ەلىمىزدە 10 جىلدان بەرى جالپى ءبىر ميلليارد 300 ميلليون وقۋشىعا (رەت) قارجىلاي كومەك بەرىلدى (جاڭا ساندى مالىمەت، جاڭا ءتۇيىن)
قارجىلاي كومەكتىڭ جالپى سوماسى 2 تريلليون يۋاننان استى
2022.09.05 16:22 كەلۋ قاينارى : حالىق تورابى
«حالىق گازەتى»، 9 - ايدىڭ 4 - كۇنى، بەيجيڭ (ءتىلشى جين جىڭبو). ءتىلشىنىڭ بىرنەشە كۇننىڭ الدىندا وقۋ – اعارتۋ مينيسترلىگىنەن ۇعىسۋىنشا، 10 جىلدان بەرى ءارقايسى جاق بىرگە قۇلشىنىپ، پارتيا مەن ۇكىمەتتىڭ «بىردە – ءبىر وقۋشىنىڭ وتباسى ەكونوميكالىق قيىنشىلىعى سالدارىنان وقۋدان قول ۇزۋىنە جول بەرمەۋ» سىندى ايبىندى ۋادەسىن باتىلدىقپەن امالياتتا ايگىلەپ، وقۋشىلارعا قارجىلاي كومەك بەرۋدىڭ جۇڭگوشا جۇيەسىن قالىپتاستىرىپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزۋگە دەم بەرىپ، وقۋ – اعارتۋدىڭ ادىلدىگىن جەبەۋگە ماڭىزدى ۇلەس قوسقان.
قارجىلاي كومەك بەرۋ كولەمى ءتىپتى دە كەڭ بولدى. 10 جىلدان بەرى بۇكىل ەل بويىنشا جيىنى ءبىر ميلليارد 300 ميلليونعا جۋىق وقۋشىعا (رەت) قارجىلاي كومەك بەرىلدى، ءار جىلعى كومەك بەرۋ مولشەرى 2012 - جىلعى 120 ميلليون ادام - رەتتەن 2021 - جىلعى 150 ميلليون ادام - رەتكە جەتىپ، قارجىلاي كومەك بەرۋ ساياساتىنىڭ «بارلىق وقۋ كەزەڭىن، بارلىق مەكتەپتى، وتباسى ەكونوميكالىق قيىنشىلىعى بار بارلىق وقۋشىنى» جاپپاي قامتۋى جۇزەگە اسىرىلدى.
قارجىلاي كومەك بەرۋ تەبىنى ءتىپتى دە زور بولدى. 10 جىلدان بەرى بۇكىل ەل بويىنشا وقۋشىلارعا بەرىلگەن كومەك قارجىنىڭ جالپى سوماسى 2 تريلليون يۋاننان استى. مۇنىڭ ىشىندە قازىنالىق قوسىلىم جالپى قارجىسى ءبىر تريلليون 450 ميلليارد يۋانعا جەتىپ، كومەك قارجى جالپى سوماسىنىڭ %72 ىن ۇستادى. جىلدىق كومەك سوماسى 2012 - جىلعى 132 ميلليارد 200 ميلليون يۋاننان 2021 - جىلعى 266 ميلليارد 800 ميلليون يۋانعا جەتىپ، ەكى ەسەلەندى. قازىنالىق قوسىلىم قارجىسى 2012 - جىلعى 102 ميلليارد يۋاننان 2021 - جىلعى 200 ميلليارد 700 ميلليون يۋانعا جەتىپ، %97 ارتتى.
