«ىزدەنۋ» جۋرنالى باس شۋجي شي جينپيڭنىڭ ماڭىزدى ماقالاسىن جاريالايدى
حالىقتى بارىنەن جوعارى قويۋدا تاباندى بولايىق
2022.10.16 15:32 كەلۋ قاينارى : حالىق تورابى
شينحۋا اگەنتتىگى، 10 - ايدىڭ 15 - كۇنى، بەيجيڭ. 10 - ايدىڭ 16 - كۇنى باسپادان شىعاتىن «ىزدەنۋ» جۋرنالىنىڭ 20 - سانىندا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ «حالىقتى بارىنەن جوعارى قويۋدا تاباندى بولايىق» اتتى ماڭىزدى ماقالاسى جاريالانادى.
ماقالادا مىنالار دارىپتەلدى: جۇڭگو كوممۋنيستىك پارتياسىنىڭ نەگىزى حالىقتا، تامىرى حالىقتا. حالىقتى وزەك ەتكەن دامۋ يدەياسىندا تاباندى بولۋ − پارتيانىڭ مۇرات - سەنىمىن، سيپاتىن، ماقساتىن، اۋەلگى ماقساتىن، بورىشىن ايگىلەدى، سونداي - اق پارتيانىڭ كۇرەس بارىسى مەن امالياتتىق تاجىريبەسىنىڭ تەرەڭ قورىتىندىسى. قۇرىلعاننان بەرى پارتيامىزدىڭ حالىقتى ىنتىماقتاستىرىپ جانە باستاپ، توڭكەرىس، قۇرىلىس، رەفورما جۇرگىزۋدەگى ٴتۇبىرلى ماقساتى حالىقتىڭ جاقسى تۇرمىس كەشىرۋى ءۇشىن مۇمكىندىك جاراتۋ بولىپ تابىلادى، مەيلى قانشالىق زور سىن - سايىس پەن قىسىمعا ٴدوپ كەلسەك تە، مەيلى قانشالىق قۇرباندىق جانە بوداۋ بەرسەك تە، بۇل تۇيىننەن مىزعىماۋ، تيتتەي دە اۋىتقىماۋ كەرەك. حالىقتى وزەك ەتكەن دامۋ يدەياسىندا تاباندى بولۋدا، ٴسوز جوق، حالىقتى بارىنەن جوعارى قويۋدا، حالىققا تىعىز سۇيەنۋدە، حالىققا ۇزدىكسىز باقىت جاراتۋدا، حالىققا بەرىك تامىر تارتۋدا تاباندى بولۋ ٴارى ونى ٴتۇرلى شەشىم، ورنالاستىرۋ جانە ٴىس جۇزىندىك قىزمەت بارىسىندا تياناقتاندىرۋ كەرەك.
ماقالادا مىنالار اتاپ كورسەتىلدى: پارتيامىزدىڭ ءوزىنىڭ ەرەكشە مۇددەسى جوق، پارتيا ءارقانداي ۋاقىتتا بۇقارانىڭ مۇددەسىن ءبىرىنشى ورىنعا قويادى. بۇل − پارتيامىزدىڭ ماركسيزمدىك ساياسي پارتيا رەتىندە باسقا ساياسي پارتيالاردان پارىقتالاتىن كورنەكتى بەلگىسى. اۋىر ىندەت الدىندا ءبىز تۋ باستان حالىقتىڭ باس اماندىعى مەن سالاماتتىعىن ءبىرىنشى ورىنعا قويۋدى ايقىن العا قويدىق. حالىقتى بارىنەن جوعارى قويۋدا، ءومىردى بارىنەن جوعارى قويۋدا، حالىقتىڭ باس اماندىعى مەن سالاماتتىعىن قورعاۋدا ءارقانداي بوداۋ بەرۋدەن تايىنباۋعا بولادى.
ماقالادا مىنالار دارىپتەلدى: حالىق − پارتيامىزدىڭ بيلىك جۇرگىزۋىنىڭ ەڭ ۇلكەن تىرەگى. ەلىمىزدىڭ سوتسياليستىك دەموكراتياسى − حالىقتىڭ ءتۇبىرلى مۇددەسىن قورعايتىن ەڭ كەڭ، ەڭ شىنايى، ەڭ جارامدى دەموكراتيا. ءبىز حالىق دەموكراتياسىندا تاباندى بولىپ، حالىقتىڭ اقىل - پاراساتى مەن كۇش - قۋاتىن پارتيا مەن حالىق ىستەرىنە اناعۇرلىم ويداعىداي ۇيىستىرۋىمىز كەرەك. ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋ قىزمەتىن ويداعىداي ىستەۋ ءۇشىن، حالىققا تىعىز سۇيەنىپ، بەلسەندى، ىرىقتى تۇردە ءىس تىندىرىپ، داعدارىسقا توتەپ بەرۋ بارىسىندا قىزمەتتىڭ ىرىقتىلىق ۇقىعىن يگەرىپ، دامۋدىڭ ىرىقتىلىق شايقاسىن ويداعىداي جۇرگىزۋ كەرەك.
