قار - مۇز سپورتىنىڭ جالپىلاسۋى مەن دامۋىن ساياساتتىق دەڭگەيدەن جەبەدى.
بەيجيڭ قىسقى وليمپيادا سپورت جارىسىن وتكىزۋ ءوتىنىشى ءساتتى قابىلدانعان 6 جىلدان استام ۋاقىتتان بەرى قار - مۇز سپورتى جەدەل تۇردە ”وڭتۇستىككە قانات جايىپ، باتىسقا كەڭەيىپ، شىعىسقا ىلگەرىلەپ“، جالپى حالىقتىڭ دەنە شىنىقتىرۋىنا تىڭ ومىرشەڭدىك جانە مازمۇن ۇستەدى.
2018 - جىلى 12 - ايدا 5 - كەزەكتى مەملەكەتتىك بۇقارالىق قار - مۇز ماۋسىمى شاڭحايدا باستالۋ سالتىن وتكىزدى، ۇسىنىسپەن قاتىناسقان حالىقارالىق قار شانا بىرلەستىگىنىڭ ءتوراعاسى فوگەليس ايرىقشا تاڭ قالىپ، تاڭداي قاقتى. ول جۇڭگونىڭ 300 ميلليون ادامدى قار - مۇز سپورتىنا قاتىناسۋعا باستاۋ بەكىمى مەن سەرپىنىنىڭ ءوزىن ايرىقشا سۇيىندىرگەنىن ايتتى. تەك بىلتىر وتكىزىلگەن 7 - كەزەكتى قيمىل كەزىندە - اق بۇكىل ەلدە وتكىزىلگەن بۇقارالىق قار - مۇز سپورت جارىسى قيمىلدارى 1200دەن، وعان قاتىناسقانداردىڭ كولەمى 100 ميلليون ادام - رەتتەن اسقان. سونىمەن بىرگە وقۋ - اعارتۋ جانە دەنە تاربيە جۇيەسى ”قار - مۇز سپورتىن مەكتەپكە ەنگىزۋ“ قيمىلىن بىرلەسە ىلگەرىلەتىپ، قار - مۇز سپورتىن جالپىلاستىرۋ ءىسىن 100 قالاعا، 1000 مەكتەپكە، ميلليون جاستار، ورەندەر قاۋىمىنا جەتكىزگەن. 2020 - جىلعا دەيىن بۇكىل ەل بويىنشا جالپى 2062 مەكتەپ ”جاستار مەن ورەندەردىڭ مەكتەپ اۋلاسىنداعى قار - مۇز سپورتى ەرەكشەلىگىنە يە مەكتەپ“ بولىپ تانىلعان.
مەملەكەتتىك دەنە تاربيە باس مەكەمەسى قىسقى سپورتتى باسقارۋ ورتالىعىنىڭ تاپسىرۋىمەن، مەملەكەتتىك ساناق مەكەمەسىنىڭ قوعام اۋانىن، حالىق رايىن تەكسەرۋ ورتالىعى ”300 ميلليون ادامدى قار - مۇز سپورتىنا قاتىناسۋعا باستاۋ“ بويىنشا ساناقتىق تەكسەرۋ جۇرگىزدى. تەكسەرۋ ساندى مالىمەتتەرىنىڭ كورسەتۋىنشە، 2015 - جىلى بەيجيڭنىڭ قىسقى وليمپيادا سپورت جارىسىن وتكىزۋ ءوتىنىشى ءساتتى قابىلدانعاننان 2021 - جىلى 10 - ايعا دەيىن بۇكىل ەل بويىنشا قار - مۇز سپورتىنا قاتىناسقان ادام سانى 346 ميلليون ادامعا، بۇكىل ەلدەگى ولشەمدى مۇز ايدىندارى 654كە جەتىپ، 2015 - جىلداعىدان ％317 ارتقان؛ جابىق توبەلى جانە دالالىق ءتۇرلى شاڭعى الاڭدارى 803كە جەتىپ، 2015 - جىلداعىدان ％41 ارتقان.
2022 - جىلى 1 - ايدىڭ 4 - كۇنى باس شۋجي شي جينپيڭ بەيجيڭ قىسقى وليمپيادا سپورت جارىسىن، مۇگەدەكتەر قىسقى وليمپيادا سپورت جارىسىن وتكىزۋگە دايىندىق كورۋ، جارىسقا دايىندالۋ قىزمەتىن تەكسەرگەندە بىلاي دەپ اتاپ كورسەتتى: وسى بىرنەشە جىلدا ءار جاقتىڭ بىرگە قۇلشىنۋىندا قار - مۇز سپورتىنا قىزىعۋشىلار بارعان سايىن كوبەيىپ، ”300 ميلليون ادامدى قار - مۇز سپورتىنا قاتىناسۋعا باستاۋ“ نىساناسى كۇنى بۇرىن ورىندالدى.
”300 ميلليون ادامدى قار - مۇز سپورتىنا قاتىناسۋعا باستاۋدى“ حالىقارالىق دەنە تاربيە سالاسى ادامزات تاريحىندا قار - مۇز سپورتىن جالپىلاستىرۋدىڭ ەڭ كەڭ كولەمدى قيمىلى، ول جالپى حالىقتىڭ دەنە شىنىقتىرۋ نەگىزىن نىعايتىپ قانا قويماي، دۇنيە ءجۇزى قار - مۇز سپورتىنا دا وراسان زور ۇلەس قوستى دەپ قارادى. حالىقارالىق وليمپيادا كوميتەتىنىڭ ءتوراعاسى باح: ”بۇل قار - مۇز سپورتىنىڭ، اۋەلى، دۇنيە ءجۇزى دەنە تاربيەسىنىڭ دامۋىنداعى ۇلى ورايعا اينالادى“، ”بەيجيڭ قىسقى وليمپيادا سپورت جارىسى بۇكىل دۇنيە ءجۇزى قىسقى سپورتىنىڭ ارناسىن وزگەرتەدى“، - دەدى. 2021 - جىلى 12 - ايدا اشىلعان وليمپيادا باسشىلار باس قوسۋى ”300 ميلليون ادامدى قار - مۇز سپورتىنا قاتىناسۋعا باستاۋ“ الەمدىك قار - مۇز سپورتىنىڭ ورىستەتىلۋىن تىڭ دەڭگەيگە كوتەرەدى دەپ قارادى.
