حىنان ولكەسى شينياڭ قالاسى شينشيان اۋدانى ەرەكشەلىككە يە كاسىپتەردى دامىتىپ، اۋىل - قىستاقتى گۇلدەندىرۋدى ىلگەرىلەتتى (جاڭا جورىقتا ەكپىندەي ىلگەرىلەپ، جاڭا داۋىرگە ۇلەس قوسۋ − بايىرعى رايونداردىڭ جاڭا بەت - بەينەسى)
«حالىق گازەتىنىڭ» ءتىلشىسى ما يۋەفىڭ
2022.05.17 17:09 كەلۋ قاينارى : حالىق تورابى
تۇستەن بۇرىن ساعات 9 دا 61 جاستاعى شۇي شيۋچيڭ ارتقى تاۋدان ءتۇسىپ، شارباقپەن ءوزى ەككەن ۋسارىمساق كوگى مەن بالدىركوكتەن الا كەلدى. تۇستە ءدامى ءتىل ۇيىرەتىن ءدامدى تاعامدار شارۋالار شاتتىعى ساياجايىنىڭ اس ۇستەلىنە شىعارىلدى.
حىنان ولكەسى شينياڭ قالاسى شينشيان اۋدانى تيانپۋ اۋىلى تيانپۋداۋان قىستاعىندا شۇي شيۋچيڭنىڭ «چۇنلين شارۋالار شاتتىعى ساياجايى» كوپتەگەن قوناقتى قايتادان كەلىپ ءدام تاتۋعا باۋرادى. 2014 - جىلى جۇمىس باستاعاننان قازىرگە دەيىن كىرىسى جىل سايىن ارتىپ كەلەدى. «بىلتىر 300 مىڭ يۋاننان استام كىرىس كىرگىزدىم، اۋدان ورتالىعىنان 2 ءۇي ساتىپ الدىم» دەدى شۇي شيۋچيڭ كۇلىپ.
شينشيان اۋدانى − حۋبەي - حىنان - انحۇي سوۆەت رايونىنىڭ ورتالىعى تۇرعان جەر. جۇڭگو كوممۋنيستىك پارتياسىنىڭ جەر توڭكەرىسى سوعىسى كەزىندە باسشىلىق ەتىپ قۇرعان بازالارىنىڭ ءبىرى رەتىندە حۋبەي - حىنان - انحۇي سوۆەت رايونى ورتالىق سوۆەت رايونىنان كەيىنگى ەكىنشى ۇلكەن توڭكەرىستىك بازا بولىپ، قىزىل ارميانىڭ كوپتەگەن نەگىزگى كۇشى دۇنيەگە كەلىپ، «28 جىل بويى قىزىل تۋدى جىقپاۋ» كەرەمەتىن جاراتتى. ازاتتىق سوعىس داۋىرىندە بۇل ارا ليۋ بوچىڭ مەن دىڭ شياۋپيڭنىڭ قالىڭ قولى دابيەشانعا مىڭ شاقىرىم جول باسىپ كىرگەندە ايالداعان جەر ەدى.
2019 - جىلى 9 - ايدا باس شۋجي شي جينپيڭ شينشيان اۋدانىندا تەكسەرۋ - زەرتتەۋ جۇرگىزگەندە بىلاي دەپ اتاپ كورسەتتى: توڭكەرىستىك بايىرعى رايونداردى اناعۇرلىم ويداعىداي قۇرىپ، بايىرعى رايوندارداعى حالىقتىڭ اناعۇرلىم جاقسى تۇرمىس كەشىرۋىنە مۇمكىندىك جاساۋ كەرەك. تيانپۋداۋان قىستاعىنا بارعاندا، باس شۋجي ەگىنشىلەر يگىلىك جاراتقان شاعىن دۇكەندەرگە باس سۇعىپ، قولونەر بۇيىمدارىن ساتۋ جولى، حالىقتىق تۇسەلحانالاردىڭ قوناق قابىلداۋى، شاعىن ساتۋ ءبولىمىنىڭ تيجاراتى سياقتى جاعدايلاردى ۇعىسقان بولاتىن.
