سىرتقى ساۋدانىڭ ورنىقتىلىق بارىسىندا جاقسارۋى قالاي جۇزەگە استى
انار بۇلت \ شينجياڭ گازەتىنىڭ ءتىلشىسى چىن چياڭۋي
2022.05.18 19:05 كەلۋ قاينارى : شينجياڭ گازەتى
ءبىرىنشى ماۋسىمدا شينجياڭنىڭ سىرتقى ساۋداسى تاماشا ناتيجە جاراتتى: يمپورت - ەكسپورتتىڭ جالپى قۇنى 37 ميلليارد 830 ميلليون يۋان بولىپ، وتكەن جىلعى سول تۇستاعىدان ％34.9 ارتىپ، بۇكىل ەلدىڭ ارتۋ قارقىنىنان 24.2 پايىز جوعارى بولىپ، بۇكىل ەل بويىنشا 24 - ورىندى يەلەپ، بىلتىرعى سول تۇستاعىدان ءبىر ورىن جوعارىلادى.
سىرتقى ورتا بارعان سايىن كۇردەلىلەنگەن، ناشارلاعان جاعدايدا، شينجياڭنىڭ سىرتقى ساۋداسىنىڭ تەز ارتۋدى جۇزەگە اسىرۋى شينجياڭ ەكونوميكاسىنىڭ سەرپىمدىلىگى كۇشتى، كومەسكى كۇشى زور ەرەكشەلىگىن تولىق ايگىلەپ، سىرتقى ساۋدانىڭ ارتۋ كۇيى بارعان سايىن بەكەمدەلدى.
％ 80 ايماق، وبلىس، قالانىڭ سىرتقى ساۋداسى ارتتى
بيىل شينجياڭنىڭ سىرتقى ساۋداسى دامۋىنىڭ نەگىزگى تارابى جاقساردى، بۇل قورىتىندى قالاي جاسالدى؟
ءبىرىنشى ماۋسىمداعى ساندى مالىمەتتەن قاراعاندا، بۇكىل شينجياڭدا 12 ايماق، وبلىس، قالانىڭ سىرتقى ساۋدا يمپورت - ەكسپورت جالپى قۇنى ارتتى، اسىرەسە، ءۇرىمجى قالاسى، قاشقار ايماعى شينجياڭنىڭ سىرتقى ساۋداسىنىڭ ”باستاۋشى قازدارى“ رەتىندە، سايكەس مەزگىلدەگىدەن جەكە - جەكە ％31.9، ％171.4 ارتىپ، ەكەۋىنىڭ قوسىندىسى شينجياڭنىڭ سىرتقى ساۋدا يمپورت - ەكسپورت جالپى قۇنىنىڭ ％47.5ىن يەلەپ، شينجياڭنىڭ سىرتقى ساۋداسىنىڭ ارتۋىن 25.3 پايىز ىلگەرىلەتتى. سىرتقى ساۋدا بويىنشا الدىڭعى 10 ايماق، وبلىس، قالانىڭ ىشىندە التاي ايماعى، اقسۋ ايماعى، شىحىزى قالاسى جارقىن ناتيجەلەرگە قول جەتكىزىپ، سايكەس مەزگىلدەگىدەن جەكە - جەكە ％631.9، ％247، ％148.7 ارتتى.
ءبىرىنشى ماۋسىمدا شينجياڭنىڭ 4 كەشەندى باجىسىز اۋماعىنىڭ يمپورت - ەكسپورت ساۋدا قۇنى سايكەس مەزگىلدەگىدەن ％117.6 ارتتى، مۇنىڭ ىشىندە قاشقار، ءۇرىمجى، قورعاس 3 كەشەندى باجىسىز اۋماقتىڭ يمپورت - ەكسپورت ساۋدا قۇنى سايكەس مەزگىلدەگىدەن جەكە - جەكە ％571.4، ％56.6 جانە 34 ەسە ارتتى.
بەلگىلى حالىقارالىق زات تاسىمالى وكىلەتتى كاسىپورنى قاشقار كەشەندى باجىسىز اۋماعىنا ورنالاسقان كاسىپورىن، ءبىرىنشى ماۋسىمدا بۇل كاسىپورىن 200گە جۋىق اۆتوموبيل ەكسپورت ەتىپ، ەكسپورت ەتكەن زات قۇنى 40 ميلليون دوللاردان استام بولدى، زاتتى، باستىسى، قىرعىزستانعا جونەلتتى.
