پارتيانىڭ 18 – قۇرىلتايىنان بەرى قازىنا – سالىق ءتۇزىلىس رەفورماسى ىشكەرىلەي ىلگەرىلەتىلدى −
قارجىلىق جانە ساياساتتىق قامتاماسىزداندىرۋ كۇشەيتىلىپ، ساپالى دامۋ ىلگەرىلەتىلدى (جۇڭگونىڭ وسى 10 جىلى − جەلىلەس تاقىرىپتىق حابارلار)
«حالىق گازەتىنىڭ» ءتىلشىسى چۇي جىحان
2022.05.18 15:54 كەلۋ قاينارى : حالىق تورابى
قازىنا - سالىق ءتۇزىلىسى رەفورماسى ىشكەرىلەي ىلگەرىلەتىلىپ، قازىنانى ماكرولىق رەتتەۋ - مەڭگەرۋ ۇزدىكسىز كەمەلدەندىرىلدى؛ قارجىلىق جانە ساياساتتىق قامتاماسىزداندىرۋ كۇشەيتىلىپ، ساپالى دامۋ ىلگەرىلەتىلدى؛ سالىقتى ازايتىپ، اقىنى تومەندەتۋ دالمە - ءدال اتقارىلىپ، قازىنالىق باقىلاۋدىڭ پارتيا مەن مەملەكەتتىڭ باقىلاۋ جۇيەسىندەگى ماڭىزدى رولى تولىق ساۋلەلەندىرىلدى ...
ج ك پ ورتالىق كوميتەتىنىڭ ۇگىت ءبولىمى 5 - ايدىڭ 17 – كۇنى 4 - رەتكى «جۇڭگونىڭ وسى 10 جىلى» جەلىلەس تاقىرىپتىق اقپار جاريالاۋ ءماجىلىسىن وتكىزدى. قازىنا مينيسترلىگىنىڭ مينيسترىنىڭ ورىنباسارى شۇي حۇڭساي، قازىنالىق باقىلاۋ مەكەمەسى باستىعىنىڭ ورىنباسارى ۋاڭ لۋجين، مەملەكەتتىك سالىق باس مەكەمەسى باستىعىنىڭ ورىنباسارى ۋاڭ داۋشۋ پارتيانىڭ 18 - قۇرىلتايىنان بەرگى قازىنا - سالىق رەفورماسى مەن دامۋ جاعدايىن تانىستىردى.
قازىنا - سالىقتاعى قازىنالىق باقىلاۋدىڭ فۋنكتسيالىق رولى ءونىمدى ساۋلەلەندىرىلىپ، ەكونوميكانىڭ، قوعامنىڭ ساپالى دامۋى پارمەندى ىلگەرىلەتىلدى
10 جىلدان بەرى قازىنا - سالىقتاعى قازىنالىق باقىلاۋ تاراۋلارى فۋنكتسيالىق رولىن تولىق ساۋلەلەندىرىپ، دالمە - ءدال شارا قولدانىپ، ۇزدىكسىز كۇش سالىپ، ەكونوميكا مەن قوعامنىڭ ساپالى دامۋىن بار كۇشپەن ىلگەرىلەتىپ، حالىق تۇرمىسىنىڭ باقىتىن ۇزدىكسىز ارتتىردى.
− قازىناداعى ماكرولىق تىزگىندەۋ ۇزدىكسىز كەمەلدەندىرىلدى. 2012 - جىلدان 2021 - جىلعا دەيىن ەلىمىز ۇزدىكسىز بەلسەندى قازىنا ساياساتىن اتقارىپ، دەر كەزىندە لايىقتى تۇردە الدىن الا، ميكرولىق رەتتەۋ جۇرگىزىپ، ەكونوميكالىق پەريودتاعى تولقۋلاردىڭ ىقپالىن ءونىمدى تومەندەتىپ، ەكونوميكالىق، قوعامدىق دامۋدىڭ ورنىقتى، باياندى دامۋىنا پارمەندى قولداۋ كورسەتتى.
− قازىنالىق قامتاماسىزداندىرۋ ءتىپتى دە دالمە - ءدال، ءونىمدى بولدى. 2012 – جىلدان 2021 – جىلعا دەيىن بۇكىل ەلدىڭ ادەتتەگى الەۋمەتتىك مەجە ەسەپ كىرىسى 11 تريلليون 730 ميلليارد يۋاننان 20 تريلليون 250 ميلليارد يۋانعا جەتىپ، جىلىنا ورتا ەسەپپەن %6.9 ارتتى. قازىنانىڭ «بالكۇلشەسى» بارعان سايىن زورايىپ، ءبىرىنشى 100 جىلدىق كۇرەس نىساناسىن جۇزەگە اسىرۋ مىعىم قازىنالىق كۇشپەن قامتاماسىز ەتىلدى.
«پارتيانىڭ 18 - قۇرىلتايىنان بەرى قازىنا مينيسترلىگى وزەكتى ارقاۋ ەتۋدە، جالپى جاعدايعا قىزمەت ەتۋدە باستان - اياق تاباندى بولىپ، قارجىمەن قامتاماسىز ەتۋدى كۇشەيتىپ، ءىرى ىستەردى قازىنا كۇشىن شوعىرلاندىرىپ ىستەپ، عىلىم - تەحنيكانىڭ ءوز كۇشىنە سۇيەنىپ، ءوزىن الۋەتتەندىرۋىن قولداپ، نەگىزگى حالىق تۇرمىسىن قامتاماسىز ەتۋدى كۇشەيتىپ، قالا مەن اۋىلدىڭ وڭىرلىك سايكەستى دامۋىن جەبەۋ، كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزۋگە قولداۋ كورسەتۋ، لاستانۋدان ساقتانۋ - جونگە سالۋدان قامال الۋ شايقاسىن ويداعىداي جۇرگىزۋ سياقتى ماسەلەلەردى كۇش سالا شەشىپ، دامۋدىڭ بىركەلكى، تولىق بولماۋى ماسەلەسىن كۇش سالا شەشىپ، جاڭا دامۋ جاعدايىن ورناتۋدى جانە ساپالى دامۋدى جۇزەگە اسىرۋدى ىلگەرىلەتتى». شۇي حۇڭساي بىلاي دەپ تانىستىردى: بۇكىل ەلدىڭ ادەتتەگى الەۋمەتتىك مەجە ەسەپ شىعىسى 2012 - جىلعى 12 تريلليون 600 ميلليارد يۋاننان 2021 - جىلى 24 تريلليون 630 ميلليارد يۋانعا جەتىپ، جىلىنا ورتا ەسەپپەن %8.5 ارتىپ، ەكونوميكالىق، قوعامدىق ىستەردىڭ جاپپاي دامۋىن، العا باسۋىن پارمەندى جەبەدى.
− سالىقتىڭ قازىنا كىرىسىن جيناۋ، ەكونوميكانى تىزگىندەۋ، ءبولىستى رەتتەۋ فۋنكتسيالىق رولى ءونىمدى ساۋلەلەندىرىلدى. 10 جىلدان بەرى بۇكىل ەلدەگى سالىق تاراۋلارى ۇيىمداستىرعان سالىق كىرىسى (ەكسپورت سالىعىن قايتارۋ كەمەيتىلدى، كەدەن سالىعى، كەدەننىڭ يمپورت بۋىندارىنداعى سالىق كىرىسى قامتىلمايدى) 2013 - جىلعى 9 تريلليون 500 ميلليارد يۋاننان 2021 - جىلى 15 تريلليون 500 ميلليارد يۋانعا جەتىپ، جىلىنا ورتا ەسەپپەن %6.8 ارتتى.
