پارتيانىڭ 20 - قۇرىلتايىنىڭ ۋاكىلدەرىن سايلاۋدا پارتيا ىشىندەگى دەموكراتيانىڭ ساپاسى مەن ونىمدىلىگىن ونان ارى جوعارىلاتۋ كەرەك
«حالىق گازەتىنىڭ» شولۋشىسى
2022.02.17 16:05 كەلۋ قاينارى : حالىق تورابى
قازىر بۇكىل پارتيا پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن ىشكەرىلەي ۇيرەنىپ، دايەكتىلەندىرىپ، پارتيا 20 - قۇرىلتايىنىڭ ۋاكىلدەرىن سايلاۋ قىزمەتىن ورىستەتۋدە. پارتيانىڭ باسشىلىعى مەن دەموكراتيانى ساۋلەلەندىرۋدىڭ بىرلىگىندە تاباندى بولىپ، 20 - قۇرىلتايدىڭ ۋاكىلدەرىن بەلگىلەنگەن ءتارتىپ بويىنشا قاتاڭ ويداعىداي سايلاۋ − ۋاكىلدەردىڭ العاباسارلىعى مەن كەڭ كولەمدى ۋاكىلدىك سيپاتىن كۇشەيتۋدىڭ ماڭىزدى كەپىلى. ءار دارەجەلى پارتيا ۇيىمدارى شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدە تاباندى بولىپ، ءىستى پارتيا ۋستاۆى مەن پارتيا ورتالىق كوميتەتىنىڭ تالابى بويىنشا مۇقيات ىستەپ، پارتيانىڭ جاپپاي باسشىلىعىندا تاباندى بولىپ جانە ونى كۇشەيتىپ، پارتيا ىشىندەگى دەموكراتيانى تولىق ساۋلەلەندىرىپ، دەموكراتيانىڭ ساپاسى مەن ناقتى ونىمدىلىگىن جوعارىلاتۋعا ءمان بەرىپ، پارتيا ورتالىق كوميتەتىنىڭ تالابىنا ۇيلەسەتىن، قالىڭ پارتيا مۇشەلەرى قولدايتىن 20 - قۇرىلتاي ۋاكىلدەرىن سايلاپ شىعۋعا شىنايى كەپىلدىك ەتۋى كەرەك.
پارتيانىڭ باسشىلىعى مەن دەموكراتيانى ساۋلەلەندىرۋ تۇتاستىققا يە، قاراما - قارسى ەمەس، ەكەۋىن ءبولىپ - جارۋعا بولمايدى. 20 – قۇرىلتايدىڭ ۋاكىلدەرىن سايلاۋ − قالىڭ پارتيا مۇشەلەرىنىڭ دەموكراتيالىق ورتالىقتاندىرۋ پرينسيبى بويىنشا دەموكراتيالىق ۇقىعىن دۇرىس جۇرگىزىپ، پارتيا ىشىندەگى ساياسي تۇرمىسقا قاتىناسۋىنىڭ ماڭىزدى جولى جانە فورماسى. پارتيا مۇشەلەرىنىڭ نەگىزگى تۇلعالىق ورنىنا قۇرمەت ەتىپ، ءتيىمدى شارت - جاعدايدى بەلسەنە جاراتىپ، پارتيا مۇشەلەرىنىڭ جاعدايدان حاباردار بولۋ ۇقىعىن، قاتىناسۋ ۇقىعىن، تاڭداۋ ۇقىعىن جانە باقىلاۋ ۇقىعىن قامتاماسىز ەتىپ، پارتيا مۇشەلەرىن تارتىپپەن، ءونىمدى قاتىناسۋعا جەتەكتەپ، ءاربىر پارتيا مۇشەسىنىڭ ءوز تىلەگىن تولىق بىلدىرۋىنە مۇمكىندىك جاساۋ كەرەك. ۇيىمدىق باسشىلىقتى، پارتيالىلىق، پارتيا ستيلى، پارتيا ءتارتىبى، پارتيا تاريحى تاربيەسىن كۇشەيتۋ ارقىلى ءار دارەجەلى پارتيا ۇيىمدارى مەن قالىڭ پارتيالى كادرلاردى پارتيا ۋستاۆىنا قۇرمەت ەتۋگە، پارتيا ۋستاۆىنا بويسۇنۋعا جەتەكتەپ، ساياسي شىنىعۋدان، پارتيالىلىق