بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى

14 - كەزەكتى مەملەكەتتىك حالىق قۇرىلتايىنىڭ 1 - ءماجىلىسى بەيجيڭدە جابىلدى

شي جينپيڭ ماڭىزدى ءسوز سويلەدى، جيىن ۇكىمەت قىزمەتىنەن بايانداما جونىندەگى قاۋلى سياقتىلاردى داۋىسقا سالىپ ماقۇلدادى، زاڭ شىعارۋ زاڭىنا وزگەرىس ەنگىزۋ جونىندەگى قاراردى ماقۇلدادى، شي جينپيڭ ءتوراعا بۇيرىعىنا قول قويىپ جاريالادى

2023.03.14 14:55     كەلۋ قاينارى : حالىق تورابى

14 - كەزەكتى مەملەكەتتىك حالىق قۇرىلتايىنىڭ 1 - ءماجىلىسى 3 - ايدىڭ 13 - كۇنى بەيجيڭدەگى حالىق سارايىندا جابىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماڭىزدى ءسوز سويلەدى. سۋرەتتى شينحۋا اگەنتتىگىنىڭ ءتىلشىسى يان يان تۇسىرگەن

  جاۋ لىجي جيىندى باسقاردى ءارى ءسوز سويلەدى، لي چياڭ، ۋاڭ حۋنيڭ، ساي چي، ديڭ شۋەشياڭ، لي شي، حان جىڭ قاتارلىلار جيىنعا قاتىناستى، لي كىچياڭ، لي جانشۋ، ۋاڭ ياڭ، ۋاڭ چيشان قاتارلىلار ءتوراعالار مىنبەسىنەن ورىن الدى

  ■ قازىردەن باستاپ وسى عاسىردىڭ ورتا شەنىنە دەيىن، جاپپاي سوتسياليستىك وسىزاماندانعان قۇدىرەتتى ەل قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ − بۇكىل پارتيانىڭ، بۇكىل ەل حالقىنىڭ وزەكتى مىندەتى. مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ ۇتىلامالى تاياقشاسى تاريح تۇرعىسىنان ءبىزدىڭ موينىمىزعا جۇكتەلدى. ءبىز پارتيا 20 - قۇرىلتايىنىڭ ستراتەگيالىق ورنالاستىرۋى بويىنشا، ”بەستى ءبىر تۇلعالاندىرۋ“ جالپىلىق ورنالاستىرۋىن ءبىر تۇتاس ىلگەرىلەتۋدە، ”ءتورتتى جاپپاي ورىنداۋ“ ستراتەگيالىق ورنالاستىرۋىن سايكەستى ىلگەرىلەتۋدە تاباندى بولىپ، جۇڭگو ۇلگىسىندەگى وسىزامانداندىرۋ قۇرىلىسىن جەدەل ىلگەرىلەتىپ، ىنتىماقتاسا كۇرەس جۇرگىزىپ، ءورىس اشا جاڭالىق اشىپ، جاڭا جورىقتا ءداۋىردىڭ، تاريحتىڭ، حالىقتىڭ ءۇمىتىن اقتايتىن ناتيجە جاراتىپ، قۇدىرەتتى ەل قۇرۋدى، ۇلتتىڭ گۇلدەنۋىن ىلگەرىلەتۋگە وسى بۋىننىڭ تيەسىلى ۇلەسىن قوسۋىمىز كەرەك

  ■ مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ جاڭا ساپارىندا ءبىز ساپالى دامۋدى بۇلجىماستان ىلگەرىلەتۋىمىز كەرەك. جاڭا دامۋ ۇستانىمىن تولىق، ءدال، جاپپاي دايەكتىلەندىرىپ، جاڭا دامۋ ارناسىن جەدەل ورناتىپ، عىلىم - تەحنيكا، وقۋ - اعارتۋ ارقىلى مەملەكەتتى گۇلدەندىرۋ ستراتەگياسىن، دارىندىلار ارقىلى مەملەكەتتى قۇدىرەتتەندىرۋ ستراتەگياسىن، جاڭالىق اشۋ ارقىلى دامۋعا دەم بەرۋ ستراتەگياسىن ىشكەرىلەي اتقارىپ، عىلىم - تەحنيكادا ءوز كۇشىنە سۇيەنىپ، ءوزىن الۋەتتەندىرۋ قابىلەتىن كۇش سالا جوعارىلاتىپ، كاسىپ سالاسىنىڭ تيبىن جاڭالاپ، دارەجەسىن جوعارىلاتۋدى ىلگەرىلەتىپ، قالا مەن اۋىلدىڭ وڭىرلىك سايكەستى دامۋىن ىلگەرىلەتىپ، ەكونوميكالىق، قوعامدىق دامۋدىڭ جاسىل تيپكە بۇرىلىس جاساۋىن، تومەن كومىرتەكتەنۋىن ىلگەرىلەتىپ، ەكونوميكادا ساپانىڭ ءونىمدى جوعارىلاۋى مەن مولشەردىڭ ۇيلەسىمدى ارتۋىن ىلگەرىلەتىپ، ەلىمىزدىڭ ەكونوميكالىق قۋاتىن، عىلىم - تەحنيكالىق قۋاتىن، مەملەكەتتىڭ جالپىلىق قۋاتىن ۇزدىكسىز ۇلعايتۋ كەرەك

  ■ ءبىز حالىقتى بارىنەن جوعارى قويۋدا باستان - اياق تاباندى بولۋىمىز كەرەك. جاپپاي سوتسياليستىك وسىزاماندانعان قۇدىرەتتى ەل قۇرۋدا حالىق − شەشۋشى كۇش. جالپى بارىستىق حالىق دەموكراتياسىن بەلسەنە دامىتىپ، پارتيا باسشىلىعىنىڭ، حالىقتىڭ قوجايىن بولۋىنىڭ، مەملەكەتتى زاڭمەن جونگە سالۋدىڭ ورگانيكالى بىرلىگىندە تاباندى بولىپ، حالىقتىڭ قوجايىن بولۋى ءتۇزىم جۇيەسىن اقاۋسىزداندىرىپ، حالىقتىڭ ەركىن جۇزەگە اسىرىپ، حالىقتىڭ ۇقىق - مۇددەسىن قامتاماسىز ەتىپ، جالپى حالىقتىڭ بەلسەندىلىگىن، ىرىقتىلىعىن، جاسامپازدىعىن تولىق قاۋلاتۋ كەرەك. حالىقتى وزەك ەتكەن دامۋ يدەياسىن دايەكتىلەندىرىپ، ءبولىس ءتۇزىمىن كەمەلدەندىرىپ، قوعامدىق قامتاماسىزداندىرۋ جۇيەسىن اقاۋسىزداندىرىپ، نەگىزگى الەۋمەتتىك قىزمەت وتەۋدى كۇشەيتىپ، حالىق تۇرمىسىنىڭ تومەنگى شەگىن ساقتاپ، حالىق بۇقاراسىنىڭ شۇعىل، قيىن، ۋايىمداعان، ءزارۋ ماسەلەلەرىن ويداعىداي شەشىپ، وسىزامانداندىرۋ قۇرىلىسىنىڭ جەتىستىكتەرىنەن جالپى حالىقتى اناعۇرلىم كوپ، اناعۇرلىم ءادىل يگىلىكتەندىرىپ، جالپى حالىقتىڭ بىرگە بايۋىن ىلگەرىلەتۋدە اناعۇرلىم كورنەكتى، ماندىك ىلگەرىلەۋشىلىككە ۇزدىكسىز قول جەتكىزۋ كەرەك. بۇكىل ەلدەگى ءار ۇلت حالقىنىڭ ۇلى ىنتىماعىن، ەل ءىشى - سىرتىنداعى جۇڭحۋا ۇلاندارىنىڭ ۇلى ىنتىماعىن ۇزدىكسىز بەكەمدەپ، دامىتىپ، بارلىق بەلسەندى فاكتوردى تولىق جۇمىلدىرىپ، مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ قۇدىرەتتى كۇش - قۋاتىن توپتاۋ كەرەك

  ■ حاۋىپسىزدىك − دامۋدىڭ نەگىزى، ورنىقتىلىق − قۇدىرەتتەنۋدىڭ العى شارتى. جالپى تۇلعالىق مەملەكەت حاۋىپسىزدىگى كوزقاراسىن دايەكتىلەندىرىپ، مەملەكەت حاۋىپسىزدىگى جۇيەسىن اقاۋسىزداندىرىپ، مەملەكەت حاۋىپسىزدىگىن قورعاۋ قابىلەتىن كۇشەيتىپ، الەۋمەتتىك حاۋىپسىزدىكتى جونگە سالۋ دەڭگەيىن جوعارىلاتىپ، قوعامدىق جونگە سالۋ جۇيەسىن كەمەلدەندىرىپ، جاڭا حاۋىپسىزدىك ارناسى ارقىلى جاڭا دامۋ جاعدايىن قامتاماسىز ەتۋ كەرەك. مەملەكەت قورعانىسى مەن ارميانى وسىزامانداندىرۋ قۇرىلىسىن جاپپاي ىلگەرىلەتىپ، حالىق ارمياسىن مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن ءونىمدى قورعايتىن قۇرىش قورعان ەتىپ قۇرىپ شىعۋ كەرەك

  ■ مەملەكەتتى قۇدىرەتتەندىرۋ قۇرىلىسىن ىلگەرىلەتۋ شياڭگاڭنىڭ، اۋمىننىڭ ۇزاق ۋاقىت گۇلدەنۋىنەن، ورنىقتى بولۋىنان ايرىلا المايدى. ”ءبىر ەل، ەكى ءتۇزىم“، ”شياڭگاڭدى شياڭگاڭدىقتار باسقارۋ“، ”اۋمىندى اۋمىندىقتار باسقارۋ“، وسكەلەڭ اۆتونوميا باعىتىن جان - جاقتى، دۇرىس، اۋىتقىماي دايەكتىلەندىرىپ، شياڭگاڭدى، اۋمىندى زاڭمەن باسقارۋدا تاباندى بولىپ، شياڭگاڭ، اۋمىن ەرەكشە اكىمشىلىك رايوندارىنىڭ ەكونوميكانى دامىتۋىنا، حالىق تۇرمىسىن جاقسارتۋىنا، مەملەكەتتىڭ دامۋ جالپى جاعدايىمەن اناعۇرلىم ويداعىداي توعىسۋىنا قولداۋ كورسەتۋ كەرەك. وتاننىڭ تولىق بىرلىككە كەلۋىن جۇزەگە اسىرۋ − بارلىق جۇڭحۋا ۇلاندارىنىڭ ورتاق تىلەگى، ۇلتتى گۇلدەندىرۋ تاقىرىبىنداعى مازمۇن. جاڭا داۋىردەگى پارتيانىڭ تايۋان ماسەلەسىن شەشۋ جالپى جوباسىن دايەكتىلەندىرىپ، ءبىر جۇڭگو پرينسيبى مەن ”92 - جىلعى ورتاق تانىمدا“ تاباندى بولىپ، ەكى جاعالاۋ قارىم - قاتىناسىنىڭ بەيبىت دامۋىن بەلسەنە جەبەپ، سىرتقى كۇشتەردىڭ كيلىگۋىنە جانە ”تايۋان دەربەستىگى“ بولشەكتەۋ ارەكەتىنە باتىل قارسى تۇرىپ، وتاندى بىرلىككە كەلتىرۋ اياق الىسىن تاباندىلىقپەن ىلگەرىلەتۋ كەرەك

  ■ جۇڭگونىڭ دامۋى دۇنيە جۇزىنە پايدا جەتكىزەدى، جۇڭگونىڭ دامۋى دۇنيە جۇزىنەن ايرىلا المايدى. ءبىز جوعارى دەڭگەيدە سىرتقا ەسىك اشۋدى تىڭعىلىقتى ىلگەرىلەتىپ، دۇنيە جۇزىلىك بازار مەن بايلىقتان ويداعىداي پايدالانىپ ءوزىمىزدى دامىتۋمەن بىرگە، دۇنيە ءجۇزىنىڭ بىرگە دامۋىن دا ىلگەرىلەتۋىمىز كەرەك. ءبىز بەيبىتشىلىك، دامۋ، سەلبەستىك، تەڭ يگىلىككە كەنەلۋ تۋىن بيىك ۇستاپ، باستان - اياق تاريحتىڭ دۇرىس جاعىندا تۇرىپ، ناعىز كوپ جاقتىلىقتى امالياتتا ايگىلەپ، بۇكىل ادامزاتتىڭ ورتاق قۇنىن امالياتتا ايگىلەپ، دۇنيە جۇزىلىك جونگە سالۋ جۇيەسى رەفورماسى مەن قۇرىلىسىنا بەلسەنە ات سالىسىپ، اشىق دۇنيە ءجۇزى ەكونوميكاسىن قۇرۋدى ىلگەرىلەتىپ، دۇنيە جۇزىلىك دامۋ باستاماسىنىڭ، دۇنيە جۇزىلىك حاۋىپسىزدىك باستاماسىنىڭ تياناقتانۋىن ىلگەرىلەتىپ، دۇنيە ءجۇزىنىڭ بەيبىتشىلىگى مەن دامۋىنا اناعۇرلىم كوپ ورنىقتىلىق پەن وڭ ەنەرگيا ۇستەپ، ەلىمىزدىڭ دامۋىنا تاماشا حالىقارالىق ورتا جاراتۋىمىز كەرەك