وسى 2 جىلدا قىستاقتا 11 شارۋالار شاتتىعى ساياجايى، 21 حالىقتىق تۇسەلحانا، 24 شاعىن دۇكەن اشىلدى. تيانپۋداۋان قىستاعى بۇكىل ەلدەگى اۋىل - قىستاق ساياحاتىنداعى ءتۇيىندى قىستاققا اينالىپ، «مادەنيەت جاسامپازدىعى شاعىن دۇكەنى + اۋىلداعى شارۋا وتباسىلارى + ەرەكشەلىككە يە تاۋار» ساياحات ارقىلى كەدەيلەردى سۇيەمەلدەۋدەگى ۇلگى ورنى اتاعىن الدى.
مول قىزىل مادەنيەت بايلىعى مەن جاسىل ەكولوگيالىق بايلىققا سۇيەنىپ، اۋىل - قىستاق ساياحاتىن دامىتتى، تيانپۋداۋان قىستاعىنىڭ ەكونوميكاسى جاندانىپ، توڭىرەكتىڭ جەدەل دامۋىنا جەتەكشىلىك ەتتى.
تيانپۋداۋان قىستاعىنان باتىس وڭتۇستىككە قاراي ءجۇرىپ، 5 كيلومەترگە جەتپەيتىن جول باسقانىمىزدا، كوركەم قىستاق كوزگە شالىندى. اق داۋالدار، قوڭىرقاي قاڭىلتاق كەرپىشتەر، قورشامالى اۋلالار، تاۋ بەتكەيى، بايىرعى اعاشتار، شاعىن جولداردا ساياحاتشىلاردى باۋراۋدا. بۇل ارا سىديان اۋىلىنىڭ دافان قىستاعى ەدى.
بۇرىنعى دافان قىستاعىندا كولشىكتەر لاس، اعاش وتىن الباتى ۇيىلگەن، سيىر قوراسى، كەرەكسىز ۇيلەر ءار جەردەن كوزگە شالىعاتىن. 2021 - جىلى شينشيان اۋدانى ورتالىقتىڭ 50 ميلليون يۋان ارناۋلى الەۋمەتتىك يگىلىك قورىنا قول جەتكىزىپ، 500 ميلليون يۋانعا جۋىق ءتۇرلى قارجىنى قاجەتكە جاراتىپ، قىزىل دابيەشان اۋىل - قىستاقتى گۇلدەندىرۋدەن ۇلگى كورسەتۋ رايونىن قۇردى. ساياساتتىڭ شىعىس جەلىمەن دافان قىستاعى ۇيلەردى جوندەپ، وزەن ارنالارى مەن كولشىكتەردى تازالاپ، قىستاقتىڭ بەت - بەينەسى شىت جاڭا تۇسكە ەندى.
«قىستاق شەتىندەگى شاعىن تاۋدا 300 جىلدان استام تاريحى بار بايىرعى اعاشتار 310 تۇپتەن اسادى، ونىڭ ۇستىنە قىزىل ارميانىڭ 28 - ارميا ءبولىمىنىڭ بايىرعى جۇرتى سياقتى قىزىل كورىنىس تۇيىندەرى بار، ءبىز <قىزىل ءتۇستى جالعاستىرۋ> تاقىرىبىنداعى ساياحات جەلىسىن قۇرماقپىز» دەدى دافان قىستاعى پارتيا ياچەيكاسىنىڭ شۋجيى گۋان ي - فۋ.
كورىكتى اۋىل - قىستاقتا كاسىپ سالاسى نەگىز. شينشيان اۋدانى چىنديان اۋىلى ەلەكتروندى ساۋدا زات اينالىمى ورتالىعىندا شاي، سامىرسىن جاپىراعى، ەرمەن، قولونەر اياق كيىم توسەنىشى سياقتى ەرەكشەلىككە يە ونداعان ءونىم جەلىدە ساۋدالانادى.
