« ەڭ قيىن ءارى ەڭ ۇلى» (نازىك تۇيىندەرگە نازار: باس شۋجي شي جينپيڭنىڭ پارتيانىڭ 20 - قۇرىلتايىندا گۋاڭشي ۋاكىلدەر ۇيىرمەسىنىڭ تالقىسىنا قاتىناسقانى جونىندە)
2022.10.18 16:47 كەلۋ قاينارى : حالىق تورابى
ۋاقىتى: 2022 – جىلى 10 - ايدىڭ 17 - كۇنى تۇستەن بۇرىن
كۇن ءتارتىبى: پارتيانىڭ 20 - قۇرىلتايىندا گۋاڭشي ۋاكىلدەر ۇيىرمەسىنىڭ پارتيا 20 - قۇرىلتايىنىڭ بايانداماسىن تالقىلاۋى
«كاسىپتىك اتاعىڭ قايسى قاتارعا تۋرا كەلەدى؟»
باس شۋجي شي جينپيڭ سۇراۋ قويعان ۋاكىل ءوزىنىڭ قارسى جاعىندا وتىرعان، سەح جۇمىس كيىمىن كيگەن جىڭ جىميڭ ەدى. جىڭ جىميڭ گۋاڭشي اۆتوموبيل توبىنىڭ قىزمەتكەرى، الدىڭعى شەپتە 20 نەشە جىل ىستەگەن، اۆتوموبيل، سۇرگى، دانەكەرلەۋ، قىرۋ – جونۋ، وسى سياقتى جۇمىستارعا ءبىر كىسىدەي ارالاسقان بولاتىن.
ول كىدىرمەستەن باس شۋجيگە ەگجەي - تەگجەيلى مالىمەت بەرىپ بىلاي دەدى: «ەلىمىز كاسىپ سالاسىندا قاتىپ – سەمگەن ۇلگىنى بۇزۋ ساياساتتارىن شىعاردى، مەن جۋىردا عانا ەرەكشە دارەجەلى تەحنيك بولىپ باعالاندىم، تاعى دا جوعارى دارەجەلى ينجەنەر بولىپ باعالاندىم. پارتيانىڭ ساياساتىنىڭ ارقاسىندا كاسىپتىك ورتا مەكتەپتەن وقۋ بىتىرگەن جۇمىسشىلار دا جاقسى بولاشاققا يە بولدى. مۇنى بۇرىن ويلاپ تا كورمەگەن ەدىك».
«قازىرگى كىرىسىڭ قانداي؟»
بۇل سۇراۋدى ەستىگەن جىڭ جىميڭ: «وتە جاقسى! مەن جىلدىق ەڭبەكاقى تۇزىمىنەن يگىلىكتەنەمىن، سەرىكتەستىكتىڭ ورتا ساتىداعى كادرلارىمەن دارەجەلەسپىن» دەدى داۋىسى ساڭقىلداپ.
شاكىرت تەمىرشىدەن ءىرى ەلدىڭ ۇستاسى بولىپ جەتىلگەن وسى جىلدار جۇڭگونىڭ دامىپ، جاساۋ كاسىبىندەگى ءىرى ەلگە اينالعان، جاساۋ كاسىبىندەگى قۇدىرەتتى ەلگە جەدەل قادام تاستاعان ءداۋىرى بولدى. جىڭ جىميڭ سياقتى سان - ساناقسىز ونەركاسىپ جۇمىسشىلارى ايبىندى ءداۋىر تولقىنىندا ارمان ارقالاپ، كۇش – قۋاتتارى تاسي ءتۇستى.
باس شۋجي شي جينپيڭ وسىعان بايلانىستى پارتيا 20 - قۇرىلتايىنىڭ بايانداماسىنداعى ەكى اۋىز ءسوزدى ەسكە الدى.
ءبىرىنشىسى، جۇمىسشى تابى جونىندە: «ەلىمىز − جۇمىسشى تابى باسشىلىعىنداعى، جۇمىسشى - شارۋا وداعىن نەگىز ەتكەن حالىق دەموكراتياسى ديكتاتۋراسىندىق سوتسياليستىك مەملەكەت».
بۇگىنگى ارقىلى كەشەگىنى ەسكە العان باس شۋجي: «جۇمىسشى تابىنىڭ تاپتىق نەگىزى كەڭەيدى. قازىر زيالىلار دا − جۇمىسشى تابىنىڭ ءبىر بولەگى، ولار ەڭبەككە سۇيەنىپ باييدى. 100 جىلدىڭ الدىنداعى جۇمىسشىلار ەڭ اۋىر قانالعاندار ءارى جۇڭگو توڭكەرىسىندەگى ەڭ ەر جۇرەكتەر بولدى».