  ■ مەملەكەتتى جونگە سالۋدا، ءسوز جوق، الدىمەن پارتيانى جونگە سالۋ كەرەك، پارتيا كوركەيگەندە عانا مەملەكەتتى قۇدىرەتتەندىرۋگە بولادى. قۇدىرەتتى ەل قۇرۋدى ىلگەرىلەتۋدە، ءسوز جوق، جۇڭگو كوممۋنيستىك پارتياسىنىڭ باسشىلىعى مەن پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىندا تاباندى بولىپ، پارتيا قۇرىلىسىن شىنايى كۇشەيتۋ كەرەك. ۇلكەن پارتياعا عانا ءتان قيىن ماسەلەلەردى شەشۋدىڭ سەرگەكتىگى مەن باتىلدىعىن قاي - قاشان دا ساقتاپ، وزىنە توڭكەرىس جاساۋعا باتىل بولىپ، پارتيانى جاپپاي قاتاڭ جونگە سالۋدى ءبىر ءسات تە توقتاتپاي، شىرىكتەسۋگە تاباندىلىقپەن قارسى تۇرىپ، پارتيانىڭ ىنتىماعىن، بىرلىگىن باستان - اياق ساقتاپ، پارتيانىڭ ماڭگى ساپاسىنىڭ وزگەرمەۋىنە، سيپاتىنىڭ وزگەرمەۋىنە، قاسيەتىنىڭ وزگەرمەۋىنە كەپىلدىك ەتىپ، مەملەكەتتى قۇدىرەتتەندىرۋ قۇرىلىسىنا، ۇلتتىڭ گۇلدەنۋىنە پارمەندى كەپىلدىك ازىرلەۋ كەرەك

  ■ مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ ايبىندى نىساناسى ادامعا شابىت بەرىپ، ادامدى العا باسۋعا جەبەيدى. ءبىز ۋاقىتپەن جارىسىپ، تاريحي سەنىمدى بەكەمدەپ، تاريحي ىرىقتىلىقتى كۇشەيتىپ، تۋراشىلدىقتان جازباي، جاڭالىق اشۋدا تاباندى بولىپ، ستراتەگيالىق تاباندىلىقتى ساقتاپ، كۇرەس رۋحىن ساۋلەلەندىرىپ، قيىندىقتاردى جەڭىپ، مەملەكەتتى قۇدىرەتتەندىرۋ قۇرىلىسىنا، ۇلتتى گۇلدەندىرۋ ۇلى ىسىنە ۇزدىكسىز ۇلەس قوسىپ، داڭقىن اسىرۋىمىز كەرەك

  شينحۋا اگەنتتىگى، 3 - ايدىڭ 13 – كۇنى، بەيجيڭ. جۇڭحۋا حالىق رەسپۋبليكاسىنىڭ 14 - كەزەكتى مەملەكەتتىك حالىق قۇرىلتايىنىڭ 1 – ءماجىلىسى ءتۇرلى كەڭەستىك تارتىپتەرىن تابىسپەن ورىنداپ، جاڭا كەزەكتى مەملەكەت قۇرىلىمدارىنىڭ قۇرامىنداعىلاردى سايلاعاننان كەيىن 3 - ايدىڭ 13 - كۇنى تۇستەن بۇرىن بەيجيڭدەگى حالىق سارايىندا جابىلدى.

  ءماجىلىس بۇكىل ەلدەگى ءار ۇلت حالقىن شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، جۇڭگوشا سوتسياليزم ۇلى تۋىن بيىك ۇستاپ، شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدە تاباندى بولىپ، پارتيا 20 - قۇرىلتايىنىڭ رۋحىن جاپپاي دايەكتىلەندىرىپ، وزىنە سەنىپ، ءوزىن الۋەتتەندىرىپ، تۋراشىلدىقتان تايماي، جاڭالىق اشىپ، زەيىن - زەردەنى، كۇش - قۋاتتى شوعىرلاندىرىپ، شوگەلدىكپەن ىستەپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ جولىندا ىنتىماقتاسا كۇرەس جۇرگىزۋگە ۇندەدى.

  ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جيىندا ماڭىزدى ءسوز سويلەدى. ول مىنالاردى ءبىلدىردى: وسى جولعى ءماجىلىس مەنى جۇڭحۋا حالىق رەسپۋبليكاسىنىڭ ءتوراعالىعىنا تاعى دا سايلادى، مەن ۋاكىلدەردىڭ جانە بۇكىل ەلدەگى ءار ۇلت حالقىنىڭ ماعان سەنىم ارتقانىنا شىن جۇرەكتەن العىس ايتامىن. حالىقتىڭ سەنىمى − مەنىڭ العا باسۋىمداعى ەڭ زور قوزعاۋشى كۇش، سونداي - اق مەنىڭ اۋىر جاۋاپكەرلىگىم. مەن نەگىزگى زاڭدا جۇكتەلگەن مىندەتىمدى ادالدىقپەن وتەپ، مەملەكەتتىڭ قاجەتىن بورىش، حالىقتىڭ مۇددەسىن ولشەم ەتىپ، مىندەتىمدى ويداعىداي وتەپ، شىن پەيىلمەن ۇلەس قوسىپ، ۋاكىلدەر مەن بۇكىل ەلىمىزدەگى ءار ۇلت حالقىنىڭ ءۇمىتىن استە جەردە قالدىرمايمىن.

  مەملەكەتتىك 14 - كەزەكتى حالىق قۇرىلتايى تۇراقتى كوميتەتىنىڭ باستىعى، باستىعىنىڭ ورىنباسارلارى، باس حاتشىسى ءماجىلىستىڭ اتقارۋشى ءتوراعاسى مىندەتىن وتەدى ءارى ءتوراعالار مىنبەسىنىڭ الدىڭعى قاتارىنان ورىن الدى. ولار: جاۋ لىجي، لي حۇڭجۇڭ، ۋاڭ دۇڭميڭ، شياۋ جيە، جىڭ جيانباڭ، ديڭ جۇڭلي، حاۋ ميڭجين، ساي دافىڭ، حى ۋەي، ۋ ۋەيحۋا، تيە نيڭ، پىڭ چيڭحۋا، جاڭ چيڭۋەي، لوساڭ جياڭسۇن، شوكىرات زاكىر، ليۋ چي.

  لي چياڭ، ۋاڭ حۋنيڭ، ساي چي، ديڭ شۋەشياڭ، لي شي، حان جىڭ قاتارلى پارتيا مەن مەملەكەت باسشىلارى جيىنعا قاتىناستى.

  لي كىچياڭ، لي جانشۋ، ۋاڭ ياڭ، ۋاڭ چيشان قاتارلىلار ءتوراعالار مىنبەسىنەن ورىن الدى.

  جيىنعا قاتىناسۋعا ءتيىستى ۋاكىل 2977 ادام، قاتىناسقانى 2947 ادام، 30 ادام قاتىناسا المادى، قاتىناسقان ادام سانى زاڭدا بەلگىلەنگەن ادام سانىنا ۇيلەسەدى.

  جابىلۋ جيىنىن ءماجىلىستىڭ اتقارۋشى ءتوراعاسى، 14 - كەزەكتى مەملەكەتتىك حالىق قۇرىلتايى تۇراقتى كوميتەتىنىڭ باستىعى جاۋ لىجي باسقاردى.

  تۇستەن بۇرىن ساعات 9 دا جاۋ لىجي جيىننىڭ باستالعانىن جاريالادى.

