لي چياڭ: كەڭسەدە وتىرا بەرسەڭ كەزدەسەتىنىڭ تۇگەل ماسەلە، نەگىزگى ساتىعا ىشكەرىلەي قادام تاستاساڭ كورەتىنىڭ تۇگەل امال، مىقتىلار حالىق اراسىندا
2023.03.14 14:16 كەلۋ قاينارى : حالىق تورابى
3 – ايدىڭ 13 – كۇنى ساعات 10 نان 30 مينۋت وتكەندە، مەملەكەتتىك كەڭەس زۇڭليى لي چياڭ حالىق قۇرىلتايى سارايىنىڭ 3 – قاباتىنداعى التىن تۇستەس ۇلكەن زالدا تىلشىلەر ماجىلىسىنە قاتىناستى ءارى جۇڭگولىق – شەتەلدىك تىلشىلەردىڭ سۇراۋىنا جاۋاپ قايتاردى.
ءتىلشى: جاڭا كەزەكتى ۇكىمەتتىڭ جاپالى دا كۇردەلى مىندەتتەرگە ءدوپ كەلگەنى بارىمىزگە بەلگىلى، ءبارى دە ەرەكشە زور ءۇمىت كۇتىپ وتىر، وسى سەبەپتى ۇكىمەتتىڭ مىندەت اتقارۋ قۋاتى مەن قىزمەت ستيلىنە دە جاڭا تالاپتار قويىلادى. مەنىڭ سۇراۋىم، جاڭا كەزەكتى ۇكىمەتتىڭ وزىندىك قۇرىلىستى كۇشەيتۋ جاعىندا قانداي ويلارى بار؟ راقىمەت!
لي چياڭ: شىنىمەن دە سەنىڭ ايتقانىڭ سياقتى، جاڭا بورىش پەن مىندەت بىزگە تىڭ، اناعۇرلىم جوعارى تالاپتاردى قويىپ وتىر. ءبىز جاڭا كەزەكتى ۇكىمەت قۇرىلىمى رەفورماسىن وراي ەتە وتىرىپ، ۇكىمەتتىڭ وزىندىك قۇرىلىسىن شىنايى كۇشەيتىپ، قىزمەت فۋنكتسياسىندا ىشكەرىلەي بۇرىلىس جاساپ، جۇمىس ونىمدىلىگىن اناعۇرلىم جوعارىلاتىپ، ستيلدى اناعۇرلىم جاقسارتۋدى جوسپارلاپ وتىرمىز. مىناداي ءتورت ءىستى كورنەكتى ورىنعا قويامىز:
بىرىنشىدەن، تەكسەرۋ – زەرتتەۋ ستيلىن بارىنشا دارىپتەۋ. جۋىردا پارتيا ورتالىق كوميتەتى ايقىن تالاپتاردى ورتاعا قويدى، مەملەكەتتىك كەڭەس تياناقتاندىرۋدى باستاماشىلدىقپەن مۇقيات، مىقتى ۇستاۋى كەرەك. مەن ۇزاق ۋاقىت بويى جەرگىلىكتى ورىندا قىزمەت ىستەۋ بارىسىندا، مىناداي تەرەڭ اسەر الدىم: كەڭسەدە وتىرا بەرسەڭ كەزدەسەتىنىڭ تۇگەل ماسەلە، نەگىزگى ساتىعا ىشكەرىلەي قادام تاستاساڭ كورەتىنىڭ تۇگەل امال. مىقتىلار حالىق اراسىندا. ءبىز ءار دارەجەلى كادرلاردىڭ نەگىزگى ساتىعا كوبىرەك بارىپ، حالىقتىڭ قاجەتىن ۇعىسىپ، حالىقتان پىكىر الىپ، حالىق بۇقاراسىنان ۇيرەنۋىن، نەگىزگى ساتىداعىلاردىڭ ءىس جۇزىندىك ماسەلەلەردى شەشىم ەتۋىنە شىنايى كومەكتەسۋىن ىلگەرىلەتۋىمىز كەرەك. وتە – موتە، ۇزاق ۋاقىت بويى ورگانداردا قىزمەت ىستەگەن جاس جولداستار نەگىزگى ساتىعا ىشكەرىلەي قادام تاستاۋى، نەگىزگى ساتىعا ىقىلاسپەن قادام تاستاۋى، بۇقارامەن اناعۇرلىم ەتەنە بولۋى كەرەك.
ەكىنشىدەن، اكىمشىلىكتى زاڭ بويىنشا جۇرگىزۋدى تىڭعىلىقتى ىلگەرىلەتۋ. ۇكىمەتتىڭ قىزمەتى، ءسوزسىز، زاڭ كولەمىندە جۇرگىزىلۋى كەرەك، اكىمشىلىك ارەكەتتەردىڭ بارلىعىنىڭ زاڭدى نەگىزى بولۋى قاجەت. زاڭمەن باسقارىلاتىن ۇكىمەت قۇرىلىسىن اناعۇرلىم كۇشەيتىپ، زاڭمەن باسقارۋ وي جەلىسى، زاڭمەن باسقارۋ ءتاسىلىن قولدانۋ ارقىلى ماسەلەلەردى شەشىم ەتۋ قابىلەتىن ۇزدىكسىز جوعارىلاتۋ كەرەك.
ۇشىنشىدەن، جاسامپازدىقپەن اتقارۋ قابىلەتىن جوعارىلاتۋ كەرەك. ءار دارەجەلى ۇكىمەت تاراۋلارى مەن ۇكىمەت قىزمەتكەرلەرىنىڭ بارلىعىندا قىزمەت وتەۋ تانىمى، دامۋ تانىمى بولۋى كەرەك، وتە – موتە، تەكسەرىپ بەكىتۋ، باسقارۋ قىزمەتىن اتقارعان كەزدە، تورموز باسقاندى عانا ءبىلىپ، ماي بەرمەي قويۋعا بولمايدى؛ جولعا توسقاۋىل قويعاندى عانا ءبىلىپ، جول بەلگىسىن ورناتپاي قويۋعا بولمايدى؛ ءارقانداي ىستە ”ءبىتىرۋ قاجەت پە، جوق پا“ دەپ قۇنىنا قاراي تۇجىرىم جاساۋدى كوبىرەك ىستەۋ قاجەت، قارا دۇرسىندىكپەن ”بىتىرۋگە بولا ما، بولماي ما“ دەپ تەحنيكالىق تۇرعىدان عانا تۇجىرىم جاساۋعا بولمايدى. ءارقانداي فورماشىلدىققا، تورەشىلدىككە باتىل قارسى تۇرۋ، شىنايى جاسامپاز اتقارۋشى بولۋ كەرەك.
تورتىنشىدەن، پاكتىكتىڭ سوڭعى شەگىنەن اتتاماۋعا تاباندى بولۋ. ءبىز باستان – اياق قاتاڭ ولشەم، قاتاڭ شارا قولدانىپ، پاك ۇكىمەت قۇرىلىسىن ويداعىداي مىقتى ۇستايمىز، ءارقانداي شىرىكتەسۋ ارەكەتىن، ءسوزسىز، استە كەشىرمەۋىمىز كەرەك. ءاربىر ۇكىمەت قىزمەتكەرى باقىلاۋدى سانالىلىقپەن قابىلداۋى، ادال، پاك، ىسكەر بولۋدى شىنايى ورىنداۋى كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
