كوتەرىڭكى كۇيمەن ۇزدىكسىز كۇرەس جۇرگىزىپ، تاعى كەرەمەت ناتيجە جاراتامىز
− شينجياڭداعى كادرلار مەن بۇقارا پارتيا 20 - قۇرىلتايىنا تەرەڭ سۇيىسپەنشىلىكپەن سالەم جولدادى
□ انار بۇلت \ شينجياڭ گازەتىنىڭ تىلشىلەرى
2022.10.17 14:25 كەلۋ قاينارى : شينجياڭ گازەتى
پارتيا 20 - قۇرىلتايى كۇللى الەمنىڭ نازارىن اۋداردى. رايونىمىزداعى ءار ۇلت كادرلارى، بۇقاراسى ايرىقشا تەبىرەنگەن كوڭىل كۇيمەن پارتيا 20 - قۇرىلتايىنا تەرەڭ سۇيىسپەنشىلىكپەن ءۇمىت ارتىپ، جۇڭگو كوممۋنيستىك پارتياسىنا دەگەن تەرەڭ ىقىلاسىن، وتانىمىزدىڭ گۇلدەنۋىنە، قۇدىرەتتەنۋىنە دەگەن ىزگى تىلەگىن، باقىتتى، تاماشا بولاشاققا دەگەن شىنايى تالپىنىسىن ءبىلدىردى.
10 - ايدىڭ 15 - كۇنى تاڭ سارىدە قىزىلسۋ قىرعىز اۆتونوميالى وبلىسى ۇلۇقشات اۋدانى جىعىن اۋىلى ساز قىستاعىندا 80 جاستاعى بۇرماحان مولدو وتانىمىزدىڭ شەكارا لەنياسىنا الىستان كوز تاستادى. وتاننىڭ شەكارا قورعانىسىن كۇزەتۋ ونىڭ ومىرلىك تالپىنىسى جانە مۇراتى. ”پارتيا 20 - قۇرىلتايى بۇكىل پارتيانىڭ، بۇكىل ەل حالقىنىڭ ۇلكەن ءىسى، ماڭىزدى ءىسى، قۋانىشتى ءىسى. شەكارا كۇزەتۋشى رەتىندە، مەن وتانىمىزدىڭ ءار سۇيەم توپىراعىن ويداعىداي كۇزەتىپ، ءومىرىمدى وتانىمىزدىڭ شەكاراسىن كۇزەتۋ ىستەرىنە ارناپ، ءوزىمنىڭ ءىس جۇزىندىك ارەكەتىممەن وتانعا ەڭبەك ەتىپ، پارتيانىڭ مەيىرىنە العىس ايتامىن“، - دەدى بۇرماحان تەبىرەنە.
بۇراتالا موڭعۇل اۆتونوميالى وبلىسى اراسان اۋدانى زالمۇت اۋىلى اس اترەتىندەگى مالشى ءمۇتالىپ ءماجيتتىڭ نازارىندا جەلبىرەگەن بەس جۇلدىزدى قىزىل تۋ ەڭ كوركەم كورىنىس سانالادى. ”ءار جولى مەملەكەت تۋىن كورگەندە، جۇرەگىمدە ءاردايىم ماقتانىش سەزىمى تۋىندايدى. وسى بىرنەشە جىلدا ءبىز پارتيانىڭ كوپتەگەن ابزال ساياساتىنان يگىلىكتەندىك، پارتياعا شىن جۇرەكتەن العىس ايتامىز. پارتيا 20 - قۇرىلتايىنىڭ اشىلۋى، ءسوز جوق، بىزگە جاڭا شابىت، جاڭا ءۇمىت اكەلەتىندىگى، داۋسىز. تۇرمىسىمىز بارعان سايىن باقىتتى بولادى، بارعان سايىن شالقي تۇسەدى“، - دەدى ءمۇتالىپ اسەرلەنە.
قوڭىر كۇز كەزى، التاي ايماعى بۋرىلتوعاي اۋدانىندا مول ءونىم كورىنىسى كوزدىڭ جاۋىن الادى. وسى جيىن - تەرىن مەزگىلىندە بۇرىش قىزارىپ، كوكونىس جايقالىپ، جەمىس - جيدەكتەن حوش ءيىس اڭقىدى. جيناۋ، قوراپتاۋ، تاسۋ، اتىز باستارىنىڭ بارلىق جەرىندە شارۋالاردىڭ قاربالاس بەينەسىن كورەسىز.
