«سەنىم ارتقانىمىز ءۇشىن، ىستەرىمىزدى جاقسى ىستەۋىمىز كەرەك» (نازىك تۇيىندەرگە نازار: باس شۋجي شي جينپيڭنىڭ پارتيانىڭ 20 - قۇرىلتايىندا گۋاڭشي ۋاكىلدەر ۇيىرمەسىنىڭ تالقىسىنا قاتىناسقانى جونىندە)
دۋ شاڭزى («حالىق گازەتىنىڭ» ءتىلشىسى)
2022.10.18 16:40 كەلۋ قاينارى : حالىق تورابى
ۋاقىتى: 2022 – جىلى 10 - ايدىڭ 17 - كۇنى تۇستەن بۇرىن
كۇن ءتارتىبى: پارتيانىڭ 20 - قۇرىلتايىندا گۋاڭشي ۋاكىلدەر ۇيىرمەسىنىڭ پارتيا 20 - قۇرىلتايىنىڭ بايانداماسىن تالقىلاۋى
«5 جولداستىڭ ءسوزىن تىڭداعاننان كەيىن كوپشىلىكتىڭ پارتيا ورتالىق كوميتەتىنە دەگەن وسكەلەڭ سەنىمىن، پارتيا مەن مەملەكەت ىستەرىنە، جۇڭگوشا سوتسياليزمگە دەگەن بەرىك سەنىمىن تولىق سەزىندىم». باس شۋجي شي جينپيڭ ءماجىلىس الاڭىنا بارلاي نازار سالدى، گۋاڭشيدىڭ بايتاق دالاسىنان كەلگەن ۋاكىلدەردىڭ كوز جانارلارى جايناپ تۇر.
ولار گۋاڭشيدەگى 57 ميلليون ءار ۇلت كادر - جۇرتشىلىعىنىڭ جۇرەك ءۇنىن جەتكىزە كەلدى.
باس شۋجي شي جينپيڭ ىقىلاسپەن ءارى باتىل سەنىممەن: «مەن دە وزدەرىڭىز سياقتى قاراپايىم كوممۋنيستىك پارتيا مۇشەسىمىن. ءبىز ءىستى شىنايى جاقسى ىستەۋدە پارتيا ورتالىق كوميتەتىنىڭ شەشىم، ورنالاستىرۋلارىن جەر - جەردىڭ ءىس جۇزىندىك جاعدايىمەن ويداعىداي ۇشتاستىرا وتىرىپ دايەكتىلەندىرىپ، تياناقتاندىرۋىمىز كەرەك. پارتيا ورتالىق كوميتەتىنە، جۇڭگوشا سوتسياليزمگە سەنىم ارتقانىمىز ءۇشىن، ىستەرىمىزدى جاقسى ىستەۋىمىز كەرەك» دەدى.
10 جىلدىق وزگەشە تابىستار التىن دانگە تولعان قىرمان باسىندا، قۋانىش – شاتتىققا شومعان اۋىلداستاردىڭ اۋلاسىندا جازىلدى. مۇنى جيىن زالىنداعى ءاربىر ۋاكىل تۇگەلدەي ءوز باسىنان كەشكەندەي سەزىنۋدە. تار جول، تايعاق كەشۋدى باسىپ، قيىنشىلىقتى جەڭە ورگە شىعىپ، قيىن وتكەلدەردەن وتتىك، قاراماققا قامال الۋعا بولمايتىنداي كورىنگەن قيىندىق، قاتەرلەردەن قامال الىپ، جۇرتتى قايران قالدىرارلىق ادامزات دۇنيەسىندەگى مۇعجيزالاردى جاراتتىق، بۇلار ادامدى شەكسىز قۋانىشقا بولەيدى.
باس شۋجي شي جينپيڭ جاڭا داۋىردەگى 10 جىلدىق ۇلى وزگەرىستەن باسىپ وتكەن جولعا ءۇڭىلدى: اماليات «جولىمىزدىڭ دۇرىس، اشىق بولىپ قانا قالماستان، ورنىقتى، جاقسى بولعانىن دا» دالەلدەدى.
