اسقاق قايرات - جىگەرمەن جاڭا جورىققا اتتانىپ، گۇلدەنۋگە قاراي ەرلىكپەن العا تارتايىق
− 14 - كەزەكتى مەملەكەتتىك حالىق قۇرىلتايى 1 - ءماجىلىسىنىڭ جەڭىسپەن جابىلعاندىعىن قىزۋ قۇتتىقتايمىز
حالىق گازەتى باسماقالاسى
2023.03.15 14:30 كەلۋ قاينارى : شينجياڭ گازەتى
ايبىندى شىعىس جەلىندە، جاڭا جورىقتا ەكپىندەي ىلگەرىلەيىك؛ تىلەكتەردى توعىستىرىپ، كۇش - قۋات توپتاپ، قايراتتانا جەلكەن جايايىق. 3 - ايدىڭ 13 - كۇنى 14 - كەزەكتى مەملەكەتتىك حالىق قۇرىلتايى 1 - ءماجىلىسى ءتۇرلى كەڭەستىك تارتىپتەرىن تابىسپەن ورىنداپ، بەيجيڭدە جەڭىسپەن جابىلدى. ماجىلىسكە قاتىناسقان ۋاكىلدەر حالىقتىڭ ماڭىزدى تاپسىرماسىن ورىنداپ، بەلسەنە اقىل - كەڭەس بەرىپ، ءوز مىندەتتەرىن مۇقيات وتەپ، جاۋاپكەرشىلىكتەرىن ادا ەتتى، ءماجىلىستىڭ تابىستارى پارتيانىڭ دارىپتەمەسى مەن حالىقتىڭ ەركىنىڭ بىرلىگىن تولىق ايگىلەدى. ءبىز ماجىلىسكە قاتىناسقان ۋاكىلدەرگە وسكەلەڭ قۇرمەت بىلدىرەمىز، ءماجىلىستىڭ تابىستى بولعاندىعىن قىزۋ قۇتتىقتايمىز!
وسى جولعى جينالىس − پارتيا 20 - قۇرىلتايىنىڭ رۋحىن جاپپاي دايەكتىلەندىرۋدىڭ، تياناقتاندىرۋدىڭ باستاما جىلىندا اشىلعان ءبىر رەتكى ماڭىزدى ءماجىلىس، دەموكراتيالى، ىنتىماقتى، شىندىققا ۇمتىلعان، ەكپىندەي ىلگەرىلەگەن جينالىس بولدى. جينالىس وتكەن 5 جىلداعى پارتيا مەن مەملەكەت ىستەرىندە قول جەتكەن دۇنيە ءجۇزىن جالت قاراتقان كەلەلى تابىستاردى جوعارى باعالادى، ۋاكىلدەر ءبىر اۋىزدان بۇل شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىنىڭ جەمىسى، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ عىلمي جەتەكشىلىگىنىڭ جەمىسى، بۇكىل پارتيانىڭ، بۇكىل ارميانىڭ، بۇكىل ەلدەگى ءار ۇلت حالقىنىڭ ىنتىماقتاسا كۇرەس جاساۋىنىڭ جەمىسى دەپ قارادى. جينالىس سايلاعان جانە ۇيعارعان جاڭا كەزەكتى مەملەكەت قۇرىلىمدارى باسشىلارىنىڭ قۇرىلىمى اناعۇرلىم ساپالىلانىپ، ومىرشەڭدىگى اناعۇرلىم تاسقىنداپ، جاڭا داۋىردە جۇڭگوشا سوتسياليزمگە تاباندى بولۋعا جانە ونى دامىتۋعا ماڭىزدى ۇيىمدىق كەپىل ازىرلەدى. جينالىس ۇكىمەت قىزمەتىنەن باياندامانى جانە تاعى باسقا ءتۇرلى ماڭىزدى باياندامالاردى قارادى ءارى بەكىتتى، ۋاكىلدەر ءبىر اۋىزدان بىلاي دەپ قارادى: ۇكىمەت قىزمەتىنەن بايانداما شي جينپيڭ جاڭا ءداۋىر جۇڭگوشا سوتسياليزم يدەياسىن جانە پارتيا 20 - قۇرىلتايىنىڭ رۋحىن ايگىلەدى، بيىلعى ەكونوميكالىق، قوعامدىق دامۋدىڭ جالپى تۇلعالىق تالابىن، باستى مەجەلى نىساناسىن جانە قىزمەت ءتۇيىنىن ايقىندادى، شىندىققا جۇگىنىپ، ناقتىلى جۇمىستاردى ايتقان، ءورىس اشا العا ىلگەرىلەگەن، ىنتىماقتاسا ۇمتىلۋعا جىگەرلەندىرگەن تاماشا بايانداما بولدى. جينالىس قاراپ ماقۇلداعان زاڭ شىعارۋ زاڭىنا وزگەرىس ەنگىزۋ جونىندەگى قاۋلى جاڭا داۋىردەگى پارتيانىڭ زاڭ شىعارۋ قىزمەتىنە جاپپاي باسشىلىعىن كۇشەيتۋ، جالپى بارىستىق حالىق دەموكراتياسىنا تاباندى بولۋ جانە ونى دامىتۋ، زاڭ شىعارۋ قىزمەتىن كۇشەيتۋ جانە ونى جاقسارتۋ، نەگىزگى زاڭدى ۇيتقى ەتكەن جۇڭگوشا سوتسياليستىك زاڭ جۇيەسىن كەمەلدەندىرۋ، زاڭمەن باسقارۋدىڭ ءتۇبىردى بەكەمدەۋ، مەجەنى ورنىقتىرۋ، ۇزاق بولاشاقتىق ىستەرگە پايدالى بولۋدى قامتاماسىز ەتۋدەگى رولىن اناعۇرلىم ويداعىداي ساۋلەلەندىرۋ جونىنەن كەلەلى ءمان الادى. جينالىس قاراپ بەكىتكەن مەملەكەتتىك كەڭەس قۇرىلىمدارىنىڭ رەفورما جوباسى ۇكىمەت فۋنكتسياسىنا بۇرىلىس جاساۋدى كوزدەي وتىرىپ، زاڭمەن باسقارىلاتىن ۇكىمەت قۇرىلىسىن جەدەلدەتىپ، عىلىم - تەحنيكا، فينانستى باقىلاۋ - باسقارۋ، ساندى مالىمەتتى باسقارۋ، اۋىل - قىستاقتى گۇلدەندىرۋ، ءبىلىم مەنشىك ۇقىعى، قارتتار قىزمەتى سياقتى ءتۇيىندى سالالاردىڭ قۇرىلىمدارىنىڭ قىزمەت جاۋاپكەرشىلىگىن ساپالىلاندىرۋدى جانە رەتتەۋدى ءتۇيىندى تۇردە كۇشەيتىپ، جاپپاي سوتسياليستىك وسىزاماندانعان مەملەكەت قۇرۋعا، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋگە پارمەندى قامتاماسىزدىق ازىرلەيتىنى ءسوزسىز.
”مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ ۇتىلامالى تاياقشاسى تاريحي تۇردە ءبىز وسى ۇرپاق ادامدارىنىڭ موينىنا جۇكتەلدى“. جابىلۋ جينالىسىندا ءتوراعا شي جينپيڭ ماڭىزدى ءسوز سويلەپ، بۇكىل پارتيانىڭ، بۇكىل ەل حالقىنىڭ وزەكتى مىندەتىن ىشكەرىلەي بايىمداپ، مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ جاڭا جورىعىن كوزدەي وتىرىپ، ءبىز جوعارى ساپالى دامۋدى بۇلجىماي ىلگەرىلەتىپ، حالىقتى بارىنەن جوعارى قويۋعا باستان - اياق تاباندى بولىپ، دامۋ مەن حاۋىپسىزدىكتى اناعۇرلىم ويداعىداي ءبىر تۇتاس جوسپارلاپ، ”ءبىر ەل، ەكى ءتۇزىم“ امالياتىن جانە وتاننىڭ بىرلىككە كەلۋ ۇلى ءىسىن تىڭعىلىقتى ىلگەرىلەتىپ، ادامزاتتىڭ تاعدىرلاس ورتاق تۇلعاسىن قۇرۋدى قۇلشىنا ىلگەرىلەتۋىمىز كەرەك ەكەندىگىن باسا دارىپتەدى، ”مەملەكەتتى قۇدىرەتتەندىرۋ قۇرىلىسىن ىلگەرىلەتۋدە، ءسوز جوق، جۇڭگو كوممۋنيستىك پارتياسىنىڭ باسشىلىعى مەن پارتيا ورتالىق كوميتەتىنىڭ ورتالىقتانعان، ءبىر تۇتاس باسشىلىعىنا تاباندى بولىپ، پارتيا قۇرىلىسىن شىنايى كۇشەيتۋ كەرەك“ دەپ ىشكەرىلەي اتاپ كورسەتتى، ”ءبىز تەز قارمانىپ، تاريح سەنىمىن بەكەمدەپ، تاريحي ىرىقتىلىقتى كۇشەيتىپ، تۋراشىلدىقتان اينىماي، جاڭالىق اشۋعا تاباندى بولىپ، ستراتەگيالىق تاباندىلىقتى ساقتاپ، كۇرەسكەرلىك رۋحتى اسقاقتاتىپ، جۇرەكتىلىكپەن قامال الىپ، قيىندىقتى جەڭىپ، مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ ۇلى ءىسى ءۇشىن ۇزدىكسىز كۇش قوسۋىمىز، داڭق اپەرۋىمىز كەرەك“! دەپ باسا دارىپتەدى. ءتوراعا شي جينپيڭنىڭ ماڭىزدى ءسوزى حالىقتىق تۇرعىنى باتىل ساقتادى، تاريح سەنىمىن بەكەمدەدى، بورىش ارقالاۋدى ايگىلەدى، العا باسۋ بەتالىسىن كورسەتتى، بۇكىل ەلدەگى ءار ۇلت حالقىن مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ جاڭا جورىعىندا اسقاق جىگەرمەن العا ۇمتىلۋعا، ەرلىكپەن العا باسۋعا جىگەرلەندىرەتىندىگى ءسوزسىز.
