لي كىچياڭ پاكيستاننىڭ زۇڭليى شابازبەن تەلەفوندا سويلەستى
2022.05.17 17:06 كەلۋ قاينارى : حالىق تورابى
شينحۋا اگەنتتىگى، 5 - ايدىڭ 16 - كۇنى، بەيجيڭ. مەملەكەتتىك كەڭەستىڭ زۇڭليى لي كىچياڭ 5 - ايدىڭ 16 - كۇنى تۇستەن بۇرىن جۇڭنانحايداعى زىگۋاڭگى سارايىندا ۋادە بويىنشا پاكيستاننىڭ زۇڭليى شابازبەن تەلەفوندا سويلەستى.
لي كىچياڭ مىنانى ءبىلدىردى: جۇڭگو مەن پاكيستان تاتۋ كورشى ەلدەر جانە مىزعىماس دوستار. 2015 - جىلى ءتوراعا شي جينپيڭ پاكيستاندا ساپاردا بولىپ، ەكى ەلدىڭ ستراتەگيالىق سەلبەستىك دەڭگەيىن جوعارىلاتتى. جۇڭگو پاكيستانمەن قاتىناسىن باستان - اياق توڭىرەكتىك ديپلوماتيادا الدىمەن ەسكەرەتىن بەتالىسقا قويىپ، پاكيستاننىڭ مەملەكەتتىڭ يەلىك ۇقىعى مەن حاۋىپسىزدىگىن قورعاۋىن بۇرىنعىداي باتىل قولدايدى، پاكيستاننىڭ ەكونوميكانى دامىتۋىن، حالىق تۇرمىسىن جاقسارتۋىن، فينانس ورنىقتىلىعىن قورعاۋىن قولدايدى، پاكيستانمەن ستراتەگيالىق قاتىناستى كۇشەيتىپ، جۇڭگو - پاكيستان ەكونوميكالىق ءدالىزى سياقتى كەلەلى نىساندار سەلبەستىگىن ىلگەرىلەتىپ، ىندەتتەن ساقتانۋ - تىزگىندەۋ شارت - جاعدايىندا ەكى جاقتىڭ ادامدارىنىڭ بارىس - كەلىسىن كۇشەيتۋدى قالايدى.
لي كىچياڭ بىلاي دەپ اتاپ كورسەتتى: جۇڭگو تاياۋدا كاراچيدا تۋىلعان جۇڭگو ازاماتتارىنا شابۋىلداۋ ۋاقيعاسىنا قاتتى تىكسىنىپ جانە كەكتەنىپ، وسى لاڭكەستىك شابۋىلدى قاتاڭ جازعىرادى. پاكيستاننىڭ قاندى قولدى تەز ارادا زاڭ بويىنشا جازالاپ، سوڭعى جۇمىستاردى ىڭعايلاستىرۋ قىزمەتىن بار كۇشپەن ويداعىداي ىستەپ، قازا بولعانداردىڭ تۋىس - تۋعاندارى مەن جارالىلاردى جۇباتىپ، پاكيستانداعى جۇڭگو قۇرىلىمدارى مەن قىزمەتكەرلەرىنە قاراتىلعان حاۋىپسىزدىكتى قورعاۋ شارالارىن جاپپاي كۇشەيتىپ، وسى تەكتەس تراگەديانىڭ قايتالانباۋىنا كەپىلدىك ەتۋىن ءۇمىت ەتەمىن.
شاباز كاراچيداعى لاڭكەستىك شابۋىلداۋ وقيعاسىندا جۇڭگولىق قىزمەتكەرلەردىڭ قازا بولعانىنا تاعى ءبىر رەت قايعىلى ازا ءبىلدىرىپ، جارالانعانداردان شىنايى حال سۇرايتىنىن ايتىپ، مىنانى دارىپتەدى: پاكيستان لاڭكەستىكتى قاتاڭ جازعىرىپ، پاكيستانداعى جۇڭگو جاقتىڭ ادامدارىنىڭ باس اماندىعىن قاستەرلەپ، جۇڭگو جاقتان جارالانعاندارعا، قازا بولعاندارعا ءوز باۋىرلاستارىنداي قاراپ، وقيعانىڭ شىن سىرىن بار كۇشپەن تەكسەرىپ، جەندەتتەردى قولعا الادى ءارى زاڭ بويىنشا قاتاڭ جازالايدى. پاكيستان جاق پاكيستانداعى جۇڭگو قۇرىلىمدارى مەن قىزمەتكەرلەرىنىڭ حاۋىپسىزدىك شارالارىن كۇشەيتىپ، وسى تەكتەس وقيعالاردىڭ ەندىگارى قايتالانباۋىنا كەپىلدىك ەتەدى.
شاباز مىنانى ءبىلدىردى: پاكيستان - جۇڭگو دوستىعىنىڭ تامىرى تەرەڭدە، نەگىزى بەرىك، ەكى ەلدىڭ سەلبەستىك دەڭگەيى بۇرىن - سوڭدى بولماعان دەڭگەيگە جەتتى. پاكيستان جۇڭگومەن پاكيستان - جۇڭگو ەكونوميكالىق ءدالىزى قۇرىلىسىن جەدەلدەتىپ، ءتۇيىندى نىساندار مەن ەكونوميكالىق ەرەكشە رايون سياقتى سەلبەستىكتەردى تەرەڭدەتىپ، ادامداردىڭ بارىس - كەلىسىن جيىلەتىپ، ەكى ەل حالىقتارىنا ءتىپتى دە زور باقىت جاراتۋعا پەيىل.
ۋاڭ ي، شياۋ جيە، حى ليفىڭ جوعارىداعى قيمىلعا قاتىناستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