وسىدان ءبىر كۇن بۇرىن پارتيا 20 - قۇرىلتايىنىڭ بايانداماسىندا باس شۋجي «جۇڭگو كوممۋنيستىك پارتياسىنىڭ وزەكتى مىندەتىن» ايقىن دارىپتەدى. گۋاڭشي ۋاكىلدەر ۇيىرمەسىنىڭ تالقىسىنا قاتىناسقاندا، ول بىلاي دەپ ءتۇسىندىردى: «الدىڭعى ءبىر مەزگىلدە ءبىز نازاردى دوڭگەلەك داۋلەتتىلىككە شوعىرلاندىرىپ، مۇلدەم كەدەيلىكتى شەشتىك. قازىر نازاردى ‹ەكى قادامعا ءبولىپ جۇرۋگە› شوعىرلاندىرىپ، جۇڭگوشا وسىزامانداندىرۋ ارقىلى ۇلتتىڭ گۇلدەنۋىن جاپپاي ىلگەرىلەتپەك بولىپ وتىرمىز».
وسىزامانداندىرۋ دەگەن نە؟
«سول كەزدە مەن اۋىل - قىستاققا بارعانىمدا، سول جەردەگى ‹ءبىلىمپازدار› مەنىڭ تۇرعان جەرىمە كەلىپ ۇگىت - لەكسيا جاساپ: ‹ءبىز بۇدان كەيىن وسى زامانعا اياق باسامىز، وندا بارلىعى باسقاشا بولادى، عيماراتتار ەلەكتر جارىعىمەن جاينايدى، تەلەفون جالپىلاسادى، تاماقتىڭ ءتۇر – ءتۇرىن جەيمىز› دەدى». سول كەزدە اۋىل – قىستاقتا قيالعا عانا كەلتىرەتىن ارمان بۇگىنگى تاڭدا جۇڭگونىڭ بايتاق دالاسىندا جاي ادامداردىڭ تۇرمىسىندا ىسكە اسىپ وتىر.
پارتيا 20 - قۇرىلتايىنىڭ بايانداماسىندا باس شۋجي شي جينپيڭ جۇڭگوشا وسىزامانداندىرۋدىڭ جۇڭگوشا ەرەكشەلىگى مەن ماندىك تالابىن ايقىن اتاپ كورسەتتى، «قازىر ءبىزدىڭ نىسانامىز بارعان سايىن ايقىندالا ءتۇستى».
ءبىر ءداۋىردىڭ وزىنە ءتان بورىشى، مىندەتى بولادى، ءبىر ۇرپاقتىڭ وزىنە ءتان مىندەتى مەن جاۋاپكەرلىگى بولادى. «ءبىز نازاردى پارتيا 20 - قۇرىلتايىنىڭ نىساناسىنا شوعىرلاندىرىپ، جوعارى - تومەن ءبىر نيەت، ءبىر تىلەكتە بولۋىمىز كەرەك».
جوعارىدان تومەنگە دەيىن ءبىر نيەت، ءبىر تىلەكتە بولعاندار جەڭىسكە جەتەدى. ەڭ جاپالى ىستەر، ەڭ اۋىر مىندەتتەر الدىندا جۇڭگو كوممۋنيستىك پارتياسى باستان - اياق ميلليارد حالىقپەن بىرگە ويلاپ، بىرگە ىستەپ، بىرگە كۇرەس جۇرگىزدى.
«قازىرگى ەڭ ماڭىزدى مىندەت − بىلەك سىبانا ىسكە كىرىسىپ، پارتيانىڭ 20 - قۇرىلتايىندا جاسالعان كەلەلى شەشىمدەر مەن ورنالاستىرۋلاردى نىق قاداممەن ىسكە اسىرىپ، ناقتى ونىمدىلىككە جەتۋ. بۇل − ءبىزدىڭ دوڭگەلەك داۋلەتتى قوعام قۇرىپ، مۇلدەم كەدەيلىك ماسەلەسىن تۇبەگەيلى شەشكەننەن كەيىنگى جاڭا ۋادەمىز». بۇل جۇڭگو كوممۋنيستەرىنىڭ بولاشاقتى كوزدە ۇستاي وتىرىپ سالتاناتپەن جاريالاعان ۋادەسى سانالادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
