جۇڭگو باعانى ءوسىرۋ ينفورماتسياسىن جالعاننان جاساۋ، تاراتۋ، زاتتى باسىپ قويۋ سياقتى ارەكەتتەرگە قاتاڭ سوققى بەرەدى
2022.05.20 16:45 كەلۋ قاينارى : حالىق تورابى
جۇڭگو اقپارات اگەنتتىگىنىڭ 5 - ايدىڭ 17 - كۇنى بەيجيڭنەن بەرگەن حابارى. جۇڭگو مەملەكەتتىك دامۋ جانە رەفورما كوميتەتى ساياسات زەرتتەۋ كەڭسەسىنىڭ ورىنباسار مەڭگەرۋشىسى، اقپارات مالىمدەمەشىسى مىڭ ۋي 5 - ايدىڭ 17 - كۇنى بىلاي دەدى: قازىر جۇڭگونىڭ زات باعاسىنىڭ قىمباتتاۋ شاماسى باسقا نەگىزگى ەكونوميكالىق تۇلعالاردان كورنەكتى تومەن. ۇكىمەت بازاردى باقىلاۋ ـ باسقارۋدى ۇزدىكسىز كۇشەيتىپ، باعانى ءوسىرۋ ينفورماتسياسىن جالعاننان جاساۋ، تاراتۋ، زاتتى باسىپ قويۋ سياقتى زاڭعا، بەلگىلەمەگە قايشى ارەكەتتەرگە قاتاڭ سوققى بەرەدى.
مىڭ ۋي سول كۇنى وتكىزىلگەن اقپار جاريالاۋ ماجىلىسىندە بىلاي دەدى: بيىل جىل باسىنان بەرى، دۇنيە ءجۇزى بويىنشا جاڭا تيپتى ايدارشا ۆيرۋس وكپە قابىنۋى ءالى دە ءونىمدى تىزگىندەلمەدى، قامداۋ جاعىنداعى كىلتەڭ ماسەلەلەر ءالى دە ورىن تەۋىپ وتىر، ونىڭ ۇستىنە رەسەي مەن ۋكراينا سوعىسىنىڭ ىقپالىنا ۇشىراپ، حالىقارالىق كوپ قولدى تاۋارلاردىڭ باعاسى جوعارى دەڭگەيدە اۋمالى - توكپەلى كۇي كەشىپ، ەنەرگيا، استىق، كەن ونىمدەرىنىڭ باعاسى ءبىر مەزەت جەدەل جوعارىلادى. وسىنىڭ ىقپالىنان دۇنيە جۇزىندەگى ءىرى ەكونوميكالىق تۇلعالار ءبىرشاما زور اقشانىڭ قۇنسىزدانۋ قىسىمىنا ءدوپ كەلدى.
حالىقاراداعى اقشانىڭ زور دارەجەدە قۇنسىزدانۋىمەن سالىستىرىپ، ول بىلاي دەدى: بيىل جىل باسىنان بەرى جۇڭگونىڭ زات باعاسى جالپى تۇلعالىق ۇيلەسىمدى ارالىقتا بولىپ كەلەدى، 4 - ايدا CPI وتكەن جىلدىڭ ۇقساس مەزگىلىندەگىدەن %2.1 ارتتى، PPIوتكەن جىلدىڭ ۇقساس مەزگىلىندەگىدەن %8 ارتتى، ارتۋ مولشەرى باسقا نەگىزگى ەكونوميكالىق تۇلعالاردان كورنەكتى تومەن بولىپ، ايقىن سالىستىرما قالىپتاستىردى.
وسىنداي كەيىنگى جاعدايعا ۇڭىلگەندە، مىڭ ۋي بىلاي دەدى: جۇڭگو ەكونوميكاسىنىڭ سەرپىمدىلىگى كۇشتى، بازار كەڭىستىگى كەڭ، ساياساتتىق قۇرال ـ سايمان ساندىعى مول، اسىرەسە، استىق وندىرىسىنەن جىل سايىن مول ءونىم الىنىپ، شوشقا ءوندىرۋ قۋاتى جەتكىلىكتى، ونەركاسىپ اۋىل شارۋاشىلىق ونىمدەرى مەن قىزمەت وتەۋمەن قامداۋ جەتكىلىكتى بولىپ، زات باعاسىنىڭ ورنىقتى اينالىمىن ۇزدىكسىز ساقتاۋعا شارت ـ جاعداي، قابىلەت، سەنىم بار. مەملەكەتتىك دامۋ جانە رەفورما كوميتەتى جالپىلىق شارا قولدانۋعا، دالمە ـ ءدال تىزگىندەۋگە تاباندى بولىپ، كوپ قولدى تاۋارلارمەن قامداۋ، باعانى ورنىقتىرۋ قىزمەتىن بار كۇشپەن ويداعىداي ىستەيدى.
