لي كىچياڭ يۇنناندا قىزمەت تەكسەرگەندە مىنانى دارىپتەدى
جوعارى مەن تومەن ءبىر نيەتپەن سەلبەسىپ، بازار تۇلعالارىنىڭ قيىنشىلىعىن شەشۋ تەبىنىن ارتتىرىپ، جۇمىستانۋدى شىنايى ورنىقتىرىپ، نەگىزگى حالىق تۇرمىسىن قامتاماسىزداندىرۋ كەرەك
2022.05.20 16:48 كەلۋ قاينارى : حالىق تورابى
شينحۋا اگەنتتىگى، 5 - ايدىڭ 19 – كۇنى، كۇنميڭ. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ 5 - ايدىڭ 17 – كۇنىنەن 19 – كۇنىنە دەيىن يۇننان ولكەلىك پارتكومنىڭ شۋجيى ۋاڭ نيڭ مەن ولكە باستىعى ۋاڭ يۇيبونىڭ سەرىك بولۋىندا چۇيجيڭ مەن كۇنميڭدە قىزمەت تەكسەردى. ول مىنالاردى دارىپتەدى: شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدە تاباندى بولىپ، پارتيا ورتالىق كوميتەتىنىڭ، مەملەكەتتىك كەڭەستىڭ ورنالاستىرۋلارىن تياناقتاندىرىپ، جاڭا دامۋ ۇستانىمىن جاپپاي دايەكتىلەندىرىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى جوعارى ونىمدىلىكپەن ءبىر تۇتاس جوسپارلاپ، بازار تۇلعالارىنىڭ قيىنشىلىعىن شەشۋ سەرپىنىن ارتتىرىپ، رەفورما جاساۋپ، ەسىك اشۋدى ىلگەرىلەتىپ، جۇمىستاندىرۋدى ورنىقتىرىپ، زات باعاسىن ورنىقتىرىپ، حالىق تۇرمىسىنا كەپىلدىك ەتىپ، ەكونوميكالىق اينالىمنىڭ ۇيلەسىمدى ارالىقتا بولۋىن ساقتاۋ كەرەك.
لي كىچياڭ چاڭپو يزۋ قىستاعىندا جۇگەرى اتىزىنا بارىپ، مايسانىڭ ءوسۋ جاعدايىن كوزدەن كەشىرىپ، استىق ەگۋدىڭ وزىندىك قۇنى مەن كىرىس جاعدايىن ۇعىستى. ەگىنشىلەر مەملەكەتتىڭ اۋىل شارۋاشىلىق ءوندىرىس قۇرال - جابدىقتارى قوسىمشا قاراجاتى ارقىلى وزىندىك قۇن قىسىمىن جەڭىلدەتكەنىن اڭىس ەتتى. لي كىچياڭ بىلاي دەدى: استىق جەتكىلىكتى بولسا، ەل تىنىش بولادى، استىق ەگۋ − بۇلجىماس قاعيدا. قازىر اۋىل شارۋاشىلىق ءوندىرىس قۇرال - جابدىقتارىنىڭ باعاسى ءالى دە جوعارى، ەگىنشىلەردى تاعى دا سۇيەمەلدەپ، اۋىل شارۋاشىلىق ءوندىرىس قۇرال - جابدىقتارىنا بەرىلەتىن قوسىمشا قاراجاتتى تەز ارادا تاعى ءبىر رەت تاراتۋ كەرەك. ول قىستاق تۇرعىندارىمەن اڭگىمە دۇكەنىن قۇردى، شاعىن، ۇساق كاسىپورىن قوجايىندارى، جەكە كاسىپكەرلەر قازىرگى قيىنشىلىقتارىنىڭ اۋىر بولىپ وتىرعانىن، قارىز قايتارۋدىڭ قيىن ەكەنىن اڭىس ەتتى. لي كىچياڭ بىلاي دەدى: ورتا، شاعىن، ۇساق كاسىپورىندار، جەكەشە ونەركاسىپشىلەر مەن ساۋداگەرلەر قارىز اقشاسىنىڭ مەرزىمىن ۇزارتۋ، سوماسىن كەشىكتىرىپ قايتارۋ سياقتى ساياساتتاردى تياناقتاندىرۋ ءارى ءوسىمدى كەزەڭدىك كەشىكتىرىپ تاپسىرۋ ساياساتىن جەدەل شىعارۋ كەرەك.