”پارتيانىڭ ابزال ساياساتىنىڭ ارقاسىندا، اۋىل - قىستاقتىڭ بەت - بەينەسىندە وراسان زور وزگەرىس تۋىلدى، ءار ۇلت بۇقاراسىنىڭ تۇرمىسى بارعان سايىن جاقساردى، مەن دە كورىكتى اۋىل - قىستاق وزگەرىسىنىڭ كۋاگەرى بولدىم“، - دەدى بۋرىلتوعاي اۋداندىق بازار باقىلاۋ - باسقارۋ مەكەمەسىنىڭ كوكاعاش اۋىلى جولتۇسكەن قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى، ءبىرىنشى شۋجي شياۋ دۇڭمەي، - ”وتانىمىزدىڭ اناعۇرلىم قۇدىرەتتەنۋىن، حالىقتىڭ اناعۇرلىم باقىتتى بولۋىن ءۇمىت ەتەمىز. ءبىز دە تاعى دا قايراتتانا ءتۇسىپ، اۋىل - قىستاقتى گۇلدەندىرۋدىڭ جاڭا كارتيناسىن قۇلشىنا سالامىز“.
”پارتيا 20 - قۇرىلتايى الداعى 5 جىلداعى، ءتىپتى ونان دا ۇزاق مەزگىلدەگى پارتيا مەن مەملەكەت ىستەرى دامۋىنىڭ نىساناسىن، مىندەتتەرىن جانە كەلەلى باعىت - ساياساتتارىن عىلمي جوسپارلايدى. ءبىز پارتيا 20 - قۇرىلتايىنىڭ تولىق تابىستى بولۋىن ءۇمىت ەتەمىز“! - دەدى حوتان ايماعى حوتان قالاسى جييا اۋىلدىق پارتكومنىڭ شۋجيى چىڭ ي، - تاياۋداعى جىلدارى جييا اۋىلى نازاردى ەرەكشەلىككە يە كاسىپ سالاسىنا شوعىرلاندىرىپ، 1 - كاسىپ سالاسىن قۋاتتى، 2 - كاسىپ سالاسىن ساپالى، 3 - كاسىپ سالاسىن مىعىم ەتىپ قۇرۋعا ۇزدىكسىز كۇش سالىپ، اۋىل - قىستاق كاسىپ سالاسىنىڭ گۇلدەنۋىنە، اۋىل شارۋاشىلىعىنىڭ، اۋىل - قىستاقتىڭ وسىزاماندانۋىنا جاڭا قوزعاۋشى قۋات ۇستەدى. پارتيا 20 - قۇرىلتايىنىڭ ەكونوميكالىق، قوعامدىق دامۋدى، اۋىل - قىستاقتىڭ گۇلدەنۋىن، حالىق تۇرمىسىنا تيىمدىلىك جاساۋدى ىلگەرىلەتەتىن اناعۇرلىم كوپ ابزال ساياسات شىعارىپ، ءار ۇلت بۇقاراسىنىڭ تابىس سەزىمىنىڭ ساپاسىن اناعۇرلىم كۇشەيتىپ، باقىت سەزىمىن اناعۇرلىم باياندى ەتەتىندىگىنە سەنەمىز.
”بيىل 7 - ايدا باس شۋجي شي جينپيڭ قىستاعىمىزعا كەلىپ، قىستاق تۇرعىندارىنىڭ ءوندىرىس، تۇرمىس احۋالىن تاپتەشتەي سۇرادى. باس شۋجي: كەدەيلىكتەن ارىلتۋدان قامال الۋ جەتىستىگىن ويداعىداي بەكەمدەپ، كەڭەيتىپ، اۋىل - قىستاقتى گۇلدەندىرۋدى تىڭعىلىقتى ىلگەرىلەتىپ، اۋىل - قىستاقتىڭ اناعۇرلىم باي، تۇرمىستىڭ اناعۇرلىم باقىتتى، اۋىل - قىستاقتىڭ اناعۇرلىم كورىكتى بولۋىن جۇزەگە اسىرۋدى جەبەۋ كەرەك دەگەندى قايتا - قايتا باسا دارىپتەدى. باس شۋجيدىڭ تاپسىرماسى ءبىزدىڭ دامۋىمىزعا ايقىن بەتالىس كورسەتتى“، - دەدى تۇرپان قالالىق عىلىم - تەحنيكا مەكەمەسىنىڭ گاۋچاڭ رايونى يار قالاشىعى شينچىڭ شيمىن قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى، ءبىرىنشى شۋجي رۇسۇل مامەت، - ”ءبىز الداعى جەردە ساپالى كاسىپورىنداردى قىستاققا كەلىپ دامۋعا ۇزدىكسىز باۋراپ، نەگىزدىك قۇرىلعى قۇرىلىسىن كەمەلدەندىرىپ، كاسىپ سالالارىنىڭ توعىسا دامۋىن ىلگەرىلەتىپ، اۋىل شارۋاشىلىعىنىڭ، اۋىل - قىستاقتىڭ جوعارى ساپالى دامۋىنىڭ جاڭا جولىن قاراستىرىپ، پارتيا 20 - قۇرىلتايىنا ۇزدىك ناتيجەمەن تارتۋ ۇسىنامىز“.