ءتۇزىم ورنىقتى بولسا، مەملەكەت ورنىقتى بولادى، ءتۇزىم بەرىك بولسا، مەملەكەت كۇشتى بولادى. اماليات حالىق قۇرىلتايى ءتۇزىمى − پارتيانىڭ باسشىلىعىنىڭ، حالىقتىڭ قوجايىن بولۋىنىڭ، مەملەكەتتى زاڭمەن باسقارۋدىڭ ورگانيكالى بىرلىگىنە تاباندى بولۋداعى ءتۇبىرلى ساياسي تۇزىمدىك ورنالاستىرۋ ەكەندىگىن، ەلىمىزدىڭ مەملەكەت جاعدايىنا جانە ءىس جۇزىندىگىنە ۇيلەسەتىن، سوتسياليستىك مەملەكەتتىڭ سيپاتىن ايگىلەيتىن، حالىقتىڭ قوجايىن بولۋىنا كەپىلدىك ەتەتىن، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدى قامتاماسىز ەتەتىن تاماشا ءتۇزىم ەكەندىگىن تولىق دالەلدەدى. جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىندا ءبىز حالىق قۇرىلتايى تۇزىمىنە تيتتەي دە اۋىتقىماي تاباندى بولىپ، ونى داۋىرمەن بىرگە ىلگەرىلەي وتىرىپ كەمەلدەندىرىپ، حالىق قۇرىلتايى ءتۇزىمىنىڭ ءتۇبىرلى ساياسي تۇزىمدىك رولىن تولىق ساۋلەلەندىرىپ، حالىق قۇرىلتايى ءتۇزىمى ارقىلى مەملەكەت پەن ۇلتتىڭ بولاشاعى مەن تاعدىرىن حالىقتىڭ قولىنا ۇزدىكسىز مىقتاپ ۇستاتىپ، ءار جاقتىڭ اقىل - پاراساتى مەن كۇش - قۋاتىن پارتيا مەن حالىق ىستەرىنە اناعۇرلىم ويداعىداي ۇيىستىرۋىمىز كەرەك.