شىنىعۋدان ءوتىپ، ساياسي تارتىپكە، ساياسي قاعيداعا قاتاڭ بويسۇنىپ، «ەكىنى تۇراقتاندىرۋدىڭ» شەشۋشى ءمانى جونىندەگى تانىمدى تەرەڭدەتىپ، «ءتورت تانىمدى» سانالى تۇردە كۇشەيتىپ، «ءتورت سەنىمدى» بەكەمدەپ، «ەكىنى قورعاۋدى» ورىنداپ، يدەيادا، ساياسيدا، ارەكەتتە شي جينپيڭ جولداستى ۇيىتقى ەتكەن پارتيا ورتالىق كوميتەتىمەن باستان - اياق وسكەلەڭ ءبىر اۋىزدىلىقتى ساقتاۋ كەرەك.
ۋاكىلدەردى سايلاۋ ءتارتىبىن قاتايتۋ كەرەك. 20 – قۇرىلتايدىڭ ۋاكىلدەرىن سايلاۋدا تومەننەن جوعارىلاۋ، جوعارى مەن تومەندى ۇشتاستىرۋ، قايتا - قايتا اقىلداسۋ، دارەجە بويىنشا سارالاۋ ءادىسىن قولدانىپ، كورسەتۋ، ۇسىنۋ، ۇيىمدىق تەكسەرۋ، ۋاكىل كانديداتتارىنىڭ العاشقى كانديداتتارىن بەلگىلەۋ، ۋاكىل كانديداتتارىنىڭ كانديداتتارىن بەلگىلەۋ جانە ماجىلىستە سايلاۋ سياقتى 5 بۋىنعا ءبولىپ جۇرگىزىلەدى. ءارقايسى بۋىنداعى قىزمەتتەردى، ءسوز جوق، ىجداعاتتىلىقپەن، جۇيەلى جۇرگىزۋ كەرەك، قۇبىلتىپ قاراپايىمداندىرۋعا بولمايدى، بۇرمالاۋعا ءتىپتى دە بولمايدى. مىسالى، كورسەتكەن، ۇسىنعان كەزدە بۇقارالىق لۋشيانمەن ويداعىداي ءجۇرىپ، ۇيىمدىق جاقتان كەڭ كولەمدە اتتانىسقا كەلتىرىپ، بارلىق نەگىزگى ساتى پارتيا ۇيىمدارى مەن پارتيا مۇشەلەرىن تۇگەل قاتىناستىرۋعا كۇش سالۋ؛ تەكسەرۋگە ۇيىمداستىرعاندا پارىقتى تەكسەرۋ جانە الدىن الا حابارلاۋ، كانديداتتاردىڭ ساياسي وتكەلى مەن پاكتىك وتكەلىن كوپ ارنامەن، كوپ جىكپەن، كوپ قىرىنان ءبىلۋ كەرەك؛ ۋاكىل كانديداتتارىنىڭ العاشقى كانديداتتارىن تۇراقتاندىرعاندا، لايىقتى تاسىلمەن جاريالاپ، پارتيا ۇيىمىنىڭ، پارتيا قۇرىلتايىنىڭ ۋاكىلدەرى مەن پارتيا مۇشەلەرىنىڭ پىكىرىن ىشكەرىلەي قابىلداپ، پارتيا مۇشەلەرى مەن بۇقارانىڭ ۋاكىلدەردى سايلاۋ قىزمەتى جونىندە ءمان - جايدى بىلمەۋىنەن، ۋاكىل كانديداتتارىنىڭ كانديداتتارىن بىلمەۋىنەن ساقتانۋ كەرەك. كانديداتتار بەلگىلەنۋدەن بۇرىن دارەجەلەس ءتارتىپ تەكسەرۋ، باقىلاۋ - تەكسەرۋ ورگاندارىنىڭ پىكىرىن الۋ، فينانس قۇرىلىمدارى، كاسىپورىندار سياقتى جاقتارداعى كانديداتتار جونىندە اكىمشىلىك زاڭ اتقارۋ، سالالىق باقىلاۋ - باسقارۋ سياقتى تاراۋلاردىڭ پىكىرىن باعىتتامالى تۇردە تىڭداۋ، جالپىلىق مەنشىككە جاتپايتىن شارۋاشىلىق ۇيىمداردىڭ نەمەسە قوعامدىق ۇيىمداردىڭ كانديداتتارى جونىندە قاتىستى پارتيا قۇرىلىسى قىزمەت قۇرىلىمدارىنىڭ پىكىرىن تىڭداۋعا نازار اۋدارۋ كەرەك.
