شۇعىل جاعدايعا توتەپ بەرۋدى باسقارۋ مينيسترلىگى: بيىل 4 - ايدا ەلىمىز بويىنشا جيىنى 1425 رەت شىرعالاڭ تۋىلىپ، 1241 ادام قازا بولعان
2022.05.17 16:32 كەلۋ قاينارى : حالىق تورابى
حالىق تورابىنىڭ ءتىلشىسى حاۋ پيڭ، ۋىن لۋ 5 - ايدىڭ 16 - كۇنى بەيجيڭنەن حابارلايدى. «4 - ايدا، ەلىمىز بويىنشا جيىنى 1425 رەت شىرعالاڭ تۋىلىپ، 1241 ادام قازا بولعان، مۇندا 31 رەت ءبىرشاما اۋىر شىرعالاڭ تۋىلىپ، 99 ادام قازا بولعان. مۇندا ءبىر رەت ەرەكشە اۋىر شىرعالاڭ تۋىلعان، اتاپ ايتقاندا، حۋنان ولكەسى چاڭشا قالاسى ۋاڭچىڭ رايونىندا 4 - ايدىڭ 29 - كۇنى تۇرعىنداردىڭ ءوزى سالعان ءۇي قۇلاعان، شىرعالاڭدا 54 ادام قازا بولعان؛ اۋىر شىرعالاڭ تۋىلماعان». 5 - ايدىڭ 16 - كۇنى شۇعىل جاعدايلارعا توتەپ بەرۋدى باسقارۋ مينيسترلىگى 5 - ايداعى كەزەكتى اقپار جاريالاۋ ءماجىلىسىن اشتى. ماجىلىستە شۇعىل جاعدايلارعا توتەپ بەرۋدى باسقارۋ مينيسترلىگىنىڭ مالىمدەمەشىسى، اقپارات جانە ۇگىت مەڭگەرمەسىنىڭ باستىعى شىن جانلي 2022 -جىلعى 4 - ايداعى ەلىمىزدەگى ءوندىرىس حاۋىپسىزدىگى جونىندەگى جاعدايدى جاريالادى.
شىن جانلي جالپى جاقتان ايتقاندا، 4 - ايداعى شىرعالاڭداردىڭ جالپى مولشەرى ءبىرىنشى توقسانداعى ورنىقتى تۇردە تومەندەۋ بەتالىسىن ساقتاعانىن، الدىڭعى ايداعىمەن سالىسترعاندا، بىلتىرعى وسى مەزگىلدەگىمەن سالىستىرعاندا تۇگەلدەي تومەندەگەنىن، دەسەدە، ەرەكشە اۋىر شىرعالاڭ تۋىلعانىن، ءوندىرىس حاۋىپسىزدىگى جاعدايى ءالى دە كۇردەلى ەكەنىن، باستىسى مىناداي 4 جاقتان كورنەكتى بەينەلەنگەنىن ءبىلدىردى.
بىرىنشىدەن، قۇرىلىس سالاسىندا وتىرىپ كەتۋ شىرعالاڭى ءجيى تۋىلعان، وتە - موتە، قۇرىلىستى جوندەۋ، سۋ ىعىستىرۋ قۇرىلعىسىنا قاتىستى جۇمىستاردى ىستەۋ بارىسىندا جانە ادام شوعىرلانعان ورىنداردا شىرعالاڭ ءجيى تۋىلعان، بۇل ءىشىنارا وڭىرلەر مەن كاسىپورىنداردىڭ كومەسكى قاتەرلەردى تەكسەرۋ، ءبىرجاقتى ەتۋ مىندەتىن تولىق اتقارماۋى ماسەلەسىنىڭ كورنەكتى ەكەنىن اشىققا شىعاردى.
ەكىنشىدەن، كەن تاۋلارىندا ءبىرشاما اۋىر شىرعالاڭداردىڭ تۋىلۋ سانى سايكەستى مەزگىلدەگىمەن سالىستىرعاندا جوعارىلاعان، ۇرلاپ كەن قازۋ ارەكەتىنە شەكتەۋ سالىنسا دا باسىلماعان، زاڭعا، بەلگىلەمەگە قايشى تۇردە كەن قازۋ ماسەلەسى كورنەكتى بولعان.
ۇشىنشىدەن، جاساۋ كاسىبىندەگى تيپتىك شىرعالاڭدار ءجيى تۋىلعان، كەيبىر حيميا ونەركاسىبى كاسىپورىندارىندا قىسقا مەرزىم ىشىندە قايتا - قايتا شىرعالاڭ تۋىلعان، كەيبىر ولكەلەردە بيىل جىل باسىنان بەرى ونەركاسىپ - ساۋدا سالاسىندا قوپارىلىس شىرعالاڭى ءجيى تۋىلعان، ءىشىنارا ونەركاسىپ - ساۋدا كاسىپورىندارى ىندەت پەن بازار فاكتورىنىڭ ىقپالىنا ۇشىراپ، قامبادا ساقتاۋ مولشەرى زور بولعاندىقتان، قامبادا ساقتاۋ بارىسىندا ءورت كەتۋ حاۋپى كورنەكتى بولعان.
تورتىنشىدەن، قاتىناس - تاسىمال سالاسىنداعى ءىرى حاۋىپتەرگە ساياتىن شىرعالاڭ ءجيى تۋىلعان، مۇندا بالىقشىلىق كەمەسى، سۋ ۇستىندەگى تاسىمال جانە تەمىر جول تاسىمالى حاۋىپسىزدىگىنە ساياتىن حاۋىپ - قاتەرلەر كورنەكتى بولعان.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
