بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى

لي چياڭ جاڭا كەزەكتى ۇكىمەتتىڭ بيلىك جۇرگىزۋ نىساناسىن ايتتى

2023.03.13 15:24     كەلۋ قاينارى : حالىق تورابى

  مەملەكەتتىك كەڭەستىڭ زۇڭليى لي چياڭ 3 – ايدىڭ 13 – كۇنى حالىق قۇرىلتايى سارايىنىڭ 3 – قاباتىنداعى التىن تۇستەس ۇلكەن زالدا تىلشىلەر ماجىلىسىنە قاتىناستى ءارى جۇڭگولىق – شەتەلدىك تىلشىلەردىڭ سۇراۋىنا جاۋاپ قايتاردى.

  ءتىلشى: ءسىزدى جانە ءتورت ورىنباسار زۇڭليدى جاڭا مىندەتكە تاعايىندالۋلارىڭىزبەن قۇتتىقتايمىن، جاڭا كەزەكتى ۇكىمەت مىندەت وتەيتىن مەرزىمدەگى الداعى بەس جىل جاپپاي سوتسياليستىك وسىزاماندانعان مەملەكەت قۇرۋ جونىنەن باستاما اشىپ، قادام باساتىن شەشۋشى جىلدار، سوندىقتان، ەل ءىشى – سىرتىنداعىلار جاڭا كەزەكتى ۇكىمەتتىڭ قىزمەتىنە ايرىقشا نازار اۋدارىپ وتىر. مەنىڭ سۇراۋىم، جاڭا كەزەكتى ۇكىمەتتىڭ بيلىك جۇرگىزۋ نىساناسى قانداي؟ قانداي ماڭىزدى قىزمەتتەر ىستەيدى؟ قىزمەتتەردى قالاي ورىستەتەدى؟

  لي چياڭ: قۇتتىقتاعانىڭىزعا راقىمەت، كوپشىلىكتىڭ جاڭا كەزەكتى ۇكىمەتتىڭ قىزمەتىنە نازار اۋدارعانىنا راقىمەت.

  بىلتىر 10 – ايدا اشىلعان پارتيانىڭ 20 – قۇرىلتايى ەلىمىزدىڭ بۇدان بىلايعى بەس جىلداعى ءتىپتى اناعۇرلىم ۇزاق مەرزىمدەگى دامۋى جونىندە جالپى بەتتىك ستراتەگيالىق ورنالاستىرۋ جاسادى، كوپشىلىك ءبىرشاما كوڭىل بولەتىن كەلەلى ماسەلەلەردىڭ انىق جاۋابىن تۇگەلدەي پارتيا 20 – قۇرىلتايىنىڭ بايانداماسىنان تابۋعا بولادى.

  جاڭا كەزەكتى ۇكىمەتتىڭ قىزمەتتەرى — پارتيا ورتالىق كوميتەتىنىڭ شەشىمدەرىن، ورنالاستىرۋلارىن ويداعىداي دايەكتىلەندىرۋ، ويداعىداي تياناقتاندىرۋ، پارتيانىڭ 20 – قۇرىلتايىندا سىزىلعان ۇلى جوبانى قۇرىلىس چەرتوجىنا اينالدىرۋ، بۇكىل ەلىمىز حالقىمەن بىرگە نىق قاداممەن ۇلى جوبانى تاماشا رەالدىققا اينالدىرۋ.

  بۇدان بىلايعى قىزمەتتەر بارىسىندا، مىناداي بىرنەشە جاقتاعى ماڭىزدى تۇيىندەردى يگەرەمىز:

  بىرىنشىدەن، حالىقتى وزەك ەتۋ سىندى دامۋ يدەياسىن بەرىك ورناتۋ. توق ەتەرىن ايتقاندا، پارتيا مەن ۇكىمەتتىڭ بارلىق قىزمەتتەرىنىڭ باستى ماقساتى — حالىقتى باقىتقا كەنەلتۋ. باس شۋجي شي جينپيڭ: ”حالىقتىڭ تاماشا تۇرمىسقا تالپىنىسى — ءبىزدىڭ كۇرەس نىسانامىز“ دەگەن بولاتىن. ءبىز ارقانداي كەزدە دە، ءسوزسىز، حالىق ۇكىمەتى دەگەن ءسوزدىڭ الدىنداعى ”حالىق“ دەگەن ءسوزدى، باستان – اياق، ەستە بەرىك ساقتاۋىمىز، حالىق تۇرمىسىنا ساياتىن ءاربىر ناقتى ءىستى تىڭعىلىقتى، ويداعىداي ىستەۋىمىز كەرەك. وبيەكتيۆ تۇرعىدان ايتقاندا، باسىم كوپ سانداعى بۇقارا كۇن سايىن GDP دىڭ قانشالىق ارتقانىنا قادالىپ قاراپ وتىرمايدى، كوپشىلىك تۇرعىن ءۇي، جۇمىستانۋ، كىرىس، وقۋ – اعارتۋ، ەمدەلۋ، ەكولوگيالىق ورتا قاتارلى ءوز جانىنداعى ناقتى ىستەرگە اناعۇرلىم ءمان بەرەدى. ۇكىمەتتىڭ قىزمەتىن دە بۇقارانىڭ ءىس جۇزىندىك اسەرىمەن ۇشتاستىرا وتىرىپ جوسپارلاۋ، ىلگەرىلەتۋ، ۇكىمەت حالىقتىڭ تىلەگىنە ساي جۇمىس ىستەۋدى شىنايى ورىنداۋ كەرەك.

