انگليادا 7 ادامنىڭ مايمىل شەشەگى اۋرۋىنا شالدىققانى انىقتالدى
الەۋمەتتىك اۋماقتا تارالۋى مۇمكىن
2022.05.19 16:24 كەلۋ قاينارى : حالىق تورابى
شينحۋا اگەنتتىگىنىڭ 5 - ايدىڭ 17 - كۇنى لوندوننان بەرگەن حابارى (ءتىلشى گو شۋاڭ). انگليا دەنساۋلىق ساقتاۋ حاۋىپسىزدىك مەكەمەسى 5 - ايدىڭ 16 - كۇنى بىلاي دەدى: 5 - ايدىڭ 6 - كۇنىنەن 15 - كۇنىنە دەيىن انگليادا 7 ادامنىڭ مايمىل شەشەگى اۋرۋىنا شالدىققانى انىقتالدى، ىندەت الەۋمەتتىك اۋماقتا تارالۋى مۇمكىن،
انگليا دەنساۋلىق ساقتاۋ حاۋىپسىزدىك مەكەمەسىنىڭ ايتۋىنشا، ەڭ جاڭا بايقالعان مايمىل شەشەك اۋرۋىنا شالدىققان 4 ادام تۇگەلدەي لوندوندا جۇعىمدالعان، 5 - ايدىڭ 7 - كۇنى جانە 14 - كۇنى جاريالاعان 3 اداممەن بايلانىسى بايقالمادى. ىندەتكە شالدىققان 4 ادام وزدەرىن جىنىستاس عاشىقتار، قوس جىنىستى عاشىقتار نەمەسە ەر جىنىستاس بايلانىس جاساۋشى ادامدار دەپ تانيتىندار ەكەن، ولاردىڭ جۇعىمدالۋىنىڭ ناقتىلى ورنى مەن ءتاسىلى، سونداي - اق ءوزارا بايلانىسى ءالى دە شۇعىل تەكسەرۋ ۇستىندە. ولار مايمىل شەشەگى تارالعان مەملەكەتكە ساياحاتتاپ بارماعان.
بۇل قۇرىلىم بىلاي دەپ اتاپ كورسەتتى: ەڭ جاڭا ىندەتكە شالدىققاندار جىنىستاس عاشىقتار، قوس جىنىستى عاشىقتار مەن ەر جىنىستاس بايلانىس جاساۋشى ادامدار دەپ تانيتىنداردىڭ توبىنان بولدى، ۆيرۋس تىعىز جاناسۋ ارقىلى تارالعان. بۇل قۇرىلىم جوعارىداعى توپتارعا دەنەدەگى ءارقانداي قالىپسىز تەرى بورتپەسىنەن نەمەسە اۋرۋ وزگەرىسىنەن قىراعى بولۋدى، كلينيكالىق شيپاگەرلەردىڭ بورتپەنىڭ پايدا بولۋىنان ساقتىقپەن قاراۋىن ەسكەرتتى.
انگليا دەنساۋلىق ساقتاۋ حاۋىپسىزدىك مەكەمەسىنىڭ باس ەمدەۋ اقىلشىسى سۋسان حوپكينس بىلاي دەدى: بۇل «سيرەك كەزدەسەتىن جانە ەرەكشە» جاعداي، كەيبىر دالەلدەر مايمىل شەشەك ۆيرۋسىنىڭ الەۋمەتتىك اۋماقتا تىعىز جاناسۋدان تارالۋى مۇمكىن ەكەنىن، بۇل قۇرىلىمنىڭ جۇعىمدالۋ قاينارىن جەدەل تەكسەرىپ جاتقاندىعىن دالەلدەدى.
مايمىل شەشەگى ‐ ادام مەن حايۋاناتتا ورتاق بولاتىن ءبىر ءتۇرلى ۆيرۋستىق شالدىعۋ. مايمىل شەشەك ۆيرۋسى حايۋاناتتار ارقىلى ادامعا جۇققان بولۋى مۇمكىن، ادامدار ارا وڭاي تارالمايتىن بولعانىمەن، جۇعىمدالۋشىمەن تىعىز جاناسسا جۇعىمدالۋى مۇمكىن. مايمىل شەشەگىن جۇقتىرۋدىڭ العاشقى اۋرۋ بەلگىسى قىزۋ، باس اۋرۋ، بۇلشىق ەت اشىپ اۋىرۋ، ارقا اۋىرۋ، ليمفا ءتۇيىنىنىڭ ءىسىنۋى قاتارلىلاردى قامتيدى، كەيىن بەت ءبولىمى مەن دەنەدەگى ۇلكەن تەرى بورتپەسىنە اينالادى. كوپ ساندى جۇعىمدالۋشىلار بىرنەشە اپتا ىشىندە ساۋىعادى، ءبىراق كەي جۇعىمدالۋشىلاردا اۋرۋ بەلگىسى سالماقتى بولادى.
كونگو دەموكراتيالىق رەسپۋبليكاسىندا 1970 - جىلى تۇڭعىش رەت مايمىل شەشەگىمەن جۇعىمدالعان ناۋقاس بايقالعان. انگليانىڭ حالىقتىق دەنساۋلىق ساقتاۋ ءتۇزىمى تورابىندا كورسەتىلۋىنشە، مايمىل شەشەگى نەگىزىنەن باتىس افريكاداعى نەمەسە ورتا افريكانىڭ ءبىر ءبولىم رايوندارىنداعى جابايى حايۋاناتتاردان تارالادى ەكەن، انگليادا جۇعىمدالۋ قاتەرى وتە تومەن ەكەن. بۇل قۇرىلىم باتىس افريكا مەن ورتا افريكادا ساياحاتتاعاندا كىر سابىنمەن قول جۋۋ، ەتتى ابدەن پىسىرىپ جەۋ سياقتى جولدار ارقىلى مايمىل شەشەگىن جۇقتىرۋ قاتەرىن تومەندەتۋدى ۇسىنىس ەتتى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