لي كىچياڭ چۇيجيڭ اۋىل شارۋاشىلىق ونىمدەرى ساۋدا بازارىنا كەلىپ، يۇنناننىڭ كوكونىستى سىرتقا جوتكەۋ مولشەرىنىڭ مەملەكەت بويىنشا الدىڭعى قاتاردا تۇراتىنىن بىلگەننەن كەيىن، يۇنناننىڭ ابزالدىقتى ۇزدىكسىز ساۋلەلەندىرىپ، كوجە قاتىق ارقىلى قامداۋعا كەپىلدىك ەتىپ، باعانى ورنىقتىرۋعا كوبىرەك ۇلەس قوسۋىن ءۇمىت ەتتى. جۇك تاسىمال شوفەرى اۆتوموبيل ساتىپ العاندا اۆتوموبيل ءوندىرۋ توبىنىڭ قازىنا سەرىكتەستىگىنەن قارىز اقشا العانىن، قازىر كىرىسى ازايعانىن، قارىز قايتارۋ قىسىمى زور ەكەنىن اڭىس ەتتى. لي كىچياڭ بىلاي دەدى: شوفەرلەردىڭ جۇمىسى وڭاي ەمەس، ءبىر اۆتوموبيل ءبىر وتباسىنىڭ تۇرمىسىنا تىرەك بولىپ قانا قويماي، سان مىڭداعان وتباسىنىڭ ازىق – تۇلىك قاجەتىن بايىتتى. ءىرى تۇرپاتتى مەملەكەت مەنشىگىندەگى اۆتوموبيل كاسىپورىندارىن رولىن ساۋلەلەندىرۋگە، بانكە مەن كاسىپورىنداردى بىرلەسىپ قيمىلداۋعا جەتەكتەپ، جۇك تاسىمال شوفەرلەرىنىڭ قارىز قايتارۋ قيىنشىلىعىن باسەڭدەتۋىنە ىشكەرىلەي كومەكتەسۋ كەرەك.
لي كىچياڭ جول بويىنداعى شاعىن تاعامدار دۇكەنىنە بارىپ، تيجاراتتىڭ وزىندىك قۇنى، تيجارات سوماسى، ءۇي مايى سياقتى جاعدايلاردى ۇعىستى. ول بىلاي دەدى: مەملەكەت پەن جەرگىلىكتى ورىندار ۇزدىكسىز شارالار قولدانىپ، سىزدەردىڭ قيىن وتكەلدەن وتۋلەرىڭىزگە كومەكتەسەدى.
لي كىچياڭ يۇننان داشۋەسىندە وقۋ بىتىرگەن وقۋشىلاردىڭ جۇمىستانۋ جانە يگىلىك، جاڭالىق جاراتۋ جاعدايى جونىندەگى مالىمەتتى تىڭداپ، جۇمىستاندىرۋ قىزمەتىن اناعۇرلىم كۇشەيتۋدى تاپسىردى. ول مەكتەپ اۋلاسىنا قىزمەتكەر قابىلداۋ ورنىنا كەلىپ، توقتامعا قول قويۋ جاعدايىن ۇعىسىپ، مەكتەپ بىتىرگەن وقۋشىلاردىڭ كوڭىلدەگىدەي قىزمەت ورنىن تابۋىن تىلەدى. لي كىچياڭ بىلاي دەدى: ۇيرەنۋدە تابىسقا جەتۋ، ۇيرەنگەندى كادەگە جاراتۋ كەرەك، ونىڭ ۇستىنە جاندى، ويداعىداي پايدالانۋ كەرەك، مەكتەپ بىتىرگەننەن كەيىن قىزمەت ىستەۋ مەملەكەت ءۇشىن، وتباسى ءۇشىن بايلىق جاراتقاندىق ءارى وقۋدى سىننان وتكىزگەندىك. لي كىچياڭ تاعى مەكتەپتىڭ بايىرعى ورگانيزمدەردى زەرتتەۋ ناتيجەسىن كوزدەن كەشىردى. ول بىلاي دەدى: وتكەندى تانۋ قازىرگىنى يگەرۋگە، بولاشاققا ىزدەنىس جاساۋعا ءتيىمدى. ءتۇپ توركىنىدى قۋعاندا عانا عىلمي زەرتتەۋدە ەڭسە كوتەرىپ، باياندى ىلگەرىلەۋگە بولادى.
