ۋاكىل قۇربان نياز:
نەگىز قالاپ، رۋحتى سومداۋ − ومىرلىك ىستەۋگە ءتيىستى ءىسىم
□ انار بۇلت \ شينجياڭ گازەتىنىڭ ءتىلشىسى ميھىرگۇل عوپۇر
2023.02.14 15:50 كەلۋ قاينارى : شينجياڭ گازەتى
تيانشان الابىنا بارىپ تەكسەرۋ - زەرتتەۋ جۇرگىزۋ، نەگىزگى ساتىنى ارالاپ ۇگىت لەكسيا جاساۋ، مەكتەپتەردىڭ قىزمەتىنە اقىل - كەڭەس بەرىپ، جۇڭحۋانىڭ تاڭداۋلى ءداستۇرلى مادەنيەتىن جالپىلاستىرۋ... وتكەن ءبىر جىلدا مەملەكەتتىك حالىق قۇرىلتايىنىڭ ۋاكىلى، ءۇشتۇرپان اۋدانى يماملىرىم قالاشىعى مەملەكەتتە ءبىر تۇتاس قولدانىلاتىن ءتىل باستاۋىش مەكتەبىنىڭ باستىعى قۇربان نياز قاربالاستىققا ءتۇستى.
”مەن بىلتىر ونسۋ اۋداندىق 7 - ورتا مەكتەپتىڭ قۇرمەتتى باستىقتىعىنا ۇسىنىس ەتىلدىم، بۇل مەن ءۇشىن داڭق بولۋمەن بىرگە، جاۋاپكەرشىلىگىمنىڭ دە اۋىر ەكەنىن تەرەڭ سەزىندىم. جۇڭحۋانىڭ تاڭداۋلى ءداستۇرلى مادەنيەتىن وقۋ - اعارتۋدىڭ تۇتاس بارىسىمەن توعىستىرۋدى ىلگەرىلەتۋ − مەنىڭ ومىرلىك قۇلشىنىس جاسايتىن بەتالىسىم“، - دەدى 2 - ايدىڭ 10 - كۇنى قۇربان نياز.
ونسۋ اۋداندىق 7 - ورتا مەكتەپ باستاۋىش، ورتالاۋ، ورتا مەكتەپ ءبىر تۇلعالانعان جالعاستىرىپ وقۋ تۇزىمىندەگى مەكتەپ، 2022 - جىلى 9 - ايدا سالىنىپ ءبىتىپ، پايدالانۋعا بەرىلگەن. قۇربان نيازدىڭ ۇسىنىسىمەن بۇل ورتا مەكتەپ جۇڭحۋانىڭ تاڭداۋلى ءداستۇرلى مادەنيەت ەلەمەنتتەرىنەن پايدالانىپ، مەكتەپ مادەنيەتىن سومداپ، كلاسسيكالىق شىعارمالاردى وقۋ، سالت - سانا ۇيرەنۋ، قاجىرلىلىقپەن ۇيرەنۋگە قۇلىقتى بولۋ، ەڭبەكتى ارداقتاۋ سياقتى تاقىرىپتىق قيمىلداردى ۇدايىلاندىرا ورىستەتىپ، جاستار مەن ورەندەردى جۇڭحۋا وركەنيەتىن اناعۇرلىم جاقسى تانۋعا جانە ونى شىنايى مويىنداۋعا تاربيەلەپ، جەتەكشىلىك ەتىپ، جۇڭحۋا ۇلتى ورتاق تۇلعا تانىمىن بەكەمدەۋدىڭ يدەيالىق - مادەنيەت نەگىزىن ۇزدىكسىز بەكەمدەدى.
نەگىز قالاپ، رۋح سومداۋ − قۇربان نيازدىڭ 20 جىلدان بەرى باستان - اياق تاباندىلىقپەن ىستەگەن ءىسى. ول بالالارعا مەملەكەتتە ءبىر تۇتاس قولدانىلاتىن ءتىل - جازۋدى ۇيرەتىپ، جۇڭحۋانىڭ تاڭداۋلى ءداستۇرلى مادەنيەتى ءنارىنىڭ بالالار ساناسىنا بالداي باتىپ، سۋداي سىڭۋىنە مۇمكىندىك جاساپ، جۇڭحۋا ۇلتى ورتاق تۇلعا تانىمىن كوڭىل تۇكپىرىنە تەرەڭ ۇيالاتتى.
2022 - جىلى 2 - ايدىڭ 4 - كۇنى قۇربان نياز بەيجيڭ قىسقى وليمپيادا سپورت جارىسىنىڭ الاۋىن جەتكىزۋدە يحىيۋان بەكەتى تۇيىنىندەگى 20 - ءنومىرلى الاۋگەرى رەتىندە الاۋ جالعاپ جەتكىزۋ مىندەتىن ءساتتى ورىندادى. اۋىلىنا قايتقاننان كەيىن، مەكتەپكە بارىپ، ءار ۇلت وقۋشىلارىمەن بەيجيڭ قىسقى وليمپياداسى جانە الاۋدىڭ جەتكىزىلۋى جونىندەگى اڭگىمەلەردى ءبولىستى. ”جاس ءوسپىرىم شاق بەيىمدەلگىشتىگى ەڭ كۇشتى مەزگىل، الۋان فورماداعى، قۋانا قابىلدايتىن تاسىلدەردى قولدانىپ، جۇڭحۋا ۇلتى ورتاق تۇلعا تانىمىن بەرىك ورناتۋ تاربيەسىن ناقتى، جاندى، ءونىمدى ورىستەتۋ توتەنشە ماڭىزدى“، - دەدى قۇربان نياز.