قازىر ەلىمىزدە وقۋشىلارعا قارجىلاي كومەك بەرۋدە ۇكىمەتتىڭ قارجىلاي كومەك بەرۋىن نەگىز، مەكتەپ پەن قوعامنىڭ قارجىلاي كومەك بەرۋىن قوسىمشا ەتكەن، وبيەكتىلەردە قيىنشىلىعى بارلارعا كومەكتەسۋدى نەگىز، ۇزدىكتەردى سيلاۋدى قوسىمشا ەتكەن وقۋشىلارعا قارجىلاي كومەك بەرۋدىڭ جۇڭگوشا جۇيەسى قالىپتاستى، بۇل ورتالىق ۇكىمەتتىڭ 28 قارجىلاي كومەك بەرۋ نىسانىن قامتيدى، «سيلاۋ، كومەكتەسۋ، قارىز بەرۋ، كەشىرىم ەتۋ، سىرتتاي ىستەپ اقشا تابۋ، تولىقتاۋ، ازايتۋ» سىندى كوپ نەگىزدى ساياسات ءوزارا ۇشتاستىرىلىپ، جىلىنا 150 ميلليون ادام - رەت كومەك بەرىلىپ، جىلدىق كومەك سوماسى 260 ميلليارد يۋاننان استام بولىپ، دۇنيە جۇزىنە وقۋشىلارعا قارجىلاي كومەك بەرۋدىڭ جۇڭگو جوباسى ازىرلەندى.
وقۋشىلارعا قارجىلاي كومەك بەرۋ − كەدەيلىكتەن ارىلتۋدان قامال الۋدىڭ ماڭىزدى مازمۇنى، سونداي - اق كەدەيلىكتەن ارىلتۋدان قامال الۋدىڭ ماڭىزدى شەبى. وقۋ – اعارتۋ مينيسترلىگىنىڭ قاتىستى جاۋاپتىسىنىڭ تانىستىرۋىنا قاراعاندا، 10 جىلدان بەرى وقۋشىلارعا قارجىلاي كومەك بەرۋدە ارحيۆ تۇرعىزىلىپ، كارتوچكا بەرىلگەن وتباسى وقۋشىلارى، ەڭ تومەنگى تۇرمىسى قامتاماسىزداندىرىلاتىن وتباسى وقۋشىلارى، ەرەكشە قيىنشىلىعى بار، قامقورلىققا الىنعان وقۋشىلار، جەتىم بالالار، مۇگەدەك وقۋشىلار سياقتى ەرەكشە قيىنشىلىعى بار قاۋىمدى ءتۇيىندى قامتاماسىزداندىرۋ وبيەكتىسى ەتۋدە تاباندى بولىنىپ، ءىس جۇزىندىك جاعدايعا ۇشتاستىرىلىپ، ءبىرشاما جوعارى دارەجەدە كومەك بەرىلىپ، وسى وتباسىلاردىڭ كەدەيلىكتەن ارىلۋ اياق الىسى تەزدەتىلگەن. 2020 – جىلى ارحيۆ تۇرعىزىلىپ، كارتوچكا بەرىلگەن جالپى 14 ميلليون 720 مىڭ وقۋشىعا قارجىلاي كومەك بەرىلىپ، كومەك سوماسى 34 ميلليارد 400 ميلليون يۋان بولعان. كەدەيلىكتەن ارىلتۋدان قامال الۋ مىندەتى ورىندالعاننان كەيىن، 2021 - جىلى كەدەيلىكتەن ارىلعان وتباسىلاردىڭ جانە كەدەيلىكتەن ارىلۋى ورنىقسىز بولعان وتباسىلاردىڭ وقۋشىلارىنان 14 ميلليوننان استام ادامعا ءۇرتىس كومەك بەرىلدى، ەڭ تومەنگى تۇرمىسى قامتاماسىز ەتىلەتىن وتباسىلاردىڭ وقۋشىلارىنان 7 ميلليوننان استام ادامعا، ەرەكشە قيىنشىلىعى بار قۇتقارۋ - كومەكتەسۋ وبيەكتىسى سانالاتىن وتباسىلاردىڭ وقۋشىلارىنان 100 مىڭنان استام ادامعا، جەتىم وقۋشىلاردان 200 مىڭنان استام ادامعا، مۇگەدەك وقۋشىلاردان ءبىر ميلليوننان استام ادامعا كومەك بەرىلدى، جىلدىق كومەك قاراجاتى 57 ميلليارد 200 ميلليون يۋان بولدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
