دەموكراتيالىق رەفورما − شيزاڭداعى ءار ۇلت حالقىنا شىنايى باقىت جاراتاتىن ۇلى ءىس
− شيزاڭنىڭ دەموكراتيالىق رەفورماسىنىڭ 63 جىلدىعى قارساڭىندا
«حالىق گازەتىنىڭ» شولۋشىسى
2022.03.28 17:03 كەلۋ قاينارى : حالىق تورابى
دەموكراتيالىق رەفورما شيزاڭ تاريحىنداعى ەڭ ۇلى، ەڭ تەرەڭ قوعامدىق وزگەرىس بولىپ، شيزاڭعا نۇرلى دامۋ بولاشاعىن اشتى.
بيىل − شيزاڭنىڭ دەموكراتيالىق رەفورماسى مەن ميلليونداعان باسىبايلى شارۋالاردىڭ ازاتتىعىنا 63 جىل، سونداي - اق «شيزاڭداعى ميلليونداعان باسىبايلى شارۋالاردىڭ ازاتتىعىن ەسكە ءتۇسىرۋ كۇنى» بەلگىلەنگەنىنىڭ 13 جىلدىعى. دەموكراتيالىق رەفورما ۇكىمەت پەن ءدىن بىرىككەن فەودالدىق باسبايلى شارۋالار ءتۇزىمىن تۇبەگەيلى كۇشىنەن قالدىرىپ، شيزاڭنىڭ قوعامدىق تۇزىمىندە ءتۇبىرلى وزگەرىس تۋدىرىپ، ميلليونداعان باسىبايلى شارۋالار مەملەكەت پەن قوعامنىڭ قوجاسىنا اينالدى. شيزاڭ قوعامىنىڭ العا باسۋى مەن ادامدىق ۇقىقتىڭ دامۋ تاريحىنداعى ءداۋىر بولگىش وسى كەلەلى وزگەرىس شيزاڭنىڭ فەودالدىق باسىبايلى شارۋالار تۇزىمىنەن سوتسياليستىك تۇزىمگە قاراي ۇلى سەكىرۋىن جۇزەگە اسىرىپ، شيزاڭنىڭ قوعامدىق وندىرگىش كۇشتەرىنىڭ دامۋىن ءونىمدى جەبەپ، شيزاڭنىڭ وسىزاماندانۋ قۇرىلىسىنا دۇرىس جول اشتى.
63 جىلدان بەرى پارتيا ورتالىق كوميتەتىنىڭ پارمەندى باسشىلىعىندا، بۇكىل ەل حالقىنىڭ زور كۇشپەن قولداۋىندا، شيزاڭداعى ءار ۇلت كادرلارى مەن بۇقاراسى قاجىرلىلىقپەن كۇرەس جۇرگىزىپ، قايسارلىقپەن كۇرەس جاساپ، ەكونوميكا مەن قوعام جاپپاي دامىپ، حالىق تۇرمىسى بارىنشا جاقساردى، قالا مەن اۋىلدىڭ بەت - بەينەسى قازىر بۇرىنعىدان باسقاشا. اسىرەسە، پارتيانىڭ 18 – قۇرىلتايىنان بەرى شي جينپيڭ جولداس ۇيىتقى بولعان پارتيا ورتالىق كوميتەتى شيزاڭ قىزمەتىنە ايرىقشا ءمان بەردى، باس شۋجي شي جينپيڭ شيزاڭ قىزمەتىنە باعدار نۇسقاپ، ورنالاستىرۋ جاسادى، شيزاڭ دامۋ بەتالىسى ەڭ جاقسى، وزگەرىسى ەڭ زور، بۇقارا ەڭ كوپ يگىلىككە كەنەلگەن جاڭا داۋىرگە قادام تاستادى، ءتۇرلى ىستەردە جان – جاقتى العا باسۋعا، تاريحي تابىسقا قول جەتكىزىلدى. بۇگىنگى شيزاڭ بۇكىل ەلمەن بىرگە جاپپاي دوڭگەلەك داۋلەتتى قوعام قۇرىپ شىعىپ، كەدەيلىكتەن ارىلتۋدان قامال الۋ جاپپاي جەڭىسكە جەتىپ، قوعامدىق جالپى جاعداي اناعۇرلىم ورنىقتى بولدى، ەكونوميكا، مادەنيەت اناعۇرلىم گۇلدەندى، ەكولوگيالىق ورتا اناعۇرلىم جاقساردى، حالىق تۇرمىسى اناعۇرلىم باقىتتى بولدى، شىت جاڭا سوتسياليستىك جاڭا شيزاڭ دۇنيە ءجۇزىنىڭ الدىندا بوي كورسەتتى.