بىرىنشىدەن، استىقپەن قامداۋعا كەپىلدىك ەتۋ، باعانى ورنىقتىرۋ قىزمەتىن جاقسى ىستەۋ. ەگىستىك جەر كولەمى مەن ءونىم مولشەرىن ورنىقتىرىپ، استىقتىڭ جەتكىلىكتى، باعاسىنىڭ ورنىقتى بولۋىن ساقتاپ، جۇڭگولىقتاردىڭ اس ىدىسىنىڭ قاي ـ قاشان دا ءوز قولىندا بولۋىنا كەپىلدىك ەتۋ كەرەك.
ەكىنشى، كومىردى «ياكور» ەتىپ، ەنەرگيامەن قامداۋعا كەپىلدىك ەتۋ، باعانى ورنىقتىرۋ قىزمەتىن جاقسى ىستەۋ. كومىر ونىمدەرىمەن قامداۋ، ساقتاۋ، ساتۋ جۇيەسىن كەمەلدەندىرۋ، بازار مەجەسىن باسقارۋدى كۇشەيتۋ سياقتى شارالار ارقىلى كومىر باعاسىن ۇيلەسىمدى ارالىقتا ساقتاۋعا جەتەكتەپ، كومىر باعاسىن ورنىقتىرۋ ارقىلى ەلەكتر باعاسىن ورنىقتىرىپ، تۇتاس تۇلعالىق ەنەرگيادان پايدالانۋ وزىندىك قۇنىن ورنىقتىرۋ كەرەك.
ءۇشىنشى، كەن ونىمدەرىمەن قامداۋعا كەپىلدىك ەتۋ، باعانى ورنىقتىرۋ قىزمەتىن جاقسى ىستەۋ. تەمىر رۋداسى سياقتىلاردىڭ ەل ىشىندەگى بارلاۋ، اشۋ تەبىنىن ارتتىرىپ، كەن ونىمدەرى بازاسى قۇرىلىسىن جەدەلدەتىپ، ەل ىشىندەگى بايلىقتى قامتاماسىزداندىرۋ قۋاتىن ارتتىرۋ كەرەك. سونىمەن بىرگە، يمپورت ـ ەكسپورتتى رەتتەۋدى كۇشەيتىپ، ەنەرگيانى كوپ سارىپ ەتەتىن، لاس زاتتاردى كوپ شىعاراتىن، تومەن دەڭگەيدەگى نىسانداردىڭ كوزسىزدىكپەن دامۋىن باتىل تەجەپ، ماڭىزدى كەن ونىمدەرىمەن حاۋىپسىز قامداۋدى، باعانىڭ نەگىزىنەن ورنىقتى بولۋىن جەبەۋ كەرەك.
ءتورتىنشى، بازاردى باقىلاپ - باسقارۋدى ۇزدىكسىز كۇشەيتۋ. مەملەكەتتىك دامۋ جانە رەفورما كوميتەتى قاتىستى تاراۋلارمەن بىرگە مەرزىمدىك ناق زات بازارىن بىرلەسىپ باقىلاپ – باسقارۋ تەبىنىن ارتتىرىپ، باعانى ءوسىرۋ ينفورماتسياسىن جالعاننان جاساۋ، تاراتۋ، زاتتى باسىپ قويۋ، باعانى قىمباتتاتۋ سياقتى زاڭعا، بەلگىلەمەگە قايشى ارەكەتتەرگە قاتاڭ سوققى بەرۋ كەرەك، اسىرەسە، كاپيتالدىڭ جات نيەتپەن دۇرمەك تۋدىرۋىنا باتىل سوققى بەرۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
