«بالالارعا ارنالعان ازىق – تۇلىكتەردىڭ» باعاسى قىمبات بولعان سايىن اناعۇرلىم ءنارلى بولاتىنى شىن با؟ باقىلاۋ – باسقارۋ تاراۋلارى ماڭىزدى ەسكەرتۋ جاريالادى
2022.04.24 15:54 كەلۋ قاينارى : حالىق تورابى
بالا دەسە ىشكەن اسىن جەرگە قوياتىن اتا – انانىڭ كوبى بالادان اقشانى ايامايدى. بالالارعا ارنالعان سۇتتەن تارتىپ، بالالارعا ارنالعان شوشىرەگە دەيىن، ايتەۋ «بالاعا ارنالعان» ءونىم بولسا، اتا – انانىڭ كوبى ساتىپ الۋعا دايىن تۇرادى. وسى سياقتى «بالالارعا ارنالعان» دەگەن جەلەۋدى جامىلعان ازىق – تۇلىكتەر، شىنىمەن دە بالانىڭ ەسەيىپ – ەرجەتۋىنە پايدالى ما؟
جياڭسۋ ولكەسى نانجيڭ قالاسى گۋلوۋ رايونىنداعى بىرنەشە ءىرى تيپتەگى ەرەنبازاردىڭ توڭازىتىلعان ازىق – تۇلىكتەر بولەگىندەگى تەكشە الدىندا، ءتىلشى مىنانى بايقاعان: بۇل جەردەگى تاۋارلاردىڭ كوبىنە «بالالارعا ارنالعان» دەگەن بەلگى سالىنعان، مۇنان سىرت، بالالار ەرەكشە ۇناتاتىن قۋىرشاق سۋرەتتى قوراپتارمەن قوراپتالعان. الايدا، «بالالارعا ارنالعان» تاۋارلاردىڭ باعاسى نەگىزىنەن جاي تاۋارلاردان قىمباتىراق ەكەن. بالالارعا ارنالعان 320 گرامدىق شيىرشىقتاما مومىنى مىسالعا الساق، باعاسى 22.8 يۋان ەكەن.
بەلگىلى ازىق – تۇلىك زاۆودىنىڭ قىزمەتكەرى: ءونىمنىڭ ولشەمى ءبىرشاما كىشى، باستى تۇتىنۋشىلار شوعىرى بالالار، قازىر بالالارعا ارنالعان ءونىمدى جاساۋعا بولمايدى دەگەن ولشەم دە جوق، ەگەر مەملەكەت ولشەم بەلگىلەسە، ءبىز، ءسوزسىز، سوعان قاراي تەڭشەيمىز.
كوپتەگەن اتا – انالار بالالارعا ازىق – تۇلىك ساتىپ العان كەزدە، «بالالارعا ارنالعان» دەگەن بەلگى سالىنعان ازىق – تۇلىكتەردى تاڭدايدى، وسىنداي ازىق – تۇلىكتەر بالالارعا ۇيلەسەدى دەپ قارايدى. الايدا، «بالالارعا ارنالعان ازىق – تۇلىك» دەگەننىڭ تەك ساۋداگەرلەردىڭ زات وتكىزۋ قاجەتىنە قاراي ولشەمدى كولەمدە ءوز بەتىمەن رەتتەيتىن، ۇگىتتەيتىن ۇعىم ەكەنىن، الاياقتىق ەكەنىن كوبى بىلمەيدى.
بازاردى باقىلاۋ – باسقارۋ تاراۋىنىڭ زاڭ اتقارۋشىسىنىڭ ايتۋىنشا، قازىر تەك نارەستەلەرگە (0 جاستان 36 جاسقا دەيىنگى) ارنالعان ازىق – تۇلىكتەرگە ازىق – تۇلىك حاۋىپسىزدىگىنىڭ مەملەكەتتىك ولشەمى اتقارىلعان، «بالالارعا ارنالعان» ازىق – تۇلىكتەرگە قاتىستى مەملەكەتتىك ولشەم جوق، ايقىن انىقتاما دا جوق. قازىر قاتىستى تاراۋلار بۇل جاعدايعا نازار اۋدارىپ وتىر.
جياڭسۋ ولكەسى نانجيڭ قالاسى گۋلوۋ رايونىنداعى بازاردى باقىلاۋ – باسقارۋ مەكەمەسى ازىق – تۇلىك ىستەرى ءبولىمىنىڭ ورىنباسار باستىعى جۋ سانچيڭ: بىلتىر شىلدە ايىندا، مەملەكەتتىك بازاردى باقىلاۋ – باسقارۋ باس مەكەمەسى «ازىق – تۇلىك بەلگىسىن باقىلاۋ – باسقارۋ ءادىسىن (پىكىر الىناتىن نۇسقا)» باسىپ تاراتقان، باسقارۋ ادىسىندە مىنالار اتاپ كورسەتىلگەن: زاڭ – ءتۇزىم، ەرەجەلەردە جانە ازىق – تۇلىك حاۋىپسىزدىگى ولشەمىنە قاتىستى بەلگىلەمەلەردە بەلگىلەنبەگەن جاعدايدا، بۇل ءونىمنىڭ نارەستەلەر، بالالار، قارتتار، جۇكتى ايەلدەر قاتارلى بەلگىلى توپتاعى ادامدارعا ارنالعانىن دارىپتەيتىن جازۋدى نەمەسە سۋرەتتى قوسۋعا بولمايدى.
بازاردى باقىلاۋ – باسقارۋ تاراۋى مىنانى ەسكەرتەدى: اتا – انالار بالاعا ازىق – تۇلىك ساتىپ العاندا، ءسوزسىز، قانداي ماتەريالداردان جاسالعانىنا، قانداي قورەكتىك قۇرامى بارلىعىنا نازار سالۋى، تۇز قۇرامى، ماي قۇرامى از بولۋىنا، قورەكتىك زاتتاردىڭ تىعىزدىعى جوعارى بولۋىنا ءمان بەرۋى، مۇمكىندىگىنشە قۇرامىندا قوسپا زاتتار جوق نەمەسە از ازىق – تۇلىكتەردى تاڭداعانى ءجون.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
