جاساۋ كاسىبى جۇڭگونىڭ جاساۋىنان جۇڭگونىڭ جاسامپازدىعىنا قاراي قادام تاستادى (جاڭا جورىقتا ەكپىندەي ىلگەرىلەپ، جاڭا داۋىرگە ۇلەس قوسۋ − ۇلى وزگەرىس)
«حالىق گازەتىنىڭ» ءتىلشىسى ۋاڭ جىڭ
2022.03.21 16:34 كەلۋ قاينارى : حالىق تورابى
شاندۇڭ جينان 2 - ستانوك توبىنىڭ ءوندىرىس سەحىنا كىردىك، قۇراستىرىلۋعا ءتيىستى ونىمدەر توپ – توبىمەن ءتىزىلىپتى، جۇمىسشىلار ءوندىرىستى جۇيەلى تۇردە جۇرگىزىپ، قاربالاس كۇيگە تۇسكەن. بيىل جىل باسىنان بەرى جينان 2 - ستانوك بازارىندا شات حابارلار ارت - ارتىنان تارالىپ، كوپتەگەن جاڭا ەنەرگيالى اۆتوكولىك كاسىپورىندارىمەن جالپى قۇنى 500 ميلليون يۋاننان اساتىن ءونىم تاپسىرىسىنا قول قويىسىپ، العاشقى توقساندى مول تابىسپەن قارسى الدى.
باس شۋجي شي جينپيڭ: «جاساۋ كاسىبى − مەملەكەت ەكونوميكاسىنىڭ جان تامىرى»، «جاساۋ كاسىبى مەن ناقتى ەكونوميكانى تاباندىلىقپەن الۋەتتەندىرۋ، ساپالىلاندىرۋ، زورايتۋ كەرەك»، «جاساۋ كاسىبىندە قۋاتتى ەل قۇرۋدى جەدەلدەتۋ كەرەك» دەپ اتاپ كورسەتكەن بولاتىن. پارتيانىڭ 18 - قۇرىلتايىنان بەرى شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ەلىمىزدىڭ جاساۋ كاسىبىنىڭ جالپىلىق قۋاتى تىڭ ساتىعا كوتەرىلىپ، ءتۇيىندى سالالاردا جاڭالىق اشۋدا تىڭ تابىستارعا قول جەتكىزىلىپ، كاسىپ قۇرىلىمىن ساپالىلاندىرۋدا تىڭ قادام تاستالدى.
جاساۋ كاسىبىنىڭ جالپىلىق قۋاتى تىڭ ساتىعا كوتەرىلدى.
سانشيدىڭ تاييۋان دەگەن جەرىندە قاعازداي جۇقا «قولمەن جىرتۋعا بولاتىن بولات» ءتۇرلى اسا نازىك جابدىقتاردى جاساۋ كاسىبىنە كەڭىنەن قولدانىلدى؛ شيزاڭنىڭ لينجى دەگەن جەرىندە قوسالقى توكپەن قامداۋ، تەجەۋ - كىناراتتى انىقتاۋ، حاۋىپسىزدىكتى باقىلاۋ سياقتى جاڭا تەحنيكالار گۇلدەن اتتى ۇستىرتتەگى قوس قاينارلى ەلەكتر پويەزدەردىڭ قارلى ۇستىرتتە جۇيتكۋىنە دەم بەردى؛ بايحىتان سۋ ەلەكتر ستانسياسىندا ەلىمىز ءوز كۇشىنە سۇيەنىپ زەرتتەپ جاساعان دۇنيە ءجۇزى بويىنشا جەكە گەنەراتور سيىمدىلىعىنىڭ ەڭ ۇلكەن قۋاتى ميلليون كيلوۆاتقا جەتكەن سۋ تۋربينالى گەنەراتور اگراگاتىندا ەلىمىزدىڭ جوعارى دەڭگەيدەگى جابدىق جاساۋىندا كەلەلى قامال الىندى.