جەتكەندەي بوپ جالعىز تۇندە جەلى ايمالاپ كوكتەمنىڭ، اپپاق گۇلگە ورانعانداي المۇرت اعاش تۇمەن، مىڭ. قىسقى دەنە تاربيە اۋقىمىندا بۇكىل ەل كولەمىندە وراسان زور وزگەرىستەر تۋىلۋدا. وڭتۇستىك وڭىرلەردە قار - مۇز دەنە تاربيەسىنىڭ تەز قارقىنمەن دامۋى جۇرتتى قۋانىشقا بولەدى. چۇڭچيڭ قىسقى سپورتتى باسقارۋ ورتالىعىنىڭ مەڭگەرۋشىسى كى پيڭنىڭ تانىستىرۋىنشا، چۇڭچيڭدە قازىر 6 مۇز ايدىنى جانە 10 شاڭعى الاڭى بار ەكەن، قار - مۇز سپورتىنا قاتىناسقان ادام سانى 2018 - جىلى 10 مىڭعا جەتپەيتىن كولەمنەن 2021 - جىلى ميلليون ادام - رەتكە كوبەيگەن. شاڭعى تەبۋگە تاربيەلەۋ قۇرىلىمى موفا شاڭعى شۋەيۋانىنىڭ ىرگەسىن قالاۋشى جاڭ يان كەزىندە شاڭحاي مەن سۋجوۋداعى 2 جابىق توبەلى شاڭعى الاڭىنىڭ جۇمىسىن جۇرگىزۋگە قاتىناسقان ەكەن. ول: وڭتۇستىكتەگى حالىقتىڭ شاڭعى تەبۋگە دەگەن ىستىق ىقىلاسى سولتۇستىك جاقتاعىلاردان ەش كەم سوقپايدى، - دەيدى، ”تابيعي قاردا شاڭعى تەپكەن كوپشىلىك ايرىقشا قۋانىشقا بولەندى“.
بەيجيڭ قىسقى وليمپيادا سپورت جارىسىن وتكىزۋ ءوتىنىشى ءساتتى قابىلدانعان سوڭ، الدىمەن قارمانعان الدىمەن جەتەر دەمەكشى، بەيجيڭ قار - مۇز دەنە تاربيەسىندە زور ىلگەرىلەۋشىلىككە قول جەتكىزىپ، مەملەكەتتىك جارىستاردا تولاسسىز التىننان القا، كۇمىستەن مونشاق تاعىندى. بەيجيڭ ماڭىنداعى شاڭعى الاڭدارى بۇقارانىڭ دەنە تاربيەلىك تۇتىنۋىنىڭ جاڭا ورىسىنە اينالدى. بەيجيڭ جۇندۋشان شاڭعى الاڭىنىڭ باس ديرەكتورى چياۋ ۋيدىڭ ايتۋىنشا، ونىڭ 2003 - جىلى قۇرىلعان قار شاڭعى الاڭىنا كوپ ەشكىم باس سۇقپاعاندىقتان، سول جىلى شاڭعى تەپكەندەر 30 مىڭ ادام - رەتكە دە جەتپەگەن. ال 2021 - جىلدان 2022 - جىلعا دەيىن قار - مۇز ماۋسىمىندا جۇندۋشان شاڭعى الاڭىندا شاڭعى تەبەتىندەر سانى 160 مىڭنان اسادى دەگەن ءۇمىت زور.
”’300 ميلليون ادامدى قار - مۇز سپورتىنا قاتىناسۋعا باستاۋدىڭ‘ باي ىشكى ءمانى جانە سىرتقى ىقپالى بار، ەڭ ماڭىزدىسى، قار - مۇز سپورتى ارقىلى حالىقتىڭ تۇرمىس ساپاسى مەن باقىت سەزىمىن جوعارىلاتۋ“، - دەيدى بەيجيڭ قالاسى شاڭعىشىلار قوعامىنىڭ ءتوراعاسى لي شياۋميڭ.
باس شۋجي شي جينپيڭنىڭ ”حالىقتى بارىنەن جوعارى قويۋ“ ۇستانىمى بەيجيڭ قىسقى وليمپيادا سپورت جارىسىن، مۇگەدەكتەر قىسقى وليمپيادا سپورت جارىسىن وتكىزۋگە دايىندىق كورۋدىڭ جالپى بارىسىنا ءسىڭىرىلدى. باس شۋجي شي جينپيڭ قىسقى وليمپيادا الاڭ - سارايلارىنىڭ جارىستان كەيىنگى پايدالانىلۋىن بەلسەنە جوبالاپ، ءىرى جارىس وتكىزۋدى جالپى حالىقتىڭ دەنە شىنىقتىرۋىنا قىزمەت وتەۋمەن بايلانىستىرۋ كەرەك دەپ باسا دارىپتەدى.
باس شۋجي شي جينپيڭنىڭ ماڭىزدى نۇسقاۋىن بەرىك ۇستانعان بەيجيڭ قىسقى وليمپيادا سپورت جارىسىنىڭ، مۇگەدەكتەر قىسقى وليمپيادا سپورت جارىسىنىڭ الاڭ - سارايلارى قىسقى وليمپيادا سپورت جارىسىنىڭ، مۇگەدەكتەر وليمپيادا سپورت جارىسىنىڭ جانە باسقا دا جارىستاردىڭ قاجەتىن قاناعاتتاندىرۋمەن بىرگە، بارلىعى دا جارىستان كەيىنگى قار - مۇز سپورتىن جالپىلاستىرۋعا قىزمەت وتەۋدىڭ، جالپى حالىقتىڭ دەنە شىنىقتىرۋىنا قىزمەت وتەۋدىڭ ۇزاق بولاشاقتىق جوسپارىن جاساپ، تارتىمدى وليمپيادا سپورت جارىسىن وتكىزۋ مەن جارىستان كەيىن الاڭ - سارايلاردىڭ پايدالانىلۋى، شارۋاشىلىق جۇرگىزۋى، باياندى بولۋى سىندى قوس نىسانانى جۇزەگە اسىرۋعا شىنايى كەپىلدىك ەتتى. تاڭداۋلى ينجەنەريالاردىڭ قاي - قايسىسى دا كۇللى دۇنيە كوز تىككەن جارىستى وتكىزۋدى عانا ەمەس، ونان دا ماڭىزدىسى، حالىق سالاماتتىعىنىڭ ۇزاق بولاشاقتىق ىرىس - قۇتىن كوزدەدى.
100 جىلدىق اۋقىمدى جوسپار ءۇشىن تەرەڭ تولعانىپ، ۇزاقتى كوزدەۋ كەرەك. جالپى حالىقتىڭ دەنە شىنىقتىرۋىندا حالىققا پايدالى بولۋدى بارىنەن جوعارى قويۋ قاجەت. قار - مۇز سپورتىن جالپىلاستىرۋدان جارىس الاڭ - سارايلارىنىڭ جارىستان كەيىن جالپى حالىقتىڭ دەنە شىنىقتىرۋىنا قىزمەت وتەۋ ءۇشىن جوبالانۋى سياقتىلارعا دەيىنگىلەردىڭ بارلىعىندا ”حالىقتى وزەك ەتۋ“ ۇستانىمى ايگىلەندى.