  جيىن داۋىسقا سالۋ ارقىلى 14 - كەزەكتى مەملەكەتتىك حالىق قۇرىلتايى 1 - ءماجىلىسىنىڭ ۇكىمەت قىزمەتىنەن بايانداما جونىندەگى قاۋلىسىن ماقۇلدادى. قاۋلىدا مىنالار اتاپ كورسەتىلدى: ءماجىلىس جاڭا داۋىردەگى ەلىمىزدىڭ ەكونوميكالىق، قوعامدىق دامۋىندا قول جەتكىزىلگەن تاريحي جەتىستىكتەردى، تۋىلعان تاريحي وزگەرىستەردى جوعارى باعالاپ، مەملەكەتتىك كەڭەستىڭ وتكەن ءبىر جىلداعى جانە 5 جىلداعى قىزمەتتەرىن تولىق تۇراقتاندىرىپ، باياندامادا العا قويىلعان 2023 - جىلعى ەكونوميكالىق، قوعامدىق دامۋدىڭ جالپى تالابىنا، باستى نىساناسىنا، ساياساتتىق بەتالىسىنا جانە ءتۇيىندى قىزمەتتەرىنە ماقۇل بولىپ، وسى باياندامانى بەكىتۋدى ۇيعاردى.

  جيىن زاڭ شىعارۋ زاڭىنا وزگەرىس ەنگىزۋ جونىندەگى قاۋلىنى داۋىسقا سالىپ ماقۇلدادى. قاۋلى 2023 – جىلى 3 - ايدىڭ 15 – كۇنىنەن باستاپ اتقارىلادى. مەملەكەت ءتوراعاسى شي جينپيڭ 3 - ءنومىرلى ءتوراعا بۇيرىعىنا قول قويىپ جاريالادى.

  جيىن 14 - كەزەكتى مەملەكەتتىك حالىق قۇرىلتايى 1 – ءماجىلىسىنىڭ 2022 - جىلعى حالىق شارۋاشىلىعى مەن قوعامدىق دامۋ جوسپارىنىڭ اتقارىلۋ احۋالى جانە 2023 - جىلعى حالىق شارۋاشىلىعى مەن قوعامدىق دامۋ جوسپارى جونىندەگى قاۋلىنى داۋىسقا سالىپ ماقۇلداپ، 2022 - جىلعى حالىق شارۋاشىلىعى مەن قوعامدىق دامۋ جوسپارىنىڭ اتقارىلۋ احۋالى جانە 2023 - جىلعى حالىق شارۋاشىلىعى مەن قوعامدىق دامۋ جوسپارى جوباسى جونىندەگى باياندامانى بەكىتۋدى ۇيعاردى، 2023 - جىلعى حالىق شارۋاشىلىعى مەن قوعامدىق دامۋ جوسپارىن بەكىتتى؛ 14 - كەزەكتى مەملەكەتتىك حالىق قۇرىلتايى 1 – ءماجىلىسىنىڭ 2022 - جىلعى ورتالىق پەن جەرگىلىكتى ورىننىڭ مەجە ەسەبىنىڭ اتقارىلۋ احۋالى جانە 2023 - جىلعى ورتالىق پەن جەرگىلىكتى ورىننىڭ مەجە ەسەبى جونىندەگى قاۋلىنى داۋىسقا سالىپ ماقۇلداپ، 2022 - جىلعى ورتالىق پەن جەرگىلىكتى ورىننىڭ مەجە ەسەبىنىڭ اتقارىلۋ احۋالى جانە 2023 - جىلعى ورتالىق پەن جەرگىلىكتى ورىننىڭ مەجە ەسەپ جوباسى جونىندەگى باياندامانى بەكىتۋدى ۇيعاردى، 2023 - جىلعى ورتالىقتىڭ مەجە ەسەبىن بەكىتتى.

  جيىن مەملەكەتتىك حالىق قۇرىلتايى تۇراقتى كوميتەتىنىڭ قىزمەتىنەن بايانداما تۋرالى قاۋلىنى، ەڭ جوعارى حالىق سوتى مەكەمەسىنىڭ قىزمەتىنەن بايانداما تۋرالى قاۋلىنى، ەڭ جوعارى حالىق پروكۋراتۋراسىنىڭ قىزمەتىنەن بايانداما تۋرالى قاۋلىنى داۋىسقا سالىپ ماقۇلداپ، وسى 3 باياندامانى بەكىتۋدى ۇيعاردى.

  وسى كەڭەستىك تارتىپتەر ورىندالعان سوڭ شي جينپيڭ ماڭىزدى ءسوز سويلەدى.

  شي جينپيڭ بىلاي دەپ اتاپ كورسەتتى: بەس مىڭ جىلدان استام وركەنيەت تاريحىنا يە جۇڭحۋا ۇلتى تاريحتا سانسىز شۇعىلالى ناتيجە جاراتتى، تالاي تاۋقىمەتتى باستان كەشىردى. تاياۋ زاماننان كەيىن جۇڭگو بىرتە - بىرتە جارتىلاي وتار، جارتىلاي فەودالدىق قوعامعا اينالىپ، زورەكەر ەلدەردىڭ قورلاۋىنا ۇشىراپ، توز - توزى شىعىپ، سوعىس دۇركىن - دۇركىن تۋىلىپ، بۇكىل حالىق كۇيزەلىسكە تاپ بولدى. جۇڭگو كوممۋنيستىك پارتياسى قۇرىلعاننان كەيىن بۇكىل ەلدەگى ءار ۇلت حالقىن تىعىز ىنتىماقتاستىرىپ جانە باستاپ، 100 جىلدىق كۇرەس ارقىلى ۇلتتىق قورلانۋدى جۋىپ - شايىپ، جۇڭگو حالقى ءوز تاعدىرىنىڭ قوجاسىنا اينالدى، جۇڭحۋا ۇلتى ەڭسە كوتەرۋدەن، بايۋدان قۇدىرەتتەنۋگە دەيىنگى ۇلى شارىقتاۋدى قارسى الدى، جۇڭحۋا ۇلتىنىڭ ۇلى گۇلدەنۋى كەرى بۇرۋعا بولمايتىن تاريحي كەزەڭگە ءوتتى.

  شي جينپيڭ مىنالاردى دارىپتەدى: قازىردەن باستاپ وسى عاسىردىڭ ورتا شەنىنە دەيىن، جاپپاي سوتسياليستىك وسىزاماندانعان قۇدىرەتتى ەل قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ − بۇكىل پارتيانىڭ، بۇكىل ەل حالقىنىڭ وزەكتى مىندەتى. مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ ۇتىلامالى تاياقشاسى تاريح تۇرعىسىنان ءبىزدىڭ موينىمىزعا جۇكتەلدى. ءبىز پارتيا 20 - قۇرىلتايىنىڭ ستراتەگيالىق ورنالاستىرۋى بويىنشا، ”بەستى ءبىر تۇلعالاندىرۋ“ جالپىلىق ورنالاستىرۋىن ءبىر تۇتاس ىلگەرىلەتۋدە، ”ءتورتتى جاپپاي ورىنداۋ“ ستراتەگيالىق ورنالاستىرۋىن سايكەستى ىلگەرىلەتۋدە تاباندى بولىپ، جۇڭگو ۇلگىسىندەگى وسىزامانداندىرۋ قۇرىلىسىن جەدەل ىلگەرىلەتىپ، ىنتىماقتاسا كۇرەس جۇرگىزىپ، ءورىس اشا جاڭالىق اشىپ، جاڭا جورىقتا ءداۋىردىڭ، تاريحتىڭ، حالىقتىڭ ءۇمىتىن اقتايتىن ناتيجە جاراتىپ، قۇدىرەتتى ەل قۇرۋدى، ۇلتتىڭ گۇلدەنۋىن ىلگەرىلەتۋگە وسى بۋىننىڭ تيەسىلى ۇلەسىن قوسۋىمىز كەرەك.