قاشقار كەدەنىنىڭ ساناعىنا نەگىزدەلگەندە، ءبىرىنشى ماۋسىمدا قاشقار ايماعىنىڭ تاس جول تاسىمالى قاۋىرت ارتۋ كۇيىنە وتكەن. تاس جول تاسىمالى تاسىلىندەگى يمپورت - ەكسپورتتىڭ جالپى قۇنى 6 ميلليارد 210 ميلليون يۋان بولىپ، سايكەس مەزگىلدەگىدەن ％622.9 ارتىپ، سىرتقى ساۋدا يمپورت - ەكسپورت جالپى قۇنىنىڭ ％87.8ىن يەلەدى، تورعات، ەركەشتام، قاراسۋ باستى يمپورت - ەكسپورت شەكارا وتكەلدەرى بولدى.
ءۇرىمجى كەدەنى زاڭ - ەرەجە جانە جالپىلىق جۇمىستار باسقارماسىنىڭ باستىعى يۋان جياڭۋي مىنالاردى ءبىلدىردى: شەتەل بازارلارىندا سۇرانىس بولدى، اۆتونوميالى رايوننىڭ سىرتقى ساۋدانى ورنىقتىرۋ ساياساتتارى تىڭعىلىقتى تياناقتاندى، جەر - جەر كۇش بىرىكتىرىپ، بازارلانعان، زاڭمەن باسقارىلاتىن، حالىقارالانعان شارۋاشىلىق - ساۋدا ورتاسىن تۇلعالادى، وسى فاكتورلار جيناقتالا كەلىپ، اۆتونوميالى رايوننىڭ سىرتقى ساۋداسىنىڭ زور مولشەردە ارتۋىن جەبەگەن باستى سەبەپكە اينالدى.
ءۇرىمجى كەدەنى ءتۇيىندى الاپتاردى دامىتۋدى ىلگەرىلەتۋ، ماڭىزدى كاسىپ سالالارىن گۇلدەندىرۋ، ەلەۋلى رەفورمالاردى تەرەڭدەتۋ سياقتى ءتۇيىندى مازمۇنداردى ارقاۋ ەتىپ، شينجياڭدا جاسامپازدىقپەن كوبەيتىپ تياناقتاندىرۋعا بولاتىن 14 تيىمدىلىك جاساۋ ساياساتى نىسانىن سالالاپ قالىپتاستىرىپ، ساياساتتىڭ ۇيلەسىمدى تۇردە الدىن الا دەمەۋىن ىلگەرىلەتتى.
حالىقتىق كاسىپورىنداردىڭ بەينەسى كورنەكتى بولدى
تەكەس اۋدانىندا جاي كوزگە قاراپايىم كورىنەتىن شاعىن كيىم - كەشەك زاۆودى ونداي قاراپايىم ەمەس، ول قازىر حالىقارالىق ساۋدامەن اينالىسۋدا. اتالعان كيىم - كەشەك زاۆودى كيىم - كەشەك وڭدەۋ، تىگۋ، ساتۋدى ءبىر تۇلعالاندىرعان كاسىپورىن، 2021 - جىلى قۇرىلعان كاسىپورىننىڭ ءوندىرىس سەحىنىڭ اۋدانى 1478 شارشى مەتر، 500دەن استام ادامدى يكەمدى جۇمىستاندىرىپ وتىر.
كيىم - كەشەك زاۆودى سەحىنىڭ اۋىسىم باستىعى جاڭ يىنشيا مىنالاردى ءبىلدىردى: اتالعان زاۆود بيىل 3 - ايدان باستاپ ءبىر توپ سىرتقى ساۋدالىق كيىم - كەشەكتى شوعىرلى تىكتى، مۇندا شامامەن 100 مىڭ كيىم، سونداي - اق 26 مىڭ 500 پار مەكتەپ كيىمى بار، كاسىپورىننىڭ تاپسىرىس مولشەرى بىلتىرعى سول تۇستاعىدان ％80تەن استام ارتتى.
شىحىزى قالاسىندا 400 مىڭ توننا ورگانيكالى كرەمني ءوندىرىس بازاسىنا يە ءبىر كاسىپورىن دا قاۋىرت ءوندىرىس جۇرگىزۋدە. ”بيىل ءبىز ءوندىرىس بازاسىنىڭ ءوندىرىس مولشەرىن كەڭەيتتىك، ءوندىرىس قۋاتىمىز دا كوپ جوعارىلادى. ەكسپورتتىق تاپسىرىس بىلتىرعىمەن سالىستىرعاندا ءسال جوعارىلادى“، - دەدى سەرىكتەستىكتىڭ سىرتقى ساۋدا جاۋاپتىسى.
شىحىزى كەدەنىنىڭ ساناعىنا نەگىزدەلگەندە، ءبىرىنشى ماۋسىمدا شىحىزى قالاسىندا 17 حالىقتىق كاسىپورىننىڭ يمپورت - ەكسپورت جۇمىسى ناتيجەلى بولىپ، حالىقتىق كاسىپورىنداردىڭ يمپورت - ەكسپورت جالپى قۇنى 620 ميلليون يۋان بولىپ، سايكەس مەزگىلدەگىدەن ％130.1 ارتىپ، يمپورت - ەكسپورت جالپى قۇنىنىڭ ％61.5ىن يەلەگەن.
