لي جانشۋ تاجىكستان پارلامەنتى جوعارى پالاتاسىنىڭ باستىعى رۋستام ەموماليمەن كەڭەس وتكىزدى
2022.05.18 15:50 كەلۋ قاينارى : حالىق تورابى
شينحۋا اگەنتتىگى، 5 - ايدىڭ 17 - كۇنى، بەيجيڭ. مەملەكەتتىك حالىق قۇرىلتايى تۇراقتى كوميتەتىنىڭ باستىعى لي جانشۋ 5 - ايدىڭ 17 - كۇنى بەيجيڭدەگى حالىق سارايىندا بەينە ەكران تاسىلىمەن تاجىكستان پارلامەنتى جوعارى پالاتاسىنىڭ باستىعى رۋستام ەموماليمەن كەڭەس وتكىزدى.
لي جانشۋ بىلاي دەدى: ءتوراعا شي جينپيڭ مەن راحمون زۇڭتۇڭنىڭ ستراتەگيالىق جەتەكشىلىگى مەن تىكەلەي جەبەۋىندە، ەكى ەل دامۋ ورتاق تۇلعاسىن جانە حاۋىپسىزدىك ورتاق تۇلعاسىن الدىمەن قۇرىپ، ساياسي سەنىمدىلىكتى ۇزدىكسىز بەكەمدەپ، ءار سالاداعى سەلبەستىكتى ۇزدىكسىز تەرەڭدەتىپ، «ءبىر بەلدەۋ، ءبىر جولدى» بىرگە قۇرۋدا سۇبەلى تابىستارعا قول جەتكىزدى. بيىل 2 - ايدا ەكى ەل باسشىلارى ديدارلاسىپ، ەكى جاقتى قاتىناستىڭ دامۋى جانە ءار سالاداعى سەلبەستىك جونىندە ماڭىزدى ورتاق تانىمعا كەلىپ، جۇڭگو - تاجىكستان قاتىناسىنىڭ دامۋىنا ايقىن باعدار كورسەتتى. جۇڭگو تاجىكستان جاقپەن بىرگە ەكى ەل باسشىلارىنىڭ ورتاق تانىمىن ويداعىداي تياناقتاندىرىپ، ەكى جاقتى قاتىناستىڭ اناعۇرلىم زور دامۋعا قول جەتكىزۋىن بىرگە ىلگەرىلەتۋگە پەيىل.
لي جانشۋ بىلاي دەپ اتاپ كورسەتتى: مىزعىماس ساياسي ءوزارا سەنىم، تاباندى دا پارمەندى ءوزارا قولداۋ − جۇڭگو - تاجىكستان قاتىناسىنىڭ ۋاقىت وتكەن سايىن نىعايۋىنىڭ ەڭ باعالى تاجىريبەسى. جۇڭگو تاجىكستاننىڭ ۇزاق ۋاقىتتان بەرى جۇڭگونىڭ وزەكتى مۇددەسىنە جانە ءجىتى قاداعالاپ وتىرعان كەلەلى ىستەرىنە ساياتىن ماسەلەلەردە باتىل قولداۋ كورسەتكەنىنە العىس ايتادى، تاجىكستاننىڭ ءوز ەلىنىڭ مەملەكەت جاعدايىنا ۇيلەسەتىن دامۋ جولىمەن ءجۇرۋىن بۇرىنعىداي قولدايدى. ەكى ەل ءوزارا ءتيىمدى سەلبەستىكتى ىلگەرىلەتىپ، «ءبىر بەلدەۋ، ءبىر جولدى» جوعارى ساپامەن بىرگە قۇرىپ، «ءبىر بەلدەۋ، ءبىر جولدى» بىرگە قۇرۋدى تاجىكستاننىڭ «2030 - جىلدان بۇرىنعى مەملەكەتتىڭ دامۋ ستراتەگياسىمەن» ۇشتاستىرۋدى بەلسەنە ىلگەرىلەتىپ، ونەركاسىپ، اۋىل شارۋاشىلىعى، ەنەرگيا، نەگىزگى قۇرىلىس، سيفرلى ەكونوميكا سياقتى جاقتارداعى سەلبەستىكتى كۇشەيتىپ، ىنتىماقتاسا وتىرىپ ىندەتكە قارسى اتتانۋدى تەرەڭدەتىپ، گۋمانيتارلىق اۋىس - كۇيىستى كەڭەيتىپ، ەكى ەل بۇقاراسىنىڭ، اسىرەسە، جاستار اراسىنداعى دوستىق بارىس - كەلىستى جەبەۋ كەرەك. ءتوراعا شي جينپيڭنىڭ دۇنيە جۇزىلىك حاۋىپسىزدىك باستاماسىن العا قويۋى ورتاق، جالپىلىق، سەلبەسكەن، باياندى حاۋىپسىزدىك كوزقاراسىن ۇستانىم ەتىپ، قارسىلاسپاۋ، سەرىكتەسۋ، وداقتاسپاۋ، تەڭ يگىلىكتەنۋ سىندى جاڭاشا حاۋىپسىزدىك جولىمەن ءجۇرۋ ءۇشىن بولىپ تابىلادى. ەكى جاق بىرگە قۇلشىنىپ، حاۋىپسىزدىك سەلبەستىگىنىڭ دەڭگەيىن ونان ارى جوعارىلاتىپ، ءوڭىردىڭ حاۋىپسىزدىگى مەن ورنىقتىلىعىن قورعاۋى كەرەك.