«ەلەكتروندى ساۋدا ارقىلى ساتىلاتىن شايدىڭ سەرىكتەستىكتىڭ ساتۋ سوماسىنداعى ارا سالماعى %80 تەن استى». حىنان زىشياڭ شاي شەكتى سەرىكتەستىگىنىڭ باس جوراسى ياڭ تاۋ تىكە تاراتۋ بولمەسىندە وتىرىپ، ءبىر ستاكان جاڭا شاي قۇيىپ، جەرگىلىكتى ورىندا وندىرىلگەن حوش ءيىستى شايدى تانىستىرىپ جاتتى.
چىنديان اۋىلىندا ياڭ تاۋدىڭ شاي كاسىبىمەن شۇعىلدانعانىنا 19 جىل بولدى، 300 مۋدان استام شاي باقشاسىن كوتەرمەگە العان، جىلىنا 5 مىڭ جىڭنان استام شاي ءوندىرىپ، ساتىپ وتىرادى. شاي جيناۋدىڭ قاربالاس كەزىندە، سەرىكتەستىك ءار كۇنى 70 نەشە ەگىنشىنى جۇمىسقا الادى، ءار ادام كۇنىنە 200 يۋان كىرىس كىرگىزەدى. ياڭ تاۋ: «كەدەيلىكتەن ارىلعان وتباسى مۇشەلەرىن الدىمەن جۇمىسقا قابىلدايمىن، ءار ادامعا تاعى %10 ەڭبەكاقى قوسىپ بەرەمىن» دەدى.
سىديان اۋىلى كەرمەك ءشوپ باقشاسىندا كونە اعاش ءدىڭى مەن اعاش ۇگىندىسىنەن كەرمەك ءشوپتىڭ جاس بۇرشىگى ءونىپ شىقتى، باقشا رايونىنىڭ جاۋاپتىسى ليۋ چيڭحۋا جۇمىسشىلارمەن بىرگە سۋ شاشىپ، ءشوپ وتاۋمەن قاربالاس بولۋدا.
«ەلەكتروندى ساۋدانىڭ ارقاسىندا كەرمەك ءشوپ ونىمدەرى سان مىڭداعان وتباسىنا جەتىپ، حالىقتى اۋقاتتاندىرۋ كاسىبىنە اينالدى». ليۋ چيڭحۋا بىلاي دەدى: قازىر باقشا رايونىنا 30 ميلليون يۋاننان استام قارجى قوسىپ، 180 مۋدان استام جەرگە كەرمەك ءشوپ ەكتىك، ودان كەرمەك ءشوپ سۋسىنى، كەرمەك ءشوپ اراعى، كەرمەك ءشوپ كەسپەسى سياقتى ونىمدەردى شىعارامىز. «باقشا رايونى 218 مۋ جەردى اينالىمعا سالىپ، جىلىنا 130 مىڭ يۋاننان استام جەر ماي اقىسىن تولەدى؛ 20 جۇمىس ورنىنا قاراتا ۇزاق ۋاقىت كەلىسىم جاساسىپ، ءار وتباسىنىڭ ورتاشا كىرىسىن 5 مىڭ يۋاننان اسىرىپ، جىلىنا 5 مىڭ ادام - رەتتەن استام ۋاقىتتىق جۇمىسشى ىستەتەمىز؛ وسى ماڭداعى 2 قىستاقتىڭ كوللەكتيۆ شارۋاشىلىق نىسان قارجىسىن جارناعا قوسىپ، ءار قىستاققا جىلىنا 21 مىڭ يۋان پايدا ءبولىسىن بەرەمىز».