”ءبىز بەيجيڭ قىسقى وليمپيادا سپورت جارىسىن وراي ەتىپ، باسەكەلىك دەنە تاربيەنى اناعۇرلىم جاقسى، اناعۇرلىم تەز، اناعۇرلىم ورەلى، اناعۇرلىم قۋاتتى ورىستەتۋمەن بىرگە، بۇقارالىق دەنە تاربيەنى دە زور كۇشپەن دامىتىپ، جالپى حالىقتىڭ دەنە شىنىقتىرۋى ارقىلى جالپى حالىقتىڭ سالاماتتىعىن جۇزەگە اسىرىپ، ونان ارى جاپپاي دوڭگەلەك داۋلەتتىلىك نىساناسىن جۇزەگە اسىرامىز“. ”ءبىز جاسىل، ۇنەمشىل، پاك قىسقى وليمپيادا سپورت جارىسىن وتكىزۋىمىز كەرەك، ال ونىڭ ماڭىزدى ءمانى قايدا جاتىر؟ بۇنىڭ ماڭىزى جالپى حالىقتىڭ سالاماتتىعىنىڭ جاپپاي دوڭگەلەك داۋلەتتى قوعام ورناتۋداعى ءتيىستى مانىندە جاتىر“.
باس شۋجي شي جينپيڭنىڭ سوزدەرى ءبىزدىڭ بەيجيڭ قىسقى وليمپيادا سپورت جارىسىن وتكىزۋگە دايىندىق كورۋدە ارقالاعان جالپى حالىقتىڭ دەنە شىنىقتىرۋدى ىلگەرىلەتىپ، حالىقتى باقىتقا كەنەلتۋ سىندى تاريحي مىندەتىمىزدى ايقىن بايىمداپ كورسەتتى.
قار - مۇز ارمانىنا تالپىنىپ، ارمانعا قۇلاش سەرمەدى
پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى دەنە تاربيەدە قۋاتتى ەل قۇرۋ ستراتەگيالىق نىساناسىن تۇراقتاندىردى.
2014 - جىلى 2 - ايداعى رەسەيدىڭ سوچي قىسقى وليمپيادا سپورت جارىسى كەزىندە، باس شۋجي شي جينپيڭ جۇڭگو دەنە تاربيە ۋاكىلدەر ۇيىرمەسىنىڭ مۇشەلەرىنە امانداسا بارعاندا بىلاي دەپ اتاپ كورسەتتى: ءبىز ۇلى ماقسات، ۇلى مۇرات ورناتىپ، قايراتتانا العا ۇمتىلاتىن بولساق قانا، دەنە تاربيەدە ءىرى ەلدەن دەنە تاربيەدە قۋاتتى ەل بولۋعا قاراي ارشىندى قادام تاستاۋ نىساناسىن، ءسوز جوق، ورىندايتىن بولامىز. بۇل ۋاكىلدەر ۇيىرمەسىنىڭ مۇشەلەرىن بارىنشا جىگەرلەندىردى.
2019 - جىلى 9 - ايدا «دەنە تاربيەدە قۋاتتى ەل قۇرىلىسى باعدارناماسى» جاريالانىپ، دەنە تاربيەدە قۋاتتى ەل قۇرىلىسىن جەدەل ىلگەرىلەتۋ جونىندە ايقىن ورنالاستىرۋ جاسالىپ، دەنە تاربيە قۇرىلىسىن جۇڭحۋا ۇلتىنىڭ ۇلى گۇلدەنۋىنىڭ بەلگى سيپاتتى ىستەرىنە اينالدىرۋعا قۇلشىنۋ كەرەكتىگى العا قويىلدى. 2021 - جىلى 3 - ايدا «جۇڭحۋا حالىق رەسپۋبليكاسىنىڭ حالىق شارۋاشىلىعى مەن قوعامدىق دامۋدىڭ 14 - بەسجىلدىق جوباسى جانە 2035 - جىلعا دەيىنگى بولاشاقتىق نىسانا باعدارناماسىندا» 2035 - جىلعا جەتكەندە ”دەنە تاربيەدە قۋاتتى ەل“ قۇرىپ شىعۋ العا قويىلدى.
بەيجيڭ قىسقى وليمپيادا سپورت جارىسى، مۇگەدەكتەر قىسقى وليمپيادا سپورت جارىسى ەلىمىزدىڭ دەنە تاربيەدە قۋاتتى ەل قۇرۋ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ جورىعىندا بەلەستىك ەسكەرتكىش ورناتادى.
دەنە تاربيەدە قۋاتتى ەل قۇرۋ جاپپاي سوتسياليستىك وسىزاماندانعان مەملەكەت قۇرۋدىڭ ماڭىزدى نىسانالارىنىڭ ءبىرى. باس شۋجي شي جينپيڭ بىلاي دەپ اتاپ كورسەتتى: دەنە تاربيەدە قۋاتتى ەل قۇرۋدى جەدەلدەتۋدە، 2022 - جىلعى بەيجيڭ قىسقى وليمپيادا سپورت جارىسىن جوعارى ساپامەن وتكىزۋ، وتكىزۋگە دايىندالۋ قىزمەتتەرىن كۇش سالا ويداعىداي ىستەۋ، اسىرەسە، جارىسقا دايىندىق كورۋ قىزمەتتەرىن ويداعىداي ىستەۋ، قار - مۇز سپورتىنىڭ جالپىلاسۋىن جانە ساپاسىنىڭ جوعارىلاۋىن تەزدەتۋ، ءبىر كەزەكتى تارتىمدى، ەرەكشە، ەرەن سالتاناتتى وليمپيادا سپورت جينالىسىن وتكىزۋگە قۇلشىنۋ كەرەك.
2015 - جىلى 11 - ايدا باس شۋجي شي جينپيڭ جاسىل وليمپيادا سپورت جارىسىن وتكىزۋ، بىرگە يگىلىكتەنەتىن وليمپيادا سپورت جارىسىن وتكىزۋ، اشىق وليمپيادا سپورت جارىسىن وتكىزۋ، پاك وليمپيادا سپورت جارىسىن وتكىزۋ ۇستانىمىن العا قويىپ، بەيجيڭ قىسقى وليمپيادا سپورت جارىسىن، مۇگەدەكتەر قىسقى وليمپيادا سپورت جارىسىن وتكىزۋگە دايىندىق كورۋ قىزمەتى ءۇشىن باس پرينسيپتى تۇراقتاندىردى، باس باعداردى ايقىن كورسەتتى.
وليمپيادا سپورت جارىسىن وتكىزۋدىڭ 4 ۇلكەن ۇستانىمى ءداۋىر ەرەكشەلىگىن، عىلمي رۋحتى جانە جۇڭگو اقىل - پاراساتىن ايگىلەدى، بۇل وليمپيادا مادەنيەتىنىڭ بايىتىلۋى.
باس شۋجي شي جينپيڭ بەيجيڭ قىسقى وليمپيادا سپورت جارىسىن، مۇگەدەكتەر قىسقى وليمپيادا سپورت جارىسىن وتكىزۋگە دايىندىق كورۋ جاعدايى جونىندە ىلگەرىندى - كەيىندى 5 رەت ناقپا - ناق قىزمەت تەكسەرىپ، ءوزى سول جەرگە بارىپ، جاعدايدى ۇعىسىپ، تەكسەرۋ جۇرگىزىپ، جەتەكشىلىك ەتتى.