قۇربان نياز ءوزىنىڭ قۇلشىنىسى ارقىلى جۇڭحۋانىڭ تاڭداۋلى ءداستۇرلى مادەنيەتىن بالالاردىڭ جۇرەگىنە ۇيالاتۋمەن بىرگە، اۋىل - قىستاقتارعا، سان مىڭداعان وتباسىنا جەتكىزۋدى دە ءۇمىت ەتتى. بىلتىر 4 - ايدا ول باس بولىپ اشقان رۇنجياڭ مادەنيەت - تۇرمىس ەرەن بازارى شايار اۋدانى گۇلباق قالاشىعىندا تيجارات باستادى. ەرەن بازار جۇڭحۋانىڭ تاڭداۋلى ءداستۇرلى مادەنيەت ەلەمەنتتەرىن ناقتى تاۋارلاردا ايگىلەپ، حالىق بۇقاراسىنىڭ ءوندىرىس، تۇرمىسىمەن جاپپاي توعىستى.
”قازىر اقسۋ ايماعىندا رۇنجياڭ مادەنيەت - تۇرمىس ەرەن بازارىنان 14ى بار. حوتان، قاشقار سياقتى جەرلەردە دە رۇنجياڭ مادەنيەت - تۇرمىس ەرەن بازارىن سالۋ جوسپارلانۋدا“. قۇربان نياز بىلاي دەدى: قازىر مەملەكەتتە ءبىر تۇتاس قولدانىلاتىن ءتىل - جازۋدى قولداناتىن ەگىنشى - مالشىلار بارعان سايىن كوبەيدى، كوپتەگەن شارۋا وتباسىلارى اۋلانى وزگەرتۋ بارىسىندا جۇڭحۋانىڭ تاڭداۋلى ءداستۇرلى مادەنيەت فاكتورىمەن توعىستى، جۇڭحۋانىڭ تاڭداۋلى ءداستۇرلى مادەنيەتى تيانشان الابىندا تامىر تارتىپ، ومىرشەڭدىك كۇشىن قاۋلاتتى.
وتكەن ءبىر جىلدا قۇربان نياز مىندەتىن ءتىپتى قۇلشىنا اتقاردى، جاڭا جاۋاپكەرشىلىك ارقالاۋدى ايگىلەپ، جاڭا ىسكەرلىك كورسەتتى. ول تالاي رەت نەگىزگى ساتىعا ىشكەرىلەي بارىپ، ”جۇڭحۋانىڭ تاڭداۋلى ءداستۇرلى مادەنيەتىن جالعاستىرۋ، جۇڭحۋا ۇلتى ورتاق تۇلعا تانىمىن بەرىك ورناتۋ“، ”پارتيا 20 - قۇرىلتايىنىڭ رۋحىن ۇيرەنۋ“ سياقتى نەگىزگى تاقىرىپتىق ۇگىت لەكسيا، بايانداما ءماجىلىسىن اشتى ءارى ءار ۇلت بۇقاراسىمەن اڭگىمەلەسىپ، كوپشىلىكتىڭ ۇسىنىس - پىكىرىن تىڭدادى.
بيىل قۇربان نياز مەملەكەتتىڭ از ۇلت وڭىرلەرىندە جۇڭحۋانىڭ تاڭداۋلى ءداستۇرلى مادەنيەتىن مەكتەپ اۋلاسىنا ەنگىزۋدى قولداۋ سەرپىنىن اناعۇرلىم ارتتىرۋىن؛ شينجياڭنىڭ، اسىرەسە، وڭتۇستىك شينجياڭ ءوڭىرىنىڭ وقۋ - اعارتۋ ساپاسىن جوعارىلاتۋ ينجەنەرياسىن قولداۋ سەرپىنىن ارتتىرۋىن ءۇمىت ەتتى. ”حالىق قۇرىلتايى ۋاكىلدەرىنىڭ جاۋاپكەرشىلىگى اۋىر، مىندەت اتقارىپ، جاۋاپكەرشىلىكتى ادا ەتۋ ماڭگى جالعاسادى. مەن نەگىزگى ساتىعا ۇزدىكسىز ىشكەرىلەي ارالاسىپ، قوعام جاعدايىن، حالىق رايىن اناعۇرلىم كوپ اڭىس ەتىپ، پارتيا مەن ۇكىمەتتىڭ حالىق بۇقاراسىمەن اراسىنداعى جاقسى كوپىرى جانە دانەكەرى بولامىن“، - دەدى ول.
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