شينشيان اۋداندىق پارتكومنىڭ شۋجيى شيا ميڭفۋ بىلاي دەدى: شينشيان اۋدانى «قابىلەت ستيل قۇرىلىسى جىلىن» وراي ەتىپ، اۋىل - قىستاق نەگىزدىك قۇرىلعىلارى مەن الەۋمەتتىك قىزمەت وتەۋ دەڭگەيىن بار كۇشپەن جوعارىلاتتى، جول، كوشە اۆتوبۋزى، جەدەل جەتكىزۋ قىستاقتارعا دەيىن تۇتاستى، اۋىل - قىستاق ساياحاتى، شاي، مايلى شاي، جۇڭگوشا ءدارى ماتەريالدارى سياقتى ەرەكشەلىككە يە كاسىپتەردىڭ دامۋى جەدەل ارناعا ءتۇستى. قازىر اۋدان بويىنشا 300 مىڭ مۋ شاي، 340 مىڭ مۋ مايلى شاي، 70 مىڭ مۋ جۇڭگوشا ءدارى ماتەريالى دامىتىلىپ، اۋىل - قىستاقتىڭ «قان جاساۋ» قۋاتى جوعارىلاپ، بۇقارانىڭ دامۋ سەنىمى كۇشەيدى.
دابيەشان توڭكەرىستىك بايىرعى رايونىن گۇلدەندىرۋدە ورتالىق پەن حۋبەي، حىنان، انحۇي ءۇش ولكە بار كۇشىن سارقا جۇمسادى. 2015 - جىلى مەملەكەتتىك كەڭەس «دابيەشان توڭكەرىستىك بايىرعى رايونىن گۇلدەندىرۋ، دامىتۋ جوباسىن» بەكىتىپ ماقۇلداپ، ءبىر توپ قولداۋ شارالارى مەن كەلەلى نىسانداردى ورنالاستىرىپ اتقارىپ، نىسانا - مىندەتتەردى نەگىزىنەن ورىندادى. 2021 – جىلى مەملەكەتتىك كەڭەس «جاڭا داۋىردە توڭكەرىستىك بايىرعى رايونداردىڭ گۇلدەنۋىن، دامۋىن قولداۋ جونىندەگى پىكىردى» باسىپ تاراتتى.
حىنان ولكەسى ناقتى اتقارۋ پىكىرىن شىعارىپ، ولكە دارەجەلى 22 تاراۋدى دابيەشان توڭكەرىستىك بايىرعى رايونىنا باعىتتامالى كومەكتەسۋگە ۇيىمداستىردى. حۋبەي ولكەسى 20 ءتۇرلى شارانى العا قويىپ، كەدەيلىكتەن ارىتلۋدان قامال الۋدىڭ جەتىستىكتەرىن بەكەمدەۋگە، كەڭەيتۋگە، ەكولوگيالىق ورتانى قورعاۋعا، قالپىنا كەلتىرۋگە، قىزىل ساياحاتتى دامىتۋعا كۇش سالىپ، توڭكەرىستىك بايىرعى رايونداردىڭ گۇلدەنىپ - كوركەيۋىنە، دامۋىنا كۇش سالدى. انحۇي ولكەسى 27 ءتۇرلى شارانى اتقارىپ، 2021 - جىلدان باستاپ ءۇرتىس 5 جىل بويى ولكە قازىناسى دابيەشان توڭكەرىستىك بايىرعى رايونىنداعى 10 اۋدانعا (قالا، رايون) جىلىنا 20 ميلليون يۋان كومەك قاراجات بەرىپ، كاسىپ سالاسىن دامىتۋ قورىن قۇرۋدى قولداپ، قوعامدىق كاپيتالدى ەنگىزۋگە دەم بەرىپ، بايىرعى رايونداردىڭ ساپالى دامۋىن قولدادى.
كەڭ – بايتاق دابيەشان وڭىرىندە دامۋدىڭ ومىرشەڭدىك كۇشى تاسقىندادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
