مەملەكەتتىك ساياسي كەڭەس «سيفرلى ەكونوميكانىڭ باياندى، اقاۋسىز دامۋىن ىلگەرىلەتەيىك» اتىنداعى ارناۋلى كەڭەس ءماجىلىسىن اشتى
ۋاڭ ياڭ ماجىلىسكە قاتىناستى ءارى ءسوز سويلەدى
2022.05.18 15:51 كەلۋ قاينارى : حالىق تورابى
«حالىق گازەتى»، 5 - ايدىڭ 17 - كۇنى، بەيجيڭ (ءتىلشى فىڭ چۇنمەي). مەملەكەتتىك ساياسي كەڭەس 5 - ايدىڭ 17 - كۇنى بەيجيڭدە «سيفرلى ەكونوميكانىڭ باياندى، اقاۋسىز دامۋىن ىلگەرىلەتەيىك» اتىنداعى ارناۋلى كەڭەس ءماجىلىسىن اشتى، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ ياڭ ماجىلىسكە قاتىناستى ءارى ءسوز سويلەدى. ول مىنالاردى دارىپتەدى: باس شۋجي شي جينپيڭنىڭ سيفرلى ەكونوميكانى دامىتۋ جونىندەگى ماڭىزدى پايىمداۋلارىن مۇقيات ۇيرەنىپ، ءتۇسىنىپ، جاعدايعا عىلمي تۇجىرىم جاساپ، دامۋ سەنىمىن كۇشەيتىپ، دامۋ مەن حاۋىپسىزدىكتىڭ قاتىناسىنا ديالەكتيكالىق تۇرعىدان مامىلە جاساپ جانە ونى ءبىر تۇتاس يگەرىپ، سيفرلى ەكونوميكانى ۇزدىكسىز كۇشەيتىپ، ساپالىلاندىرىپ، زورايتىپ، ونىڭ جاڭا دامۋ جاعدايىنا اناعۇرلىم ويداعىداي قىزمەت ەتۋىنە جانە ونىمەن توعىسۋىنا، ساپالى دامۋدى ىلگەرىلەتۋىنە مۇمكىندىك جاساۋ كەرەك.
مەملەكەتتىك ساياسي كەڭەستىڭ 100 گە جۋىق مۇشەسى ماجىلىسكە قاتىناستى، 29 مۇشە، مامان ماجىلىستە ءسوز سويلەدى، 140 تان استام مۇشە مۇشەلەردىڭ مىندەت وتەۋ تەكشەسى ارقىلى پىكىر ايتتى. مۇشەلەر بىلاي دەپ قارادى: ەلىمىزدىڭ سيفرلى ەكونوميكانى دامىتۋداعى ءىرى ەلدىك ورنى بەرىك، بولاشاقتاعى دامۋ بولاشاعى زور. بۇكىل ەل بولىپ جۇمىلۋ سىندى جاڭاشا ءتۇزىلىس ابزالدىعىن، ەرەكشە كەڭ كولەمدى بازار ابزالدىعىن ساۋلەلەندىرىپ، شەشۋشى، وزەكتى تەحنيكالاردان قامال الۋدى كۇشەيتىپ، سيفرلى ەكونوميكانى دامىتۋدىڭ ءوزىن - ءوزى باسقارۋ ۇقىعىن ءوز قولىمىزدا بەرىك ۇستاۋىمىز كەرەك. سيفرلى ەكونوميكا مەن ناقتى ەكونوميكانىڭ ىشكەرىلەي توعىسۋىن ىلگەرىلەتىپ، ورتا، شاعىن كاسىپورىنداردى سيفرلانۋعا بۇرىلىس جاساۋعا جەتەكتەپ، ونەركاسىپ ينتەرنەتىنىڭ دامۋ كومەسكى كۇشىن تولىق اشىپ، جاڭا بۋىن ينفورماتسيا تەحنيكاسىنىڭ جابدىقتارعا اقىل - پاراسات، كاسىپورىندارعا قۇن، كاسىپ سالاسىنا كۇش – قۋات ۇستەۋىن جەبەۋ كەرەك. ساندى مالىمەتتىڭ مەنشىك ۇقىعى، پايدالانۋ ۇقىعى، تيجارات ۇقىعى، پايدا الۋ ۇقىعى سياقتى ۇقىقتاردى ايقىنداپ، اناعۇرلىم حاۋىپسىز، جوعارى ءونىمدى ساندى مالىمەت فاكتورى بازارىن قۇرۋ كەرەك. ءبىر تۇتاس سايكەستىرۋدى كۇشەيتىپ، باقىلاۋ - باسقارۋ تاسىلىندە جاڭالىق اشىپ، سيفرلى ەكونوميكانى جونگە سالۋ جۇيەسىن اقاۋسىزداندىرىپ، مەملەكەتتىڭ ينتەرنەت جانە ساندى مالىمەت حاۋىپسىزدىگىن قامتاماسىز ەتۋ نەگىزىندە كاسىپورىنداردىڭ جاڭالىق اشۋ ومىرشەڭدىك كۇشىن قاۋلاتۋ كەرەك. سيفرلى ەكونوميكانىڭ حالىقارالىق سەلبەستىگىنە دەم بەرىپ، دۇنيە جۇزىلىك سان - سيفردى جونگە سالۋ اياق الىسىنا بەلسەنە ات سالىسۋ كەرەك.
