ەسكەرتۋ! مۇنداي اۋرۋ بەلگىسى بار ناۋقاستاردىڭ زورلىقپەن جۇمىس ىستەۋىنە استە بولمايدى
2022.12.24 16:27 كەلۋ قاينارى : حالىق تورابى
بولىمدى بولعاننان كەيىن قانشا ۋاقىتتا انتيدەنە پايدا بولادى؟ قانداي جاعدايدا ەكىنشى رەت جۇعىمدالۋ پايدا بولادى؟ جاڭا تيپتى ايدارشا ۆيرۋسپەن جۇعىمدالعانداردىڭ اۋرۋ بەلگىسى قاي دارەجەگە جەتكەندە قالپىنا كەلدى دەۋگە بولادى؟ كەشە بەيجيڭ ديتان شيپاحاناسى شۇعىل ەمدەۋ ءبولىمىنىڭ مەڭگەرۋشىسى ءارى جۇعىمدالعىش اۋرۋلار كلينيكالىق ورتالىعىنىڭ ورىنباسار مەڭگەرۋشىسى ۋاڭ ليڭحاڭ بەيجيڭ گازەتىنىڭ ءتىلشىسىنىڭ سۇحباتىن قابىلداعاندا بىلاي دەدى: جازىلعان سوڭ قاي ۋاقىتتا جۇمىسقا شىعۋدى جەكەلەردىڭ قالپىنا كەلۋ جاعدايىنا قاراي بەلگىلەۋ كەرەك، تومەن قىزۋ سياقتى جۇرەك بۇلشىق ەتى اسەرگە ۇشىراعان ناۋقاستاردىڭ جۇمىستى زورلىقپەن قالپىنا كەلتىرۋىنە استە بولمايدى.
جۋىقتان بەرى جۇرت اراسىنا جاڭا تيپتى ايدارشا ۆيرۋسى بولىمدى بولعان 15 كۇننەن كەيىن عانا انتيدەنە پايدا بولادى دەگەن ايتىلىم تارادى. بۇعان ۋاڭ ليڭحاڭ بىلاي دەپ جاۋاپ بەردى: ەگەر ۆاكسينا ەگىلمەگەن بولسا، جاڭا تيپتى ايدارشا ۆيرۋسىمەن تابيعي جۇعىمدالماعان بولسا، ادام دەنەسىندە انتيدەنە پايدا بولۋعا شامامەن 10 - 14 كۇن ۋاقىت كەتەدى. «قازىر كوپ ساندى ادامداردىڭ ۆاكسينا ەكتىرگەن نەگىزى بار، قايتا ۆيرۋسپەن جۇعىمدالعاندا ادام دەنەسى نەگىزىنەن ەسكە الۋ سيپاتتى يممۋنيتەتتىك جاۋاپ قايتارۋ ارقىلى ىسكە قوسىلادى، ادەتتە 3 - 5 كۇندە انتيدەنەنىڭ تامشىلاۋ دەڭگەيى كورنەكتى جوعارىلايدى.»
ەكىنشى رەت جۇعىمدالۋ جونىندە ۋاڭ ليڭحاڭ بىلاي دەدى: ەگەر جاڭا تيپتى ايدارشا ۆيرۋسىمەن جۇعىمدالعان بولسا، 4 تە 6 اپتا ىشىندە ۇقساس ءبىر ۆيرۋس تۇبىرىمەن جۇعىمدالۋ مۇمكىندىگى وتە از بولادى. ەكىنشى رەتكى جۇعىمدالۋدا بەينەلەنگەن اۋرۋ بەلگىلەرى، بالكىم، جاقسى دەمالماۋ، تاعى دا سۋىق تيگىزۋ نەمەسە وسىدان بۇرىن ۆيرۋسپەن جۇعىمدالۋ مەزگىلىندە تۇرعاننان كەيىن، يممۋنيتەتتىك قابىنۋ رەاكسياسى مەزگىلىنە ءوتۋ سەبەبىنەن «قوس قىزۋ» بولۋى مۇمكىن. «ناۋقاستانعان كەزدە جۇقپالى تۇماۋ سياقتى باسقا دا اۋرۋ قوزدىرعىشتاردىڭ جۇعىمدالۋىنىڭ الدىن الۋ، دەمالۋدى كۇشەيتۋ كەرەك.»
قازىز ءار سالا، ءار كاسىپ ارت - ارتىنان جۇمىستى، ءوندىرىستى قالپىنا كەلتىردى. قازىرگى ساياساتتا اۋرۋ بەلگىسى بايقالعان كۇننەن باستاپ 7 كۇن اۋاشالانادى، قىزۋى قايتقان ءارى باسقا اۋرۋ بەلگىلەرى جاقسارعاننان كەيىن، جۇمىسقا شىعۋىنا بولادى دەپ ايقىن ايتىلعان. ۋاڭ ليڭحاڭ بىلاي دەدى: بۇل باسىم كوپ ساندى جاستار مەن ورتا جاستاعىلارعا قاراتىلعان، ءاربىر ادامنىڭ جۇمىسىن قالپىنا كەلتىرۋ، ءوندىرىستى قالپىنا كەلتىرۋ ۋاقىتىن جەكە ادامنىڭ قالپىنا كەلۋ جاعدايىنا قاراي بەلگىلەۋ كەرەك. ەگەر شۇعىل كەزىندە وكپە قابىنۋ بەينەسى بايقالسا، جۇمىسقا شىعۋ مەرزىمىن ۇزارتىپ، وكپەنىڭ جۇعىمدالۋىنىڭ كورنەكتى جاقسارۋىن كۇتۋ كەرەك. كەيبىر نەگىزدىك اۋرۋى بار جاڭا تيپتى ايدارشا ۆيرۋسىمەن جۇعىمدالۋشىلاردىڭ نۋكلەين قىشقىلىنىڭ بولىمسىزعا اينالۋ ۋاقىتى ۇزاق بولادى. ءالى دە تومەن قىزۋ، سونداي - اق دارمەنسىزدەنۋ، جۇرەك قىسىلۋ، كەۋدە قىسىلۋ، ارەكەت جاساۋ قۋاتى كورنەكتى تومەندەۋ سياقتى جۇرەك بۇلشىق ەتى قابىنۋ بەينەسى بار ناۋقاستار، ءسوز جوق، جاقسى دەمالۋى كەرەك، زورلانىپ جۇمىسقا شىعۋىنا بولمايدى، حاۋىپ - قاتەر وڭاي تۋىلادى.
جاڭا جىل مەن شاعان مەرەكەسى قارساڭىندا، ۋاڭ ليڭحاڭ مىنانى ەسكەرتتى: قازىر قىسقى جۇقپالى تۇماۋ تۋىلاتىن مەزگىل، ونىڭ ۇستىنە دەمالىس كەزىندە ادامداردىڭ اعىلۋى تىعىز، جۇعىمدالۋ قاتەرى ءبىرشاما زور. «جۇعىمدالىپ بولعان كۇنىڭ وزىندە دە جەكەلىك قورعانۋعا كوڭىل ءبولۋ، ماسكى تاعۋ، قولدى ۇنەمى جۋۋ كەرەك. ويتكەنى جۇقپالى تۇماۋ مەن جاڭا تيپتى ايدارشا ۆيرۋس قوسىلىپ جۇعىمدالسا، ەڭ سوڭىندا ورگانيزمنىڭ زاقىمدالۋى اۋىرلايدى.»
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
