شي جينپيڭ لياۋنيڭدا قىزمەت تەكسەرگەندە مىنانى دارىپتەدى
جاڭا داۋىردە شىعىس سولتۇستىكتى گۇلدەندىرۋدە اناعۇرلىم زور جاۋاپكەرلىك پەن ىسكەرلىك كورسەتىپ، لياۋنيڭنىڭ گۇلدەنۋىنىڭ، دامۋىنىڭ جاڭا جاعدايىن قۇلشىنا اشۋ كەرەك
2022.08.19 17:21 كەلۋ قاينارى : حالىق تورابى
 |
8 – ايدىڭ 16 - كۇنىنەن 17 - كۇنىنە دەيىن ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ لياۋنيڭدا قىزمەت تەكسەردى. سۋرەتتە: 8 - ايدىڭ 16 - كۇنى تۇستەن كەيىن شي جينپيڭ جينجوۋ قالاسىنىڭ دۇڭحۋ ورمان باقشاسىندا شياۋليڭ وزەنىنىڭ جاعالاۋىنداعى ەكولوگيالىق ورتانى كوزدەن كەشىرگەندە، سەيىل - سەرۋەن قۇرىپ، مادەنيەت قيمىلدارىن وتكىزىپ جاتقان بۇقارامەن ىقىلاسپەن اڭگىمەلەسۋدە.
سۋرەتتى شينحۋا اگەنتتىگىنىڭ ءتىلشىسى يان يان تۇسىرگەن
|
■ پارتيا ورتالىق كوميتەتىنىڭ شەشىمدەرى مەن ورنالاستىرۋلارىن دايەكتىلەندىرىپ، ورنىقتىلىق بارىسىندا ىلگەرىلەۋ سىندى قىزمەت نەگىزگى ارناسىنان جازباي، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ، دامۋ مەن حاۋىپسىزدىكتى ءبىر تۇتاس جوسپارلاپ، جاڭا دامۋ ۇستانىمىن تولىق، دۇرىس، جاپپاي دايەكتىلەندىرىپ، ساپالى دامۋدى تاباندىلىقپەن ىلگەرىلەتىپ، بىرگە اۋقاتتانۋدى تىڭعىلىقتى ىلگەرىلەتىپ، جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى جەدەل ىلگەرىلەتىپ، پارتيانى جاپپاي قاتاڭ جونگە سالۋدى ىشكەرىلەي ىلگەرىلەتىپ، جاڭا داۋىردە شىعىس سولتۇستىكتى گۇلدەندىرۋدە اناعۇرلىم زور جاۋاپكەرلىك پەن ىسكەرلىك كورسەتىپ، لياۋنيڭنىڭ گۇلدەنۋى مەن دامۋىنىڭ جاڭا جاعدايىن قۇلشىنا اشىپ، ءىس جۇزىندىك ارەكەتپەن پارتيانىڭ 20 - قۇرىلتايىنىڭ جەڭىسپەن اشىلۋىن قارسى الۋ كەرەك
■ ءبىزدىڭ قىزىل بيلىگىمىز سان مىڭداعان توڭكەرىستىك قۇرباننىڭ ىستىق قاندارىن توگىپ، قاستەرلى ومىرلەرىن ارناۋىنىڭ بوداۋىمەن قولعا كەلگەن. بيلىك دەگەنىمىز حالىق، حالىق دەگەنىمىز بيلىك. ءبىز بيلىكتىڭ ءتۇسىن وزگەرتۋگە استە جول بەرمەيمىز، حالىق تا بۇعان استە جول بەرمەيدى. ءار دارەجەلى پارتكومدار مەن ۇكىمەتتەر ساقا جاۋىنگەرلەرگە، ساقا جولداستارعا جانە توڭكەرىستىك قۇربانداردىڭ تۋىس - تۋعاندارىنا كوڭىل ءبولىپ، ساقا جاۋىنگەرلەردىڭ، ساقا جولداستاردىڭ ءومىردىڭ سوڭعى كەزىندە باقىتتان يگىلىكتەنۋىنە مۇمكىندىك جاراتىپ، قۇربانداردىڭ تۋىس - تۋعاندارىنا پارتيانىڭ قامقورلىعى مەن مەيىرىن سەزىندىرۋى كەرەك
■ تاماشا ەكولوگيالىق ورتا − شىعىس سولتۇستىك ءوڭىردىڭ ەكونوميكالىق، قوعامدىق دامۋىنداعى باعالى بايلىق، سونداي - اق شىعىس سولتۇستىكتى گۇلدەندىرۋدەگى ابزالدىقتىڭ ءبىرى. جاسىل دامۋ ۇستانىمىن ەكولوگيانى قورعاۋ، قورشاعان ورتا قۇرىلىسى، ءوندىرۋ - جاساۋ، قالانىڭ دامۋى، حالىق تۇرمىسى سياقتى جاقتارعا ءسىڭىرىپ، كورىكتى جۇڭگو قۇرۋدى جەدەلدەتۋ كەرەك
■ ءار دارەجەلى پارتكومدار مەن ۇكىمەتتەر حالىقتى بارىنەن جوعارى قويۋدا، ءومىردى بارىنەن جوعارى قويۋدا تاباندى بولىپ، تاسقىن جاعدايىن باقىلاۋدى كۇشەيتىپ، كومەسكى حاۋىپ - قاتەردى دەر كەزىندە تەكسەرىپ، تاسقىننان ساقتانۋ، اپاتتان قۇتقارۋ شارالارىن ەگجەي - تەگجەيلى، ناقتى يگەرىپ، اپاتقا ۇشىراعان بۇقارانى ۇيلەسىمدى ورنالاستىرىپ، حالىق بۇقاراسىنىڭ باس اماندىعىنا كەپىلدىك ەتۋى كەرەك. قازىر كەيبىر جەرلەر اۋىر قۋاڭشىلىق اپاتىنا تاپ بولىپ وتىر، قۋاڭشىلىققا قارسى اتتانۋ قىزمەتىن شىنايى جاقسى ىستەۋ كەرەك
■ پارتيانىڭ 18 - قۇرىلتايىنان بەرى پارتيا ورتالىق كوميتەتى شىعىس سولتۇستىكتى گۇلدەندىرۋ ستراتەگياسىن ىشكەرىلەي ىلگەرىلەتتى، ءبىزدىڭ جاڭا داۋىردە شىعىس سولتۇستىكتى جاپپاي گۇلدەندىرۋگە سەنىمىمىز كامىل، ءۇمىتىمىز دە زور