ج ك پ ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەس زۇڭليىنىڭ ورىنباسارى ليۋ حى ماجىلىسكە قاتىناستى ءارى ءسوز سويلەدى. ول مىنالاردى اتاپ كورسەتتى: پارتيانىڭ 18 - قۇرىلتايىنان بەرى شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ەلىمىزدىڭ سيفرلى ەكونوميكاسىنىڭ دامۋ جەتىستىكتەرى دۇنيە ءجۇزىن جالت قاراتتى. دۇنيە جۇزىندەگى سيفرلى ەكونوميكادا زەردەلىلەنۋ، شامالانۋ، سالا اتتاپ توعىسۋ، ىشكەرىلەي ءسىڭىپ كىرۋ، وزگەرىس قارقىنىن كورسەتكىشتەندىرۋ سياقتى جاڭا ەرەكشەلىكتەر جارىققا شىعۋدا. سيفرلى ەكونوميكا الا كەلگەن جان - جاقتى وزگەرىستەرگە قۇلشىنا سايكەسىپ، مەملەكەتتىڭ جالپىلىق قۋاتى مەن حالىقارالىق باسەكەلىك قۋاتىن جوعارىلاتۋ كەرەك. شەشۋشى، وزەكتى تەحنيكالاردان قامال الۋ شايقاسىن ويداعىداي جۇرگىزىپ، نەگىزدىك زەرتتەۋ ورەسىن جوعارىلاتىپ، وزىق، قولدانىلمالى تەحنيكالاردى زەرتتەپ اشۋعا، جالپىلاستىرۋعا ءمان بەرۋ كەرەك. كاسىپورىنشىلار − ەڭ ماڭىزدى جاڭالىق اشۋ تۇلعالارى، تۇعىر ەكونوميكاسىنىڭ، حالىقتىق شارۋاشىلىقتىڭ باياندى، اقاۋسىز دامۋىن قولداپ، تۇعىر ەكونوميكاسىنىڭ جۇيەلى، اقاۋسىز دامۋىنىڭ ناقتى شارالارىن زەرتتەپ، قولداپ، تۇعىر كاسىپورىندارىن مەملەكەتتىڭ كەلەلى عىلىم - تەحنيكادا جاڭالىق اشۋ نىساندارىنا ات سالىسۋعا ىنتالاندىرۋ كەرەك. ۇكىمەت پەن بازاردىڭ قاتىناسىن ويداعىداي ءبىر جاقتى ەتىپ، ءبىر تۇتاس جوسپار جاساپ، زاڭ - ەرەجەلەردى اقاۋسىزداندىرىپ، ۇكىمەتتىڭ تىكەلەي ۇسىنىلىمىن ارتتىرىپ، تۇتاس ۇلتتىڭ سيفرلانۋ ساپاسىن جوعارىلاتىپ، سيفرلى كاسىپورىنداردىڭ ەل ءىشى - سىرتىنداعى كاپيتال بازارىندا بازارعا شىعۋىنا قولداۋ كورسەتۋ كەرەك. سيفرلى ەكونوميكانى دامىتۋدا، ءسوز جوق، سىرتقا ەسىك اشۋدا تاباندى بولۋ، اسىرەسە، ادامدى كوزدە ۇستاۋ، ادامعا كۇش سالۋ، ەسىك اشۋ ارقىلى باسەكەنى جەبەۋ، باسەكە ارقىلى جاڭالىق اشۋدى جەبەۋ كەرەك.
مەملەكەتتىك ساياسي كەڭەس ءتوراعاسىنىڭ ورىنباسارى جاڭ چيڭلي تۇستەن بۇرىنعى ءماجىلىستى باسقاردى، حى حوۋحۋا، لي بين، باتىر، ۋاڭ يۇڭچيڭ، حى ليفىڭ، جىڭ جيانباڭ، گۋ شىڭزۋ، گاۋ يۇنلۇڭ ماجىلىسكە قاتىناستى. ج ك پ ورتالىق كوميتەتىنىڭ، مەملەكەتتىك كەڭەستىڭ قاتىستى تاراۋلارىنداعى جانە ورىندارىنداعى جاۋاپتى جولداستار ماجىلىسكە قاتىناسىپ، پىكىر، ۇسىنىستاردى تىڭداپ، مۇشەلەرمەن كەڭەسىپ، پىكىر اۋىستىردى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
