5 جىلدان بەرى ەلىمىزدەگى قوعام حاۋىپسىزدىگى ورگاندارىنداعى حالىق ساقشىلارىنان، كومەكشى ساقشىلاردان 2100 دەن استام ادام ۇكىمەت قىزمەتى بارىسىندا قۇربان بولعان
2022.05.20 15:32 كەلۋ قاينارى : حالىق تورابى
حالىق تورابىنىڭ 5 – ايدىڭ 19 – كۇنى بەيجيڭنەن بەرگەن حابارى (حاۋ پيڭ، ۋ نان) ءتىلشىنىڭ 5 – ايدىڭ 19 – كۇنى قوعام حاۋىپسىزدىگى مينيسترلىگىنەن ۇعىسۋىنشا، 2017 – جىلدان 2021 – جىلعا دەيىن، ەلىمىزدەگى قوعام حاۋىپسىزدىگى ورگاندارىنداعى حالىق ساقشىلارىنان، كومەكشى ساقشىلاردان جيىنى 2100 دەن استام ادام ۇكىمەت قىزمەتى بارىسىندا قۇربان بولعان، حالىق ساقشىلارىنان، كومەكشى ساقشىلاردان 50 مىڭنان استام ادام ۇكىمەت قىزمەتى بارىسىندا جارالانعان.
مالىمدەمەشى جيا جۇنچياڭ مىنانى ءبىلدىردى: ەلىمىزدەگى قوعام حاۋىپسىزدىگى ورگاندارى مەن بارشا قوعام حاۋىپسىزدىگى حالىق ساقشىلارى قان مەن تەرى، ءتىپتى ءومىرى ارقىلى مەملەكەتتىڭ ساياسي حاۋىپسىزدىگىن، قوعامنىڭ زور جاعدايىنىڭ تىنىشتىعىن قورعاپ، حالىقتىڭ الاڭسىز، باقىتتى تۇرمىسىنا كەپىلدىك ەتتى. وسى مەزگىلدە، ءبىر توپ قاھارمان ۇلگىلەر جانە ەڭبەك سىڭىرگەن كوللەكتيۆتەر جارىققا شىقتى، ولاردىڭ كەيبىرەۋى شەشۋشى ساتتە كەۋدە كەرىپ العا شىعىپ، اتوي سالىپ الدا ءجۇردى، كەيبىرەۋى ماشاقاتتى مىندەت بارىسىندا ارىپ – شارشاۋدان قورىقپاي، ءۇرتىس شايقاس جاسادى، كەيبىرەۋى كۇندەلىكتى قىزمەت بارىسىندا ءۇن – ءتۇنسىز ەڭبەك ەتىپ، قالتقىسىز ۇلەس قوستى، كەيبىرەۋى ءىس جۇزىندىك ارەكەتى ارقىلى «حالىق ساقشىلارى حالىق ءۇشىن قىزمەت ىستەيدى» دەگەن ايبىندى سەرتتى ءامالياتتا ايگىلەدى.
جيا جۇنچياڭ بىلاي دەدى: 5 جىلدان بەرى، ەلىمىزدەگى قوعام حاۋىپسىزدىگى ورگاندارىنداعى حالىق ساقشىلارىنان، كومەكشى ساقشىلاردان 2100 دەن استام ادام ۇكىمەت قىزمەتى بارىسىندا قۇربان بولدى، حالىق ساقشىلارىنان، كومەكشى ساقشىلاردان 50 مىڭنان استام ادام ۇكىمەت قىزمەتى بارىسىندا جارالاندى. ەلىمىزدەگى قوعام حاۋىپسىزدىگى ورگاندارىنان جيىنى ءبىر ادامعا «حالىق قاھارمانى» مەملەكەتتىك داڭقتى اتاعى تولىقتاپ بەرىلدى، ءبىر ادام «رەفورما اۆانگاردى» اتاعىنا يە بولدى، ءبىر ادام «1 – تامىز وردەنىنە» يە بولدى، ءبىر ادام «1 – شىلدە وردەنىنە» يە بولدى، 2 ادام مەن ءبىر كوللەكتيۆكە «ءداۋىر اۆانگاردى» اتاعى بەرىلدى (تولىقتاپ بەرىلدى)، ءبىر توپ تاڭداۋلى تيپتەر ولكە دارەجەلى داڭقتى اتاقتارعا يە بولدى، جيىنى 260 مىڭ ادامعا (رەت)، 147 مىڭ كوللەكتيۆكە ەڭبەك جازىلىپ، ماراپاتقا يە بولدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