■ پارتيا ورتالىق كوميتەتى جاڭالىق اشۋ ارقىلى دامۋعا دەم بەرۋ ستراتەگياسىن اتقارىپ، دەربەس جاڭالىق اشۋعا ايرىقشا ءمان بەرىپ، جاڭالىق اشۋ ورتاسى قۇرىلىسىنا ايرىقشا ءمان بەرىپ، ەلىمىزدىڭ كاسىپ دەڭگەيى مەن ناقتى قۋاتىن قۇلشىنا جوعارىلاتىپ، ەلىمىزدىڭ ەكونوميكالىق ءىرى ەلدەن ەكونوميكادا قۇدىرەتتى ەلگە، جاساۋ كاسىبىندە قۋاتتى ەلگە قاراي بۇرىلىس جاساۋىن ىلگەرىلەتتى. قازىر ەكونوميكانىڭ جاھاندانۋى كەرى اعىنعا تاپ بولىپ، قورعانىمپازدىق باس كوتەردى، الايدا ءبىز ەسىكتى ايقارا اشىپ قۇرىلىس جۇرگىزۋدە تاباندى بولۋىمىز كەرەك. ەلىمىزدىڭ دامۋىندا ءارى تىڭعىلىقتى ىستەپ، قادام سايىن قامال الۋ، ءارى اشىق، سيىسىمدى بولۋ، ءوزارا پايدا جەتكىزىپ، تەڭ يگىلىككە كەنەلۋ، ەل ىشىندەگى جالپى اينالىمدى نەگىزگى تۇلعا ەتكەن، ەل ءىشى مەن حالىقارا سىندى قوس اينالىم ءبىرىن - ءبىرى جەبەيتىن جاڭا دامۋ جاعدايىن بەلسەنە قالىپتاستىرۋ كەرەك. ءوز كۇشىنە سۇيەنىپ ءومىر سۇرۋدە تاباندى بولىپ، مەملەكەت پەن ۇلتتىڭ دامۋىن ءوز كۇشىنىڭ نەگىزىنە قويىپ، دامۋدىڭ ىرىقتىلىق ۇقىعىن مىقتى يگەرۋ كەرەك. جاپپاي سوتسياليستىك وسىزاماندانعان قۇدىرەتتى ەل قۇرىپ، ەكىنشى 100 جىلدىق كۇرەس نىساناسىن جۇزەگە اسىرۋدا، ءسوز جوق، دەربەس جاڭالىق اشۋ جولىمەن ءجۇرۋ كەرەك. جاستار − جالىندى دا ومىرشەڭدىككە تولى توپ، كاسىپورىن دامۋىنىڭ ءۇمىتى. ءار دارەجەلى پارتكومدار مەن ۇكىمەتتەر تاماشا ورتا ازىرلەپ، جاستاردىڭ جاڭالىق اشۋ، جاسامپازدىق جاراتۋ ومىرشەڭدىك كۇشىن تولىق قاۋلاتىپ، ولاردى ءار سالادا باتىلدىقپەن جاڭالىق اشىپ، بيىك شىڭعا ەرلىكپەن شىعىپ، جاڭا داۋىردە شىعىس سولتۇستىكتىڭ گۇلدەنۋىن ىلگەرىلەتۋ ءۇشىن اناعۇرلىم زور ۇلەس قوسۋعا شابىتتاندىرۋ كەرەك
■ دوڭگەلەك داۋلەتتى قوعام قۇرۋ ارمانى، مەملەكەتتى قۇدىرەتتەندىرۋ ارمانى، جۇڭگو ارمانى، سايىپ كەلگەندە، بۇقارانىڭ «باقىت ارمانى». جۇڭگو كوممۋنيستىك پارتياسىنىڭ بارلىق كۇرەسى حالىقتى باقىتقا كەنەلتۋ ءۇشىن بولىپ تابىلادى. كونە شاعىن اۋماقتاردى جاڭالاۋ − بۇقارانىڭ تابىس سەزىمىن جوعارىلاتۋداعى ماڭىزدى قىزمەت، سونداي - اق قالانى جاڭالاۋ ارەكەتىن اتقارۋدىڭ ماڭىزدى مازمۇنى. نازاردى حالىق ءۇشىن ىستەۋگە، حالىققا قولايلى بولۋعا، حالىقتى الاڭسىز ەتۋگە شوعىرلاندىرىپ، قونىس ورتاسىن مۇمكىندىكتىڭ بارىنشا جاقسارتىپ، سۋ، ەلەكتر، گاز سياقتى تۇرمىس قۇرىلعىلارىن جاڭالاپ، تۇرعىنداردىڭ كۇندەلىكتى تۇرمىس قاجەتىن اناعۇرلىم ويداعىداي قاناعاتتاندىرىپ، حاۋىپسىزدىككە شىنايى كەپىلدىك ەتۋ كەرەك. الەۋمەتتىك اۋماقتارعا قىزمەت وتەۋدى كۇشەيتىپ، قىزمەت وتەۋ فۋنكتسياسىن جوعارىلاتۋ كەرەك. قارتتار مەن بالالار − الەۋمەتتىك اۋماقتاعى ەڭ تۇراقتى تۇرعىندار، قارتتار مەن بالالار − باسىم كوپ ساندى وتباسىلاردىڭ نەگىزگى كوڭىل بولەتىن ءتۇيىنى. ەلىمىز قارتتانعان قوعامعا قادام تاستادى. قارتتار ءىسى مەن قارتتار كاسىبىن كۇش سالا دامىتۋ، شارت - جاعدايى بار جەرلەر قارتتاردى كۇتىمگە الۋ قۇرىلعى قۇرىلىسىن كۇشەيتىپ، قارتتاردى كۇتىمگە الۋعا قىزمەت وتەۋدى بەلسەنە ورىستەتۋ كەرەك. ازامات جاسىنا تولماعانداردىڭ اقاۋسىز ءوسىپ – جەتىلۋى مەملەكەت پەن ۇلتتىڭ بولاشاعىنا، سان مىڭداعان وتباسىنىڭ باقىتتى، الاڭسىز تۇرمىس كەشىرۋىنە سايادى. الەۋمەتتىك اۋماقتار ءتۇرلى الەۋمەتتىك يگىلىك سيپاتتى ساباقتان سىرتقى امالياتتىق قيمىلداردى بەلسەنە ورىستەتىپ، ازامات جاسىنا تولماعانداردىڭ دەنساۋلىعىن، پسيحيكالىق اقاۋسىزدىعىن، رۋح اقاۋسىزدىعىن جەبەۋى كەرەك. الەۋمەتتىك اۋماقتىڭ نەگىزگى ساتى پارتيا ۇيىمى قۇرىلىسىن كۇشەيتىپ، الەۋمەتتىك اۋماق قىزمەتىن كۇشەيتىپ جانە جاقسارتىپ، اناعۇرلىم كوپ بايلىقتىڭ الەۋمەتتىك اۋماقتارعا بەيىمدەلۋىن ىلگەرىلەتىپ، بۇقاراعا پارتيامىزدىڭ بۇكىل ىنتا - پەيىلىمەن حالىق ءۇشىن قىزمەت ىستەيتىنىن، پارتيانىڭ باستان - اياق حالىق بۇقاراسىمەن ەتەنە بولاتىنىن سەزىندىرۋ كەرەك
