چيڭحاي ولكەسى داتۇڭ اۋدانىندا تۋىلعان تاسقىن اپاتىندا قازىرگە دەيىن 17 ادام قازا بولىپ، 17 ادام دەرەكسىز كەتكەن
2022.08.19 15:52 كەلۋ قاينارى : حالىق تورابى
شينحۋا اگەنتتىگىنىڭ ءتىلشىسى لي جينفىڭ، ۋاڭ بو 8 – ايدىڭ 18 – كۇنى شينيڭنەن حابارلايدى. چيڭحاي ولكەسى شينيڭ قالاسى داتۇڭ حۇيزۋ – تۋزۋ اۆتونوميالى اۋدانىندا 8 – ايدىڭ 18 – كۇنى تۋىلعان تاسقىن اپاتىنان اراشالاۋ، ىزدەۋ – قۇتقارۋ، ءبىرجاقتى ەتۋ قىزمەتى بارىسىندا شۇعىل جاعدايعا توتەپ بەرۋگە جەتەكشىلىك ەتۋ ءبولىمى اقپار جاريالاۋ ءماجىلىسىن اشىپ، جاعدايدى تانىستىردى: داتۇڭ اۋدانىندا 8 – ايدىڭ 18 – كۇنى تۇندە تۋىلعان تاسقىن اپاتىندا قازىرگە دەيىن 17 ادام قازا بولعان، وسىنىڭ الدىندا دەرەكسىز كەتكەندەردەن 20 ادام تابىلعان، دەرەكسىز كەتكەن 17 ادام ءالى تابىلماعان.
ءتىلشىنىڭ اقپار جاريالاۋ ماجىلىسىنەن ۇعىسۋىنشا، 8 – ايدىڭ 17 – كۇنى ساعات 22 دەن 25 مينۋت وتكەندە، شينيڭ قالالىق اۋا رايى مەكەمەسى مەن داتۇڭ اۋداندىق اۋا رايى مەكەمەسى نوسەردەن ساقتانۋدىڭ قىزىل ءتۇستى ساقتىق سەگنالىن جاريالاعان، وسىدان سوڭ، بۇكىل قالانىڭ كوپ جەرلەرىندە قالىڭ جاڭبىر جاۋعان، 8 – ايدىڭ 18 – كۇنى ساعات ءنول اينالاسىندا، داتۇڭ اۋدانىنىڭ چيڭلين اۋىلى مەن چيڭشان اۋىلىندا توساتتان نوسەر جاۋعان سوڭ سەل ءجۇرىپ، لاي كوشكىنى تۋىلىپ، وزەن ارناسى بۇزىلعان جانە سۋ وزەن ارناسىنان اسقان، 2 اۋىل – قالاشىققا قاراستى 6 قىستاقتاعى 1517 وتباسىنداعى 6245 ادام اپاتقا ۇشىراعان، مۇندا 975 وتباسىنداعى 3111 ادامنىڭ اپاتقا ۇشىراۋ جاعدايى ءبىرشاما اۋىر بولعان. تاسقىن اپاتىندا 2 ءۇيدى سۋ الىپ كەتكەن، 14 ءۇيدىڭ كوپ ءبولىمى بۇلىنگەن، باسقا ۇيلەر، جولدار، كوپىرلەر، وزەن ارنالارى قاتارلىلاردىڭ اپاتقا ۇشىراۋ جاعدايى ىشكەرىلەي ساناققا الىنۋدا.