ءبىرىنشى ماۋسىمدا شينجياڭنىڭ حالىقتىق كاسىپورىندارىنىڭ سىرتقى ساۋدا يمپورت - ەكسپورتى ％50كە تاياۋ ارتىپ، كيىم - كەشەك، سونداي - اق كيىم قوسىمشا بۇيىمدارى، ماشينا جانە ەلەكتر جابدىق ونىمدەرى، اياق كيىم جانە مەتال كەنى، سونداي - اق كەن قالدىقتارى، اۋىل شارۋاشىلىق ونىمدەرى سياقتى باستى يمپورت - ەكسپورت تاۋارلارى تاماشا كۇيدى ساقتادى. زور توپتاعى حالىقتىق كاسىپورىنداردىڭ سىرتقى ساۋدا يمپورت - ەكسپورتى ۇزدىكسىز ارتىپ، بازاردىڭ ومىرشەڭدىك كۇشى كورنەكتى كۇشەيدى.
ءبىرىنشى ماۋسىمدا شينجياڭدا 1372 حالىقتىق كاسىپورىننىڭ يمپورت - ەكسپورت جۇمىسى ناتيجەلى بولىپ، سايكەس مەزگىلدەگىدەن ％9.7 ارتتى.
يۋان جياڭۋي مىنالاردى ءبىلدىردى: بۇل ساندى مالىمەتتەر سىرتقى ساۋدا بازارىنىڭ نەگىزگى تۇلعاسى رەتىندەگى حالىقتىق كاسىپورىنداردىڭ جالىندىلىعىنىڭ وتە جوعارى ەكەندىگىن، بۇكىل رايوننىڭ سىرتقى ساۋداسىنىڭ ىشكى قوزعاۋشى كۇشى تەبىندى ەكەندىگىن، بازار تۇلعالارىنىڭ ات سالىسۋ مولشەرى بىلتىرعى سول تۇستاعىدان جوعارى بولعاندىعىن كورسەتتى. بۇل اۆتونوميالى رايوننىڭ تيىمدىلىك جاساۋ ساياساتتارىنىڭ تياناقتانۋى ءونىمدى بولىپ، سىرتقى ساۋدامەن اينالىساتىن حالىقتىق كاسىپورىنداردىڭ دامۋىنا تاماشا دامۋ ورتاسىن ازىرلەگەندىگىن ايگىلەۋمەن بىرگە، حالىقتىق كاسىپورىنداردىڭ شينجياڭنىڭ سىرتقى ساۋداسىنىڭ دامۋىنا دەگەن سەنىمىن دە ايگىلەدى.
شەكارا اتتاعان ەلەكتروندى ساۋدانىڭ كومەسكى كۇشى زور
قورعاس كەشەندى باجىسىز اۋماعىندا جۇڭگو - ەۆروپا شەكارا اتتاعان ساۋدا وزەكتى رايونى ءبولۋ ورتالىعى جەدەل سالىنۋدا، نىسان جەلىدەن تىس قۇرىلعى مەن جەلىدەگى تۇعىردان بىرگە قۇرالعان، جيىنى 300 ميلليون يۋان قارجى سالىنۋ جوسپارلانعان نىسان 3 مەرزىمگە ءبولىنىپ اشىلادى، ءبىرىنشى مەرزىمى سالىنىپ بولىپ، ىسكە قوسىلۋ الدىندا تۇر.
”بيىل جىل باسىنان بەرى، بۇكىل شينجياڭنىڭ شەكارا وتكەلدەرى ءتۇرلى شارالاردى جولعا قويىپ، ونىمدىلىكتى جوعارىلاتىپ، قارجى جۇمسالىمىن تومەندەتتى. ءبىز وسى بىرنەشە ايدا قارجى سالىپ ىندەتتەن ساقتانۋ - تىزگىندەۋ، زارارسىزداندىرۋ قۇرىلعىلارىن سالىپ، سيفرلى قىزمەت وتەۋ تۇعىرىنىڭ دارەجەسىن جوعارىلاتىپ، جاقسارتىپ، قازاقستان جاقپەن بىرلەسىپ شەكارادان وتكىزۋ ۇلگىسىندە جاڭالىق اشىپ، شەكارادان وتكىزۋدىڭ وزىندىك قۇنىن زور مولشەردە تومەندەتتىك. قازىر سىرتقى ساۋداداعى ەكسپورتتىڭ قاۋىرت ماۋسىمى تاياپ قالدى، ءبىز دە شەكارا اتتاعان ەلەكتروندى ساۋدا ەكسپورت جۇمىسىن ۇزدىكسىز جاقسى ىستەۋگە سەنىمدىمىز“، - دەدى قورعاستاعى بەلگىلى سيفرلى زات تاسىمالى سەرىكتەستىگىنىڭ باس ديرەكتورى جوۋ ليلۇڭ. اتالعان سەرىكتەستىك بىلتىر قورعاس كەشەندى باجىسىز اۋماعىندا 2 ميلليارد 300 ميلليون يۋاندىق جەرگىلىكتى ەكسپورتتى جۇزەگە اسىرعان بولاتىن.