ماقالادا مىنالار دارىپتەلدى: ءبىزدىڭ ەكونوميكالىق، قوعامدىق دامۋدى ىلگەرىلەتۋىمىز، سايىپ كەلگەندە، حالىق بۇقاراسىنىڭ تاماشا تۇرمىسقا دەگەن قاجەتىن ۇزدىكسىز قاناعاتتاندىرۋ ءۇشىن بولىپ تابىلادى. قاشان دا حالىقتىڭ تىنىش ءومىر، شات - شادىمان تىرشىلىك كەشىرۋىن، حال - جاعدايىن كوكەيدە ساقتاپ، بۇقارا كوڭىل ءبولىپ وتىرعان جۇمىستاندىرۋ، وقۋ - اعارتۋ، قوعامدىق قامتاماسىزداندىرۋ، ەمدەۋ، تۇرعىن ءۇي، زەينەتكەرلىك، ازىق - تۇلىك حاۋىپسىزدىگى، قوعام اماندىعى سياقتى ءىس جۇزىندىك ماسەلەلەردى دەن قويا، سۇيىسپەنشىلىكپەن، كۇش سالا شەشىپ، ءبىر - بىردەن تياناقتاندىرۋدى يگەرىپ، جىلدى جىلعا جالعاپ ىستەپ، بۇقاراعا وزگەرىستى كورسەتۋگە، بۇقارانى تيىمدىلىككە كەنەلتۋگە قۇلشىنۋ كەرەك. جۇڭگو كوممۋنيستىك پارتياسى حالىق ءۇشىن ءىس ىستەۋدى، حالىققا باقىت جاراتۋدى ەڭ ماڭىزدى ولشەم ەتىپ، بۇقارا ءۇشىن قانشالىق جاقسى ءىس، ناقتى ءىس ىستەۋدى ساياسي ناتيجەنى سىننان وتكىزۋدىڭ ماڭىزدى ولشەمى ەتتى. ءار دارەجەلى باسشى كادرلار دۇرىس ۇقىق كوزقاراسىن، ساياسي ناتيجە كوزقاراسىن، ءىس كوزقاراسىن ورناتىپ، قۇر ساۋلەتكە بەرىلمەي، قۇر اتاققا قۇمارتپاي، الدانىش لاۋازىمعا قىزىقپاي، ءمانساپ ارقالاعاندا مىندەتتى ادا ەتۋ، توڭىرەگىنە باقىت جاراتۋ نىساناسىن شىنايى ورىنداۋى كەرەك.
ماقالادا مىنالار اتاپ كورسەتىلدى: پارتيامىز ۇزاق ۋاقىت بيلىك جۇرگىزۋ ءۇشىن، ءسوز جوق، حالىق بۇقاراسىمەن ەتەنە بايلانىستى ماڭگى ساقتاپ، قاشان دا حالىق بۇقاراسىمەن بىرگە ويلاپ، بىرگە ىستەپ، بەينەت پەن زەينەتتى بىرگە وتكەرىپ، اشتى – تۇشتىنى بىرگە تاتۋى كەرەك. پارتيانىڭ 18 - قۇرىلتايىنان بەرى ءبىز باستان - اياق پارتيانى جاپپاي قاتاڭ جونگە سالىپ، شىرىكتەسۋگە بۇلجىماستان قارسى تۇرىپ جانە ونى جازالاپ، «ءتورت ءتۇرلى بۇرىس ستيلدى» تاباندىلىقپەن وڭاپ، پارتيانىڭ بۇقارالىق لۋشيان تاربيەسى جانە امالياتتىق قيمىلىن، «اۋەلگى ماقساتتى ۇمىتپاۋ، بورىشتى ەستە بەرىك ساقتاۋ» نەگىزگى تاقىرىپتىق تاربيەسىن جۇرگىزدىك، بۇل قالىڭ پارتيا مۇشەلەرىن، كادرلاردى باستان - اياق حالىق بۇقاراسىمەن تىنىستاس، تاعدىرلاس، جۇرەكتەس بولۋعا تاربيەلەۋ، جەتەكتەۋ ءۇشىن ەدى. شىرىكتەسۋگە بۇلجىماي قارسى تۇرۋ، فورماشىلدىققا، تورەشىلدىككە تاباندىلىقپەن قارسى تۇرۋ جانە ونى جەڭۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