باس شۋجيدىڭ ورنالاستىرۋى بويىنشا بەيجيڭ قىسقى وليمپيادا سپورت جارىسىن، مۇگەدەكتەر قىسقى وليمپيادا سپورت جارىسىن وتكىزۋگە دايىندىق كورۋشىلەر 100 جىلدىق ۇلى جوسپارعا تاباندى بولىپ، دەن قويا جوبالاپ، دەن قويا قۇرىلىس جۇرگىزىپ، جوبا جانە جوسپار بويىنشا ىلگەرىلەتىپ، ءبىر توپ سارا قۇرىلىس ينجەنەرياسىن سالدى. توسىن كەلگەن جاڭا تيپتى ايدارشا ۆيرۋس وكپە قابىنۋ ىندەتى بەيجيڭ قىسقى وليمپيادا سپورت جارىسىن، مۇگەدەكتەر قىسقى وليمپيادا سپورت جارىسىن وتكىزۋگە دايىندىق كورۋ قىزمەتىنىڭ نىق قاداممەن ىلگەرىلەۋىنە بوگەت بولا العان جوق. 2020 - جىلدىڭ سوڭىندا جالپى 12 جارىس الاڭ - سارايى سالىنىپ بولدى ءارى قاتىستى حالىقارالىق جەكە تۇردەگى دەنە تاربيە ۇيىمىنىڭ تەكسەرىپ وتكىزىپ الۋىنان جانە كۋالاندىرۋىنان ءوتىپ، جوعارى باعا الدى.
”مۇز جىبەك باۋ“، ”قار قۇتى“، ”حرۋستال باتىنكە“، ”قار ايداعار“... جۇڭگو مادەنيەتىنىڭ كەرەمەتى قامتىلعان، مادەنيەت سەنىمى ايگىلەنگەن وسى دەنە تاربيە الاڭ - سارايلارى وليمپيادا تاريحىندا كوركەم كورىنىس بولىپ قالىپتاستى.
يانچيڭ مەملەكەتتىك قار اربا، قار شانا ورتالىعىنىڭ جارىس جولىنداعى ”قار ايداعار“ جۇڭگولىقتاردىڭ دەربەس عىلمي زەرتتەۋدەن قامال الۋ ءارى شەتەلدىڭ كوپتەگەن شەشۋشى تەحنيكالاردى مونوپوليالاۋىن تالقانداۋ ارقىلى سالىنعان. 2021 - جىلى 10 - ايدا، 11 - ايدا وتكىزىلگەن حالىقارالىق جاتتىعۋ اپتالىعى جانە سىناق جارىسى كەزىندە جارىس جولى قۇرىلعىلارىنىڭ ساپاسى ءبىر اۋىزدان جاقسى باعاعا يە بولدى. 2018 - جىلى پيڭچاڭ قىسقى وليمپيادا سپورت جارىسىنىڭ كۇمىس مەدال يەگەرى، بولات قۇرىلىمدى قار اربا شەبەرى لو لين: ”بۇل شىنىمەن ايرىقشا كەرەمەت ءارى ەرەكشە جارىس جولى ەكەن، كورىنىسى مەن قۇرىلىسى جارىسقا ءتۇسۋ ءۇمىتىڭدى ۇشتاي تۇسەدى ەكەن“، - دەدى.
2021 - جىلدىڭ سوڭىندا ”بەيجيڭدە باس قوسۋ“ قىسقى وليمپيادا سىناق جارىسى تابىستى اياقتادى، بارلىق الاڭ - سارايلاردىڭ قاتتى بولشەگى، جۇمساق بولشەگى تۇگەلدەي جوعارى ساپالى تەكسەرۋدەن ءوتتى. بەيجيڭ قىسقى وليمپيادا سپورت جارىسىن، مۇگەدەكتەر قىسقى وليمپيادا سپورت جارىسىن وتكىزۋگە دايىندىق كورۋ قىزمەتى تۇگەلدەي اياقتادى.
باس شۋجي شي جينپيڭنىڭ ”قىسقى وليمپيادا سپورت جارىسىن وتكىزۋگە دايىندالۋ جانە جەرگىلىكتى دامۋ سىندى ەكى ۇزدىك جاۋاپنامانى تاپسىرۋعا قۇلشىنۋ“ سىندى ماڭىزدى نۇسقاۋىنىڭ جەتەكشىلىگىندە بەيجيڭ قىسقى وليمپيادا سپورت جارىسىن، مۇگەدەكتەر قىسقى وليمپيادا سپورت جارىسىن وتكىزۋگە دايىندالۋ بەيجيڭ − تيانجين − حىبەيدىڭ سايكەستى دامۋىن ىلگەرىلەتتى، اسىرەسە، چۇڭليدىڭ كونە بەينەسىنىڭ شىت جاڭا تۇسكە ەنۋىن ىلگەرىلەتتى، دەمەك مەشەۋ ءبىر اۋدان قالاشىعى كوركەم شاڭعى قالاسىنا اينالدى.
بەيجيڭ قىسقى وليمپيادا سپورت جارىسىن وتكىزۋ ءوتىنىشى تابىستى بولعاننان كەيىن، ءىشىنارا قار ءۇستى تۇرلەرى جارىسى چۇڭليدە وتكىزىلەدى. وليمپيادا سپورتى جارىسىنىڭ كوكتەم سامالى تاۋ قويناۋىندا ەسىپ، چۇڭليدىڭ دامۋى كۇن سايىن جاڭارىپ، اي سايىن تۇرلەنگەن قارقىندى جولعا قادام تاستادى. 2019 - جىلى بۇل شاعىن قالاشىق بىردەن وزگەرىستى جۇزەگە اسىردى، مەملەكەت دارەجەلى كەدەي اۋداندار قاتارىنان شەگەرىلدى ءارى امەريكانىڭ «نيۋ - يورك ۋاقىت گازەتى» جاعىنان سول جىلعى الەمدىك ساياحاتتىڭ نىسانالى جەرى رەتىندە تانىستىرىلدى. تاعى دا وسى جىلدىڭ 12 - ايىنىڭ 30 - كۇنى دۇنيە جۇزىندەگى ساعاتتىق جىلدامدىعى 350 كيلومەترگە جەتكەن العاشقى زەردەلى جوعارى جىلدامدىقتى پويەز - بەيجيڭ - جاڭجياكوۋ جوعارى جىلدامدىقتى پويەزى رەسمي قاتىنادى، حىبەيدىڭ جاڭجياكوۋى بەيجيڭ − تيانجين − حىبەيدىڭ ”ءبىر ساعاتتىق تۇرمىس شەڭبەرىنە“ رەسمي ەندى. بەيجيڭ مەن چۇڭلي اراسىندا ءاسىلى 3 ساعاتتان اساتىن قاشىقتىق 50 مينۋتقا قىسقاردى. بەيجيڭدىقتار چۇڭليگە لەزدە جەتەتىن بولدى.
”مۇزدى القاپ پەن قارلى دالا دا باعالى بايلىق“. چۇڭليدىڭ قيالداعان وزگەرىسى باس شۋجي شي جينپيڭنىڭ وسى تۇجىرىمىن ايعاقتادى.
جاڭا ءداۋىر جۇڭگولىقتاردىڭ ارمانعا قۇلاش سەرمەيتىن ءداۋىرى. بەيجيڭ قىسقى وليمپيادا سپورت جارىسى جۇڭگونىڭ قار - مۇز ساڭلاقتارىنىڭ ارمانعا قۇلاش سەرمەيتىن جانە ارمانىن ورىندايتىن ساحناسى.
بەيجيڭ قىسقى وليمپيادا سپورت جارىسىندا 109 جارىس ءتۇرىنىڭ شاعىن تۇرلەرى اراسىندا شامامەن ۇشتەن ءبىر ءتۇرى جۇڭگودا مۇنىڭ الدىندا ەجەلدەن ورىستەتىلىپ كورمەگەن. باس شۋجي شي جينپيڭنىڭ ”جارىستى تارتىمدى وتكىزۋ، جارىسقا قاتىناسقاندا دا تاماشا ناتيجەگە جەتۋ“ دەگەن نۇسقاۋىنا ساي، جۇڭگو قار - مۇز دەنە تاربيەشىلەرى بارلىق جارىس تۇرىنە قاتىناسۋدى جانە تاريحتاعى ەڭ تاماشا ناتيجەگە قول جەتكىزۋدى جارىسقا قاتىناسۋ نىساناسى ەتىپ، بارلىق جارىس تۇرلەرىنە قوسىن ۇيىمداستىرۋ بويىنشا جاپالى جارىس دايىندىعى بارىسىن باسىپ ءوتتى، 6 جىلدان استام ۋاقىتتان بەرى جەتىستىگى قوماقتى بولدى.
2021 - جىلى 1 - ايدا باس شۋجي شي جينپيڭ بەيجيڭدە، حىبەيدا قىزمەت تەكسەرگەن كەزدە بىلاي دەپ باسا دارىپتەدى: ”ەلىمىزدىڭ كوپتەگەن قار - مۇز تۇرلەرى 2 جىلدان استام ۋاقىت ىشىندە جوقتان بار بولۋدى جۇزەگە اسىردى، كەيبىر تۇرلەر دۇنيە جۇزىندە وزىق دەڭگەيگە جەتىپ، پارتيانىڭ باسشىلىعى مەن مەملەكەتتىك ءتۇزىلىستىڭ، كۇشتى شوعىرلاندىرىپ ءىرى ءىس تىندىرۋدىڭ ءتۇزىم ابزالدىلىعىن تولىق ايگىلەدى“.
2022 - جىلى 1 - ايدا باس شۋجي شي جينپيڭ بەيجيڭ قىسقى وليمپيادا سپورت جارىسىن وتكىزۋگە دايىندىق كورۋ، جارىسقا دايىندالۋ قىزمەتىن تەكسەرگەندە بەيجيڭدە جارىسقا دايىندالىپ جاتقان ءبىر ءبولىم سپورتشىلارعا امانداسا بارىپ، ولاردى بىلاي دەپ جىگەرلەندىردى، قايراتتاندىردى: ومىردە قانشا رەت بەلدەسۋ بولماق، ۇزاق ۋاقىت دايىندىق جاساۋدىڭ ءساتتى - ءساتسىز بولۋى وسى رەتتە كورىنەدى. شي جينپيڭ كوپشىلىكتىڭ تاماشا ناتيجەگە قول جەتكىزۋىن تىلەدى، كوپشىلىك قىزۋ قول شاپالاق سوعىپ، ”باس شۋجي، الاڭسىز بولىڭىز!“، ”ءبىز دايىندالىپ بولدىق!“ دەپ داۋىستادى.
بويداعى ونەردى ۇلى ىسكە ارناپ، ادال نيەتپەن وتان ءۇمىتىن اقتادى.
جۇڭگو سىڭار تاقتايلى شاڭعى تەبۋ شەبەرى سۋ يميڭ 2021 - جىلى 12 - ايدا وتكىزىلگەن شاڭعىمەن ۇلكەن تۇعىردان ەركىن سەكىرۋدىڭ دۇنيە جۇزىلىك ساۋىتىنا تالاسۋ جارىسىندا ەرلەردىڭ سىڭار تاقتايلى شاڭعىمەن ۇلكەن تۇعىردان سەكىرۋىندە اعا جۇلدەگەر بولىپ، سىڭار تاقتايلى شاڭعىمەن ۇلكەن تۇعىردان سەكىرۋ دۇنيە جۇزىلىك ساۋىتىنا تالاسۋ جارىسىندا جۇڭگونىڭ العاشقى اعا جۇلدەگەرىنە اينالدى. مەملەكەتكە داڭق اپەرۋ ارمانىنىڭ ىنتالاندىرۋىندا، ول ءار رەتكى جاتتىعۋ كۇنىندە دەرلىكتەي 7 دە 8 ساعات جوعارى كۇشەمەلىكتەگى قار ءۇستى جاتتىعۋىن جۇرگىزدى، كەي كەزدەردە ءبىر اپتادا بىرنەشە شاڭعىنى كەرەكتەن شىعاراتىن.
جۇڭگو ەرلەر ەكى ادامدىق شانا شەبەرى حۋاڭ يەبو مەن پىڭ جۇنيۋە جەڭىل اتلەتيكا جانە باسكەتبول تۇرىنەن وزدەرىنە بۇكىلدەي بەيتانىس شانا تۇرىنە اۋىستى. حۋاڭ يەبو بىلاي دەدى: ءبىز جاي ادامدار ويلاپ جەتە المايتىن بەينەت پەن ماشاقاتتى باستان كەشىردىك. ”العاشىندا ءار رەت سىرعاناعاندا شانا اۋدارىلىپ كەتەتىن، كەي كەزدەرى ءبىر رەت سىرعاناعاندا 2 رەت اۋدارىلاتىن“. الايدا ارمان ولاردىڭ جىعىلىپ - سۇرىنگەن بەينەتتى كەزەڭىن وتكەرۋىنە دەم بەردى ءارى بەيجيڭ قىسقى وليمپيادا سپورت جارىسىنا قاتىناسۋ تولىمدىلىعىنا ءساتتى تۇردە قول جەتكىزدى.
2018 - جىلى پيڭچاڭ قىسقى وليمپيادا سپورت جارىسىندا جۇڭگو ۋاكىلدەر ۇيىرمەسىنە ءبىر التىن مەدال الىپ بەرگەن ەرلەر قىسقا ارالىققا تەز سىرعاناۋ شەبەرى ۋ داجيڭنىڭ 2021 - جىلدان بەرى بابى جاقسى بولماي، 11 - ايدىڭ سوڭىنا جەتكەندە عانا ءبىر بەكەتتە دۇنيە جۇزىلىك ساۋىتقا تالاسۋ جارىسىنىڭ اعا جۇلدەگەرى بولدى. جاسى ەگدەلەسە دە اسىل ارمان ارقالاپ، بولاشاقتى مۇرات تۇتتى. ول ەڭ تاماشا كۇيىن بەيجيڭ قىسقى وليمپيادا سپورت جارىسىندا كورسەتەتىندىگىن ايتتى.