  شي جينپيڭ بىلاي دەپ اتاپ كورسەتتى: مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ جاڭا ساپارىندا ءبىز ساپالى دامۋدى بۇلجىماستان ىلگەرىلەتۋىمىز كەرەك. جاڭا دامۋ ۇستانىمىن تولىق، ءدال، جاپپاي دايەكتىلەندىرىپ، جاڭا دامۋ ارناسىن جەدەل ورناتىپ، عىلىم - تەحنيكا، وقۋ - اعارتۋ ارقىلى مەملەكەتتى گۇلدەندىرۋ ستراتەگياسىن، دارىندىلار ارقىلى مەملەكەتتى قۇدىرەتتەندىرۋ ستراتەگياسىن، جاڭالىق اشۋ ارقىلى دامۋعا دەم بەرۋ ستراتەگياسىن ىشكەرىلەي اتقارىپ، عىلىم - تەحنيكادا ءوز كۇشىنە سۇيەنىپ، ءوزىن الۋەتتەندىرۋ قابىلەتىن كۇش سالا جوعارىلاتىپ، كاسىپ سالاسىنىڭ تيبىن جاڭالاپ، دارەجەسىن جوعارىلاتۋدى ىلگەرىلەتىپ، قالا مەن اۋىلدىڭ وڭىرلىك سايكەستى دامۋىن ىلگەرىلەتىپ، ەكونوميكالىق، قوعامدىق دامۋدىڭ جاسىل تيپكە بۇرىلىس جاساۋىن، تومەن كومىرتەكتەنۋىن ىلگەرىلەتىپ، ەكونوميكادا ساپانىڭ ءونىمدى جوعارىلاۋى مەن مولشەردىڭ ۇيلەسىمدى ارتۋىن ىلگەرىلەتىپ، ەلىمىزدىڭ ەكونوميكالىق قۋاتىن، عىلىم - تەحنيكالىق قۋاتىن، مەملەكەتتىڭ جالپىلىق قۋاتىن ۇزدىكسىز ۇلعايتۋ كەرەك.

  شي جينپيڭ مىنالاردى دارىپتەدى: ءبىز حالىقتى بارىنەن جوعارى قويۋدا باستان - اياق تاباندى بولۋىمىز كەرەك. جاپپاي سوتسياليستىك وسىزاماندانعان قۇدىرەتتى ەل قۇرۋدا حالىق − شەشۋشى كۇش. جالپى بارىستىق حالىق دەموكراتياسىن بەلسەنە دامىتىپ، پارتيا باسشىلىعىنىڭ، حالىقتىڭ قوجايىن بولۋىنىڭ، مەملەكەتتى زاڭمەن جونگە سالۋدىڭ ورگانيكالى بىرلىگىندە تاباندى بولىپ، حالىقتىڭ قوجايىن بولۋى ءتۇزىم جۇيەسىن اقاۋسىزداندىرىپ، حالىقتىڭ ەركىن جۇزەگە اسىرىپ، حالىقتىڭ ۇقىق - مۇددەسىن قامتاماسىز ەتىپ، جالپى حالىقتىڭ بەلسەندىلىگىن، ىرىقتىلىعىن، جاسامپازدىعىن تولىق قاۋلاتۋ كەرەك. حالىقتى وزەك ەتكەن دامۋ يدەياسىن دايەكتىلەندىرىپ، ءبولىس ءتۇزىمىن كەمەلدەندىرىپ، قوعامدىق قامتاماسىزداندىرۋ جۇيەسىن اقاۋسىزداندىرىپ، نەگىزگى الەۋمەتتىك قىزمەت وتەۋدى كۇشەيتىپ، حالىق تۇرمىسىنىڭ تومەنگى شەگىن ساقتاپ، حالىق بۇقاراسىنىڭ شۇعىل، قيىن، ۋايىمداعان، ءزارۋ ماسەلەلەرىن ويداعىداي شەشىپ، وسىزامانداندىرۋ قۇرىلىسىنىڭ جەتىستىكتەرىنەن جالپى حالىقتى اناعۇرلىم كوپ، اناعۇرلىم ءادىل يگىلىكتەندىرىپ، جالپى حالىقتىڭ بىرگە بايۋىن ىلگەرىلەتۋدە اناعۇرلىم كورنەكتى، ماندىك ىلگەرىلەۋشىلىككە ۇزدىكسىز قول جەتكىزۋ كەرەك. بۇكىل ەلدەگى ءار ۇلت حالقىنىڭ ۇلى ىنتىماعىن، ەل ءىشى - سىرتىنداعى جۇڭحۋا ۇلاندارىنىڭ ۇلى ىنتىماعىن ۇزدىكسىز بەكەمدەپ، دامىتىپ، بارلىق بەلسەندى فاكتوردى تولىق جۇمىلدىرىپ، مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ قۇدىرەتتى كۇش - قۋاتىن توپتاۋ كەرەك.

  شي جينپيڭ مىنالاردى اتاپ كورسەتتى: حاۋىپسىزدىك − دامۋدىڭ نەگىزى، ورنىقتىلىق − قۇدىرەتتەنۋدىڭ العى شارتى. جالپى تۇلعالىق مەملەكەت حاۋىپسىزدىگى كوزقاراسىن دايەكتىلەندىرىپ، مەملەكەت حاۋىپسىزدىگى جۇيەسىن اقاۋسىزداندىرىپ، مەملەكەت حاۋىپسىزدىگىن قورعاۋ قابىلەتىن كۇشەيتىپ، الەۋمەتتىك حاۋىپسىزدىكتى جونگە سالۋ دەڭگەيىن جوعارىلاتىپ، قوعامدىق جونگە سالۋ جۇيەسىن كەمەلدەندىرىپ، جاڭا حاۋىپسىزدىك ارناسى ارقىلى جاڭا دامۋ جاعدايىن قامتاماسىز ەتۋ كەرەك. مەملەكەت قورعانىسى مەن ارميانى وسىزامانداندىرۋ قۇرىلىسىن جاپپاي ىلگەرىلەتىپ، حالىق ارمياسىن مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن ءونىمدى قورعايتىن قۇرىش قورعان ەتىپ قۇرىپ شىعۋ كەرەك.

