ەڭ جاڭا بەلگىلەمە! مىناداي جاعدايلاردا ماسكى تاقپاۋعا بولادى
2023.03.15 14:04 كەلۋ قاينارى : حالىق تورابى
جۋىردا وقۋ – اعارتۋ مينيسترلىگى، مەملەكەتتىك دەنساۋلىق ساقتاۋ – سالاماتتىق كوميتەتى قاتارلى تاراۋلار جوعارى مەكتەپتەر، ورتا، باستاۋىش مەكتەپتەر جانە بالا باعۋ ءۇيى، بالالار باقشاسى قۇرىلىمدارىندا جاڭا تيپتى ايدارشا ۆيرۋسپەن جۇعىمدالۋدان ساقتانۋ – تىزگىندەۋ تەحنيكالىق جوباسىن (جەتىنشى نۇسقا) بەلگىلەپ، باسىپ تاراتتى، بەلگىلەمەدە جوعارى مەكتەپتەردە، ورتا، باستاۋىش مەكتەپتەردە وقىتۋشىلار مەن وقۋشىلاردان مەكتەپتەگى مەزگىلدە ماسكى تاعۋدى ءماجبۇرلى تۇردە تالاپ ەتپەۋ، بالا باعۋ ءۇيى مەن بالالار باقشاسىنداعى سابيلەر باقشاداعى مەزگىلدە ماسكى تاقپاۋ قاتارلى شارالار ايقىندالعان. اناعۇرلىم كوپ مازمۇنداردى تومەندەگىدەي رەتتەپ شىقتىق.
ماسكى تاعۋ تۋرالى
››› وقۋ باستالعان سوڭ نەمەسە بالالار باقشاسى اشىلعان سوڭ، جوعارى مەكتەپتىڭ، ورتا، باستاۋىش مەكتەپتىڭ، بالا باعۋ ءۇيى مەن بالالار باقشاسىنىڭ وقىتۋشى – قىزمەتكەرلەرىنەن مەكتەپتەگى (مەكتەپ اۋلاسىنداعى) مەزگىلدە ءماجبۇرلى تۇردە ماسكى تاعۋ تالاپ ەتىلمەيدى، ءوزىنىڭ دەنساۋلىق جاعدايىنا نەمەسە قالاۋىنا قاراي ماسكى تاعۋ – تاقپاۋدى تاڭداۋىنا بولادى. سابيلەر بالالار باقشاسىنداعى مەزگىلدە ماسكى تاقپايدى.
››› مەكتەپ ىشىندەگى ەمدەۋ، اس – سۋ، اماندىق، تازالىق قىزمەتكەرلەرى جانە مەكتەپ اۆتوموبيلىنىڭ شوفەرى قاتارلى قىزمەتكەرلەر قىزمەتكە شىققان كەزدە مەديتسينالىق سىرتقى اۋرۋلار ماسكىسىن تاعۋى كەرەك.
››› وقىتۋشىلار مەن وقۋشىلاردا، قىزمەتكەرلەردە جانە سابيلەردە قىزۋى ورلەۋ، جوتەلۋ، تاماعى اۋرۋ قاتارلى جاڭا تيپتى ايدارشا ۆيرۋسپەن قاتىستى اۋرۋ بەلگىلەرى بايقالسا، انتيگەندى نەمەسە حىسۋاندى تەكسەرۋدى، ەمدەۋ جانە ءبىر – بىرلەپ تەكسەرۋدى دەرەۋ ورىستەتۋ قاجەت، ەگەر ناتيجەسى بولىمدى بولسا، ۋاقىتشا وتباسىندا بولىپ، اۋرۋىنا قاراي ەمدەلۋى (جوعارى مەكتەپتىڭ وقىتۋشى – وقۋشىلارى، قىزمەتكەرلەرى مەكتەپتەگى دەنساۋلىق ساقتاۋ پۋنكتىندە ەمدەلسە بولادى) قاجەت، دەنساۋلىعى قالپىنا كەلگەنشە، اۋرۋ كۇيىنشە قىزمەت ىستەۋىنە نەمەسە ۇيرەنۋىنە بولمايدى؛ ەگەر ناتيجەسى بولىمسىز بولسا، اۋرۋ بەلگىلەرى جويىلعانشا مەكتەپتە نەمەسە بالالار باقشاسىنداعى مەزگىلدە مەديتسينالىق سىرتقى اۋرۋلار ماسكىسىن تاعۋى قاجەت.