چيڭحاي ولكەلىك شۇعىل جاعدايلارعا توتەپ بەرۋدى باسقارۋ مەڭگەرمەسىنىڭ پارتكوم شۋجيى، ورىنباسار مەڭگەرمە باستىعى حان شياڭحۇيدىڭ اقپار جاريالاۋ ماجىلىسىندە تانىستىرۋىنشا، اپات تۋىلعان سوڭ، چيڭحاي ولكەسى توساتتان تۋىلعان اپاتقا بايلانىستى Ⅱ دارەجەلى جانە Ⅰ دارەجەلى توتەپ بەرۋ شارالارىن ىلگەرىندى – كەيىندى ىسكە قوسقان، جەرگىلىكتى ورىنداعى ءورت ءوشىرۋ، قوعام حاۋىپسىزدىگى، شۇعىل جاعدايعا توتەپ بەرۋ قاتارلى تاراۋلاردىڭ قىزمەتكەرلەرى، ازاتتىق ارميا جاۋىنگەرلەرى، قارۋلى ساقشى كوماندير – جاۋىنگەرلەرى، جەرگىلىكتى قىستاقتار مەن قالاشىقتارداعى كادرلار مەن بۇقارا بولىپ، جيىنى 4500 دەن استام ادامنان ۇيىمداسقان قۇتقارۋ – كومەكتەسۋ اترەتى گرۋپپالارعا، بولىكتەرگە ءبولىنىپ، ارنايى بويلاي ىزدەۋ اۋماعىن كەڭەيتىپ، ەش جەردى قاعىس قالدىرماستان دەرەكسىز كەتكەندەردى ءبىر – بىرلەپ ىزدەگەن جانە قۇتقارعان.
حان شياڭحۇيدىڭ ايتۋىنشا، جاراتىلىستىق بايلىق، سۋ يگىلىگى، اۋا رايى قاتارلى تاراۋلاردىڭ ناق مايداندا تەكسەرىپ، جان – جاقتى ساراپتاما جاساۋ ارقىلى بۇل رەتكى جاراتىلىستىق اپاتتىڭ سەبەبىن ءۇش جاقتان جيناقتاعان: بىرىنشىدەن، جۋىردان بەرى تولاسسىز جاڭبىر جاۋعاندىقتان، توپىراقتاعى سۋ مولشەرى قانىعۋ دەڭگەيىنە جەتكەن نەمەسە تاياعان؛ ەكىنشىدەن، وسى رەتكى جاڭبىردىڭ ۋاقىتى قىسقا، مولشەرى زور بولعان؛ ۇشىنشىدەن، 8 – ايدىڭ 17 كۇنى كەشتە جاۋعان جاڭبىر سەبەبىنەن وزەن ارناسىنداعى سۋ مولشەرى توساتتان ارتىپ، ءار سەكۋندىنا 100 تەكشە مەتر اينالاسىنا جەتىپ، تاسقىن اپاتى تۋىلعان.
داتۇڭ اۋدانىنىڭ اكىمى ما ميڭشۇي اقپار جاريالاۋ ماجىلىسىندە بىلاي دەپ تانىستىردى: جەرگىلىكتى ورىن اپاتقا ۇشىراعانداردىڭ ينفورماتسيالارىن، تۇرعىن ءۇي جاعدايىن ءبىر – بىرلەپ تەكسەرگەن سوڭ، داتۇڭ 1 – ورتا مەكتەبى مەن شوشان ورتا مەكتەبىندە اپاتقا ۇشىراعانداردى ورنالاستىرۋ ورنىن ازىرلەپ، 1249 ادامدى كوشىرىپ ورنالاستىردى، شاتىر، جورىق توسەگى، ماقتالى كورپە، قولايلى كەسپە، مينەرالدى سۋ، ءدارى – دارمەك قاتارلى اپاتتان قۇتقارۋ بۇيىمدارىن جەتكىزىپ، اپاتقا ۇشىراعان بۇقارانىڭ تۇرمىسىن قامتاماسىزداندىردى.
ۇعىسۋعا قاراعاندا، جەرگىلىكتى ورىن ىزدەۋ – قۇتقارۋ تەبىنىن ارتتىرىپ، دەرەكسىز كەتكەندەردىڭ سانىن ءار قىستاق، ءار وتباسى بويىنشا ءبىر – بىرلەپ تەكسەرىپ، قاعىس قالدىرماۋعا كەپىلدىك ەتەدى، سونىمەن بىرگە، تاس جول، ەلەكتر قۋاتى، حابارلاسۋ قاتارلى جاقتارداعى بۇلىنگەن قۇرىلعىلاردى جەدەل قالپىنا كەلتىرەدى.
كەۋل قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