  شي جينپيڭ بىلاي دەپ دارىپتەدى: مەملەكەتتى قۇدىرەتتەندىرۋ قۇرىلىسىن ىلگەرىلەتۋ شياڭگاڭنىڭ، اۋمىننىڭ ۇزاق ۋاقىت گۇلدەنۋىنەن، ورنىقتى بولۋىنان ايرىلا المايدى. ”ءبىر ەل، ەكى ءتۇزىم“، ”شياڭگاڭدى شياڭگاڭدىقتار باسقارۋ“، ”اۋمىندى اۋمىندىقتار باسقارۋ“، وسكەلەڭ اۆتونوميا باعىتىن جان - جاقتى، دۇرىس، اۋىتقىماي دايەكتىلەندىرىپ، شياڭگاڭدى، اۋمىندى زاڭمەن باسقارۋدا تاباندى بولىپ، شياڭگاڭ، اۋمىن ەرەكشە اكىمشىلىك رايوندارىنىڭ ەكونوميكانى دامىتۋىنا، حالىق تۇرمىسىن جاقسارتۋىنا، مەملەكەتتىڭ دامۋ جالپى جاعدايىمەن اناعۇرلىم ويداعىداي توعىسۋىنا قولداۋ كورسەتۋ كەرەك. وتاننىڭ تولىق بىرلىككە كەلۋىن جۇزەگە اسىرۋ − بارلىق جۇڭحۋا ۇلاندارىنىڭ ورتاق تىلەگى، ۇلتتى گۇلدەندىرۋ تاقىرىبىنداعى مازمۇن. جاڭا داۋىردەگى پارتيانىڭ تايۋان ماسەلەسىن شەشۋ جالپى جوباسىن دايەكتىلەندىرىپ، ءبىر جۇڭگو پرينسيبى مەن ”92 - جىلعى ورتاق تانىمدا“ تاباندى بولىپ، ەكى جاعالاۋ قارىم - قاتىناسىنىڭ بەيبىت دامۋىن بەلسەنە جەبەپ، سىرتقى كۇشتەردىڭ كيلىگۋىنە جانە ”تايۋان دەربەستىگى“ بولشەكتەۋ ارەكەتىنە باتىل قارسى تۇرىپ، وتاندى بىرلىككە كەلتىرۋ اياق الىسىن تاباندىلىقپەن ىلگەرىلەتۋ كەرەك.

  شي جينپيڭ مىنالاردى دارىپتەدى: جۇڭگونىڭ دامۋى دۇنيە جۇزىنە پايدا جەتكىزەدى، جۇڭگونىڭ دامۋى دۇنيە جۇزىنەن ايرىلا المايدى. ءبىز جوعارى دەڭگەيدە سىرتقا ەسىك اشۋدى تىڭعىلىقتى ىلگەرىلەتىپ، دۇنيە جۇزىلىك بازار مەن بايلىقتان ويداعىداي پايدالانىپ ءوزىمىزدى دامىتۋمەن بىرگە، دۇنيە ءجۇزىنىڭ بىرگە دامۋىن دا ىلگەرىلەتۋىمىز كەرەك. ءبىز بەيبىتشىلىك، دامۋ، سەلبەستىك، تەڭ يگىلىككە كەنەلۋ تۋىن بيىك ۇستاپ، باستان - اياق تاريحتىڭ دۇرىس جاعىندا تۇرىپ، ناعىز كوپ جاقتىلىقتى امالياتتا ايگىلەپ، بۇكىل ادامزاتتىڭ ورتاق قۇنىن امالياتتا ايگىلەپ، دۇنيە جۇزىلىك جونگە سالۋ جۇيەسى رەفورماسى مەن قۇرىلىسىنا بەلسەنە ات سالىسىپ، اشىق دۇنيە ءجۇزى ەكونوميكاسىن قۇرۋدى ىلگەرىلەتىپ، دۇنيە جۇزىلىك دامۋ باستاماسىنىڭ، دۇنيە جۇزىلىك حاۋىپسىزدىك باستاماسىنىڭ تياناقتانۋىن ىلگەرىلەتىپ، دۇنيە ءجۇزىنىڭ بەيبىتشىلىگى مەن دامۋىنا اناعۇرلىم كوپ ورنىقتىلىق پەن وڭ ەنەرگيا ۇستەپ، ەلىمىزدىڭ دامۋىنا تاماشا حالىقارالىق ورتا جاراتۋىمىز كەرەك.

  شي جينپيڭ بىلاي دەپ اتاپ كورسەتتى: مەملەكەتتى جونگە سالۋدا، ءسوز جوق، الدىمەن پارتيانى جونگە سالۋ كەرەك، پارتيا كوركەيگەندە عانا مەملەكەتتى قۇدىرەتتەندىرۋگە بولادى. قۇدىرەتتى ەل قۇرۋدى ىلگەرىلەتۋدە، ءسوز جوق، جۇڭگو كوممۋنيستىك پارتياسىنىڭ باسشىلىعى مەن پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىندا تاباندى بولىپ، پارتيا قۇرىلىسىن شىنايى كۇشەيتۋ كەرەك. ۇلكەن پارتياعا عانا ءتان قيىن ماسەلەلەردى شەشۋدىڭ سەرگەكتىگى مەن باتىلدىعىن قاي - قاشان دا ساقتاپ، وزىنە توڭكەرىس جاساۋعا باتىل بولىپ، پارتيانى جاپپاي قاتاڭ جونگە سالۋدى ءبىر ءسات تە توقتاتپاي، شىرىكتەسۋگە تاباندىلىقپەن قارسى تۇرىپ، پارتيانىڭ ىنتىماعىن، بىرلىگىن باستان - اياق ساقتاپ، پارتيانىڭ ماڭگى ساپاسىنىڭ وزگەرمەۋىنە، سيپاتىنىڭ وزگەرمەۋىنە، قاسيەتىنىڭ وزگەرمەۋىنە كەپىلدىك ەتىپ، مەملەكەتتى قۇدىرەتتەندىرۋ قۇرىلىسىنا، ۇلتتىڭ گۇلدەنۋىنە پارمەندى كەپىلدىك ازىرلەۋ كەرەك.

  شي جينپيڭ مىنالاردى دارىپتەدى: مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ ايبىندى نىساناسى ادامعا شابىت بەرىپ، ادامدى العا باسۋعا جەبەيدى. ءبىز ۋاقىتپەن جارىسىپ، تاريحي سەنىمدى بەكەمدەپ، تاريحي ىرىقتىلىقتى كۇشەيتىپ، تۋراشىلدىقتان جازباي، جاڭالىق اشۋدا تاباندى بولىپ، ستراتەگيالىق تاباندىلىقتى ساقتاپ، كۇرەس رۋحىن ساۋلەلەندىرىپ، قيىندىقتاردى جەڭىپ، مەملەكەتتى قۇدىرەتتەندىرۋ قۇرىلىسىنا، ۇلتتى گۇلدەندىرۋ ۇلى ىسىنە ۇزدىكسىز ۇلەس قوسىپ، داڭقىن اسىرۋىمىز كەرەك (ءسوزدىڭ تولىق مازمۇنىن «حالىق گازەتىنىڭ» 2 - بەتىنەن وقي الاسىزدار).