«حالىق گازەتى»، 8 - ايدىڭ 18 – كۇنى، شىنياڭ. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ تاياۋدا لياۋنيڭدا قىزمەت تەكسەرگەندە مىنانى دارىپتەدى: پارتيا ورتالىق كوميتەتىنىڭ شەشىمدەرى مەن ورنالاستىرۋلارىن دايەكتىلەندىرىپ، ورنىقتىلىق بارىسىندا ىلگەرىلەۋ سىندى قىزمەت نەگىزگى ارناسىنان جازباي، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ، دامۋ مەن حاۋىپسىزدىكتى ءبىر تۇتاس جوسپارلاپ، جاڭا دامۋ ۇستانىمىن تولىق، دۇرىس، جاپپاي دايەكتىلەندىرىپ، ساپالى دامۋدى تاباندىلىقپەن ىلگەرىلەتىپ، بىرگە اۋقاتتانۋدى تىڭعىلىقتى ىلگەرىلەتىپ، جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى جەدەل ىلگەرىلەتىپ، پارتيانى جاپپاي قاتاڭ جونگە سالۋدى ىشكەرىلەي ىلگەرىلەتىپ، جاڭا داۋىردە شىعىس سولتۇستىكتى گۇلدەندىرۋدە اناعۇرلىم زور جاۋاپكەرلىك پەن ىسكەرلىك كورسەتىپ، لياۋنيڭنىڭ گۇلدەنۋى مەن دامۋىنىڭ جاڭا جاعدايىن قۇلشىنا اشىپ، ءىس جۇزىندىك ارەكەتپەن پارتيانىڭ 20 - قۇرىلتايىنىڭ جەڭىسپەن اشىلۋىن قارسى الۋ كەرەك.
شي جينپيڭ لياۋنيڭ ولكەلىك پارتكومنىڭ شۋجيى جاڭ گوچيڭنىڭ، ولكە باستىعى لي لىچىڭنىڭ سەرىك بولۋىندا 8 - ايدىڭ 16 - كۇنىنەن 17 - كۇنىنە دەيىن جينجوۋ، شىنياڭ سياقتى جەرلەرگە بارىپ، توڭكەرىستىك ەسكەرتكىش سارايى، وزەن - كولدەردى جونگە سالۋ ينجەنەرياسى، كاسىپورىن، الەۋمەتتىك اۋماق سياقتىلارعا ىشكەرىلەي تەكسەرۋ - زەرتتەۋ جۇرگىزدى.
8 - ايدىڭ 16 - كۇنى تۇستەن كەيىن شي جينپيڭ جينجوۋ قالاسىندا الدىمەن لياۋشىن شايقاسى ەسكەرتكىش سارايىن كوزدەن كەشىردى. 70 نەشە جىلدىڭ الدىندا جۇڭگو كوممۋنيستىك پارتياسى حالىق ارمياسىنا قولباسشىلىق ەتىپ، لياۋشىن شايقاسىندا جەڭىسكە جەتكەن بولاتىن. شي جينپيڭ كىرىسپە زالدى، سوعىس تاريحى سارايىن، الدىڭعى شەپكە كومەكتەسۋ سارايىن، قاھارمان قۇرباندار سارايىن رەتىمەن ەكسكۋرسيالاپ، شىعىس سولتۇستىك جۇڭگو ازاتتىق سوعىسىنىڭ تاريحى مەن لياۋشىن شايقاسىنىڭ جەڭىس بارىسىن ەسكە الىپ، قالىڭ حالىق بۇقاراسىنىڭ الدىڭعى شەپكە كومەكتەسكەن اسەرلى ىزگى ىستەرى مەن توڭكەرىستىك قۇربانداردىڭ قۇربان بەرۋدەن تايسالماعان قاھارماندىق ىزگى ىستەرىن ەسكە الدى. شي جينپيڭ مىنالاردى اتاپ كورسەتتى: لياۋشىن شايقاسىنىڭ جەڭىسى ماۋ زىدۇڭ جولداس قاتارلى اعا بۋىن توڭكەرىسشىلەردىڭ ەرەسەن ستراتەگيالىق كورەگەندىگى مەن ستراتەگيالىق جوسپارىن تولىق ايگىلەدى. ازاتتىق سوعىس داۋىرىندە پارتيامىزدىڭ گومينداڭ پارتياسىمەن جۇرگىزگەن زور شەشۋشى شايقاسى ءارى اسكەري كۇش - قۋات سوعىسى بولدى، ونان دا ماڭىزدىسى حالىقتىڭ قولداۋى مەن قارسى تۇرۋى جاعىنداعى تالاس - تارتىس بولدى. لياۋشىن شايقاسىنىڭ جەڭىسىنە شىعىس سولتۇستىك جۇڭگو حالقى بار كۇشپەن كومەكتەستى، حۋايحاي شايقاسىنىڭ جەڭىسىنە بۇقارا قول اربانى يتەرىپ ءجۇرىپ قول جەتكىزدى؛ چاڭجياڭنان ءوتۋ شايقاسىنىڭ جەڭىسىنە بۇقارا شاعىن قايىقتى ەسىپ ءجۇرىپ قول جەتكىزدى. حالىق تىلەگى − ەڭ ۇلكەن ساياسي، ىستەرىمىزدىڭ گۇلدەنۋى مەن قۇلدىراۋىن، ءساتتى - ءساتسىز بولۋىن بەلگىلەيدى. پارتيامىز حالىق بۇقاراسىمەن ەتەنە بايلانىستى باستان - اياق ساقتاپ، حالىقپەن باستان - اياق تىنىستاس، تاعدىرلاس، جۇرەكتەس بولسا بولعانى، بارلىق قيىنشىلىقتار مەن كەدەرگىلەردى جەڭەتىن قۇدىرەتتى كۇشكە يە بولادى. شي جينپيڭ مىنالاردى دارىپتەدى: پارتيا تاريحىن ۇيرەنۋ − ءاربىر پارتيا مۇشەسىنىڭ بورىشى. پارتيا تاريحىن ۇيرەنۋ تاربيەسىنىڭ ۇدايىلانۋىن، ۇزاق ۋاقىت ءونىمدى بولۋىن ىلگەرىلەتىپ، قالىڭ پارتيا مۇشەلەرىن، كادرلاردى پارتيا تاريحىن ۇيرەنۋدى مىندەتتى ساباق جانە ۇنەمىلىك ساباق ەتۋگە جەتەكتەۋ كەرەك.
