سىرتقى ىستەر مينيسترلىگى: جاپونيانى يادرولىق لاستانعان سۋدى تەڭىزگە ىعىستىرۋداي قاتە شەشىمدى كۇشىنەن قالدىرۋعا قۋزادى
2022.05.18 14:27 كەلۋ قاينارى : حالىق تورابى
حابارعا قاراعاندا، جاپونيانىڭ توكيو ەلەكتر سەرىكتىگى جۋىردا فۋكۋشيما ارالىنداعى 1 - يادرو ەلەكتر ستانسياسىنان ءبىر كيلومەتر قاشىقتىقتاعى تاياۋ تەڭىز تۇبىنەن قازۋ جۇمىسىن باستاپ، يادرولىق لاستانعان سۋدى ىعىستىرۋدىڭ تەڭىز استى قۇبىر اۋزىن قۇرۋعا دايىندىق جاساعان. بۇعان سىرتقى ىستەر مينيسترلىگىنىڭ مالىمدەمەشىسى ۋاڭ ۋىنبين 5 - ايدىڭ 17 - كۇنى كەزەكتى تىلشىلەر جينالىسىندا سۇراۋلارعا جاۋاپ بەرگەندە، جاپونيانى حالىقارالىق قوعام مەن جاپونيانىڭ ەل ىشىندەگى بۇقارانىڭ ورىندى، ۇيلەسىمدى كوڭىل ءبولىپ وتىرعان ماسەلەلەرىنە ءمان بەرۋگە، يادرولىق لاستانعان سۋدى تەڭىزگە ىعىستىرۋ قاتە شەشىمىن كۇشىنەن قالدىرۋعا تاعى ءبىر رەت قۋزادى.
«مەن جوعارىداعى حابارلاردى كوردىم. بۇعان ەرەكشە نازار اۋداردىم». ۋاڭ ۋىنبين بىلاي دەدى: جاپونيانىڭ فۋكۋشيما ارالىنداعى يادرولىق شىرعالاڭنان تۋىلعان لاستانعان سۋدى تەڭىز - مۇحيتقا ىعىستىرۋ جونىندەگى قاتە شەشىمگە جۇڭگونى قامتىعان تىنىق مۇحيت جاعالاۋىنداعى ەلدەر ايرىقشا نازار اۋدارىپ، باتىل قارسى تۇردى. جاپونيانىڭ فۋكۋشيما اۋدانى سياقتى وڭىرلەردەگى 180 مىڭ بۇقارا بىرلەسىپ قول قويىپ، جاپونيا ۇكىمەتىنەن تەڭىزگە ىعىستىرۋدان باسقا ءبىر جاقتى ەتۋ جوباسىن قولدانۋدى تالاپ ەتتى. الايدا جاپونيانىڭ توكيو ەلەكتر سەرىكتىگى حالىقارا نازار اۋدارىپ وتىرعان ماسەلەلەردى ەلەپ - ەسكەرمەدى، سونداي - اق وسىدان بۇرىن «بۇقارانىڭ تۇسىنىگىنە يە بولا الماي تۇرىپ تەڭىزگە ىعىستىرۋعا استە بولمايدى» دەگەن ۋادەدەن بەزىپ، يادرولىق لاستانعان سۋدى تەڭىزگە ىعىستىراتىن ينجەنەريا قۇرىلىسىن زورلىقپەن ىلگەرىلەتتى، مۇنداي ىستەۋ جاۋاپكەرسىزدىك سانالادى. «جاپونيا ۇكىمەتى ونى دەرەۋ توسۋى كەرەك» دەدى ول.
ۋاڭ ۋىنبين بىلاي دەدى: جاپونيا ۇكىمەتى فۋكۋشيما ارالىنداعى يادرولىق لاستانعان سۋدى ىعىستىرۋ جوباسىنىڭ ۇيلەسىمدىلىگى، يادرولىق بىلعانۋ ساندى مالىمەتىنىڭ سەنىمدىلىگى، تازارتۋ قۇرىلعىسىنىڭ ونىمدىلىگى، ورتاعا جاسايتىن ىقپالىنىڭ تۇراقسىزدىعى سياقتى ماسەلەلەر جونىندە تولىق، سەنىمدى تۇسىنىك جاسامادى، بۇل جاپونيا جاق جالتارۋعا بولمايتىن وبيەكتيۆ شىندىق.
«ءبىز جاپونيانى حالىقارالىق قوعام مەن جاپونيانىڭ ەل ىشىندەگى بۇقارانىڭ ورىندى، ۇيلەسىمدى كوڭىل ءبولىپ وتىرعان ماسەلەلەرىنە ءمان بەرۋگە، يادرولىق لاستانعان سۋدى تەڭىزگە ىعىستىراتىن قاتە شەشىمدى كۇشىنەن قالدىرۋعا، تەڭىزگە ىعىستىراتىن ءتۇرلى دايىندىق قىزمەتتەردى ىلگەرىلەتۋدى توقتاتىپ، وتەۋگە ءتيىستى حالىقارالىق بورىشتاردى شىنايى وتەۋگە تاعى دا قۋزايمىز» دەدى ۋاڭ ۋىنبين. (ءتىلشى شۇي كى)
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