بەيجيڭ قىسقى وليمپيادا سپورت جارىسىندا جانە قىسقى مۇگەدەكتەر وليمپيادا سپورت جارىسىندا جۇڭگونىڭ دەنە تاربيە ساڭلاقتارى كاسىپتىك عۇمىرىنىڭ ەڭ بيىك شىڭىنا ۇمتىلىس جاسايتىن بولادى.
ىنتىماقتاسا سەلبەسىپ، تاعدىرلاس بولدى
بەيجيڭ قىسقى وليمپيادا سپورت جارىسى، مۇگەدەكتەر قىسقى وليمپيادا سپورت جارىسى جۇڭحۋا وركەنيەتىنىڭ دۇنيە جۇزىندەگى ءار ەل وركەنيەتىمەن اۋىس - كۇيىس جاساپ، ءوزارا ۇلگى الىپ، ىنتىماقتى، بەيبىتشىلىكتى، دوستىقتى، دامۋدى اسقاقتاتاتىن بۇكىل ادامزاتتىڭ ورتاق قۇندىلىعى، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋدىڭ ورايى جانە ساحناسى.
2022 - جىلى 1 - ايدىڭ 4 - كۇنى باس شۋجي شي جينپيڭ بەيجيڭ قىسقى وليمپيادا سپورت جارىسىن، مۇگەدەكتەر قىسقى وليمپيادا سپورت جارىسىن وتكىزۋگە دايىندىق كورۋ قىزمەتىن تەكسەرگەندە بىلاي دەپ باسا دارىپتەدى: بەيجيڭ قىسقى وليمپيادا سپورت جارىسىن، مۇگەدەكتەر قىسقى وليمپيادا سپورت جارىسىن ءساتتى وتكىزۋ ءبىزدىڭ جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ سەنىمىمىزدى نىعايتىپ قانا قويماي، مەملەكەتىمىز بەن ۇلتىمىزدىڭ ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋگە قۇلشىنعان، جارقىن، باي، قۇدىرەتتى، اشىق تاماشا وبرازىن كورسەتىپ، ءار ەل حالىقتارىنىڭ جۇڭگو جونىندەگى تۇسىنىگى مەن تانىمىن ارتتىرۋعا ءتيىمدى.
2015 - جىلى 8 - ايدىڭ 22 - كۇنى باس شۋجي شي جينپيڭ بەيجيڭدە حالىقارالىق وليمپيادا قوعامىنىڭ ءتوراعاسى، ازيا وليمپيادا القالار كەڭەسىنىڭ ءتوراعاسى احمەد حانزادامەن كەزدەسكەندە بىلاي دەدى: بەيجيڭنىڭ 2022 - جىلعى قىسقى وليمپيادا سپورت جارىسىن وتكىزۋ ۇقىعىنا ءساتتى قول جەتكىزۋى جۇڭگونىڭ دەنە تاربيەسىنىڭ، سونداي - اق قوعامدىق، ەكونوميكالىق دامۋىنىڭ جانە دۇنيە جۇزىلىك وليمپيادا سپورتى دامۋىنىڭ ءبىرىن - ءبىرى جەبەۋىنە ءتيىمدى، جۇڭحۋا وركەنيەتىنىڭ دۇنيە جۇزىندەگى ءار ەل حالىقتارى وركەنيەتىمەن اۋىس - كۇيىس جاساپ، ءوزارا ۇلگى الۋىن جەبەۋگە ءتيىمدى.
2015 - جىلى 11 - ايدا باس شۋجي شي جينپيڭ وليمپيادا سپورت جارىسىن وتكىزۋدىڭ 4 ۇلكەن ۇستانىمى جونىندە ماڭىزدى نۇسقاۋ بەرىپ، وليمپيادا رۋحىن اسقاقتاتىپ، جۇڭگو مەن شەتەلدىڭ دەنە تاربيە اۋىس - كۇيىسىن كۇشەيتىپ، شىعىس پەن باتىس وركەنيەتىنىڭ توعىسۋىن ىلگەرىلەتىپ، جۇڭگونىڭ تاماشا وبرازىن ايگىلەۋدى باسا دارىپتەدى.
”جاسىل وليمپيادا سپورت جارىسىن وتكىزۋدىڭ“ ءتۇيىنى ارەكەتتە. بەيجيڭ قىسقى وليمپيادا سپورت جارىسىنىڭ، مۇگەدەكتەر قىسقى وليمپيادا سپورت جارىسىنىڭ جاڭادان سالىنعان مۇز ءۇستى ويىن تۇرلەرى الاڭ - سارايلارى مەن باسەكەلىك ەمەس جارىس تۇرلەرى الاڭ - سارايلارى تۇگەلدەي جاسىل قۇرىلىس 3 جۇلدىز ولشەمىنە جەتەدى. بارلىق باسەكەلىك جارىس الاڭ - سارايلارىنا تۇگەلدەي جاسىل ەلەكتر قۋاتى پايدالانىلادى. بەيجيڭ قىسقى وليمپيادا سپورت جارىسىن ۇيىمداستىرۋ كوميسسياسى جوبا - قۇرىلىس ءبولىمىنىڭ باستىعى ليۋ يۇيمين بىلاي دەدى: مەجەگە نەگىزدەلگەندە، 2019 - جىلى 6 - ايداعى تۇڭعىش جاسىل ەلەكتر ساۋداسىنان باستاپ، 2022 - جىلى مۇگەدەكتەر قىسقى وليمپيادا سپورت جارىسى اياقتاعانعا دەيىن، بەيجيڭ، يانچيڭ، جاڭجياكوۋ سىندى 3 جارىس اۋماعىنداعى الاڭ - سارايلاردا جاسىل ەلەكتر مەجەمەن 400 ميلليون كيلوۆات - ساعات پايدالانىلسا، 128 مىڭ توننا ولشەمدى كومىردىڭ جاعىلۋىن ازايتىپ، 320 مىڭ توننا كومىرتەگى قوس توتىعىن از ىعىستىرىپ شىعارادى. بەيجيڭ قىسقى وليمپيادا سپورت جارىسىن، مۇگەدەكتەر قىسقى وليمپيادا سپورت جارىسىن وتكىزۋگە دايىندىق كورۋ قىزمەتىندە وزىندىك قۇن قاتاڭ تىزگىندەلىپ، تارتىمدى جارىس وتكىزۋ مەن جارىستى ۇنەمشىلدىكپەن وتكىزۋدىڭ بىرلىگىن جۇزەگە اسىرۋعا قۇلشىنىس جاسالدى. بەيجيڭ قىسقى وليمپيادا سپورت جارىسىن ۇيىمداستىرۋ كوميسسياسى زات اينالىمى ءبولىمىنىڭ باستىعى لي يانليڭنىڭ تانىستىرۋىنا قاراعاندا، كوپتەگەن قىسقى وليمپيادا سپورت جارىسىنا قاجەتتى زاتتىق ماتەريالدار جاڭا ەنەرگيالى تاسىمال قۇرالدارىمەن الاڭ - سارايلارعا تىكە جەتكىزىلىپ، زات اينالىمى ازايعان، كومىر قىشقىل گازىنىڭ شىعارىلۋى دا ازايعان.
