الداعى ءۇش كۇندە ۇرىمجىدە سەبەزگى جاڭبىر جاۋىپ، تومەن تەمپەراتۋرا 6 سەلتسي گرادۋسقا تۇسەدى، سولتۇستىك شينجياڭداعى ءىشىنارا تاۋلى وڭىرلەردە كۇردەلى تاسقىن اپاتىنان ساقتانۋ كەرەك
2022.04.25 15:18 كەلۋ قاينارى : حالىق تورابى
شينجياڭ تورابىنىڭ حابارى (ءتىلشى لياڭ يۋە). «ءدان جاڭبىرىنىڭ» كەلۋى جاڭبىر سۋىنىڭ كوبەيۋىنەن دەرەك بەرەدى، وسى اپتادا سۋىق اۋانىڭ ءۇرتىس ىقپالىنا ۇشىراپ، بۇكىل شينجياڭ بويىنشا جاۋىن - شاشىن كوپ جاۋادى، سولتۇستىك شينجياڭداعى ءىشىنارا تاۋلى وڭىرلەردە جاۋىن - شاشىن مولشەرى ءبىرشاما مول بولىپ، كۇردەلى تاسقىننىڭ تۋىلۋىنان ساقتانۋ كەرەك. 4 ـ ايدىڭ 24 ـ كۇنى ءتىلشىنىڭ شينجياڭ ۇيعۇر اۆتونوميالى رايوندىق اۋا رايى ستانسياسىنان ۇعىسۋىنشا، ۇرىمجىدە الداعى ءۇش كۇندە تولاسسىز جاۋعان جاڭبىردان تەمپەراتۋرا تومەندەپ، قالا رايونىندا ەڭ تومەن تەمپەراتۋرا 6 سەلتسي گرادۋسقا تۇسەدى.
جاڭا عانا وتكەن 4 - ايدىڭ باس شەنىندە جانە ورتا شەنىندە بۇكىل شينجياڭنىڭ باسىم كوپ ساندى رايوندارىندا تەمپەراتۋرا ءبىرشاما جوعارى، جاۋىن - شاشىن از بولدى. ايدىڭ اياق شەنىنە قادام تاستاعاننان بەرى سۋىق اۋا جاندانا باستادى، 4 - ايدىڭ 24 - كۇنىنەن 27 - كۇنىنە دەيىن بۇكىل شينجياڭ بويىنشا جاۋىن جاۋۋ، تەمپەراتۋرا تومەندەۋ، بوران سوعۋ بارىسى ءبىرشاما كورنەكتى بولادى. شينجياڭ ۇيعۇر اۆتونوميالى رايوندىق اۋا رايى ستانسياسى 4 - ايدىڭ 24 - كۇنى ساعات 12دە نوسەرلى جاڭبىردىڭ كوك ءتۇستى جانە قۇمدى بوراننىڭ سارى ءتۇستى ساقتىق سيگنالىن جاريالادى، 4 - ايدىڭ 23 - كۇنى ساعات 12دە جاريالانعان بوراننىڭ كوك ءتۇستى ساقتىق سيگنالى جالعاستى كۇشكە يە بولدى.
شينجياڭ ۇيعۇر اۆتونوميالى رايوندىق اۋا رايى ستانسياسى مىنانى ەسكەرتتى: الداعى ءۇش كۇندە سولتۇستىك شينجياڭنىڭ باتىس بولەگىندەگى تاۋلى رايوندار مەن تيانشان تاۋلى رايوندارىنداعى ءىشىنارا جەرلەردە جاۋىن - شاشىن مولشەرى مول بولادى، ءىشىنارا جەرلەردە كۇردەلى تاسقىن ءجۇرۋ مۇمكىندىگى ءبىرشاما زور بولادى؛ وڭتۇستىك، سولتۇستىك شينجياڭنىڭ قيىس باتىس رايوندارىندا مەزەتتىك كۇشتى جاۋىن - شاشىن، ناجاعايلى بوران، بۇرشاق سياقتى كۇشتى كونۆەكسيالىق اۋا رايىنىڭ تۋىلۋ مۇمكىندىگى ءبىرشاما زور، ساقتىقتى كۇشەيتۋ كەرەك. الداعى ءۇش كۇندە، بۇكىل شينجياڭنىڭ باسىم كوپ بولەگىندە ىلگەرىندى ـ كەيىندى 5 تە 6 بال جەل سوعادى، جەل وتىندە 11 دە 12 بال بوران سوعادى، سونداي ـ اق تۇرلىشە دارەجەدە قۇمدى بوران سوعادى، قۇمدى بوراننىڭ كوكتەمگى ەگىس، جەمىس ورمان شارۋاشىلىعى، قاتىناس، ءجۇرىس ـ تۇرىس سياقتىلارعا ىقپالى ءبىرشاما زور بولادى، الدىن الا ساقتانۋ شارالارىن قولدانۋ كەرەك.
ۇرىمجىدە، وسى رەتكى سۋىق اعىس قيىس باتىس، قيىس سولتۇستىك وڭىرلەرگە ىقپال جاسايتىندىقتان، جاۋىن - شاشىن مولشەرى ونشا كوپ بولمايدى، الداعى ءۇش كۇندە قالا رايونىندا جالعاستى سەبەزگى جاڭبىر جاۋادى، سونداي - اق 4 بال اينالاسىندا باتىس سولتۇستىك جەلى سوعادى، تەمپەراتۋرا بىرتىندەپ تومەندەيدى، كۇندىز جوعارى تەمپەراتۋرا 17 سەلتسي گرادۋس اينالاسىندا، تاڭەرتەڭ - كەش تومەن تەمپەراتۋرا 6 دا 8 سەلتسي گرادۋس اينالاسىندا بولادى. مەجەمەن بەيسەنبى كۇنى كۇن اشىلىپ، تەمپەراتۋرا بىرتىندەپ جوعارىلايدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