  ەكىنشىدەن، كۇشتى شوعىرلاندىرا وتىرىپ، جوعارى ساپالى دامۋدى ىلگەرىلەتۋ. وسى رەتكى ەكى ءماجىلىس مەزگىلىندە، باس شۋجي شي جينپيڭ جياڭسۋ ۋاكىلدەر ۇيىرمەسىنىڭ باياندامانى قاراۋىنا قاتىناسقان كەزدە، جوعارى ساپالى دامۋ سىندى باستى مىندەتتى مىقتى يگەرۋدى ايرىقشا باسا دارىپتەدى. ەلىمىز ەكونوميكا مەن قوعام دامۋىندا زور جەتىستىكتەرگە قول جەتكىزدى، ەكونوميكانىڭ جالپى مولشەرى دۇنيە جۇزىندە ەكىنشى ورىنعا مىعىم جايعاستى، الايدا، دامۋى بىركەلكى ەمەس، تولىق ەمەس. ءارقانداي جالپى مولشەرلىك كورسەتكىشتى ءبىر ميلليارد 400 ميلليوننان استام جان سانىنا شاققاندا، كىسى باسىنا تيەتىن ورەسى تۇگەلدەي ءبىرشاما شەكتى بولادى. قازىر ءبىز دامۋ جاعىندا كوبىنەسە تەك ”بار ما، جوق پا“ دەگەن ماسەلەنى شەشىم ەتۋدەمىز، كەلەسى قادامدا ”جاقسى ما، جامان با“ دەگەن ماسەلەنى شەشىم ەتۋگە اناعۇرلىم ءمان بەرۋىمىز كەرەك، وتە – موتە، عىلىم – تەحنيكا جاعىنداعى جاڭالىق اشۋ قۋاتىن جوعارىلاتۋ، وسىزاماندانعان كاسىپ سالاسى جۇيەسىن قۇرۋ، دامۋ تاسىلىندە جاسىل تيپكە بۇرىلىس جاساۋدى ىلگەرىلەتۋ قاتارلىلار. جالپى جاقتان ايتقاندا، ءبىز جاڭاشا دامۋ ۇستانىمىن تولىق، دۇرىس، جالپى بەتتىك دايەكتىلەندىرۋىمىز، جاڭاشا دامۋ اۋقىمىن جەدەل قالىپتاستىرۋىمىز، جوعارى ساپالى دامۋدى ىلگەرىلەتۋگە كۇش سالۋىمىز كەرەك.

  ۇشىنشىدەن، رەفورمالاپ، ەسىك اشۋدى تاباندىلىقپەن تەرەڭدەتە ءتۇسۋ. رەفورمالاپ، ەسىك اشۋ — زامانىمىزداعى جۇڭگونىڭ تاعدىرىن بەلگىلەيتىن شەشۋشى شارا، ءبىز جۇڭگو ۇلگىسىندەگى وسىزامانداندىرۋدى ىلگەرىلەتۋ، ەكىنشى 100 جىلدىق كۇرەس نىساناسىن ىسكە اسىرۋ سىندى تاريحي ءۇردىس بارىسىندا ءالى دە ”اسىمىزدى رەفورمالاۋدان تاۋىپ، ەسىك اشۋ جولىمەن ءجۇرۋىمىز“ قاجەت. سوتسياليستىك بازار ەكونوميكاسىنىڭ رەفورما باعىتىنا تاباندى بولىپ، جوعارى دەڭگەيدە سىرتقا ەسىك اشۋدا تاباندى بولىپ، رەفورمالاپ، ەسىك اشۋ بارىسىندا دامۋدىڭ قوزعاۋشى كۇشى مەن ومىرشەڭدىك قۋاتىن ۇزدىكسىز كۇشەيتۋىمىز كەرەك.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى