وردوستا قارتتاردى كۇتىمدەۋگە ساياتىن الدامكوستىك دەلوسىنا ۇكىم شىعارىلدى
دەلوعا قاتىستى سوما 362 ميلليون يۋان بولىپ، 1600 دەن استام ادام زيانعا ۇشىراعان
2022.05.23 14:31 كەلۋ قاينارى : حالىق تورابى
حالىق سوتى گازەتىنىڭ ءتىلشىسى چى شياۋمەي، ەرىكتى ءتىلشى لي جياۋ حابارلايدى. جۋىردا ىشكى موڭعۇل اۆتونوميالى رايونى وردوس قالالىق ورتا دارەجەلى حالىق سوتى وردوس قالاسىنداعى يشياڭچىڭ ەلەكتروندى ساۋدا شەكتى سەرىكتەستىگى مەن ۋاڭ شياۋكاي قاتارلى ادامداردىڭ قارجى توپتاۋ جاعىنداعى الدامكوستىك قىلمىسى، جۇرتشىلىقتىڭ اماناتقا قويعان اقشاسىن زاڭسىز ءسىڭىرىپ الۋ قىلمىسى، جۇبايى بولا تۇرا ۇيلەنۋ قىلمىسى، جاسىرۋ قىلمىسى قاتارلى قىلمىستارىنا زاڭ بويىنشا اشىق ۇكىم جاريالاعان.
سوت مەكەمەسىنىڭ سوت اشۋ ارقىلى انىقتاۋىنشا، 2016 – جىلى 11 – ايدان 2018 – جىلى 5 – ايعا دەيىنگى مەرزىمدە، يشياڭچىڭ سەرىكتەستىگى مەن ۋاڭ شياۋكاي مەملەكەتتىڭ قاتىستى تاراۋلارىنىڭ بەكىتۋىنەن وتكىزبەي تۇرىپ، جۇرتتان اقشا توپتاپ جارنا ساتىپ الۋ، قارتتاردى تەگىن كۇتىمدەۋ، ءتيىمدى باعادا اۆتوموبيل ساتىپ الۋ، قارىزدان قۇتىلۋ قاتارلى جەلەۋلەردەن پايدالانىپ، جوعارى سومادا ءوسىم قايتارۋ جانە ونىمنەن تارتۋ ۇسىنۋ، تۇتىنۋ كارتۋچكاسىن ۇسىنۋ قاتارلىلاردى شىرعا ەتىپ، قارجى توپتاۋعا قاتىناسقان 1600 دەن استام ادامنان 362 ميلليون يۋان اقشا جيعان، مۇنىڭ ىشىندە كەيبىر قارتتار ءوزىنىڭ زەينەتكەرلىك قاراجاتىن الىپ شىققان، «تەگىن ساياحاتتاۋ»، «تەگىن ساۋعا تاراتۋ» سىندى شىرعالاردىڭ جەتەگىندە، الدامكوستەردىڭ تۇزاعىنا تۇسكەن.
وردوس ورتا سوتى بىلاي دەپ قاراعان: يشياڭچىڭ سەرىكتەستىگىنىڭ زاڭسىز يەلەپ الۋ ماقساتىمەن الدامكوستىك تاسىلىنەن پايدالانىپ جۇرتتان توپتاعان قارجىسىنىڭ سوماسى اسا قوماقتى بولىپ، قارجى توپتاۋ الدامكوستىك قىلمىسىن قالىپتاستىرعان. ۋاڭ شياۋكاي زاڭسىز يەلەپ الۋ ماقساتىمەن قارجى توپتاۋ الدامكوستىك قىلمىسىن قالىپتاستىرعان. ولاردىڭ قارجى توپتاۋ الدامكوستىك ارەكەتى مەملەكەتتىڭ فينانستى باسقارۋ ءتارتىبىن اۋىر دارەجەدە ءبۇلدىرىپ، قارجى توپتاۋعا قاتىناسقاندارعا اۋىر زيان سالعان، قوعامداعى زالالى وتە اۋىر بولعان، ايىپكەر ۋاڭ شياۋكايعا قارجى توپتاۋ الدامكوستىك قىلمىسى بويىنشا مەرزىمسىز قاماق جازاسى بەرىلىپ، ساياسي ۇقىعىنان ومىرلىك ماحرۇم ەتۋدى ءارى جەكەلىك مال – مۇلكى تۇگەل ءمۇسادىرالاۋدى ۇكىم ەتتى؛ جۇبايى بولا تۇرا ۇيلەنۋ قىلمىسى بويىنشا، ەكى جىلدىق مەرزىمدى قاماق جازاسىنا ۇكىم ەتتى، سوت مەكەمەسى ونىڭ قىلمىستارىن قوسىپ جازالاپ، مەرزىمسىز قاماق جازاسىنا ۇكىم ەتۋدى، ساياسي ۇقىعىنان ومىرلىك ماحرۇم ەتۋدى ءارى جەكەلىك مال – مۇلكىن تۇگەل ءمۇسادىرالاۋدى ۇيعاردى. باسقا ايىپكەرلەر جەكە – جەكە ەكى جىلدان ءۇش جىل ءۇش ايعا دەيىنگى ارالىقتاعى مەرزىمدى قاماق جازاسىنا ۇكىم ەتىلدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