  شي جينپيڭنىڭ سوزىنە بۇكىل زالداعىلار كوپ مارتە قىزۋ شاپالاق سوقتى.

  ونان سوڭ جاۋ لىجي دە ءسوز سويلەدى. ول بىلاي دەدى: ءتوراعا شي جينپيڭنىڭ ماڭىزدى ءسوزىن بۇكىلدەي قۇپتايمىن جانە جاقتايمىن. ءسوز حالىق مايدانىندا بەرىك تۇرىپ، تاريحي سەنىمدى بەكەمدەپ، بورىش پەن جاۋاپكەرلىكتى ايگىلەپ، العا باسۋ بەتالىسىنا جەتەكشىلىك ەتەدى، ءسوز جوق، بۇكىل ەلدەگى ءار ۇلت حالقىن مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ جاڭا جورىعىندا اسقاق جىگەرمەن قايراتتانا ۇمتىلىپ، ەرلىكپەن العا باسۋعا شابىتتاندىرادى، مۇقيات ۇيرەنىپ، ءتۇسىنىپ، جاپپاي دايەكتى تياناقتاندىرۋ كەرەك. ول بىلاي دەدى: شي جينپيڭ جولداستىڭ تاعى دا تولىق داۋىسپەن جۇڭحۋا حالىق رەسپۋبليكاسىنىڭ ءتوراعالىعىنا، جۇڭحۋا حالىق رەسپۋبليكاسى ورتالىق اسكەري ىستەر كوميتەتىنىڭ ءتوراعالىعىنا سايلانۋى مەملەكەتتىك حالىق قۇرىلتايى ۋاكىلدەرىنىڭ ورتاق ەركى مەن بۇكىل ەلدەگى ءار ۇلت حالقىنىڭ ورتاق تىلەگىن بەينەلەدى. پارتيانىڭ شي جينپيڭ جولداستىڭ پارتيا ورتالىق كوميتەتىنىڭ ۇيىتقىسى، بۇكىل پارتيانىڭ ۇيىتقىسى ورنىن تۇراقتاندىرۋى، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ جەتەكشى ورنىن تۇراقتاندىرۋى جاڭا داۋىردەگى پارتيا مەن مەملەكەت ىستەرىنىڭ دامۋىندا، جۇڭحۋا ۇلتىنىڭ ۇلى گۇلدەنۋى سىندى تاريحي اياق الىستى ىلگەرىلەتۋدە شەشۋشى مانگە يە. ”ەكىنى تۇراقتاندىرۋدى“ باتىل جاقتاپ، ”ءتورت تانىمدى“ سانالىلىقپەن كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداۋ كەرەك.

  جاۋ لىجي بىلاي دەدى: ءماجىلىس پارتيا 20 - قۇرىلتايىنىڭ جانە 20 - كەزەكتى ورتالىق كوميتەتتىڭ ءبىرىنشى، ەكىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، ءتۇرلى كەڭەستىك تارتىپتەردى تابىسپەن ورىندادى، دەموكراتيالى، ىنتىماقتى، شىنشىل، ەرلىكپەن العا ۇمتىلعان ءماجىلىس بولدى. ول مەملەكەتتىك 14 - كەزەكتى حالىق قۇرىلتايى جانە ونىڭ تۇراقتى كوميتەتى اتىنان مەملەكەتتىك 13 - كەزەكتى حالىق قۇرىلتايىنىڭ ۋاكىلدەرىنە، مەملەكەتتىك 13 - كەزەكتى حالىق قۇرىلتايى تۇراقتى كوميتەتىنىڭ قۇرامىنداعىلارعا، لي جانشۋ جولداسقا وسكەلەڭ قۇرمەت ءبىلدىردى.

  جاۋ لىجي بىلاي دەدى: ءماجىلىس 14 - كەزەكتى مەملەكەتتىك حالىق قۇرىلتايىنىڭ تۇراقتى كوميتەتىن سايلادى ءارى مەنى كوميتەت باستىقتىعىنا سايلادى. ءبىز ۋاكىلدەردىڭ سەنىمىنە شىن جۇرەكتەن العىس ايتامىز، بورىشىمىزدىڭ وسكەلەڭ، جاۋاپكەرلىگىمىزدىڭ اۋىر ەكەنىن تەرەڭ سەزىنەمىز. ءبىز پارتيانىڭ جاپپاي باسشىلىعىندا باستان - اياق تاباندى بولىپ، حالىق قۇرىلتايى ۋاكىلدەرى مەن حالىق بۇقاراسىنا تىعىز سۇيەنىپ، نەگىزگى زاڭدى قاستەرلەپ، مىندەتىمىزدى ادا ەتىپ، پاك، كوپشىل بولىپ، حالىقتىڭ باقىلاۋىن قابىلداپ، پارتيا مەن مەملەكەت ىستەرى ءۇشىن شىن نيەتپەن ۇلەس قوسىپ، ۋاكىلدەر مەن بۇكىل ەلدەگى ءار ۇلت حالقىنىڭ ماڭىزدى تاپسىرماسىن ورىندايمىز.

  جاۋ لىجي بىلاي دەدى: پارتيانىڭ 20 - قۇرىلتايى جاپپاي سوتسياليستىك وسىزاماندانعان قۇدىرەتتى ەل قۇرۋ، جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ ۇلى جوباسىن جاسادى. 14 - كەزەكتى مەملەكەتتىك حالىق قۇرىلتايى جانە ونىڭ تۇراقتى كوميتەتى پارتيا 20 - قۇرىلتايىنىڭ رۋحىن جاپپاي دايەكتىلەندىرىپ، نەگىزگى زاڭ مەن زاڭداردا جۇكتەلگەن قىزمەت جاۋاپكەرلىگىن مۇقيات اتقارىپ، پارتيا باسشىلىعىنىڭ، حالىقتىڭ قوجايىن بولۋىنىڭ، مەملەكەتتى زاڭمەن جونگە سالۋدىڭ ورگانيكالى بىرلىگىندە تاباندى بولىپ، حالىق قۇرىلتايى تۇزىمىندە ويداعىداي تاباندى بولىپ، ونى ويداعىداي كەمەلدەندىرىپ، ويداعىداي جۇرگىزىپ، پارتيا 20 - قۇرىلتايىندا بەلگىلەنگەن نىسانالى مىندەتتەردىڭ تياناقتانىپ، ناتيجە بەرۋىن ىلگەرىلەتىپ، جاپپاي سوتسياليستىك وسىزاماندانعان مەملەكەت قۇرۋعا ۇلەس قوسۋى كەرەك.