شي جينپيڭ ساقا جاۋىنگەرلەر مەن ساقا جولداستاردىڭ جانە توڭكەرىستىك قۇربانداردىڭ تۋىس - تۋعاندارىنىڭ ۋاكىلدەرىمەن ىقىلاسپەن كەزدەسىپ، ولاردان شىنايى حال سۇرادى. شي جينپيڭ مىنالاردى اتاپ كورسەتتى: شىعىس سولتۇستىك جۇڭگو حالقى لياۋشىن شايقاسىنىڭ جەڭىسى مەن شىعىس سولتۇستىكتىڭ ازاتتىعى ءۇشىن وراسان زور قۇرباندىقتار بەرىپ قانا قويماي، جاڭا جۇڭگونىڭ قۇرىلىسى مەن امەريكاعا قارسى تۇرىپ، چاۋشيانعا كومەك بەرۋ سوعىسىنىڭ جەڭىسىنە دە وراسان زور ۇلەس قوستى، پارتيا مەن حالىق مۇنى ماڭگى ۇمىتپايدى. ءبىزدىڭ قىزىل بيلىگىمىز سان مىڭداعان توڭكەرىستىك قۇرباننىڭ ىستىق قاندارىن توگىپ، قاستەرلى ومىرلەرىن ارناۋىنىڭ بوداۋىمەن قولعا كەلگەن. بيلىك دەگەنىمىز حالىق، حالىق دەگەنىمىز بيلىك. ءبىز بيلىكتىڭ ءتۇسىن وزگەرتۋگە استە جول بەرمەيمىز، حالىق تا بۇعان استە جول بەرمەيدى. سۋ ىشكەندە قۇدىق قازۋشىنى ۇمىتپاۋ كەرەك. جاڭا جۇڭگو قۇرىلعان 70 نەشە جىلدان بەرى ۇرپاقتان - ۇرپاققا جالعاسقان قاجىرلىلىقپەن كۇرەس جۇرگىزۋ ارقىلى ەلىمىزدە وراسان زور وزگەرىستەر تۋىلدى، حالىق جاپپاي دوڭگەلەك داۋلەتتى تۇرمىس كەشىردى، جۇڭحۋا ۇلتى دۇنيە جۇزىندەگى ۇلتتار قاتارىندا ەڭسە كوتەردى. ءبىز ۇزدىكسىز العا باسىپ، جۇڭحۋا ۇلتىنىڭ ۇلى گۇلدەنۋىن قۇلشىنا جۇزەگە اسىرىپ، توڭكەرىستىك اعا بۋىندار مەن قۇربانداردى جۇباتۋىمىز كەرەك. ءار دارەجەلى پارتكومدار مەن ۇكىمەتتەر ساقا جاۋىنگەرلەرگە، ساقا جولداستارعا جانە توڭكەرىستىك قۇربانداردىڭ تۋىس - تۋعاندارىنا كوڭىل ءبولىپ، ساقا جاۋىنگەرلەردىڭ، ساقا جولداستاردىڭ ءومىردىڭ سوڭعى كەزىندە باقىتتان يگىلىكتەنۋىنە مۇمكىندىك جاراتىپ، قۇربانداردىڭ تۋىس - تۋعاندارىنا پارتيانىڭ قامقورلىعى مەن مەيىرىن سەزىندىرۋى كەرەك. قىزىل بيلىك وڭاي - وسپاق قولعا كەلمەگەن، بيلىكتى ويداعىداي قورعاۋدىڭ جاۋاپكەرلىگى اۋىر. پارتيا حيكاياسىن، توڭكەرىس حيكاياسىن، قاھارماندار حيكاياسىن جاقسى بايانداپ، قىزىل گەندى جالعاستىرىپ، قىزىل بيلىكتى جالعاستىراتىن ادام بولۋعا، ۇرپاقتان - ۇرپاققا جالعاستىرۋعا كەپىلدىك ەتۋ كەرەك. شي جينپيڭ ساقا جاۋىنگەرلەر مەن ساقا جولداستاردىڭ دەندەرىنىڭ ساۋ، ومىرلەرىنىڭ ۇزاق بولۋىن، تۇرمىستارىنىڭ باقىتتى بولۋىن، ىستەرىىنىڭ ءساتتى بولۋىن تىلەدى.
