14 - كەزەكتى مەملەكەتتىك حالىق قۇرىلتايىنىڭ 1 - ءماجىلىسى بەسىنشى جالپى جيىنىن وتكىزدى
مەملەكەتتىك كەڭەستىڭ باسقا دا قۇرامىنداعىلاردى بەلگىلەدى
مەملەكەت ءتوراعاسى شي جينپيڭ ءتوراعا بۇيرىعىنا قول قويىپ تاعايىندادى
2023.03.13 14:11 كەلۋ قاينارى : حالىق تورابى
شينحۋا اگەنتتىگى، 3 - ايدىڭ 12 - كۇنى، بەيجيڭ. 14 - كەزەكتى مەملەكەتتىك حالىق قۇرىلتايىنىڭ 1 - ءماجىلىسى 3 - ايدىڭ 12 - كۇنى تۇستەن بۇرىن بەيجيڭدەگى حالىق سارايىندا بەسىنشى جالپى جيىنىن وتكىزىپ، مەملەكەتتىك كەڭەستىڭ باسقا دا قۇرامىنداعىلاردى بەلگىلەدى. مەملەكەت ءتوراعاسى شي جينپيڭ 2 - ءنومىرلى ءتوراعا بۇيرىعىنا قول قويىپ، ءماجىلىستىڭ قارارىنا ساي، وسى رەتكى ماجىلىستە داۋىسقا سالىپ ماقۇلدانعان مەملەكەتتىك كەڭەستىڭ باسقا دا قۇرامىنداعىلاردى مىندەتكە تاعايىندادى.
جيىن مەملەكەتتىك كەڭەستىڭ زۇڭليى لي چياڭنىڭ ۇسىنۋى نەگىزىندە، بەلەت تاستاپ داۋىسقا سالۋ ارقىلى ديڭ شۋەشياڭ، حى ليفىڭ، جاڭ گوچيڭ، ليۋ گوجۇڭداردى مەملەكەتتىك كەڭەس زۇڭليىنىڭ ورىنباسارلىعىنا، لي شاڭفۋ، ۋاڭ شياۋحۇڭ، ۋ جىڭلۇڭ، چىن ي - چين، چين گاڭداردى مەملەكەتتىك كەڭەستىڭ مۇشەلىگىنە تاعايىنداۋدى ۇيعاردى.
شي جينپيڭ، لي چياڭ، جاۋ لىجي، ۋاڭ حۋنيڭ، حان جىڭ، ساي چي، ديڭ شۋەشياڭ، لي شي قاتارلىلار جيىنعا قاتىناستى.
جيىنعا قاتىناسۋعا ءتيىستى ۋاكىل 2977 ادام، قاتىناسقاننى 2946 ادام، 31 ادام قاتىناسا المادى، قاتىناسقان ادام سانى زاڭدا بەلگىلەنگەن ادام سانىنا ۇيلەسەدى.
جيىندى ءماجىلىستىڭ اتقارۋشى ءتوراعاسى، ءتوراعالار القاسىنىڭ تۇراقتى ءتوراعاسى جىڭ جيانباڭ باسقاردى. ءماجىلىستىڭ اتقارۋشى ءتوراعالارى ما فىڭگو، ۋاڭ جيۇڭ، لين ۋ، ي ليانحۇڭ، حاۋ پىڭ، حۋ چاڭشىڭ، شۇي لين، حۋاڭ چۋپيڭ ءتوراعالار مىنبەسىنىڭ اتقارۋشى ءتوراعالار ورنىنا جايعاستى.
بۇل رەتكى جيىننىڭ كۇن ءتارتىبى مىناداي: مەملەكەتتىك كەڭەستىڭ زۇڭليى لي چياڭنىڭ ۇسىنۋى نەگىزىندە، مەملەكەتتىك كەڭەس زۇڭليىنىڭ ورىنباسارلارىن، مەملەكەت كەڭەس مۇشەلەرىن، مينيسترلىكتەردىڭ مينيسترلەرىن، كوميتەتتەردىڭ مەڭگەرۋشىلەرىن، جۇڭگو حالىق بانكەسىنىڭ باستىعىن، قازىنالىق باس باقىلاۋشىنى، باس حاتشىنى بەلگىلەۋ؛ 14 - كەزەكتى مەملەكەتتىك حالىق قۇرىلتايى ۇلت ىستەرى كوميتەتىنىڭ، باقىلاۋ - تەكسەرۋ جانە ءادىليا كوميتەتىنىڭ، وقۋ - اعارتۋ، عىلىم، مادەنيەت، دەنساۋلىق ساقتاۋ كوميتەتىنىڭ، سىرتقى ىستەر كوميتەتىنىڭ، جۇڭگو مۇھاجىرلارى كوميتەتىنىڭ، ورتا جانە بايلىقتى قورعاۋ كوميتەتىنىڭ، اۋىل شارۋاشىلىعى جانە اۋىل - قىستاق كوميتەتىنىڭ، قوعامدىق قۇرىلىس كوميتەتىنىڭ مەڭگەرۋشى مۇشەسىنىڭ، ورىنباسار مەڭگەرۋشى مۇشەلەرىنىڭ، مۇشەلەرىنىڭ ەسىمدىك جوباسىن جەكە - جەكە داۋىسقا سالۋ.