  جاۋ لىجي بىلاي دەدى: ءبىز جالپى بارىستىق حالىق دەموكراتياسىن دامىتىپ، حالىقتىڭ زاڭ بويىنشا دەموكراتيالىق سايلاۋ جۇرگىزۋىنە، دەموكراتيالىق كەڭەسۋىنە، دەموكراتيالىق شەشىم جاساۋىنا، دەموكراتيالىق باسقارۋىنا، دەموكراتيالىق باقىلاۋىنا كەپىلدىك ەتۋىمىز كەرەك. نەگىزگى زاڭنىڭ جاپپاي اتقارىلۋىنا كەپىلدىك ەتەتىن ءتۇزىم جۇيەسىن اقاۋسىزداندىرىپ، نەگىزگى زاڭدى اتقارۋ جانە باقىلاۋ دەڭگەيىن ۇزدىكسىز جوعارىلاتۋ كەرەك. عىلمي، دەموكراتيالى، زاڭ بويىنشا زاڭ شىعارۋدى ىشكەرىلەي ىلگەرىلەتىپ، زاڭ جۇيەسىنىڭ اناعۇرلىم عىلمي، كەمەلدى، ءبىر تۇتاس، بەدەلدى بولۋىنا مۇمكىندىك جاساۋ كەرەك. دۇرىس، ءونىمدى، زاڭ بويىنشا باقىلاۋ جۇرگىزىپ، نەگىزگى زاڭ مەن زاڭداردىڭ جاپپاي، ءونىمدى اتقارىلۋىنا كەپىلدىك ەتۋ كەرەك. ۋاكىلدەردىڭ حالىقتىڭ اراسىنان شىعۋ، حالىققا تامىر تارتۋ ەرەكشەلىگى مەن ابزالدىعىن تولىق ساۋلەلەندىرىپ، پارتيا مەن مەملەكەتتىڭ حالىق بۇقاراسىمەن بايلانىس جاسايتىن كوپىرى بولۋ مىندەتىن ويداعىداي اتقارۋ كەرەك. حالىق قۇرىلتايى مەن ونىڭ تۇراقتى كوميتەتىنىڭ وزىندىك قۇرىلىسىن جاپپاي كۇشەيتىپ، جاڭا ءداۋىردىڭ جاڭا جورىعى جۇكتەگەن بورىش پەن جاۋاپكەرلىكتى شىنايى ارقالاۋ كەرەك (ءسوزدىڭ تولىق مازمۇنى بولەك جاريالاندى).

  ساعات 9 دان 57 مينۋت وتكەندە جاۋ لىجي جۇڭحۋا حالىق رەسپۋبليكاسى 14 - كەزەكتى مەملەكەتتىك حالىق قۇرىلتايى 1 - ءماجىلىسىنىڭ جابىلعانىن جاريالادى. جيىن ايبىندى مەملەكەت گيمنىمەن اياقتادى.

  ما شيڭرۇي، ۋاڭ ي، يىن لي، شى تايفىڭ، ليۋ گوجۇڭ، لي گانجيە، لي شۋلەي، حى ۋەيدۇڭ، حى ليفىڭ، جاڭ يوۋشيا، جاڭ گوچيڭ، چىن ۋىنچيڭ، چىن جينيڭ، چىن مين - ىر، يۋان جياجۇن، حۋاڭ كۇنميڭ، ليۋ جينگو، ۋاڭ شياۋحۇڭ، لي شاڭفۋ، ۋ جىڭلۇڭ، چىن ي - چين، چين گاڭ، جاڭ جۇن، يىڭ يۇڭ، حۋ چۇنحۋا، شىن يۋەيۋە، ۋاڭ يۇڭ، جوۋ چياڭ، پابالا گىلەلاڭجيە، حى حوۋحۋا، لياڭ جىنيىڭ، باتىر، سۋ حۇي، شاۋ حۇڭ، گاۋ يۇنلۇڭ، چىن ۋ، مۋ حۇڭ، شيان حۇي، ۋاڭ دۇڭفىڭ، جياڭ شينجى، جياڭ زوجۇن، حى باۋشياڭ، ۋاڭ گۋاڭچيان، چين بويۇڭ، جۋ يۇڭشين، ياڭ جىن جانە شۇي چيلياڭ، سۇن چۇنلان، ۋاڭ چىن، ليۋ حى، ياڭ شياۋدۋ، ساۋ جيانميڭ، جاڭ چۇنشيان، جي بيڭشۋان، ەركىن يمىرباقى، ۋان ىشياڭ، چىن جۋ، بايما چىلين، ۋەي فىڭحى، جاۋ كىجى، جاڭ چيڭلي، ليۋ چيباۋ، ۋان گاڭ، لۋ جانگۇڭ، ما بياۋ، شيا باۋلۇڭ، ياڭ چۋانتاڭ، لي بين، ۋاڭ يۇڭچيڭ، گۋ شىڭزۋ، ليۋ شينچىڭ، ورتالىق اسكەري ىستەر كوميتەتىنىڭ مۇشەلەرى ليۋ جىنلي، مياۋ حۋا، جاڭ شىڭمين قاتارلىلار دا ءتوراعالار مىنبەسىنەن ورىن الدى.

  شياڭگاڭ ەرەكشە اكىمشىلىك رايونىنىڭ اكىمى لي جياچاۋ، اۋمىن ەرەكشە اكىمشىلىك رايونىنىڭ اكىمى حى ي - چىڭ جيىنعا سىرتتاي قاتىناستى ءارى ءتوراعالار مىنبەسىنەن ورىن الدى.

  ورتالىق پەن مەملەكەت ورگاندارىنىڭ قاتىستى تاراۋلارىنىڭ، ازاتتىق ارميانىڭ قاتىستى ورىندارىنىڭ جانە قارۋلى ساقشى بولىمدەرىنىڭ، حالىقتىق ۇيىمداردىڭ قاتىستى جاۋاپتىلارى ماجىلىسكە سىرتتاي قاتىناستى نەمەسە ءماجىلىستى سىرتتاي تىڭدادى.

  شەتەلدەردىڭ جۇڭگوداعى ەلشىلەرى ءماجىلىستى سىرتتاي تىڭدادى.

  3 - ايدىڭ 13 - كۇنى تۇستەن كەيىن شي جينپيڭ قاتارلى پارتيا مەن مەملەكەت باسشىلارى حالىق سارايىندا مەملەكەتتىك 14 - كەزەكتى حالىق قۇرىلتايىنىڭ 1 - ماجىلىسىنە قاتىناسقان بارلىق ۋاكىلمەن كەزدەسىپ، ولارمەن بىرگە ەستەلىك سۋرەتكە ءتۇستى.

  كەلۋ قاينارى: حالىق تورابى
14 - كەزەكتى مەملەكەتتىك حالىق قۇرىلتايىنىڭ 1 - ءماجىلىسى 3 - ايدىڭ 13 - كۇنى بەيجيڭدەگى حالىق سارايىندا جابىلدى. شي جينپيڭ قاتارلى پارتيا مەن مەملەكەت باسشىلارى ءتوراعالار مىنبەسىنەن ورىن الدى. سۋرەتتى شينحۋا اگەنتتىگىنىڭ ءتىلشىسى حۋاڭ جيڭۋىن تۇسىرگەن

جاۋاپتى رەداكتورى : نۇرعيسا قۇرمانجان ۇلى