وسىدان كەيىن شي جينپيڭ جينجوۋ دۇڭحۋ ورمان باقشاسىنا كەلىپ، جەرگىلىكتى ورىننىڭ ەكولوگيالىق ورتانى قالپىنا كەلتىرۋ جاعدايىن تەكسەردى. باقشا شياۋليڭ وزەنى مەن نۇي - ىر وزەننىڭ تۇيىلىسكەن جەرىنىڭ سولتۇستىك جاعىنا ورنالاسقان. 2014 - جىلدان باستاپ جينجوۋ قالاسى ەكى وزەننىڭ ورتاسىن جان - جاقتى جونگە سالدى، سونداي - اق وزەن جاعاسىنان 10 كيلومەتردەن استام جاسىلداندىرۋ بەلدەۋىن سالىپ، بينحى دەنە شىنىقتىرۋ، سەيىل - سەرۋەن بەلدەۋ باقشاسىن قالىپتاستىردى. شي جينپيڭ شياۋليڭ وزەنى جاعالاۋىنداعى ەكولوگيالىق ورتانى كوردى. ول مىنالاردى دارىپتەدى: تاماشا ەكولوگيالىق ورتا − شىعىس سولتۇستىك ءوڭىردىڭ ەكونوميكالىق، قوعامدىق دامۋىنداعى باعالى بايلىق، سونداي - اق شىعىس سولتۇستىكتى گۇلدەندىرۋدەگى ابزالدىقتىڭ ءبىرى. جاسىل دامۋ ۇستانىمىن ەكولوگيانى قورعاۋ، قورشاعان ورتا قۇرىلىسى، ءوندىرۋ - جاساۋ، قالانىڭ دامۋى، حالىق تۇرمىسى سياقتى جاقتارعا ءسىڭىرىپ، كورىكتى جۇڭگو قۇرۋدى جەدەلدەتۋ كەرەك. ەكولوگيالىق وركەنيەت قۇرىلىسى بۇقارانىڭ تابىس سەزىمىن كورنەكتى جوعارىلاتتى، بۇقارانىڭ اسەرى دە ەڭ تەرەڭ بولدى. تاۋدى جونگە سالۋدى، سۋدى جونگە سالۋدى، قالانى جونگە سالۋدى ءبىر تۇلعالاندىرىپ ىلگەرىلەتۋدە تاباندى بولىپ، قالانىڭ ءوندىرىس كەڭىستىگىن، تۇرمىس كەڭىستىگىن، ەكولوگيالىق كەڭىستىگىن عىلمي، ۇيلەسىمدى جوبالاپ، بۇقاراعا كوبىرەك سەيىل - سەرۋەن، دەنە شىنىقتىرۋ، كوڭىل اشۋ الەۋمەتتىك ورىندارىن ازىرلەپ بەرۋ كەرەك.
شي جينپيڭ ناق مايداندا لياۋنيڭ ولكەسىنىڭ تاسقىننان ساقتانۋ قىزمەت مالىمەتىن تىڭدادى. بيىل سولتۇستىكتە جاۋىن - شاشىن كوبىرەك بولىپ، لياۋنيڭدا تاسقىن مەزگىلى باستالعاننان بەرى كوپ رەت نوسەر جاۋىپ، ەگىس داقىلدارى ءبۇلىنىپ، بۇقارانىڭ مال - مۇلكى زيانعا ۇشىرادى. لياۋنيڭ ولكەلىك پارتكوم مەن ولكەلىك ۇكىمەت ورتالىقتاعى قاتىستى تاراۋلاردىڭ قولداۋىندا اپاتتان قۇتقارۋ، كومەك بەرۋ قىزمەتىن بار كۇشپەن ويداعىداي ىستەپ، اپاتقا ۇشىراعان 200 مىڭعا جۋىق بۇقارانى دەر كەزىندە جوتكەپ، اپاتقا ۇشىراعان بۇقارانىڭ ىشەر اس، كيەر كيىم، تازا سۋعا، ۋاقىتتىق حاۋىپسىز تۇرار جايعا يە بولۋىنا، ناۋقاستانسا دەر كەزىندە ەمدەلۋىنە كەپىلدىك ەتىپ، قوعامدىق جالپى جاعدايدىڭ ورنىقتىلىعىن ساقتادى. شي جينپيڭ اپاتقا ۇشىراعان بۇقارانى قۇتقارۋ، ورنالاستىرۋ جاعدايىنا ايرىقشا كوڭىل ءبولدى. ول بىلاي دەپ اتاپ كورسەتتى: 8 – اي − ءالى دە سولتۇستىك وڭىردەگى تاسقىننان ساقتانۋدىڭ شەشۋشى مەزگىلى. ءار دارەجەلى پارتكومدار مەن ۇكىمەتتەر حالىقتى بارىنەن جوعارى قويۋدا، ءومىردى بارىنەن جوعارى قويۋدا تاباندى بولىپ، تاسقىن جاعدايىن باقىلاۋدى كۇشەيتىپ، كومەسكى حاۋىپ - قاتەردى دەر كەزىندە تەكسەرىپ، تاسقىننان ساقتانۋ، اپاتتان قۇتقارۋ شارالارىن ەگجەي - تەگجەيلى، ناقتى يگەرىپ، اپاتقا ۇشىراعان بۇقارانى ۇيلەسىمدى ورنالاستىرىپ، حالىق بۇقاراسىنىڭ باس اماندىعىنا كەپىلدىك ەتۋى كەرەك. اپاتتان كەيىنگى قالپىنا كەلتىرۋ، قايتا قۇرۋ جوباسىن ويداعىداي جاساپ، اپاتقا ۇشىراعان بۇقارانىڭ قالىپتى ءوندىرىس پەن تۇرمىستى ەرتەرەك قالپىنا كەلتىرۋىنە كومەكتەسۋ كەرەك. ءتۇزىلىس، مەحانيزمدى اقاۋسىزداندىرىپ، توتەپ بەرۋ جوباسىن كەمەلدەندىرىپ، ەرەكشە اۋا رايىنان الدىن الا مالىمەت بەرۋدى جانە ودان ساقتانۋدى كۇشەيتىپ، تاسقىن، سەل، گەولوگيالىق اپاتتاردان ساقتانۋ جانە شۇعىل جاعدايعا توتەپ بەرۋ، قۇتقارۋ قابىلەتىن جوعارىلاتۋ كەرەك. قازىر كەيبىر جەرلەر اۋىر قۋاڭشىلىق اپاتىنا تاپ بولىپ وتىر، قۋاڭشىلىققا قارسى اتتانۋ قىزمەتىن شىنايى جاقسى ىستەۋ كەرەك.