جوعارى، جاڭا تەحنيكالى كاسىپورىنداردىڭ تابىس سالىق مولشەرى جەڭىلدىگى سياقتى عىلىم - تەحنيكادا جاڭالىق جاراتۋدى قولداۋ ساياساتتارى ىشكەرىلەي تياناقتاندىرىلدى، 2013 - جىلدان 2020 - جىلعا دەيىن بۇكىل ەل بويىنشا جوعارى، جاڭا تەحنيكالى كاسىپورىنداردىڭ تابىس سالىعى جەڭىلدىگىنەن يگىلىكتەنەتىن كاسىپورىنداردىڭ سانى %82.8 ارتتى؛ باتىس بولەكتى قاۋىرت اشۋ، حاينان ەركىن ساۋدا پورتى سياقتى سالىق - اقى جەڭىلدىك ساياساتى ءۇرتىس تياناقتاندىرىلدى، سالىق الۋ - باسقارۋ جانە قىزمەت وتەۋدى ءبىر تۇلعالاندىرۋ، قولايلىلاندىرۋ جاقتارىنان ىلگەرىندى - كەيىندى بەيجيڭ - تيانجين - حىبەيدىڭ سايكەستى دامۋىنا قولداۋ كورسەتۋگە ساياتىن 20 تارماق شارا، چاڭجياڭ ەكونوميكالىق بەلدەۋىنىڭ دامۋىنا قولداۋ كورسەتۋگە ساياتىن 20 تارماق شارا، چاڭجياڭ اتىراۋىن ءبىر تۇلعالاندىرىپ دامىتۋعا ساياتىن 26 تارماق شارا سياقتى شارالار العا قويىلدى؛ جاسىل سالىق جۇيەسى بەلسەندىلىكپەن ورناتىلدى؛ ەكسپورتتان قايتارىلاتىن سالىقتى ءبىر جاقتى ەتۋ ۋاقىت شەگى ۇزدىكسىز ىقشامدالدى؛ شاعىن، پايداسى ماردىمسىز كاسىپورىنداردىڭ تابىس سالىعىنان يگىلىكتەنۋ شارتى ءۇرتىس كوپ رەت تومەندەتىلىپ، جەكەلەر تابىس سالىعى رەفورماسى اتقارىلدى ... ۋاڭ داۋشۋ مىنانى ءبىلدىردى: پارتيانىڭ 18 – قۇرىلتايىنان بەرى سالىق جۇيەسى سالىق قىزمەتىن سانالىلىقپەن ەكونوميكالىق، قوعامدىق دامۋعا قىزمەت وتەۋ جالپى جاعدايىنا قويىپ، ەكونوميكا مەن قوعامنىڭ ساپالى دامۋىنا بەلسەندىلىكپەن دەم بەردى.
10 جىلدان بەرى بۇكىل ەلدەگى قازىنالىق باقىلاۋ ورگاندارى جيىنى ءبىر ميلليون 90 مىڭنان استام ورىنعا قازىنالىق باقىلاۋ جۇرگىزىپ، كىرىستى ارتتىرىپ، شىعىستى تەجەدى، 430 ميلليارد يۋاننان استام زياندى قايتارىپ الدى. ۋاڭ لۋجين مىنانى ءبىلدىردى: پارتيا 18 - قۇرىلتايىنان بەرى قازىنالىق باقىلاۋ ورگاندارى ەمدەۋ، زەينەتكەرلىك، جۇمىستانۋ، تۇرعىن ءۇي، اۋىل شارۋاشىلىعى، اۋىل - قىستاق، شارۋالار سياقتى ءتۇيىندى حالىق تۇرمىسى قارجىسى مەن نىساندارىنا قازىنالىق باقىلاۋ جۇرگىزۋ تەبىنىن ۇزدىكسىز ارتتىرىپ، پارتيا ورتالىق كوميتەتىنىڭ حالىققا تيىمدىلىك جاساۋ، حالىققا پايدا جەتكىزۋ، حالىقتى الاڭسىز ەتۋ، حالىقتى اۋقاتتاندىرۋ ساياساتتارىنىڭ تياناقتانۋىن جەبەدى.