2012 - جىلدان 2021 - جىلعا دەيىن ەلىمىزدىڭ جاساۋ كاسىبىنىڭ ارتقان قۇنى 16 تريلليون 980 ميلليارد يۋاننان 31 تريلليون 400 ميلليارد يۋانعا ارتتى؛ جاساۋ كاسىبىنىڭ ارتقان قۇنى ءۇرتىس 12 جىل دۇنيە ءجۇزى بويىنشا الدىڭعى ورىندى يەلەدى. ەلىمىزدىڭ ونەركاسىبى 41 ۇلكەن ءتۇرى، 207 ورتاشا ءتۇرى، 666 شاعىن ءتۇرى بار، دۇنيە ءجۇزى بويىنشا بىرلەسكەن مەملەكەتتەر ۇيىمىنىڭ كاسىپ سالاسىن تۇرگە ايىرۋىندا كورسەتىلگەن كاسىپ تۇرلەرىن تولىق قامتىعان بىردەن – ءبىر مەملەكەت سانالىپ، 220 نەشە ءتۇرلى ونەركاسىپ ءونىمى جاعىندا دۇنيە ءجۇزى بويىنشا 1 – ورىندا تۇرادى. باسەكەلىك قۋاتى كۇشتى ءبىر توپ كاسىپورىن اعالاپ العا شىقتى. 2021 - جىلى ەلىمىزدە 143 كاسىپورىن دۇنيە جۇزىندەگى 500 ەگەي كاسىپورىننىڭ قاتارىنا كىردى، بۇل 2012 - جىلداعىدان 64 كاسىپورىن كوپ، مۇنىڭ ىشىندە 73 ونەركاسىپ كاسىپورنى قاتارعا كىردى. جوعارى قارقىندى تەمىر جول، يادرو ەلەكترى، 4G، 5G سياقتى جۇيەلەر مەملەكەت قاقپاسىنان شىعىپ، «جۇڭگو جاساۋىنىڭ» دۇنيە جۇزىلىك كاسىپ تىزبەگى مەن قامداۋ تىزبەگىندەگى ىقپالى ۇزدىكسىز جوعارىلادى.
ءتۇيىندى سالالاردا جاڭالىق جاراتۋدا تىڭ تابىستارعا قول جەتكىزىلدى.
«جياۋلۇڭ» تەڭىزگە سۇڭگىپ، «چاڭ - ى» ايدى بارلاپ، «شىنجوۋ» كوككە ۇشىپ، «جۋرۇڭ» مارستى بارلاپ، «شيحى» كۇنگە جاقىنداپ، «تيانحى» جۇلدىزداردى سەرۋەندەپ، «جەتىقاراقشى» جەلى قۇردى؛ ۇلكەن ۇشاق تۇڭعىش رەت ۇشىرىلدى، ادام الىپ 10 مىڭ مەتر تەرەڭگە سۇڭگۋ جابدىعى، ۇيەكتىك مۇز جارعىش عىلمي تەكسەرۋ كەمەسى جاسالىپ پايدالانۋعا بەرىلدى، دۇنيە ءجۇزى بويىنشا كولەمى ەڭ ۇلكەن 5G تورابىنا يە بولدىق، 5G تەرمينالىنىڭ تۇتىنۋشىلارى دۇنيە ءجۇزى تۇتىنۋشىلارىنىڭ %80 تەن استامىن ۇستايدى... پارتيانىڭ 18 - قۇرىلتايىنان بەرى ءىرى ەلدىك ماڭىزدى قارۋ - جاراقتار توپ – توبىمەن دۇنيەگە كەلدى. ءبىر توپ ماڭىزدى جابدىقتاردان قامال الىندى، كەيبىر وزىق سالالار قاتارلاسۋ، كوش باستاۋ كەزەڭىنە ءوتتى.
2021 - جىلدىڭ سوڭىنا دەيىن ەلىمىز 21 مەملەكەتتىك جاساۋ كاسىبىندە جاڭالىق اشۋ ورتالىعىن، مەملەكەت پەن جەرگىلىكتى ورىن بىرگە قۇرعان جاساۋ كاسىبىندەگى 2 جاڭالىق اش ورتالىعىن، ولكە دارەجەلى 223 جاساۋ كاسىبىندە جاڭالىق اشۋ ورتالىعىن قۇردى. 2021 - جىلى فوتوۆولت، جەل ەلەكترى، كەمە سياقتى كاسىپ تىزبەكتەرىنىڭ حالىقارالىق باسەكەلىك ابزالدىعى ونان ارى كۇشەيىپ، تيەۋىش قوراپتىڭ ءونىم مولشەرى سايكەس مەزگىلدەگىدەن %110.6 ارتتى، چيپتىڭ ءونىم مولشەرى سايكەس مەزگىلدەگىدەن %33.3 ارتتى؛ جاڭاشا كورسەتۋ، ونەركاسىپتىك انا ماشينا، جاڭا ماتەريال سياقتى سالالاردا قامال الۋدا كەزەڭدىك تابىسقا قول جەتتى، مۇنىڭ ىشىندە ونەركاسىپ قۇلتەمىرى، كۇن ەنەرگيالى باتەريا سايكەس مەزگىلدەگىدەن جەكە - جەكە %44.9 جانە %42.1 ارتتى، جاڭا ەنەرگيالى اۆتوموبيلدىڭ ساتىلۋ مولشەرى سايكەس مەزگىلدەگىدەن شامامەن 1.6 ەسە ارتتى.