دارەجە بويىنشا سارالاپ، تاڭداۋلىلارىن تاڭداۋدا تاباندى بولۋ. نەگىزگى ساتى پارتيا ۇيىمىنان باستاپ، كورسەتكەن ورىننىڭ پارتيا ۇيىمىنا، ونان سايلاۋ ورنىنىڭ پارتيا ۇيىمىنا دەيىن ۋاكىل كانديداتتارىن دارەجە بويىنشا سارالاپ، جاقسىلاردىڭ اراسىنان ۇزدىكتەرىن تاڭداۋ كەرەك. بۇل ءارى پارتيا ىشىندەگى دەموكراتيانى تولىق ساۋلەلەندىرۋ بارىسى، ءارى دۇرىس شوعىرلاندىرۋ، پارتيا ۇيىمىنىڭ وتكەلدى يگەرۋ بارىسى بولىپ تابىلادى. شەشۋشى تۇيىندەردى يگەرۋگە كوڭىل ءبولۋ كەرەك، ۋاكىل كانديداتتىعىنا كورسەتىلگەندەردى تۇاقتاندىرۋدا تانىستىرۋشى ورىن پارتكومنىڭ ءىس قاراۋ، شەشىم جاساۋ ەرەجەسىنە بويسۇنۋ، پارتكوم تۇراقتى كوميتەتى ءماجىلىسىنىڭ، پارتكومنىڭ جالپى ءماجىلىسىنىڭ تاڭداۋ، تاڭدالعان ادامدى تۇراقتاندىرۋداعى وتكەلدى يگەرۋ رولىن تولىق ساۋلەلەندىرۋ؛ ۋاكىل كانديداتتارىنىڭ العاشقى كانديداتتارىن بەلگىلەگەندە، سايلاۋ ورىندارىنىڭ پارتيا ۇيىمدارى تەكسەرۋ احۋالى مەن ۋاكىلدەر قۇرىلىمىنىڭ تالابى سياقتىلارعا نەگىزدەلىپ، كوللەكتيۆ اقىلداسىپ كانديداتتار ەسىمدىگىن ورتاعا قويۋ؛ ۋاكىل كانديداتتارىنىڭ كانديداتتارىن سايلاپ تۇراقتاندىرۋدا اقىلداسۋ، تالقىلاۋ نەگىزىندە داۋىس بەرۋ تاسىلىمەن تۇراقتاندىرۋ كەرەك، سىن ايتۋ، وقىپ كورۋ، تەلەفون ارقىلى پىكىر الۋ سياقتى فورمالاردى ءماجىلىستىڭ اقىلداسىپ ۇيعارۋىنىڭ ورنىنا قويۋعا بولمايدى. جەكە ادامنىڭ ايتقانى ەسەپ بولماۋ كەرەك.