قازىنا - سالىق ءتۇزىلىسى رەفورماسىنا جاپپاي كۇش سالىنىپ، كوپ تۇيىندە قامال الىنىپ، ىشكەرىلەي ىلگەرىلەتىلىپ، كورنەكتى ونىمدىلىككە قول جەتكىزىلدى
پارتيا 18 - كەزەكتى ورتالىق كوميتەتىنىڭ ءۇشىنشى جالپى ماجىلىسىنەن بەرى قازىنا - سالىق ءتۇزىلىسى رەفورماسىنا جاپپاي كۇش سالىنىپ، كوپ تۇيىندە قامال الىنىپ، ىشكەرىلەي ىلگەرىلەتىلىپ، كورنەكتى ونىمدىلىككە قول جەتكىزىلدى، وسى زامانعى قازىنا ءتۇزىمىنىڭ جۇلگەسى نەگىزىنەن تۇراقتاندى، سالىق ءتۇزىمى جۇيەسى ورناتىلدى جانە كەمەلدەندىرىلدى، بۇل ەكونوميكا مەن قوعامنىڭ باياندى، اقاۋسىز دامۋىن جەبەۋگە، مەملەكەتتى جونگە سالۋ جۇيەسى مەن جونگە سالۋ قۋاتىن وسىزامانداندىرۋدى ىلگەرىلەتۋگە پارمەندى تىرەك ازىرلەدى.
بىرىنشىدەن، قازىنا ءتۇزىلىسى رەفورماسىندا تىڭ ىلگەرىلەۋشىلىككە قول جەتتى. ورتالىق پەن جەرگىلىكتى ورىنداردىڭ قازىنالىق قۋاتى جاعدايىنىڭ نەگىزىنەن ورنىقتى بولۋى ساقتالىپ، ورتالىق پەن جەرگىلىكتى ورىنداردىڭ كىرىس ءبولىسى ونان ارى جونگە سالىنىپ، قازىنادان اۋدارىپ تولەۋ ءتۇزىمى رەفورماسى ۇزدىكسىز تەرەڭدەتىلىپ، ۇقىق پەن جاۋاپكەرلىك ايقىن، قازىنا كۇشى سايكەستى، وڭىرلەر بىركەلكى بولعان ورتالىق پەن جەرگىلىكتى ورىنداردىڭ قازىنالىق قاتىناسى بىرتىندەپ قالىپتاستى.
ەكىنشىدەن، سالىق ءتۇزىمى رەفورماسىندا كەلەلى ىلگەرىلەۋشىلىككە قول جەتتى. ارتقان قۇن سالىعى رەفورماسى ۇزدىكسىز تەرەڭدەتىلىپ، بارلىق كاسىپ سالاسىندا سالىق اۋىرتپالىعىن جەڭىلدەتۋ، ارتتىرماۋ جۇزەگە اسىرىلدى؛ كاسىپورىن تابىس سالىعى ءتۇزىمى ساپالىلاندىرىلىپ، يگىلىك جاراتۋعا قارجى قوسۋ سياقتى جاڭالىق اشۋدىڭ تۇتاس تىزبەگىنە ساياتىن سالىقتا جەڭىلدىك بەرۋ ساياساتى اتقارىلدى؛ جەكەلەر تابىس سالىعى رەفورماسى اتقارىلدى؛ بايلىق، قورشاعان ورتا سالىق ءتۇزىمى سياقتى رەفورمالار ىلگەرىلەتىلدى ... سالىق تۇرلەرى عىلمي، قۇرىلىمى ساپالى، زاڭى كەمەلدى، ارناعا تۇسكەن، ءادىل سالىق ءتۇزىمى جۇيەسى ورناتىلدى جانە كەمەلدەندىرىلدى.
2013 - جىلدان 2021 - جىلعا دەيىن بۇكىل ەل بويىنشا سالىقتى ازايتىپ، اقىنى تومەندەتۋدىڭ جالپى سوماسى 8 تريلليون 800 ميلليارد يۋان بولىپ، بازاردىڭ ومىرشەڭدىك كۇشى ۇزدىكسىز تاسقىندادى. سالىق ءتۇزىمى رەفورماسى باستان - اياق ەكونوميكانىڭ جاھاندانۋىنىڭ سىرتقى ورتاسىنا ۇيلەسىپ، قامتىمدى ارتۋدى جانە جاسىل سالىق ءتۇزىمىن جەبەۋ جاعىنداعى ءبىرقىدىرۋ رەفورما شاراسى شىعارىلىپ، ەلىمىزدىڭ سالىق مۇددەسى پارمەندى قورعالدى. سالىق ءتۇزىمى قۇرىلىمى ۇزدىكسىز ساپالىلاندى، 2021 - جىلى بۇكىل ەل بويىنشا سالىق كىرىسىنىڭ ادەتتەگى الەۋمەتتىك مەجە ەسەپ كىرىسىندەگى سالىستىرماسى %85.3 كە جەتتى، مۇنىڭ ىشىندە تىكەلەي سالىقتىڭ سالىستىرماسى %36 كە جەتتى.
ۇشىنشىدەن، مەجە ەسەپ باسقارۋ ءتۇزىمى رەفورماسىندا كەلەلى تابىستارعا قول جەتتى. مەجە ەسەپ زاڭى مەن مەجە ەسەپ زاڭىن اتقارۋ ەرەجەسىنە وزگەرىس ەنگىزىلىپ، جىل اتتاعان مەجە ەسەپتى تەڭگەرۋ مەحانيزمى ورناتىلىپ، نىساندى تۇتاس ۋاقىت مەزەتى بويىنشا باسقارۋ اتقارىلىپ، قازىنالىق قارجىنى توتە جەتكىزۋ مەحانيزمى جاڭالاندى، اتقارىلدى ... ولشەمى عىلمي، ارناعا تۇسكەن، جاريالى، تەجەۋى پارمەندى مەجە ەسەپ ءتۇزىمى نەگىزىنەن ورناتىلدى.
قازىنا، سالىقتى ورنىقتى ارتتىرۋ ساياساتى جەدەل ىلگەرىلەتىلىپ، ساياساتتىق ونىمدىلىك ۇزدىكسىز جارىققا شىقتى
قازىر جۇڭگو ەكونوميكاسى جاڭا قۇلدىراۋ قىسىمىنا ءدوپ كەلىپ وتىر. بيىل جىل باسىنان بەرى قازىنا - سالىق تاراۋلارى ورتالىقتىڭ ەكونوميكالىق قىزمەت ءماجىلىسىنىڭ رۋحىن مۇقيات دايەكتىلەندىرىپ، تياناقتاندىرىپ، ورنىقتىلىقتى ماڭداي الدى ورىنعا قويۋدا، ورنىقتىلىق بارىسىندا ىلگەرىلەۋدە تاباندى بولىپ، ساياسات جاعىنان كۇش سالۋدى لايىقتى الدىعا جىلجىتىپ، ماكرولىق ەكونوميكالىق جاعدايدى ورنىقتىرۋعا دەم بەردى. قازىر ءتۇرلى ساياساتتار جەدەل ىلگەرىلەتىلىپ، ساياساتتان پايدالانۋ ونىمدىلىگى ۇزدىكسىز جارىققا شىعۋدا.
ءبىرىنشى، جاڭا كەشەندى سالىق - اقىنى قولداۋ ساياساتى جەدەل اتقارىلادى. مەجەمەن بيىل تۇتاس جىلدا قايتارىلاتىن، كەمەيتىلەتىن سالىق، ازايتىلاتىن اقى شامامەن 2 تريلليون 500 ميلليارد يۋان بولادى. مۇنىڭ ىشىندە ارتقان قۇن سالىعىنان كەڭ كولەمدە قايتارىلاتىن سالىقتان دولايلاستىرىلاتىن اقشا شامامەن ءبىر تريلليون 500 ميلليارد يۋان بولادى. «بيىل جىل باسىنان بەرى كاسىپورىنداردىڭ سالىق اۋىرتپالىعىن جەڭىلدەتۋ جانە ناق اقشا اينالىمىن ارتتىرۋ مولشەرى ءبىر تريلليون 600 ميلليارد يۋاننان استى» دەدى ۋاڭ داۋشۋ. بۇل ساياساتتاردىڭ پايداسى كاسىپورىنداردىڭ، اسىرەسە، ورتا، شاعىن، ۇساق كاسىپورىنداردىڭ جانە جەكە ونەركاسىپشىلەر مەن ساۋداگەرلەردىڭ قيىنشىلىقتارىن شەشىپ، سەنىمىن سەرپىلتۋدە ماڭىزدى رول اتقاردى.
شۇي حۇڭساي مىنانى ءبىلدىردى: نەگىزگى ساتىنىڭ سالىقتى كەمەيتۋ، اقىنى تومەندەتۋ جانە ءتۇرلى حالىق تۇرمىسى ساياساتتارىن تياناقتاندىرۋىن قولداۋ ءۇشىن، ورتالىق قازىنا ءبىر تريلليون 200 ميلليارد يۋان ارناۋلى اۋدارىپ تولەۋدى ورنالاستىردى، مۇنىڭ ىشىندە بيىلعى مەجە ەسەپكە ەنگىزىلگەن 800 ميلليارد يۋان توپقا ءبولىپ تومەنگە ءتۇسىرىلدى. قايتارىلعان سالىقتان دولايلاستىرىلاتىن اقشا قارقىنى ءبىرشاما تەز بولعاندىقتان، بيىل ۇكىمەتتىك قور مەجە ەسەبىندە تاعى 400 ميلليارد يۋان قارجى ورنالاستىرىلدى، بۇل كەلەسى جىلى پايدالانۋعا اۋدارىلىپ، ورتالىق قازىنا ۇستىنە الۋعا ءتيىستى سالىقتى دولايلاستىرۋعا جۇمسالىپ، جەرگىلىكتى ورىنداردىڭ قارجىنى ورنالاستىرۋ قاجەتى قاناعاتتاندىرىلادى.
ەكىنشى، جەرگىلىكتى ۇكىمەتتەردىڭ ارناۋلى زايوم تاراتۋىن، پايدالانۋىن جەدەلدەتىپ، ءونىمدى قارجى قوسۋ كەڭەيتىلەدى. بيىل جاڭادان ارتقان جەرگىلىكتى ۇكىمەتتەردىڭ ارناۋلى زايومىنىڭ سوماسى 3 تريلليون 650 ميلليارد يۋان بولدى. 5 - ايدىڭ 15 – كۇنىنە دەيىن جەر – جەر ءبىر تريلليون 500 ميلليارد يۋان تاراتىپ، وتكەن جىلدىڭ ۇقساس مەزگىلىندەگىدەن ءبىر تريلليون 300 ميلليارد يۋان ارتتى. 4 - ايدىڭ سوڭىنا دەيىن تاراتىلعان ارناۋلى زايوم تۇرلەرى 11 مىڭنان اسىپ، 120 ميلليارد يۋان ارناۋلى زايوم كەلەلى نىسانداردىڭ كاپيتال قارجىسى رەتىندە پايدالانىلىپ، ۇتىمدى قارجى قوسۋ كولەمىن كەڭەيتۋگە، ماكرولىق ەكونوميكانى ورنىقتىرۋعا پارمەندى تىرەك ازىرلەندى.
ءۇشىنشى، قيىنشىلىعى بار كاسىپورىندارعا كومەكتەسۋ ساياساتىنىڭ تەبىنى ارتتىرىلىپ، كاسىپورىنداردىڭ قيىن وتكەلدەن وتۋىنە كومەك بەرىلەدى. كاسىپورىن كولەمىنەن قاراعاندا، شاعىن، ۇساق كاسىپورىندارعا كومەكتەسۋدى ءتۇيىندى تۇردە كۇشەيتۋ كەرەك. كاسىپ سالاسىنان قاراعاندا، زات اينالىمى، اس - سۋ سياقتى ىندەتتىڭ ىقپالىنا ءبىرشاما زور ۇشىراعان قيىنشىلىعى بار سالالارعا كومەكتەسۋ، سۇيەمەلدەۋ تەبىنىن ارتتىرۋ كەرەك. سونىمەن بىرگە، جەر - جەردى بەلسەنە قارجى ورنالاستىرۋعا شابىتتاندىرىپ، قيىنشىلىعى بار كاسىپورىندار مەن جەكەشە ونەركاسىپشىلەرگە، ساۋداگەرلەرگە ءۇي ماي اقىسى، سۋ - ەلەكتر اقىسى، قامسىزداندىرۋ قاراجاتى، ىندەتتەن ساقتانۋ شىعىسى سياقتى جاقتاردان قوسىمشا قاراجات بەرۋ كەرەك.
شۇي حۇڭساي مىنانى ءبىلدىردى: «كەلەسى قادامدا قازىنا مينيسترلىگى پارتيا ورتالىق كوميتەتىنىڭ، مەملەكەتتىك كەڭەستىڭ سالىق قايتارۋ، سالىقتى كەمەيتۋ جونىندەگى شەشىمدەرى مەن ورنالاستىرۋلارىن ۇزدىكسىز ىشكەرىلەي دايەكتىلەندىرەدى، قازىنا ساياساتى جاعىنان كۇش سالۋدى لايىقتى الدىعا جىلجىتىپ، ساياساتتىق قۇرال - سايمان ساندىعىنان ويداعىداي پايدالانىپ، نىسانالاردىڭ سايكەستىگىنە جەتكىلىكتى كۇش سالىپ، ماكرولىق ەكونوميكانىڭ جالپى جاعدايىنىڭ ورنىقتىلىعىنا كۇش سالىپ، ەكونوميكالىق اينالىمنىڭ ۇيلەسىمدى ارالىقتا بولۋىن جەبەيدى».
ۋاڭ داۋشۋ مىنانى ءبىلدىردى: «سالىق تاراۋلارى اۋىر مىندەتتى باتىلدىقپەن ارقالاپ، قيىندىقتاردان قامال الىپ، ەكونوميكانى تىڭعىلىقتى ورنىقتىرىپ، حالىق تۇرمىسىن شىن مانىندە قامتاماسىز ەتىپ جانە جاقسارتىپ، جۇمىستاندىرۋدى ورنىقتىرىپ جانە كەڭەيتىپ، ەكونوميكانىڭ، قوعامنىڭ ساپالى دامۋىنا سالىق جاعىنان كۇش - قۋاتىن ارنايدى».
ۋاڭ لۋجين مىنانى ءبىلدىردى: بۇكىل ەلدەگى قازىنالىق باقىلاۋ ورگاندارى پارتيا ورتالىق كوميتەتىنىڭ، مەملەكەتتىك كەڭەستىڭ شەشىمدەرى مەن ورنالاستىرۋلارىن باتىل دايەكتىلەندىرىپ، قازىنالىق باقىلاۋ مىندەتىن تىڭعىلىقتى اتقارىپ، بەلسەندى قازىنا ساياساتىنىڭ ونىمدىلىگىن جوعارىلاتۋدى ىلگەرىلەتىپ، «التىنى ورنىقتىرۋ»، «التىنى قامتاماسىز ەتۋ» قىزمەتىن ويداعىداي ىستەپ، ماكرولىق ەكونوميكانىڭ جالپى جاعدايىن ورنىقتىرۋدى جەبەپ، ەكونوميكالىق اينالىمنىڭ ۇيلەسىمدى ارالىقتا بولۋىن ساقتاپ، ءىس جۇزىندىك ارەكەتپەن ارقىلى پارتيانىڭ 20 - قۇرىلتايىنىڭ تابىسپەن اشىلۋىن قارسى الادى!
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