كاسىپ قۇرىلىمىن ساپالىلاندىرۋدا تىڭ قادام تاستالدى.
5G ارناۋلى تورابى جاپپاي قامتىدى، اۆتوماتتى شارلاۋ - تەكسەرۋ قۇلتەمىرى، ادامسىز الىستان مەڭگەرىپ اشۋ سياقتى زەردەلى قولدانىس ارقىلى نەشە ءجۇز مەتر تەرەڭدىكتەگى كەن قۇدىقتارى اناعۇرلىم حاۋىپسىز ەتىلدى؛ ونەركاسىپ ينتەرنەتىنىڭ قۋاتى، زەردەلى زاۆودتاردىڭ تاپسىرىستى تاپسىرۋ شاماسى، ەنەرگيادان پايدالانۋ شاماسى، قامبادا ساقتاۋدىڭ اينالىم شاماسى زور دارەجەدە جوعارىلادى؛ سيفرلاندىرىپ وزگەرتۋ ارقىلى دارالاندىرىپ جاساۋ، توراپتاندىرىپ سايكەستىرۋ، قىزمەت وتەۋدى كەڭەيتۋ سياقتى توعىسپالى دامۋدىڭ جاڭا ۇلگىسى، جاڭا كاسىپ كۇيى ءداستۇرلى كاسىپورىنداردا قارىشتاپ دامىدى ...
ەلىمىزدىڭ جوعارى تەحنيكالى جاساۋ كاسىبىنىڭ، جابدىق جاساۋ كاسىبىنىڭ ارتۋ قارقىنى جاساۋ كاسىبىنىڭ ورتاشا ارتۋ قارقىنىنان الدەقايدا تەز بولىپ، كولەمدەنگەن ونەركاسىپتىڭ ارتۋىنا قوسقان ۇلەسى جەكە - جەكە 2015 - جىلعى %11.8 تەن، %31.8 تەن 2021 - جىلى %28.6 كە، %45 كە كوتەرىلدى. جاساۋ كاسىبىنىڭ سيفرلانۋى، توراپتانۋى، زەردەلىلەنۋى ىشكەرىلەي ىلگەرىلەتىلدى، 2021 – جىلى 12 – ايدىڭ سوڭىنا دەيىن بۇكىل ەلدەگى ونەركاسىپ كاسىپورىندارىنىڭ شەشۋشى جۇمىس تارتىبىندەگى سيفرلاندىرىلۋ شاماسى، سيفرلاندىرىلعان زەرتتەۋ – اشۋ، جوبالاۋ قۇرالدارىنىڭ جالپىلاسۋ شاماسى جەكە – جەكە %55.3 كە جانە %74.7 كە جەتىپ، 2012 – جىلداعىدان جەكە – جەكە 30.7 پايىز جانە 25.9 پايىز جوعارىلادى. ەنەرگيانى ۇنەمدەپ، جۇمسالىمدى ازايتىپ، لاس زاتتاردى شىعارۋدى ازايتۋدىڭ ونىمدىلىگى كورنەكتى بولدى، «13 - بەسجىلدىق» مەزگىلىندە بۇكىل ەل بويىنشا كولەمدەنگەن ونەركاسىپ كاسىپورىندارىنىڭ ونەركاسىپتىڭ بىرلىك ارتقان قۇنىنداعى ەنەرگيا جۇمسالىمى جالپى %16 تومەندەدى، 2021 - جىلى سايكەس مەزگىلدەگىدەن تاعى دا %5.6 تومەندەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