ەكىنشىسى، جاساۋ كاسىبى مەن ناقتى ەكونوميكا جونىندە: «ەكونوميكانى دامىتۋدىڭ كۇش سالۋ ءتۇيىنىن ناقتى ەكونوميكاعا اۋدارۋدا تاباندى بولۋ كەرەك».وسى كەزدە باس شۋجي ىشكەرىلەي ءتۇسىندىرىپ بىلاي دەدى: جۇڭگوشا وسىزامانداندىرۋ − حالىق سانى كولەمى وراسان زور وسىزامانداندىرۋ، ءبىز نەشە ءجۇز مىڭ، نەشە ميلليون، نەشە ون ميلليون ادامنىڭ وسىزاماندانۋىنا ۇقسامايمىز، قايتا ءبىر ميلليارد 400 ميلليوننان استام حالىقتىڭ وسىزاماندانۋىن جۇرگىزىپ وتىرمىز. «ءبىزدىڭ وسىزامانداندىرۋىمىز ەڭ قيىن ءارى ەڭ ۇلى. وسى تۇرعىدان قاراعاندا، جۇمىسشى تابىنا بەرىك سۇيەنبەي بولمايدى، جۇمىسشى تابى وزىق وندىرگىش كۇشكە ۋاكىلدىك ەتەدى».ۇزاق جورىقتا ءوز كۇشىنە سۇيەنىپ ءومىر ءسۇرۋ ارقىلى كۇرەس جۇرگىزۋ كەرەك. ءماجىلىس الاڭىندا «ءوز كۇشىنە سۇيەنىپ ءومىر ءسۇرۋ» جانە «قاجىرلىلىقپەن كۇرەس جۇرگىزۋ» دەگەن سوزدەر ىلىنگەن، جۇڭگونىڭ قاجىرلىلىقپەن يگىلىك جاراتقان كەشەگى كۇندەردەن گۇلدەنىپ - كوركەيگەن بۇگىنگى كۇنگە جەتۋى − ۇرپاقتان ۇرپاققا جالعاسقان تاباندىلىقتىڭ ارقاسى.
جىڭ جىميڭ جاساۋ كاسىبىنىڭ دامۋ وزگەرىسىن اڭگىمەلەدى. بۇرىن ولار باسقالاردان ۇيرەنىپ، ۇساق بولشەكتەردى سوگىپ الىپ زەرتتەيتىن؛ ال قازىر «سول جىلدارداعى سەركەلەردىڭ كەيبىرەۋى قايتا اينالىپ بىزدەن ۇيرەنىپ، ۇساق بولشەكتەرىمىزدى سوگىپ الىپ زەرتتەيتىن بولدى».
وسى سوزگە بايلانىستى باس شۋجي شي جينپيڭ ءوزىنىڭ فۋجياندا قىزمەت ىستەگەن كەزىن ەسكە الدى. سول جىلى ول ۇيىرمە باستاپ شەتەلگە بارىپ كاسىپ سالاسىنىڭ دامۋىن تەكسەردى؛ نەشە ون جىل وتە شىقتى، جۇڭگونىڭ جاساۋ كاسىبىندەگى ونىمدەر شەتەلدەردە ساتىلدى. «قاي كەزدە دەسەڭىزشى! مىنە، بۇل − جۇڭگونىڭ دامۋ وزگەرىسى».
باس شۋجي شىن ىقىلاسپەن بىلاي دەدى: «جۇمىسشى تابى دا ءوزىنىڭ ساپاسى مەن ساناسىن ۇزدىكسىز جوعارىلاتۋى كەرەك. بۇرىن كەمەجايلاردا جۇك ادام كۇشىمەن تيەلەتىن، قازىر جۇك قوراپتارى زەردەلىلەنگەن جۇيە ارقىلى تيەلەدى. كاسىپتىك - تەحنيكالىق وقۋ - اعارتۋدى دامىتۋعا ءمان بەرۋ كەرەك. كاسىپ جۇمىسشىلارىن الىمسىنباۋعا بولمايدى، ءسوز جوق، ءىس جۇزىندىك ۇلەسىنە قاراۋ كەرەك! وسى جىلدارى ءاربىر قادامدى نىق باسىپ، جۇڭگوشا سوتسياليستىك وسىزاماندانعان قۇدىرەتتى ەل قۇرۋدىڭ عيماراتىن سالۋعا شىن مانىندە كەرپىش بولىپ قالانعانداردىڭ بارلىعى قۇرمەتتەۋىمىزگە تاتيدى. ونىڭ ۇستىنە ءبىز ولاردى قالاي باۋلۋ، ولاردىڭ رولىن قالاي ساۋلەلەندىرۋ جونىندە وي جۇگىرتۋىمىز جانە زەرتتەۋ جۇرگىزۋىمىز كەرەك، بۇل شىنىندا وتە ماڭىزدى».
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