دۇڭحۋ مادەنيەت الاڭىندا سەيىل - سەرۋەن قۇرىپ، مادەنيەت قيمىلدارىن وتكىزىپ جاتقان بۇقارا باس شۋجيدىڭ كەلگەنىن كورىپ، باس شۋجيگە امانداستى. شي جينپيڭ كوپشىلىككە ىقىلاسپەن بىلاي دەدى: جۇڭگوشا وسىزامانداندىرۋ − بۇكىل حالىق بىرگە اۋقاتتاناتىن وسىزامانداندىرۋ، از ساندى ادامداردىڭ عانا اۋقاتتانۋىنا بولمايدى، قايتا جالپى حالىقتىڭ بىرگە اۋقاتتانۋىنا تۋرا كەلەدى؛ جۇڭگوشا وسىزامانداندىرۋ − زاتتىق وركەنيەت پەن رۋحاني وركەنيەت ءوزارا سايكەسكەن وسىزامانداندىرۋ، جۇڭحۋانىڭ تاڭداۋلى ءداستۇرلى مادەنيەتىن ساۋلەلەندىرىپ، قىزىل مادەنيەتتەن ويداعىداي پايدالانىپ، سوتسياليستىك وزىق مادەنيەتتى دامىتىپ، حالىقتىڭ رۋحاني مادەنيەت تۇرمىسىن بايىتۋ كەرەك. پارتيا ورتالىق كوميتەتى شىعىس سولتۇستىكتى گۇلدەندىرۋگە باسا ءمان بەرەدى. پارتيانىڭ 18 - قۇرىلتايىنان بەرى پارتيا ورتالىق كوميتەتى شىعىس سولتۇستىكتى گۇلدەندىرۋ ستراتەگياسىن ىشكەرىلەي ىلگەرىلەتتى، ءبىزدىڭ جاڭا داۋىردە شىعىس سولتۇستىكتى جاپپاي گۇلدەندىرۋگە سەنىمىمىز كامىل، ءۇمىتىمىز دە زور. جينجوۋ − قاھارمان قالا ءارى وزگەشە مادەنيەت قاسيەتى مەن تەرەڭ تاريحي مادەنيەت نەگىزى بار قالا. وسى ارادا رەتتەۋ - جونگە سالۋ ارقىلى ەكولوگيالىق ورتادا، تۇرعىن ءۇي ورتاسىندا وراسان زور وزگەرىستەر تۋىلعانىن بايقاپ، ەرەكشە ءسۇيىندىم. كوپشىلىكتىڭ ەكولوگيانى قورعاۋ، ورتانى ايالاۋ تانىمىن كۇشەيتىپ، ءوز مەكەندەرىن بىرگە قورعاۋىن ءۇمىت ەتەمىن. اۋىلداستاردىڭ بۇدان بىلايعى تۇرمىسىنىڭ ءتىپتى دە باقىتتى، ءتىپتى دە كوركەم بولۋىن تىلەيمىن! شي جينپيڭ 8 - ايدىڭ 17 - كۇنى شىنياڭ قالاسىندا تەكسەرۋ - زەرتتەۋ جۇرگىزدى. سول كۇنى تۇستەن كەيىن ول شىنياڭ شينسۇڭ قۇلتەمىر - اۆتوماتتاندىرۋ شەكتى جارنا سەرىكتەستىگىنە كەلدى. كاسىپورىننىڭ كورمە زالىندا شي جينپيڭ لياۋنيڭنىڭ جاڭا داۋىردەگى شىعىس سولتۇستىكتى گۇلدەندىرۋ جالپى جاعدايى جونىندەگى تانىستىرۋدى تىڭداپ، لياۋنيڭنىڭ وزىق عىلىم - تەحنيكا ونىمدەرىنىڭ شوعىرلى كورمەسىن كوردى ءارى شينسۇڭ سەرىكتەستىگىنىڭ ءوندىرىس، تيجارات، دەربەس جاڭالىق اشۋ جاعدايىن تەكسەردى. كاسىپورىن ءوندىرىس سەحىندا ونەركاسىپ قۇلتەمىرى، سەلبەستىك قۇلتەمىرى، ەرەكشە قۇلتەمىر سياقتىلارعا سىناق جۇرگىزىلۋدە. شي جينپيڭ تەحنيكتەردەن جانە كاسىپورىن جۇمىسشى - قىزمەتكەرلەرىنەن كاسىپورىننىڭ وزەكتى تەحنيكالاردان قامال الۋ سياقتى جاعدايلارىن سۇراپ، كاسىپورىننىڭ دەربەس جاڭالىق اشۋى مەن كاسىپ سالالاندىرىپ دامۋدا قول جەتكىزگەن تابىستارىن تۇراقتاندىرىپ، شينسۇڭ سەرىكتەستىگىنىڭ جۇڭگونىڭ قارقىنىن، جۇڭگو دەڭگەيىن ايگىلەگەنىن ءبىلدىردى.
سەحتىڭ سىرتىندا كاسىپورىن قىزمەتكەرلەرىنىڭ ۋاكىلدەرى قاۋمالاي جينالدى، شي جينپيڭ كوپشىلىككە قول بۇلعاپ قۇرمەت ءبىلدىردى. شي جينپيڭ مىنالاردى دارىپتەدى: پارتيا ورتالىق كوميتەتى جاڭالىق اشۋ ارقىلى دامۋعا دەم بەرۋ ستراتەگياسىن اتقارىپ، دەربەس جاڭالىق اشۋعا ايرىقشا ءمان بەرىپ، جاڭالىق اشۋ ورتاسى قۇرىلىسىنا ايرىقشا ءمان بەرىپ، ەلىمىزدىڭ كاسىپ دەڭگەيى مەن ناقتى قۋاتىن قۇلشىنا جوعارىلاتىپ، ەلىمىزدىڭ ەكونوميكالىق ءىرى ەلدەن ەكونوميكادا قۇدىرەتتى ەلگە، جاساۋ كاسىبىندە قۋاتتى ەلگە قاراي بۇرىلىس جاساۋىن ىلگەرىلەتتى. قازىر ەكونوميكانىڭ جاھاندانۋى كەرى اعىنعا تاپ بولىپ، قورعانىمپازدىق باس كوتەردى، الايدا ءبىز ەسىكتى ايقارا اشىپ قۇرىلىس جۇرگىزۋدە تاباندى بولۋىمىز كەرەك. ەلىمىزدىڭ دامۋىندا ءارى تىڭعىلىقتى ىستەپ، قادام سايىن قامال الۋ، ءارى اشىق، سيىسىمدى بولۋ، ءوزارا پايدا جەتكىزىپ، تەڭ يگىلىككە كەنەلۋ، ەل ىشىندەگى جالپى اينالىمدى نەگىزگى تۇلعا ەتكەن، ەل ءىشى مەن حالىقارا سىندى قوس اينالىم ءبىرىن - ءبىرى جەبەيتىن جاڭا دامۋ جاعدايىن بەلسەنە قالىپتاستىرۋ كەرەك. ءوز كۇشىنە سۇيەنىپ ءومىر سۇرۋدە تاباندى بولىپ، مەملەكەت پەن ۇلتتىڭ دامۋىن ءوز كۇشىنىڭ نەگىزىنە قويىپ، دامۋدىڭ ىرىقتىلىق ۇقىعىن مىقتى يگەرۋ كەرەك. جاپپاي سوتسياليستىك وسىزاماندانعان قۇدىرەتتى ەل قۇرىپ، ەكىنشى 100 جىلدىق كۇرەس نىساناسىن جۇزەگە اسىرۋدا، ءسوز جوق، دەربەس جاڭالىق اشۋ جولىمەن ءجۇرۋ كەرەك. ۋاقىت كۇتىپ تۇرمايدى دەيتىن سەرگەكتىكپەن عىلىم - تەحنيكادا ءوز كۇشىنە سۇيەنىپ ءوزىن الۋەتتەندىرۋدى ىلگەرىلەتىپ، ۋاقىتپەن جارىسىپ، «كىلتيپان» ماسەلەسىن شەشىپ، شەشۋشى، وزەكتى تەحنيكالار مەن جابدىق جاساۋ كاسىبىن ءوز قولىمىزدا ۇستاۋعا قۇلشىنۋىمىز كەرەك. جاستار − جالىندى دا ومىرشەڭدىككە تولى توپ، كاسىپورىن دامۋىنىڭ ءۇمىتى. ءار دارەجەلى پارتكومدار مەن ۇكىمەتتەر تاماشا ورتا ازىرلەپ، جاستاردىڭ جاڭالىق اشۋ، جاسامپازدىق جاراتۋ ومىرشەڭدىك كۇشىن تولىق قاۋلاتىپ، ولاردى ءار سالادا باتىلدىقپەن جاڭالىق اشىپ، بيىك شىڭعا ەرلىكپەن شىعىپ، جاڭا داۋىردە شىعىس سولتۇستىكتىڭ گۇلدەنۋىن ىلگەرىلەتۋ ءۇشىن اناعۇرلىم زور ۇلەس قوسۋعا شابىتتاندىرۋ كەرەك.شي جينپيڭ وسىدان كەيىن حۋاڭگۋ رايونى سانتايزى ءمالى باسقارماسى مۋدان الەۋمەتتىك اۋماعىنا كەلدى. بۇل الەۋمەتتىك اۋماق وتكەن عاسىردىڭ 80 - جىلدارىندا قۇرىلعان، جالپى 3 مىڭنان استام تۇرعىن بار، تاياۋ جىلداردان بەرى نەگىزدىك قۇرىلعىلاردى جاڭالاۋ جانە قىزمەت وتەۋدى جاقسارتۋ ارقىلى نەگىزگى ساتىنى جونگە سالۋدان ۇلگى كورسەتەتىن الەۋمەتتىك اۋماققا اينالدى. شي جينپيڭ ىلگەرىندى - كەيىندى الەۋمەتتىك اۋماقتاعى پارتيا مۇشەلەرىنىڭ بۇقاراعا قىزمەت وتەۋ ورتالىعىنا، بۇقارالىق قيمىل ورتالىعىنا جانە قارتتاردى كۇتىمدەۋ قىزمەت وتەۋ ورتالىعىنا بارىپ، الەۋمەتتىك اۋماق قىزمەتكەرلەرىنەن، باقىت تاربيەسى ساباقحاناسىنداعى وقىتۋشى - وقۋشىلاردان جانە قارت ەرىكتىلەردەن جەرگىلىكتى ورىننىڭ نەگىزگى ساتى پارتيا قۇرىلىسىن كۇشەيتۋ، قونىس ورتاسىن جاقسارتۋ، حالىق ءۇشىن قىزمەت وتەۋ سياقتى جاعدايلاردى ۇعىستى. قارتتار اسحاناسىندا شي جينپيڭ تاماقتانىپ جاتقان قارتتاردان تاماق باعاسىنىڭ جوعارى - تومەندىگىن، الەۋمەتتىك اۋماقتىڭ قىزمەت وتەۋىنىڭ جاقسى - جاماندىعىن، تۇرمىستا تاعى قانداي قيىنشىلىقتارى بار ەكەنىن سۇرادى.
شي جينپيڭ تۇرعىن لي شۇيدىڭ ۇيىنە بارىپ، اس ءۇي، تازالىق بولمەسى، جاتىن بولمە سياقتىلاردى كوردى، سوڭىنان قوناق ۇيدە وتىرىپ، ءبىر ءۇيلى جانمەن ىقىلاسپەن اڭگىمەلەستى. كوپشىلىك باس شۋجيگە الەۋمەتتىك اۋماقتى وزگەرتۋ ارقىلى قىستا ۇيلەردىڭ جىلىعانىن، جولدا سۋ جينالۋ ماسەلەسى دە شەشىلگەنىن، قورشاعان ورتانىڭ جاقسارىپ، كوڭىلدەرىنىڭ دە كوتەرىلىپ قالعانىن ايتتى. قازىر بالالار وقۋدان، قارتتار اۋرۋ كورسەتۋدەن تارىقپايتىن بولىپتى، كورشىلەر ءبىر ءۇيلى جانداي تاتۋ - ءتاتتى ءوتىپ جاتىر ەكەن. شي جينپيڭ تۇرعىنداردىڭ تۇرمىستارى بارعان سايىن جاقسارىپ، باياشات بولا تۇسكەنىن كورىپ توتەنشە قۋاندى.