دەموكراتيالىق رەفورما − شيزاڭداعى ءار ۇلت حالقىنا شىنايى باقىت جاراتاتىن ۇلى ءىس. شيزاڭنىڭ 63 جىلدىق ۇلى شارىقتاۋى دەموكراتيالىق رەفورمانىڭ ءداۋىردىڭ دامۋ تالابىنا ۇيلەسەتىنىن، شيزاڭداعى ءار ۇلت حالقىنىڭ ءتۇبىرلى تىلەگىنە ۇيلەسەتىنىن، شيزاڭ قوعامى دامۋىنىڭ ءىس جۇزىندىك قاجەتىنە ۇيلەسەتىندىن تولىق ءتۇسىندىردى، بۇل − تاريحتىڭ سوزسىزدىگى. دەموكراتيالىق رەفورما بولعان سوڭ عانا شيزاڭنىڭ قوعامدىق تۇزىمىندەگى تاريحي وزگەرىس، شيزاڭنىڭ داۋىرمەن بىرگە العا باسۋى، شيزاڭداعى ءار ۇلت حالقىنىڭ باقىتتى، تاماشا جاڭا تۇرمىسى، شيزاڭداعى ءار ۇلت حالقىنىڭ ۇقىق - مۇددەسى تولىق قامتاماسىزداندىرىلدى. اماليات مىنانى تولىق دالەلدەدى: تەك وتاننىڭ تۇتاستىعىن، تەرريتوريا تۇتاستىعىن قورعاۋدا تاباندى بولعاندا عانا شيزاڭداعى ءار ۇلت حالقىنىڭ ءتۇبىرلى مۇددەسىن قامتاماسىز ەتۋگە بولادى؛ تەك جۇڭگو كوممۋنيستىك پارتياسىنىڭ باسشىلىعىندا، جۇڭگوشا سوتسياليستىك تۇزىمدە، ۇلتتىق وڭىرلىك اۆتونوميا تۇزىمىندە تاباندى بولعاندا عانا شيزاڭنىڭ باياندى تىنىشتىعى مەن گۇلدەنىپ دامۋىنا ءتۇبىرلى كەپىلدىك ەتۋگە بولادى؛ رەفورما جاساپ، ەسىك اشۋدا تاباندى بولعاندا عانا شيزاڭنىڭ ەكونوميكاسى مەن قوعامىنىڭ جاپپاي العا باسۋىن ىلگەرىلەتۋگە بولادى؛ حالىقتى وزەك ەتكەن دامۋ يدەياسىندا تاباندى بولعاندا عانا شيزاڭداعى ءار ۇلت بۇقاراسىنىڭ تاماشا تۇرمىسقا دەگەن تالپىنىسىن قاناعاتتاندىرۋعا بولادى؛ تەك جاڭا داۋىردەگى پارتيانىڭ شيزاڭدى جونگە سالۋ جالپى جوباسىندا تاباندى بولعاندا عانا ىنتىماقتى، باي، وركەنيەتتى، جاراسىمدى، كورىكتى سوتسياليستىك وسىزاماندانعان جاڭا شيزاڭ قۇرۋعا بولادى.
بۇگىنگى دۇنيە ءجۇزى 100 جىلدا بولماعان زور وزگەرىستى باستان كەشىرۋدە، ەلىمىز جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ شەشۋشى كەزەڭىندە تۇر، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارى باستالدى، شيزاڭنىڭ ەكونوميكالىق، قوعامدىق دامۋى دا جاڭا تاريحي باستامادا تۇر. جاڭا جورىقتا العا باسىپ، جاڭا داۋىرگە ۇلەس قوسۋدا شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدە تاباندى بولىپ، «ەكىنى تۇراقتاندىرۋدىڭ» شەشۋشى ءمانىن تەرەڭ ءتۇسىنىپ، «ءتورت تانىمدى» كۇشەيتىپ، «ءتورت سەنىمدى» بەكەمدەپ، «ەكىنى قورعاۋدى» ورىنداپ، جاڭا داۋىردەگى پارتيانىڭ شيزاڭدى جونگە سالۋ جالپى جوباسىن جاپپاي دايەكتىلەندىرىپ، ورنىقتىلىق بارىسىندا ىلگەرىلەۋ سىندى قىزمەتتىڭ نەگىزگى ارناسىنان جازباي، جاڭا دامۋ ساتىسىن تياناق ەتىپ، جاڭا دامۋ يدەياسىن تولىق، دۇرىس، جالپى بەتتىك دايەكتىلەندىرىپ، جاڭا دامۋ اۋقىمىنا قىزمەت وتەپ جانە ونىمەن توعىسىپ، ساپالى دامۋدى ىلگەرىلەتىپ، شەكارا رايون قۇرىلىسىن كۇشەيتىپ، ورنىقتىلىق، دامۋ، ەكولوگيا، شەكارانى كۇشەيتۋ سىندى ءتورت ءىرى ءىستى مىقتى يگەرىپ، چيڭحاي - شيزاڭ ءۇستىرتىنىڭ ەكولوگياسىن قورعاۋ جانە باياندى دامۋدى ىلگەرىلەتۋدە ۇزدىكسىز تىڭ تابىستارعا قول جەتكىزىپ، قارلى ءۇستىرتتىڭ باياندى تىنىشتىعى مەن ساپالى دامۋىنىڭ تىڭ داستانىن قۇلشىنا جازۋ كەرەك.
63 جىلدىق وراسان زور وزگەرىستى باستان كەشكەن قارلى القاپتاعى ءۇستىرت شىت جاڭا بەينەگە ەندى. العا باسۋ جولىندا شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ءبىر نيەتپەن ىنتىماقتاسىپ، قايراتتانا العا ۇمتىلىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شيزاڭ تاراۋىن جازۋ جولىندا قۇلشىنا كۇرەس جۇرگىزسەك، شيزاڭنىڭ بولاشاعى، ءسوز جوق، اناعۇرلىم شۇعىلالى بولادى، شيزاڭ حالقىنىڭ تۇرمىسى، ءسوز جوق، اناعۇرلىم باقىتتى، تاماشا بولادى!
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