بەيجيڭ قىسقى وليمپيادا سپورت جارىسىنىڭ مۇز ءۇستى ويىن تۇرلەرى بويىنشا 4 الاڭ - سارايدا جاڭا تۇرپاتتى كومىرتەگى قوس توتىعىمەن جاسالعان توڭازىتۋ سۇيىقتىعى − قازىر دۇنيە جۇزىندە قورشاعان ورتانى ەڭ قورعايتىن مۇز جاساۋ تەحنيكاسى قولدانىلىپ، كومىر قىشقىل گازىنىڭ شىعارىلۋى نولگە تايادى. مەملەكەتتىك تەز سىرعاناۋ سارايى ”مۇز جىبەك باۋىنىڭ“ باس ينجەنەرى لي جيۋلين بىلاي دەدى: بەيجيڭ قىسقى وليمپيادا سپورت جارىسى الاڭ - سارايلارىنىڭ جاسىل، تومەن كومىر قىشقىل گازدى، باياندى دامۋ جوباسى ۇستانىمى ادامزاتتىڭ تاعدىرلاس ورتاق تۇلعاسى تانىمىن كورنەكتىلەندىردى. بەيجيڭ قىسقى وليمپيادا سپورت جارىسى سايكەستىرۋ كوميتەتىنىڭ ءتوراعاسى، حالىقارالىق وليمپيادا كوميتەتىنىڭ ورىنباسار ءتوراعاسى كىشى سامارانيچ: بەيجيڭ قىسقى وليمپيادا سپورت جارىسى ”ەڭ جاسىل وليمپيادا سپورت جارىسىنا“ اينالادى، - دەدى.
يانچيڭ جارىس اۋماعى جالپى 2 ميلليون 140 مىڭ شارشى مەتر كەلەتىن ەكولوگيانى قالپىنا كەلتىرۋ قىزمەتىن ورىندادى. جارىس اۋماعى قۇرىلىسى جۇرگىزىلۋدەن بۇرىن، الدىمەن ەكولوگيالىق ورتا جونىندە ىشكەرىلەي تەكسەرۋ جۇرگىزىلىپ، جارىس اۋماعى قۇرىلىسىنا ”ەكولوگيالىق تومەنگى شەك“ سىزىلىپ، ”ينجەنەريالىق جول بەرۋ، ينجەنەريانى باياۋلاتۋ، ينجەنەريالىق تولەم بەرۋ“ سىندى ءۇش ۇلكەن پرينسيپ بەلگىلەندى. قار شاڭعى جولىن سالاردا كوشىرۋگە بولمايتىن ءبىر ءتۇپ بايىرعى شەتەن اعاشىن قورعاۋ ءۇشىن قۇرىلىس جوسپارى وزگەرتىلدى. قار شاڭعى جولى قۇرىلىس نىسانىنىڭ جاۋاپتىسى فۋ جاۋكۇن بىلاي دەدى: بۇرىن جول جوندەگەندە تەك جولدى عانا ويلايتىنبىز؛ قازىر جول جوندەگەندە تاۋدى، اعاشتى، ءشوپتى، حايۋاناتتى جانە ادامزات بىرگە تۇرمىس كەشىرىپ جاتقان جەر شارى مەكەنىن ءتىپتى كوبىرەك ويلاساتىن بولدىق.
ادام جاسىل تاۋدى ارداقتاسا، جاسىل تاۋ دا، ءسوز جوق، ادامنىڭ ءۇمىتىن اقتايدى. بۇل ”تازا، كوركەم دۇنيە ءجۇزىن قۇرۋ“ سىندى قورشاعان ورتانى قورعاۋ ۇستانىمىنىڭ بەيجيڭ قىسقى وليمپيادا سپورت جارىسىن وتكىزۋگە دايىندىق كورۋ بارىسىنداعى امالياتى، جۇڭگونىڭ دۇنيە جۇزىندەگى ءىرى ەل رەتىندەگى ونەگەسى مەن جاۋاپكەرشىلىگىن ايگىلەدى.
باس شۋجي شي جينپيڭنىڭ ”بىرگە يگىلىكتەنەتىن وليمپيادا سپورت جارىسىن وتكىزۋ“، ”اشىق وليمپيادا سپورت جارىسىن وتكىزۋ“ ۇستانىمىنىڭ جەتەكشىلىگىندە، بەيجيڭ قىسقى وليمپيادا سپورت جارىسىن وتكىزۋگە دايىندىق كورۋ قىزمەتىندە الەمدەگى دارىندىلاردى جيىپ ءوزىمىز ءۇشىن پايدالانىپ، ءار جاقتىڭ اقىل - پاراساتىن شوعىرلاندىرىپ، ءار سالانىڭ كۇش - قۋاتىن توپتاپ، الەمدەگى يگىلىكتى ءىستى كوركەيتۋ ادامزاتتىڭ تاعدىرلاس ورتاق تۇلعاسىنىڭ ”بىرگە اقىلداسۋ، بىرگە قۇرۋ، بىرگە كەنەلۋ“ سىندى وي جەلىسىمەن بىردەي شىقتى.
بەيجيڭ قىسقى وليمپيادا سپورت جارىسىن ۇيىمداستىرۋ كوميسسياسى دايىندىق كورۋ بارىسىندا حالىقارالىق وليمپيادا كوميتەتى، حالىقارالىق مۇگەدەكتەر وليمپيادا كوميتەتى، حالىقارالىق قىسقى جەكە ويىن تۇرلەرى دەنە تاربيە بىرلەستىگى سياقتى جاقتارمەن باستان - اياق تاماشا سەلبەستىكتى ساقتادى. ەل ىشىندەگى، حالىقاراداعى قارجىنى جانە قوعامدىق كۇشتەردى دايىندىق كورۋ قىزمەتىنە ات سالىسۋعا قابىلدادى. بەيجيڭ قىسقى وليمپيادا سپورت جارىسىنىڭ قار ءۇستى تۇرلەرى بويىنشا ءبىر ءبولىمىن ۇستىنە الىپ وتكىزەتىن يۇنديڭ شاڭعى الاڭى سياقتىلاردى مالايزيا يۇنديڭ توبى قارجى قوسىپ سالدى. باس شتابى يتاليانىڭ بولزانو قالاسىندا تۇراتىن تيانبيڭ سەرىكتەستىگى سياقتى حالىقارالىق كاسىپورىندار جاڭجياكوۋ جوعارى، جاڭا تەحنيكا رايونى قار - مۇز سپورتى جابدىقتارى كاسىپ سالاسى باقشاسىنا ىرگە تەپتى. ”ءبىز جاڭجياكوۋدا قىسقى وليمپيادا سپورت جارىسىنىڭ پايداسىنان يگىلىكتەندىك“، - دەدى تيانبيڭ قار - مۇز جابدىقتارى جاڭجياكوۋ شەكتى سەرىكتەستىگىنىڭ باس ديرەكتورى پيەر سالۋسو.