جيىندا مەملەكەتتىك كەڭەستىڭ زۇڭليى لي چياڭنىڭ مەملەكەتتىك كەڭەستىڭ باسقا دا قۇرامىنداعىلاردىڭ كانديداتتارىن ۇسىنۋ حاتى وقىلدى.
بەلەت جازۋ، بەلەت تاستاۋ، بەلەت ساناۋ ارقىلى ساعات 10نان 9 مينۋت وتكەندە باسقارۋشى ديڭ شۋەشياڭ، حى ليفىڭ، جاڭ گوچيڭ، ليۋ گوجۇڭ جولداستاردىڭ مەملەكەتتىك كەڭەس زۇڭليىنىڭ ورىنباسارلىعىنا؛ لي شاڭفۋ، ۋاڭ شياۋحۇڭ، ۋ جىڭلۇڭ، چىن ي - چين، چين گاڭ جولداستاردىڭ مەملەكەتتىك كەڭەستىڭ مۇشەلىگىنە تاعايىندالعانىن جاريالادى.
باسقارۋشى تاعى مەملەكەتتىك كەڭەستىڭ باس حاتشىسى جانە مەملەكەتتىك كەڭەستىڭ مينيسترلىكتەرىنىڭ مينيسترلەرى، كوميتەتتەرىنىڭ مەڭگەرۋشىلەرى، جۇڭگو حالىق بانكەسىنىڭ باستىعى، قازىنالىق باس باقىلاۋشى ەسىمدىگىن جاريالادى.
14 - كەزەكتى مەملەكەتتىك حالىق قۇرىلتايىندا 10 ارناۋلى كوميتەت قۇرىلادى. مۇنىڭ ىشىندە نەگىزگى زاڭ جانە زاڭدار كوميتەتى، قازىنا - ەكونوميكا كوميتەتى قۇرامىنداعىلاردىڭ ەسىمدىگى 3 - ايدىڭ 5 - كۇنى داۋىسقا سالىپ ماقۇلداندى. باسقا 8 ارناۋلى كوميتەتتىڭ قۇرامىنداعىلاردى ءتوراعالار القاسى ۇسىنعاننان كەيىن، ۋاكىلدەر ۇيىرمەلەرى اقىلداستى. ۋاكىلدەر ۇيىرمەلەرىنىڭ اقىلداسۋ پىكىرىنە ساي، ءتوراعالار القاسىنىڭ جيىنى وسى 8 ارناۋلى كوميتەتتىڭ قۇرامىنداعىلاردىڭ ەسىمدىك جوباسىن وسى رەتكى جالپى جيىندا داۋىسقا سالۋعا ۇسىنۋدى ۇيعاردى.
ارناۋلى كوميتەت قۇرامىنداعىلاردى داۋىسقا سالۋ ادىسىندەگى بەلگىلەمەلەرگە ساي، داۋىسقا سالۋدا داۋىس بەرگىش ارقىلى جاسىرىن داۋىس بەرۋ ءادىسى قولدانىلىپ، جەكە - جەكە 8 ارناۋلى كوميتەتتىڭ قۇرامىنداعىلاردىڭ ەسىمدىگى داۋىسقا سالىپ ماقۇلداندى.
ءتۇرلى ەسىمدىكتەر قابىلدانعان كەزدە زالدان قىزۋ قول شاپالاق ءۇنى كوتەرىلدى.
ءماجىلىس ءتوراعالار القاسىنىڭ نەگىزگى زاڭ الدىندا سەرت بەرۋ جونىندەگى ۇيىمدىق ءادىسى بويىنشا، جالپى جيىننىڭ كەڭەستىك تارتىپتەرى اياقتالعاننان كەيىن مەملەكەتتىك كەڭەس زۇڭليىنىڭ ورىنباسارلارى، مەملەكەتتىك كەڭەستىڭ مۇشەلەرى، باس حاتشىسى، مەملەكەتتىك 14 - كەزەكتى حالىق قۇرىلتايى ارناۋلى كوميتەتتەرىنىڭ قۇرامىنداعىلار، مەملەكەتتىك كەڭەستىڭ مينيسترلىكتەرىنىڭ مينيسترلەرى، كوميتەتتەرىنىڭ مەڭگەرۋشىلەرى، جۇڭگو حالىق بانكەسىنىڭ باستىعى، باس قازىنالىق باقىلاۋشى جەكە - جەكە توپتىق سەرت بەردى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