لي جانشۋ مىنانى دارىپتەدى: جۇڭگو مەن تاجىكستاننىڭ زاڭ شىعارۋ قۇرىلىمى زاڭ شىعارۋ فۋنكتسياسىن كەمەلدەندىرۋ، ءوز ەلىنىڭ دامۋىنا قىزمەت وتەۋ جاعىندا كەڭ كولەمدى اۋىس - كۇيىس جانە سەلبەستىك كەڭىستىگىنە يە. جۇڭگو مەملەكەتتىك حالىق قۇرىلتايى تاجىكستان پارلامەنتىمەن جوعارى جىكتەگىلەردىڭ بارىس - كەلىسىن ۇزدىكسىز جالعاستىرىپ، ارناۋلى كوميتەتتەر، دوستىق گرۋپپالارى، حالىق قۇرىلتايى ۋاكىلدەرى جانە پارلامەنت مۇشەلەرى اراسىنداعى اۋىس - كۇيىستى ىلگەرىلەتۋگە؛ كەدەيلىكتى ازايتۋ، كەدەيلىكتەن ارىلتۋ، اۋىل - قىستاقتى گۇلدەندىرۋ، اۋىل شارۋاشىلىعىن دامىتۋ سياقتى سالالارداعى تاجىريبە اۋىس - كۇيىسىن ورىستەتىپ، ەكى ەل كاسىپورىندارىنىڭ قارسى جاقتاعى ەلدەرگە بارىپ قارجى قوسىپ، شارۋاشىلىقتى گۇلدەندىرۋىنە ءادىل، ادىلەتتى، جاريالى، بارابار زاڭدىق ورتا ازىرلەۋگە؛ كوپ جاقتى ورىنداردا سايكەسۋدى، سەلبەسۋدى كۇشەيتىپ، ءبىر - ءبىرىنىڭ وزەكتى مۇددەسى مەن نازار اۋدارىپ وتىرعان كەلەلى ىستەرىندە ويداعىداي قامقورلىق جاساۋعا پەيىل.
رۋستام ەمومالي مىنانى ءبىلدىردى: بيىل − تاجىكستان مەن جۇڭگونىڭ ديپلوماتيالىق قاتىناس ورناتقانىنىڭ 30 جىلدىعى. ەكى ەل باسشىلارى تاجىكستان مەن جۇڭگونىڭ جالپى بەتتىك ستراتەگيالىق سەرىكتەستىك قاتىناسىنىڭ دامۋىن ىلگەرىلەتۋدە ستراتەگيالىق جەتەكشىلىك رول اتقاردى. تاجىكستان «ءبىر بەلدەۋ، ءبىر جولدى» بىرگە قۇرۋدى بەلسەنە قولدادى، ەكى ەل ەكونوميكا - ساۋدا، گۋمانيتارلىق، جەرگىلىكتى ورىن، حاۋىپسىزدىك، جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ سياقتى سالالاردا تابىستى سەلبەستىك ورىستەتتى. تاجىكستان پارلامەنتى جۇڭگو مەملەكەتتىك حالىق قۇرىلتايىمەن دوستىق بارىس - كەلىستى تەرەڭدەتىپ، ەكى ەل قاتىناسىنىڭ دامۋىن جەبەۋدە، جان - جاقتى سەلبەستىكتى ىلگەرىلەتۋدە زاڭ شىعارۋ قۇرىلىمدارىنىڭ بەلسەندى رولىن ساۋلەلەندىرۋگە پەيىل.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