پارتيا 18 - قۇرىلتايىنان بەرى، قۇمىل قالاسى بايلىق باسىمدىعى مەن وڭىرلىك ورىن باسىمدىعىن تياناق ەتىپ، مەملەكەت دارەجەلى كەشەندى ەنەرگيا بازاسىن قۇرۋدى نىسانا ەتىپ، 10 ميلليون كيلوۆات دارەجەلى جەل ەلەكتر بازاسىن جانە ءبىر ميلليون كيلوۆات دارەجەلى فوتوۆولت بازاسىن قۇرىپ شىقتى. ”پارتيا 20 - قۇرىلتايى اشىلاتىن بولدى، ەرەكشە تەبىرەنىپ وتىرمىن“. شينجياڭ ەنەرگيا توبى قۇمىل تازا ەنەرگيا شەكتى جاۋاپكەرشىلىك سەرىكتەستىگى ياندۇن جەل مەن جارىق ءوزارا تولىقتايتىن ەلەكتر ءورىسى ورنىنىڭ باستىعى دىڭ ۋانپيڭ جۇمىسشى - قىزمەتكەرلەردى باستاپ جىل بويى ءشول دالادان تاپجىلماي، ەلەكتر ءورىسىنىڭ ەلەكتر تاراتۋ مولشەرىن جىل سايىن تىڭ ساتىعا كوتەردى، بيىل جىل باسىنان بەرى 403 ميلليون كيلوۆات ساعات ەلەكتر تاراتتى. ”ەكولوگيانى الدىمەن ويلاسۋ، جاسىل دامۋ. مەن پارتيا 20 - قۇرىلتايى رۋحىنىڭ جەتەكشىلىگىندە جاڭا ەنەرگيا كاسىپ سالاسىنىڭ بولاشاعىنىڭ شەكسىز كوركەم بولاتىندىعىنا سەنەمىن. ەلەكتر كاسىپ سالاسىنداعى جاڭا ءبىر ۇرپاق رەتىندە، مەن قىزمەت بارىسىندا كەمەلدىلىككە تالپىنىپ، كوپشىلىكتى باستاپ اسپاپتاردى ويداعىداي قورعاپ، كوبىرەك ەلەكتر تاراتىپ، ەلەكتردى جاقسى تاراتىپ، ەكونوميكالىق قۇرىلىسقا ۇلەس قوسامىن“، - دەدى دىڭ ۋانپيڭ.
مەملەكەت ەلەكترگە قارجى قوسۋ توبى شينجياڭ ەنەرگيا، حيميا ونەركاسىپ شەكتى جاۋاپكەرشىلىك سەرىكتەستىگى تارباعاتاي بولىمشە سەرىكتەستىگى شينجياڭ تارباعاتاي ءتۇيىندى وركەندەتۋ - اشۋ سىناق رايونىنا العاشقى توپتا ىرگە تەپكەن ورتالىق كاسىپورنى رەتىندە، وسى سىناق رايونىنىڭ الدىمەن دامۋ اۋماعىندا جاڭا ەنەرگيا جاڭالىق اشۋ كاسىپ سالاسى باقشاسىن قۇرىپ، ساۋداگەر ارقىلى ساۋداگەر شاقىرۋ تاسىلىمەن جاڭا ەنەرگيا جوعارعى اعارى جابدىق جاساۋ كاسىپورنىن ەنگىزىپ، بۇكىل ەل بويىنشا جەل كورىك، قالاقشا جانە مۇنارا تۇتىگى سىندى 3 ۇلكەن جەل ەلەكتر اسپابىن ءبىر باقشا اۋماعىنا شوعىرلاندىرۋدىڭ العاشقى باستاماسىن اشتى. ”ءبىز الداعى جەردە كاسىپورىننىڭ باسىمدىعىن ۇزدىكسىز ساۋلەلەندىرىپ، جاڭا ەنەرگيا كاسىپ سالاسى تىزبەگى كاسىپورىندارىن بەلسەنە ەنگىزىپ، جاڭا ەنەرگيا كاسىپ سالاسىنىڭ جوعارى ساپالى دامۋىن ىلگەرىلەتەمىز“، - دەدى مەملەكەت ەلەكترگە قارجى قوسۋ شينجياڭ ەنەرگيا، حيميا ونەركاسىبى شەكتى جاۋاپكەرشىلىك سەرىكتەستىگى تارباعاتاي بولىمشە سەرىكتەستىگى پارتكومىنىڭ شۋجيى، القا باستىعى جاڭ جيا - ۋي.
(ءتىلشى ءپاريزات ابدۇل، قاتىناسقان تىلشىلەر سۇڭ يا - ۋىن، جاڭ تيڭ، ءرايدا، ۋي يۇڭگۇي، سۇڭ ۋيگو، جاڭ رۇيلين)
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