لي كىچياڭ ۋىنتاي حابارلاسۋ سەرىكتەستىگىنە كەلىپ، سەرىكتەستىكتىڭ حالىقتىق كاسىپورىن ەكەنىن، شەتەل قارجىسىن ەنگىزگەنىن، كاسىپ تىزبەگىنىڭ كوپتەگەن بۋىنىندا ەسىك اشۋ، سەلبەسۋ ارقىلى ابزالدىق قالىپتاستىرعانىن ۇقتى، ول بىلاي دەدى: كاسىپورىندا رەفورما جاساۋ، جاڭالىق اشۋ، اشىق دامۋ تەبىنى بولۋ، ەل ءىشى – سىرتىنداعى وزىق فاكتورلاردى شوعىرلاندىرۋ، كوبەيتۋ اسەرىن قالىپتاستىرۋ كەرەك. مەملەكەت ءبارىن بىردەي كورىپ، ءتۇرلى مەنشىكتەگى كاسىپورىنداردىڭ دامىپ زورايۋىن قولدايدى. ول تاعى قاتىستى شاعىن، ۇساق كاسىپورىن قوجايىندارىمەن اڭگىمەلەستى، كوپشىلىك قارىز اقشا الۋدىڭ قيىن ەكەنىن اڭىس ەتتى. لي كىچياڭ بىلاي دەدى: باستاماشى كاسىپورىنداردىڭ سەنىمدىلىگى جاقسى، قاتىستى كاسىپورىنداردىڭ تيجارات جاعدايىن ۇعىسىپ، كاسىپ تىزبەگىندەگى باستاماشى كاسىپورىنداردىڭ رولىن ساۋلەلەندىرۋ، شاعىن، ۇساق كاسىپورىندارعا كومەكتەسۋ ارقىلى قارجى قۇراۋداعى قيىن ماسەلەلەردى شەشۋ شارالارىن زەرتتەۋ كەرەك.
لي كىچياڭ باتىستىڭ ەلەكترىن شىعىسقا جەتكىزۋ ەلەكتر رەتتەۋ - مەڭگەرۋ ورتالىعىن كوزدەن كەشىرىپ، مىنانى دارىپتەدى: ەنەرگيامەن ورنىقتى قامداۋ − دامۋدى قامتاماسىزداندىرۋداعى جانە زات باعاسىن ورنىقتىرۋداعى ماڭىزدى تىرەك، بيىل تيەكتى تارتىپ، ەلەكتردى شەكتەۋدى باتىل تيۋ كەرەك. سۋ ەلەكترى − ماڭىزدى جاسىل ەنەرگيا، بيىل چاڭجياڭ وزەنىنىڭ جوعارعى اعارىنان كەلەتىن سۋ ءبىرشاما كوپ، ونى عىلمي ورنالاستىرىپ، ءتيىمدى شارت – جاعدايدان پايدالانىپ كوپ ەلەكتر تاراتىپ، باتىستىڭ ەلەكترىن شىعىسقا جەتكىزۋ مىندەتىن ورىنداۋ، سونىمەن بىرگە، سۋ يگىلىگى ينجەنەريالارىنىڭ تاسقىننان ساقتانۋ رولىن ويداعىداي ساۋلەلەندىرۋ كەرەك.
لي كىچياڭ يۇنناننىڭ ەكونوميكالىق، قوعامدىق دامۋ جەتىستىكتەرىن تولىق تۇراقتاندىردى، شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا، جوعارى مەن تومەن ءبىر نيەتپەن قيىنشىلىقتاردى جەڭىپ، ناقتى ىستەپ، ۇدەرە العا تارتىپ، باتىس بولەكتى قاۋىرت اشۋ بارىسىندا ۇزدىكسىز تىڭ ساتىعا كوتەرىلىپ، ءار ۇلت حالقىنىڭ ىرىس - قۇتىن ارتتىرۋدى ءۇمىت ەتتى.
شياۋ جيە، حى ليفىڭ قىزمەت تەكسەرۋدە بىرگە بولدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