››› ەگەر ورتا، باستاۋىش مەكتەپتەر مەن بالا باعۋ ءۇيى، بالالار باقشاسى قاتارلى قۇرىلىمداردا جاڭا تيپتى ايدارشا ۆيرۋسپەن جۇعىمدالعاندار بايقالسا، جۇعىمدالۋشىنىڭ كلاسىنداعى وقۋشىلار نەمەسە سابيلەر، جۇعىمدالۋشىمەن تىكەلەي جاناسقان وقىتۋشى – وقۋشىلار، قىزمەتكەرلەر جانە سابيلەر 5 كۇن بويى ماسكى تاعىپ ءجۇرۋى، دەنساۋلىعىن باقىلاۋدى ويداعىداي ىستەۋى قاجەت؛ باسقا كلاستاعى وقۋشىلار مەن سابيلەردىڭ، وقىتۋشىلاردىڭ ماسكى تاعۋى دارىپتەلەدى.
››› وقىتۋشى – وقۋشىلار، قىزمەتكەرلەر جانە سابيلەر مەكتەپتەن نەمەسە بالالار باقشاسىنان كەتكەن سوڭ، سول جەردەگى قوعامدىق جاقتاعى ىندەتتەن ساقتانۋ – تىزگىندەۋگە قاتىستى تالاپتار بويىنشا ماسكىنى عىلىمي تۇردە تاعۋى قاجەت.
››› ەگەر سول جەردە ىندەت تارالىپ جاتقان بولسا، وقىتۋشى – وقۋشىلاردىڭ، قىزمەتكەرلەردىڭ مەكتەپ اۋلاسىندا ماسكى تاعۋى سىندى ىندەتتەن ساقتانۋ شاراسى قالپىنا كەلتىرىلەدى.
ىندەت تارالعان مەزگىلدە شۇعىل ساقتانۋ – تىزگىندەۋ جونىندە
››› ىندەت تارالماعان مەزگىلدە، جوعارى مەكتەپتەر ينتەرنەتتەن تىس قالىپتى وقىتۋ قيمىلدارىن ورىستەتەدى، مەكتەپتى تۇيىقتاپ باسقارۋعا رۇقسات بەرىلمەيدى. جوعارى مەكتەپتەردە جاڭا تيپتى ايدارشا ۆيرۋسپەن جۇعىمدالۋشى بايقالسا، ىندەتتىڭ ۇلعايۋ بەتالىسىنا جان – جاقتى زەرتتەپ تۇجىرىم جاساۋ ارقىلى عىلىمي، دالمە – ءدال ساقتانۋ – تىزگىندەۋ شارالارىن اتقارعان ءجون، قارا دۇرسىندىكپەن مەكتەپتى تۇيىقتاپ باسقارۋ، بارلىق ادامعا باعىتتاپ حىسۋان تەكسەرۋ قاتارلى ”ءبىر شىبىقپەن ايدايتىن“ شارالاردى قولدانۋعا بولمايدى. ىندەت تارالعان مەزگىلدە، جوعارى مەكتەپتەردىڭ ءسوزسىز قاجەتتى ەمەس ءىرى كولەمدەگى ادام شوعىرلاناتىن قيمىلداردى وتكىزۋدى ۇيلەسىمدى مەزگىلدە زاڭ بويىنشا ۋاقىتشا توقتاتۋ، مەكتەپ اۋلاسىنداعى الەۋمەتتىك ورىنداردا ادام سانىنا شەكتەمە قويۋ، ينتەرنەت ارقىلى ساباق ءوتۋ قاتارلى ۋاقىتتىق شۇعىل ساقتانۋ – تىزگىندەۋ شارالارىن اتقارۋىنا بولادى.
››› ىندەت تارالعان مەزگىلدە، ورتا، باستاۋىش مەكتەپتەردىڭ كلاستى، جىلدىقتى بىرلىك ەتىپ، ينتەرنەتتەن تىس ساباق وقىتۋدى توقتاتۋىنا، ۋاقىتشا ينتەرنەت ارقىلى ساباق وتۋىنە بولادى. ىندەتتەن ساقتانۋ شارالارى كۇشىنەن قالدىرىلعان سوڭ، ينتەرنەتتەن تىس وقىتۋدى دەر كەزىندە قالپىنا كەلتىرۋى قاجەت.
››› ىندەت تارالعان مەزگىلدە، بالا باعۋ ءۇيى، بالالار باقشاسى قۇرىلىمدارىنىڭ بالالار باقشاسىن اشۋدى كەشەۋىلدەتۋ قاتارلى ۋاقىتتىق شۇعىل ساقتانۋ – تىزگىندەۋ شارالارىن ۇيلەسىمدى ۋاقىتتا زاڭ بويىنشا اتقارۋىنا بولادى. ىندەتتەن ساقتانۋ شارالارى كۇشىنەن قالدىرىلعان سوڭ، بالا تاربيەلەۋ تارتىپتەرىن دەر كەزىندە قالپىنا كەلتىرۋى قاجەت.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