”كەزەكتەگى ىندەت جاعدايىندا تۇتىنۋ تاسىلىندە كورنەكتى وزگەرىس تۋىلىپ، ينتەرنەتتەن زات ساتىپ الۋ زور مولشەردە مولايدى، شەكارا اتتاعان ەلەكتروندى ساۋدانىڭ دامۋ كومەسكى كۇشى زور“، - دەدى يۋان جياڭۋي.
3 - ايدىڭ 18 - كۇنى «وڭىرلىك جان - جاقتى ەكونوميكالىق سەرىكتەستىك قارىم - قاتىناس كەلىسىمى» (RCEP) مالايزياعا رەسمي كۇشكە ەندى. كەلىسىم كۇشكە ەنگەن العاشقى كۇنى، شىحىزى كەدەنى قاراستى اۋماقتاعى كاسىپورىنداردىڭ مالايزياعا ەكسپورتتاعان ءبىر توپتاعى قىزاناق قويمالجىڭىنا RCEP اۋەلگى وندىرىلگەن جەر كۋالىگىن بەردى، بۇل بۇكىل شينجياڭ بويىنشا مالايزياعا تاسىلعان زاتقا بەرىلگەن تۇڭعىش RCEP اۋەلگى وندىرىلگەن جەر كۋالىگى.
”RCEP اۋەلگى وندىرىلگەن جەر كۋالىگىنىڭ ارقاسىندا، سەرىكتەستىگىمىز مالايزياعا قۇنى 89 مىڭ 500 دوللارلىق قىزاناق قويمالجىڭىن ەكسپورتتاعاندا، كەدەن باجىسى الىنباۋ تيىمدىلىگىنەن يگىلىكتەندى، بۇل سەرىكتەستىك ءونىمىنىڭ ساتىلۋ جولىن اناعۇرلىم بەكەمدەپ، سەرىكتەستىكتىڭ باسەكەلىك باسىمدىعىن نىعايتتى“، - دەدى شينجياڭ بەلگىلى قىزاناق ونىمدەرى سەرىكتەستىگىنىڭ جۇمىس ديرەكتورى ان يۇڭ.
ءبىرىنشى ماۋسىمدا جۇڭگو شينجياڭىنىڭ RCEP ەلدەرگە يمپورت - ەكسپورتى 2 ميلليارد 430 ميلليون يۋانعا جەتىپ، سايكەس مەزگىلدەگىدەن ％35.3 ارتىپ، بىلتىرعى سول تۇستاعى شينجياڭنىڭ سىرتقى ساۋداسىنىڭ ارتۋ قارقىنىنان جوعارى بولدى.
”كەدەن سىرتقى ساۋدا سەرىكتەستىكتەرىنە RCEP قاتارلى جاڭادان گۇلدەنگەن بازار ورايلارىن بەلسەندىلىكپەن يگەرىپ، جاڭا دامۋعا تالپىنۋدى ۇسىنىس ەتەدى. ءبىز باستى ەكونوميكالىق تۇلعالاردىڭ ماكرولىق ساياساتىنداعى رەتتەۋلەر، ءىرى تاۋارلار بازارىنىڭ بەتالىسى سياقتىلاردىڭ شينجياڭنىڭ سىرتقى ساۋداسىنا جاسايتىن ىقپالىن ءجىتى قاداعالاپ، توتەپ بەرۋ شارالارىن ۇزدىكسىز كەمەلدەندىرىپ، شينجياڭنىڭ سىرتقى ساۋدا كاسىپورىندارىنىڭ ساۋدا جاعدايىنا الدىن الا تۇجىرىم جاساۋ قابىلەتى مەن ساۋداداعى حاۋىپ - قاتەرلەرگە توتەپ بەرۋ، جويۋ قابىلەتىن جوعارىلاتۋىنا دەم بەرىپ، شينجياڭنىڭ سىرتقى ساۋداسىنىڭ ورنىقتى، اقاۋسىز دامۋىن جەبەيمىز“، - دەدى يۋان جياڭۋي.
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