قۇرىلتاي سايلاۋىن زەر سالا ۇيىمداستىرۋ كەرەك. بۇل − ۋاكىلدەردى سايلاۋ قىزمەتىن ويداعىداي ىستەۋدىڭ شەشۋشى بۋىنى، ءارقايسى سايلاۋ ورىندارى، ءسوز جوق، پارتيا ۋستاۆى سياقتى پارتيا ىشىندەگى زاڭ - ەرەجەلەر مەن پارتيا ورتالىق كوميتەتىنىڭ تالابىنا ساي، قىزمەت ءتارتىبىن قاتايتىپ، جان - جاقتى ۇيىمداستىرىپ اتقارۋ كەرەك. پارتيا قۇرىلتايىن نەمەسە پارتيا ۋاكىلدەر ءماجىلىسىن ويداعىداي اشىپ، پارتيا ۋاكىلدەر ماجىلىسىنە قاتىناساتىن ۋاكىلدەردى ويداعىداي تۇراقتاندىرۋ كەرەك. سايلاۋ ءتاسىلىن كەمەلدەندىرىپ، پارىقتى سانمەن سايلاۋدى جۇزەگە اسىرۋدا پارىقتى سان سالىستىرماسى %15 تەن كوپ بولۋ؛ كانديداتتاردى تانىستىرۋ ءادىسىن جاقسارتىپ، تانىستىرۋ مازمۇنىن بايىتىپ، سايلاۋشىلاردىڭ كانديداتتار جونىندەگى تۇسىنىگىن ارتتىرۋ؛ تاماشا سايلاۋ ورتاسىن جاراتىپ، سايلاۋشىلاردىڭ ءوز تىلەگىن شىنايى بەينەلەۋىنە، دەموكراتيالىق ۇقىعىن تولىق جۇرگىزۋىنە شارت - جاعداي جاراتۋ كەرەك. پارتكومدار سايلاۋ قىزمەتىنىڭ باسشىلىق ۇقىعى مەن ىرىقتىلىق ۇقىعىن مىقتى يگەرىپ، عىلمي، ۇيلەسىمدى سايلاۋ ءادىسىن بەلگىلەپ، كانديداتتاردىڭ ەسىمدىگىن ءتۇسىندىرۋدى مۇقيات جاقسى ىستەپ، پارتيا ورتالىق كوميتەتىنىڭ رۋحىن، ۋاكىلدەر شارتىن، قۇرىلىم تالابىن جانە كانديداتتاردى سايلاپ شىعۋ بارىسىن ايقىن ءتۇسىندىرىپ، اقىلداسىپ تالقىلاۋدى ويداعىداي ۇيىمداستىرىپ، ۋاكىلدەردى دەموكراتيالىق ۇقىقتى دۇرىس جۇرگىزۋگە جەتەكتەپ، دەموكراتيانى ساۋلەلەندىرۋ مەن ۇيىمدىق ماقساتتى دايەكتىلەندىرۋدى بىرلىككە كەلتىرۋ؛ سايلاۋ قىزمەتىنىڭ باسقىشتارى مەن بۋىندارىن اشالاپ، شۇعىل جاعدايعا توتەپ بەرۋ جوباسىن جاساپ، سايلاۋ اۋقىمىن يگەرىپ، ۇيلەسىمدى توتەپ بەرىپ، قۇرىلتاي سايلاۋىنىڭ جۇيەلى، ءتارتىپتى، تابىستى بولۋىنا كەپىلدىك ەتۋ كەرەك. پارتيا ىشىندەگى دەموكراتيانىڭ ساپاسى مەن ناقتى ونىمدىلىگىن جوعارىلاتۋ ارقىلى قالىڭ پارتيالى كادرلاردى شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، قيىندىقتاردى جەڭىپ، ءورىس اشا العا ىلگەرىلەپ، قازىرگى قىزمەتتەردى تىڭعىلىقتى ىستەپ، پارتيانىڭ 20 - قۇرىلتايىنىڭ تابىسپەن اشىلۋىن ۇزدىك ناتيجەلەرمەن قارسى الۋعا جۇمىلدىرۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
