دەنە تاربيە باس مەكەمەسىنىڭ باستىعى ”فۋتبول سالاسىندا بايقالعان اۋىر ماسەلەر“ جونىندە جاۋاپ قايتاردى
2023.03.13 13:08 كەلۋ قاينارى : حالىق تورابى
سۋرەتتە: 14 – كەزەكتى مەملەكەتتىك حالىق قۇرىلتايى 1 – ءماجىلىسى 3 – ايدىڭ 12 – كۇنى ءۇشىنشى رەتكى ”مينيسترلەر ءدالىزى“ اتىنداعى سۇحبات بەرۋ قيمىلىن وتكىزدى.
14 – كەزەكتى مەملەكەتتىك حالىق قۇرىلتايى تۇراقتى كوميتەتىنىڭ 1 – ءماجىلىسىنىڭ بەسىنشى جالپى ءماجىلىسى 3 – ايدىڭ 12 – كۇنى جابىلعان سوڭ وتكىزىلگەن ”مينيسترلەر ءدالىزى“ اتىنداعى سۇحبات قابىلداۋ قيمىلى ماجىلىسكە سىرتتاي قاتىناسقان مەملەكەتتىك كەڭەستىڭ قاتىستى مينيسترلىكتەرىنىڭ ءىشىنارا جاۋاپتىلارىن سۇحبات بەرۋگە ۇسىنىس ەتتى.
ءتىلشى بىلاي دەپ سۇرادى: فۋتبول، باسكەتبول، ۆالەيبول سپورتىن بۇقارا قاتتى ۇناتادى. ”ءۇش ۇلكەن دوپ سپورتىنىڭ“ دامۋىنا قوعامنىڭ ءار سالاسىنداعىلار ايرىقشا نازار اۋدارادى، الايدا، قازىر ەلىمىزدە ”ءۇش ۇلكەن دوپ سپورتىن“ دامىتۋ جاعدايى ويداعىداي ەمەس. مەنىڭ سۇراۋىم، ءسىز بۇل ماسەلەگە قالاي قارايسىز؟ دەنە تاربيە باس مەكەمەسى كەلەسى قادامدا ”ءۇش ۇلكەن دوپ سپورتىن“ جالپى بەتتىك ىلگەرىلەتۋ جاعىنداعى قىزمەتتەرگە قانداي جوسپار جاسادى؟
مەملەكەتتىك دەنە تاربيە باس مەكەمەسىنىڭ باستىعى گاۋ جىدان بىلاي دەپ جاۋاپ قايتاردى: شىندىقتى ءىس جۇزىنەن ىزدەي وتىرىپ جاۋاپ قايتاراتىن بولساق، ءبىرشاما ۇزاق ۋاقىتتان بەرى، ەلىمىزدە ”ءۇش ۇلكەن دوپ سپورتى“، وتە – موتە، ەرلەر سپورتىنىڭ دامۋى كوڭىلدەگىدەي بولماي كەلدى، ەرلەر فۋتبولىنىڭ ورەسى ءتىپتى بارعان سايىن قۇلدىرادى. فۋتبول سالاسىندا ءتىپتى كوپتەگەن بىلىققان جاعدايلار بايقالدى، بۇل جاعىندا پارتيا ورتالىق كوميتەتىنىڭ، بۇكىل ەلىمىز حالقىنىڭ بىزگە قويعان تالابى مەن بىزدەن كۇتكەن ۇمىتىنەن زور الشاقتىق قالىپتاستىردى. ”ءۇش ۇلكەن دوپتى“ جاقسى دامىتۋ دەنە تاربيە جاعىنداعى قۇدىرەتتى مەملەكەتتىڭ بەلگىسى، سونىمەن بىرگە، دەنە تاربيە جاعىندا قۇدىرەتتى مەملەكەتتى جەدەل قۇرۋدا، ءسوزسىز، تولىقتاۋىمىزعا ءتيىستى ولقىلىق.
جۋىرداعى ءبىر مەزگىلدەن بەرى، فۋتبول سالاسىنداعى بايقالعان اۋىر ماسەلەلەرگە باعىتتاي وتىرىپ، ءبىز ۇزدىكسىز تەرەڭ ويلانىپ، شەشىم ەتۋ تاسىلدەرى مەن جولدارىن زەرتتەدىك، يدەيالىق ءتالىم – تاربيە، ستيل قۇرىلىسى، رەفورمانى تەرەڭدەتۋ، كەزەكتەگى قىزمەتتەردى ويداعىداي ىستەۋ قاتارلى جاقتاردا جۇيەلى شارالار قولدانىپ، ۇزاق جورىققا قايتا اتتانۋ رۋحىمەن، ”ءۇش ۇلكەن دوپقا“ قاتىستى ءتۇرلى قىزمەتتەردى تىڭعىلىقتى، ويداعىداي ىستەۋگە دايىندالدىق. قاتەرلى سىرقاتتى كۇشتى دارىمەن ەمدەۋ، اۋىر جازا قولدانىپ، بىلىقپالىقتى جونگە سالۋ سىندى بەكىممەن، ”ءۇش ۇلكەن دوپقا“ قاتىستى قىزمەتتەردە ساقتالىپ وتىرعان رۋحاني جاقتا سەرپىلمەۋ، جىگەرسىزدىك، ستيلدىڭ قاتاڭ بولماۋى قاتارلى كورنەكتى ماسەلەلەرگە نازاردى شوعىرلاندىرا وتىرىپ، تاباندىلىقپەن ستيلدە بۇرىلىس جاساپ، بورىشتىلىق سەزىمىن كۇشەيتىپ، تياناقتاندىرۋدى مىقتى ۇستايمىز. فۋتبول جانە باسقا سالالارداعى شىرىكتەسۋ مەن جالعانشىلدىق، قۇمارشىلدىق، سۇرقيالىق ماسەلەلەرىنە باتىل سوققى بەرىپ، قاتاڭ جازامەن جونگە سالامىز، ستيلدى دۇرىستاپ، ءتارتىپتى قاتاڭداتىپ، ٴتۇزىمدى كەمەلدەندىرىپ، ەرەجەنى كۇشەيتىپ، ”ءۇش ۇلكەن دوپ سپورتىنىڭ“ اقاۋسىز، باياندى دامۋىنا قاجەتتى تاماشا قوعامدىق ورتانى جالپى بەتتىك رەتتەپ، قايتا جاساقتايمىز.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