بەيجيڭ قىسقى وليمپيادا سپورت جارىسىن، مۇگەدەكتەر قىسقى وليمپيادا سپورت جارىسىن وتكىزۋگە دايىندىق كورۋ قىزمەتىنە قاتىناسۋعا تاعى الەمدەگى 18 مەملەكەت پەن رايوننان 57 مامان تاڭدالىپ، ارنايى ۇسىنىس ەتىلدى. اۆستريا مۇز دوپ مامانى حاليد سپرينفەرد 2018 - جىلى 4 - ايدا بەيجيڭ قىسقى وليمپيادا سپورت جارىسىن ۇيىمداستىرۋ كوميسسياسىنىڭ قىزمەتتەرىنە قاتىناسىپ، بەيجيڭ قىسقى وليمپيادا سپورت جارىسى، مۇگەدەكتەر قىسقى وليمپيادا سپورت جارىسى مۇز دوپ ويىن تۇرلەرىن وتكىزۋ دايىندىق قىزمەتىنە اقىل - كەڭەس بەردى. بەيجيڭ قىسقى وليمپيادا سپورت جارىسىن وتكىزۋ دايىندىعى ۇزاق بولاشاقتىق جوباسىنداعى قورشاعان ورتانى قورعاۋ، بىرگە يگىلىكتەنۋ سياقتى ۇستانىمدار وعان تەرەڭ اسەر قالدىردى. ول بىلاي دەدى: ”مەنىڭشە، باسقا ەلدەر جۇڭگونىڭ ءادىسىن پايدالانسا بولادى. جۇڭگو قىسقى وليمپيادا سپورت جارىسى مەن مۇگەدەكتەر قىسقى وليمپيادا سپورت جارىسىن وتكىزۋدى ءوتىنىش ەتكەن كەزدە - اق ويداعىداي جوسپار جاساپ بولعان، سونداي - اق قىسقى وليمپيادا سپورت جارىسى اياقتاعاننان كەيىنگى كەزدەر ءۇشىن دە اناعۇرلىم ۇزاق بولاشاقتىق جوسپار جاساعان“.
بەيجيڭ قىسقى وليمپيادا سپورت جارىسى شوۋگاڭ باقشا رايونىنا ويلاعانداي ”شىت جاڭا بەينە“ اكەلدى. ونان دا ماڭىزدىسى، حالىقارالىق دەنە تاربيە سالاسى مۇنى اۋىز جاپپاي ماقتادى. كەزىندە شوۋگاڭ بەيجيڭ وليمپيادا سپورت جارىسى قورشاعان ورتانى رەتتەۋ - وڭاۋ ءىسى ءۇشىن تۇتاستاي كوشىرىلۋدەن قالعان كەرەكسىز ونەركاسىپ باقشا رايونى ەدى، بەيجيڭ قىسقى وليمپيادا سپورت جارىسى سەبەبىنەن قايتادان ومىرشەڭدىك كۇشىن قاۋلاتتى. تاريحتىڭ سان وزگەرىسىنىڭ ءىزى جاتقان وسىناۋ الىپ بولات قورىتۋ قۇرىلعىلارىنىڭ كۋا بولۋىندا، بەيجيڭ قىسقى وليمپيادا سپورت جارىسىن ۇيىمداستىرۋ كوميسسياسى باقشا رايونىنا ىرگە تەپتى، كوپتەگەن قىسقى ويىن تۇرلەرى بويىنشا مەملەكەتتىك كوماندا وسى ارادا جاڭا جاتتىعۋ بازاسىن قۇردى، قىسقى وليمپيادا سپورت جارىسىنىڭ شاڭعى تەبۋ ۇلكەن تۇعىرى ”حرۋستال باتىنكە“ ەڭسە كوتەردى، مارافون جارىسىنىڭ جارىس جولى اراسىندا يرەلەڭدەپ جاتىر... قايتا جاندانىپ، ”ينتەرنەتتە، ءسوزسىز، باراتىن جەرگە“ وزگەرگەن شوۋگاڭ باقشا رايونىنىڭ توڭىرەگى حالىقارالىق وليمپيادا كوميتەتىنىڭ بەكىتۋىمەن ”بەيجيڭ قىسقى وليمپيادا باقشاسى“ بولىپ، بەيجيڭ وليمپيادا باقشاسىمەن بىرگە ءبىر - بىرىنە كورىك قوستى.
شوۋگاڭ باقشا رايونىنىڭ وزگەرىسى حالىقارالىق وليمپيادا كوميتەتى العا قويعان ”كوتەرىمدىلىك، پايدا تابۋ، باياندىلىق“ سىندى وليمپيادا وتكىزۋ جاڭا ۇلگىسىنىڭ جۇڭگو ۇلگىسىن ورناتتى. باح شوۋگاڭ باقشا رايونىن ءار جولى اۋىزعا العان سايىن، اۋىز تولتىرا القاۋمەن كەلەدى. ءبىر جولى ول ءتىپتى ءوزىنىڭ بيىكتىكتەن قورقاتىن پسيحيكاسىن دا جەڭىپ، شوۋگاڭنىڭ 3 - ءنومىرلى دومنا پەشىنە شىقتى. باقشا رايونىنىڭ كوركەم كورىنىسى كوز الدىنا جايىلعاندا، باح تەبىرەنە: ”باياندى دامۋ جايىن ءسوز ەتەدى ەكەنسىڭ، وسى اراعا كوز قىدىرتساڭ جەتەدى“، - دەدى.
حالىقارالىق جاعداي اۋمالى - توكپەلى بولىپ، جاڭا تيپتى ايدارشا ۆيرۋس وكپە قابىنۋ ىندەتىنىڭ تۇمانى سەيىلگەن جوق. بۇكىل ادامزاتتىڭ قيىندىقتاردى بىرگە جەڭىپ، ىنتىماقتاسا العا باسۋ تىلەگى ەجەلدەن بەرى قازىرگىدەي كۇشتى بولىپ كورگەن ەمەس. وليمپيادا اقىليالارىنا تىڭنان قوسىلعان ”اناعۇرلىم ىنتىماقتىلىق“ دەگەن مازمۇننىڭ، بەيجيڭ قىسقى وليمپيادا سپورت جارىسىنىڭ، مۇگەدەكتەر قىسقى وليمپيادا سپورت جارىسىنىڭ ”بولاشاققا بىرگە اتتانايىق“ دەگەن ۇراننىڭ بارلىعى تاريح اعىمىنا ۇيلەسەتىن، ادامزاتتىڭ جۇرەك ۇنىمەن ۇندەسەتىن ءداۋىر ءۇنى.
ىنتىماقتاسا سەلبەسىپ، تاعدىرلاس بولۋ. بۇل ادامزاتتىڭ تاعدىرلاس ورتاق تۇلعاسىن قۇرۋدىڭ تاماشا العاشقى ماقساتى، سونداي - اق وليمپيادا سپورت جارىسىنىڭ سوڭعى مۇراتى.
(شينحۋا اگەنتتىگىنىڭ 1 - ايدىڭ 31 - كۇنى بەيجيڭنەن بەرگەن حابارى)
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