پارتيا 20 - قۇرىلتايى جاپپاي سوتسياليستىك وسىزاماندانعان مەملەكەت قۇرۋدىڭ، جۇڭحۋا ۇلتىنىڭ ۇلى گۇلدەنۋىن جۇڭگو ۇلگىسىندەگى وسىزامانداندىرۋ ارقىلى جاپپاي ىلگەرىلەتۋدىڭ ايبىندى جوباسىن كەسكىندەپ، جاڭا ءداۋىردىڭ جاڭا جورىعىندا پارتيا مەن مەملەكەت ىستەرىن دامىتۋدىڭ نىسانا - مىندەتتەرىن ايقىندادى. جاڭا ءداۋىردىڭ جاڭا جورىعىندا ەلىمىزدىڭ دامۋى تىڭ ستراتەگيالىق ورايلارعا، تىڭ ستراتەگيالىق مىندەتتەرگە، تىڭ ستراتەگيالىق كەزەڭدەرگە، تىڭ ستراتەگيالىق تالاپتارعا، تىڭ ستراتەگيالىق ورتاعا ءدوپ كەلىپ وتىر. جۇڭگو ۇلگىسىندەگى وسىزامانداندىرۋدى ىلگەرىلەتۋ − بۇرىنعىلار ىستەپ كورمەگەن نەگىز قالاۋ سيپاتتى ءىس، مەجەلەۋگە بولاتىن جانە مەجەلەۋ قيىن ءتۇرلى حاۋىپ - قاتەرلەر مەن سىن - سايىستارعا، جاپاعا، قيىندىققا، قاتەرگە، كەدەرگىگە، اۋەلى، داۋىلدى تولقىندارعا جولىعاتىندىعىمىز تابيعي. ىنتىماق − كۇش، كۇرەس جاساپ بولاشاققا جول اشۋعا بولادى. حالىقارالىق جانە ەل ءىشى ورتاسىندا تۋىلعان تەرەڭ دە كۇردەلى وزگەرىستەر الدىندا، ءبىز ستراتەگيالىق سەرگەكتىكتى، ستراتەگيالىق سەنىمدى، ستراتەگيالىق ىرىقتىلىقتى ساقتاپ، ءسوز جوق، جەڭىسكە جەتۋ سەنىمىن بەكەمدەپ، ستراتەگيالىق ورايدى مىقتى يگەرىپ، سىن - سايىستارعا بايسالدىلىقپەن توتەپ بەرىپ، ۇزدىكسىز تۇردە تار جول، تايعاق كەشۋلەردەن تايسالماي ءوتىپ، بەلگىلەنگەن ستراتەگيالىق نىسانانى بەتكە الىپ العا ىلگەرىلەپ، سابىرلى دا بايسالدى بولىپ، تاباندىلىقتى ساقتاپ، ورنىقتىلىق بارىسىندا ىلگەرىلەپ، بەلسەندى ىسكەرلىك كورسەتىپ، جۇدىرىقتاي جۇمىلىپ، كۇرەس جۇرگىزۋگە باتىل بولىپ، ويدى ءبىر اراعا شوعىرلاندىرىپ، كۇشتى ءبىر اراعا جۇمساپ، قيىن - قىستاۋ كۇندەردى بىرگە ەڭسەرىپ، ەل بىرلىگىنەن بەرىك قامال تۇرعىزىپ، ىستەردى دامىتۋدىڭ جاڭا جاعدايىن قۇلشىنا اشىپ، تىڭ دا اناعۇرلىم زور جەڭىستەرگە ۇزدىكسىز قول جەتكىزۋىمىز كەرەك.
بيىل 14 - كەزەكتى مەملەكەتتىك حالىق قۇرىلتايىنىڭ جانە ونىڭ تۇراقتى كوميتەتىنىڭ زاڭ بويىنشا مىندەت اتقاراتىن ءبىرىنشى جىلى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، باس شۋجي شي جينپيڭنىڭ حالىق قۇرىلتايى تۇزىمىنە تاباندى بولۋ جانە ونى كەمەلدەندىرۋ جونىندەگى ماڭىزدى يدەياسىن ىشكەرىلەي دايەكتىلەندىرىپ، پارتيا 20 - قۇرىلتايىنىڭ رۋحىن جاپپاي دايەكتىلەندىرىپ، تياناقتاندىرىپ، پارتيا باسشىلىعىنىڭ، حالىقتىڭ وزىنە - ءوزى قوجايىن بولۋىنىڭ، مەملەكەتتى زاڭمەن باسقارۋدىڭ ورگانيكالى بىرلىگىنە تاباندى بولىپ، حالىق قۇرىلتايى تۇزىمىنە ويداعىداي تاباندى بولىپ، ونى ويداعىداي كەمەلدەندىرىپ، ونى ويداعىداي جۇرگىزىپ، جۇڭگو ۇلگىسىندەگى وسىزامانداندىرۋدى تىڭعىلىقتى ىلگەرىلەتىپ، ورنىقتىلىق بارىسىندا ىلگەرىلەۋ قىزمەت جالپى ارناسىندا تاباندى بولىپ، جاڭا دامۋ ۇستانىمىن تولىق، دالمە - ءدال، جان - جاقتى دايەكتىلەندىرىپ، جاڭا ءداۋىردىڭ جاڭا جورىعىندا پارتيا مەن مەملەكەتتىڭ وزەكتى مىندەتىن تىعىز ارقاۋ ەتە وتىرىپ زاڭ بويىنشا مىندەت وتەپ، جاۋاپكەرشىلىك ارقالاپ، جاۋاپكەرشىلىكتى ادا ەتىپ، جاڭا داۋىردەگى حالىق قