شينجياڭ ۇيعۇر اۆتونوميالى رايونىنىڭ «ءجۇز كۇندىك توراپتا قىزمەتكەر قابىلداۋ ارناۋلى قيمىلى» باستالدى
2022.05.20 16:27 كەلۋ قاينارى : حالىق تورابى
جۋىقتا شينجياڭ ۇيعۇر اۆتونوميالى رايونىنىڭ «ءجۇز كۇندىك توراپتا قىزمەتكەر قابىلداۋ ارناۋلى قيمىلى» بايىنعولين موڭعۇل اۆتونوميالى وبلىسىندا باستالدى.
وسى رەتكى ارناۋلى قيمىل «قىزمەت سەنىڭ كەلىپ قوسىلۋىڭدى كۇتۋدە» دەگەندى نەگىزگى تاقىرىپ ەتكەن، قابىلداۋ وبيەكتىسى جوعارى مەكتەپ بىتىرگەن وقۋشىلار، ديقان جۇمىسكەرلەر، قالا - قالاشىقتارداعى جۇمىسسىز قالعاندار، كەدەيلىكتەن ارىلعان ەڭبەككۇش سياقتى ءتۇرلى ەڭبەكشىلەر مەن قىزمەتكەر قابىلداۋ قاجەتى بار ءتۇرلى ادام ىستەتەتىن ورىنداردى قامتيدى. قيمىل ءتۇيىندى ادامداردى جۇمىسقا ورنالاستىرۋ جانە ادام ىستەتۋشى ورىنداردىڭ جۇمىسقا قابىلداۋ قاجەتىنە قاراي، ينتەرنەتتە قىزمەتكەر قابىلداۋ تۇعىرىنا سۇيەنىپ، جەلىدە ارناۋلى جۇمىسقا قابىلداۋ، كاسىپكە جەتەكشىلىك ەتۋ، كاسىپتىك شەبەرلىككە تاربيەلەۋ سياقتى قىزمەت كورسەتۋدى شوعىرلى ورىستەتىپ، جۇمىسقا ورنالاستىرۋ، شارۋاشىلىق قۇرۋ ساياساتتىق قولداۋىن كۇشەيتىپ، جەلىدە قىزمەت كورسەتۋدى ىلگەرىلەتىپ، قامداۋ مەن قاجەتسىنۋدىڭ سايكەسۋ ونىمدىلىگىن جوعارىلاتىپ، ساپالى، جوعارى ءونىمدى قىزمەت كورسەتۋ ارقىلى جۇمىسقا ورنالاستىرۋدى ورنىقتىرۋعا كەپىلدىك ەتۋگە دەم بەرەدى.
ادام كۇشى بايلىعى جانە قوعامدىق قامتاماسىزداندىرۋ مينيسترلىگىنىڭ ءبىرتۇتاس تالابىنا ساي، بۇل قيمىل 8 - ايدىڭ 25 - كۇنىنە دەيىن جالعاسادى. وسى مەزگىلدە اۆتونوميالى رايون شينجياڭنىڭ الەۋمەتتىك جۇمىسقا ورنالاستىرۋعا قىزمەت كورسەتۋ تورابىندا جانە جۇڭگو شينجياڭ دارىندىلار تورابىندا «ءجۇز كۇندىك توراپتا قىزمەتكەر قابىلداۋ ارناۋلى ارەكەتىنىڭ شينجياڭ نەگىزگى قيمىل الاڭىن» قۇرىپ، تۇتاس شينجياڭنىڭ ينفورماتسياسىن دەر كەزىندە جيناقتاپ، بۇكىل ەلدىڭ نەگىزگى قيمىل الاڭىمەن ءبىر ۋاقىتتا جالعايدى. سوڭعى مەزگىلدە شينجياڭ ۇيعۇر اۆتونوميالى رايونى ءىس جۇزىندىك جاعدايعا نەگىزدەلىپ، ساياحات كاسىبى، ينفورماتسيا كاسىبى (ەلەكترون كاسىبى)، توقىماشىلىق، كيىم ـ كەشەك، مۇناي، مۇناي حيميا، كومىر، كومىر حيميا ونەركاسىبى، ەلەكتر كاسىبى سياقتى ارناۋلى قيمىلداردى ىركەس ـ تىركەس ورىستەتىپ، جوعارى مەكتەپ بىتىرگەن وقۋشىلار، ديقان جۇمىسكەرلەر، قالا ـ قالاشىقتارداعى جۇمىسسىز قالعاندار، كەدەيلىكتەن ارىلعان ەڭبەككۇش سياقتى ءتۇيىندى قاۋىمعا ۇدايىلانعان، دالمە ـ ءدال جۇمىستانۋعا قىزمەت كورسەتۋگە كۇش سالادى.
قيمىلدىڭ باستالۋ سالتىندا، بايىنعولين وبلىسى ءوز جەرىنىڭ ءىس جۇزىندىك جاعدايىمەن ۇشتاستىرىپ، تىكە تاراتۋ فورماسىمەن «ساياساتتى ءتۇسىندىرۋ + تىكە تاراتىپ قىزمەت ورنىن جەتەكتەۋ + كاسىپكە جەتەكشىلىك ەتۋ» جەلىلەس الەۋمەتتىك جۇمىستانۋعا قىزمەت كورسەتۋ قيمىلىن ورىستەتتى. ساناققا قاراعاندا، وسى رەتكى توراپتا قىزمەتكەر قابىلداۋ قيمىلى 500دەن استام ساپالى قىزمەت ورنىن جاريالاعان، بۇل زات اينالىمى، قىزمەت وتەۋ، ەلەكتروندىق ساۋدا، قۇرىلىس اشەكەيلەۋ سياقتى سالالارعا سايادى، توراپتا جۇمىس ىزدەۋشىلەر 5641 ادامدى باۋرادى. جوسپار بويىنشا، بايىنعولين وبلىسى مۇناي ـ حيميا، توقىماشىلىق، كيىم ـ كەشەك، ەنەرگيا ۇنەمدەۋ، قورشاعان ورتانى قورعاۋ، جاڭا ەنەرگيا جانە ەگىن، مال شارۋاشىلىعى سياقتى ءتۇيىندى كاسىپتەردى ارقاۋ ەتىپ، شينجياڭ دارىندىلار تورابى، بايىنعولين وبلىسىنىڭ الەۋمەتتىك جۇمىسقا ورنالاستىرۋعا قىزمەت كورسەتۋ تورابى سياقتى ارنالار ارقىلى 20 مىڭنان استام قىزمەتكەر قابىلداۋ ورنىن جاريالادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