الەۋمەتتىك اۋماقتان اتتاناردا تۇرعىندار باس شۋجيدى قىزۋ مەرەيمەن اتتاندىردى. شي جينپيڭ كوپشىلىككە بىلاي دەدى: دوڭگەلەك داۋلەتتى قوعام قۇرۋ ارمانى، مەملەكەتتى قۇدىرەتتەندىرۋ ارمانى، جۇڭگو ارمانى، سايىپ كەلگەندە، بۇقارانىڭ «باقىت ارمانى». جۇڭگو كوممۋنيستىك پارتياسىنىڭ بارلىق كۇرەسى حالىقتى باقىتقا كەنەلتۋ ءۇشىن بولىپ تابىلادى. ول مىنالاردى اتاپ كورسەتتى: كونە شاعىن اۋماقتاردى جاڭالاۋ − بۇقارانىڭ تابىس سەزىمىن جوعارىلاتۋداعى ماڭىزدى قىزمەت، سونداي - اق قالانى جاڭالاۋ ارەكەتىن اتقارۋدىڭ ماڭىزدى مازمۇنى. نازاردى حالىق ءۇشىن ىستەۋگە، حالىققا قولايلى بولۋعا، حالىقتى الاڭسىز ەتۋگە شوعىرلاندىرىپ، قونىس ورتاسىن مۇمكىندىكتىڭ بارىنشا جاقسارتىپ، سۋ، ەلەكتر، گاز سياقتى تۇرمىس قۇرىلعىلارىن جاڭالاپ، تۇرعىنداردىڭ كۇندەلىكتى تۇرمىس قاجەتىن اناعۇرلىم ويداعىداي قاناعاتتاندىرىپ، حاۋىپسىزدىككە شىنايى كەپىلدىك ەتۋ كەرەك. الەۋمەتتىك اۋماقتارعا قىزمەت وتەۋدى كۇشەيتىپ، قىزمەت وتەۋ فۋنكتسياسىن جوعارىلاتۋ كەرەك. قارتتار مەن بالالار − الەۋمەتتىك اۋماقتاعى ەڭ تۇراقتى تۇرعىندار، قارتتار مەن بالالار − باسىم كوپ ساندى وتباسىلاردىڭ نەگىزگى كوڭىل بولەتىن ءتۇيىنى. ەلىمىز قارتتانعان قوعامعا قادام تاستادى. قارتتار ءىسى مەن قارتتار كاسىبىن كۇش سالا دامىتۋ، شارت - جاعدايى بار جەرلەر قارتتاردى كۇتىمگە الۋ قۇرىلعى قۇرىلىسىن كۇشەيتىپ، قارتتاردى كۇتىمگە الۋعا قىزمەت وتەۋدى بەلسەنە ورىستەتۋ كەرەك. ازامات جاسىنا تولماعانداردىڭ اقاۋسىز ءوسىپ – جەتىلۋى مەملەكەت پەن ۇلتتىڭ بولاشاعىنا، سان مىڭداعان وتباسىنىڭ باقىتتى، الاڭسىز تۇرمىس كەشىرۋىنە سايادى. الەۋمەتتىك اۋماقتار ءتۇرلى الەۋمەتتىك يگىلىك سيپاتتى ساباقتان سىرتقى امالياتتىق قيمىلداردى بەلسەنە ورىستەتىپ، ازامات جاسىنا تولماعانداردىڭ دەنساۋلىعىن، پسيحيكالىق اقاۋسىزدىعىن، رۋح اقاۋسىزدىعىن جەبەۋى كەرەك. الەۋمەتتىك اۋماقتىڭ نەگىزگى ساتى پارتيا ۇيىمى قۇرىلىسىن كۇشەيتىپ، الەۋمەتتىك اۋماق قىزمەتىن كۇشەيتىپ جانە جاقسارتىپ، اناعۇرلىم كوپ بايلىقتىڭ الەۋمەتتىك اۋماقتارعا بەيىمدەلۋىن ىلگەرىلەتىپ، بۇقاراعا پارتيامىزدىڭ بۇكىل ىنتا - پەيىلىمەن حالىق ءۇشىن قىزمەت ىستەيتىنىن، پارتيانىڭ باستان - اياق حالىق بۇقاراسىمەن ەتەنە بولاتىنىن سەزىندىرۋ كەرەك. شي جينپيڭ كوپشىلىكتىڭ جاڭا داۋىردە شىعىس سولتۇستىكتى جاپپاي گۇلدەندىرۋ، دامىتۋ بارىسىندا تۇرمىستارىنىڭ كۇننەن - كۇنگە جاقسارۋىن تىلەدى. ديڭ شۋەشياڭ، ليۋ حى، چىن شي، حى ليفىڭ جانە ورتالىقتىڭ قاتىستى تاراۋلارىنداعى جاۋاپتى جولداستار قىزمەت تەكسەرۋدە بىرگە بولدى.
8 – ايدىڭ 17 - كۇنى تۇستەن بۇرىن شي جينپيڭ شىنياڭدا شىنياڭدا شىنياڭدا تۇراتىن اسكەري بولىمدەردىڭ داشياۋدان جوعارى باسشى كادرلارىن جانە تۋان دارەجەلى ورىنداردىڭ نەگىزگى باستىقتارىن ىقىلاسپەن قابىلداپ، پارتيا ورتالىق كوميتەتى مەن ورتالىق اسكەري ىستەر كوميتەتى اتىنان شىنياڭدا تۇراتىن اسكەري بولىمدەردەگى بارلىق كوماندير - جاۋىنگەردەن شىنايى حال سۇرادى ءارى كوپشىلىكپەن توپتىق سۋرەتكە ءتۇسىپ ەستەلىك قالدىردى. جاڭ يوۋشيا قابىلداۋدا بىرگە بولدى.
كەلۋ قاينارى: حالىق تورابى
 |
8 – ايدىڭ 16 - كۇنىنەن 17 - كۇنىنە دەيىن ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ لياۋنيڭدا قىزمەت تەكسەردى. سۋرەتتە: 8 - ايدىڭ 17 - كۇنى تۇستەن كەيىن شي جينپيڭ شىنياڭ شينسۇڭ قۇلتەمىر - اۆتوماتتاندىرۋ شەكتى جارنا سەرىكتەستىگىنىڭ كورمە زالىندا لياۋنيڭنىڭ وزىق عىلىم - تەحنيكا ونىمدەرى شوعىرلى كورمەسىن كوزدەن كەشىرۋدە.
سۋرەتتى شينحۋا اگەنتتىگىنىڭ ءتىلشىسى جۇي پىڭ تۇسىرگەن
|
 |
8 – ايدىڭ 16 - كۇنىنەن 17 - كۇنىنە دەيىن ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ لياۋنيڭدا قىزمەت تەكسەردى. سۋرەتتە: 8 - ايدىڭ 17 - كۇنى تۇستەن بۇرىن شي جينپيڭ شىنياڭدا شىنياڭدا تۇراتىن اسكەري بولىمدەردىڭ داشياۋدان جوعارى باسشى كادرلارىن جانە تۋان دارەجەلى ورىنداردىڭ نەگىزگى باستىقتارىن ىقىلاسپەن قابىلداپ، پارتيا ورتالىق كوميتەتى مەن ورتالىق اسكەري ىستەر كوميتەتى اتىنان شىنياڭدا تۇراتىن اسكەري بولىمدەردەگى بارلىق كوماندير - جاۋىنگەردەن شىنايى حال سۇرادى ءارى كوپشىلىكپەن توپتىق سۋرەتكە ءتۇسىپ ەستەلىك قالدىردى.
سۋرەتتى شينحۋا اگەنتتىگىنىڭ ءتىلشىسى لي گاڭ تۇسىرگەن
|
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
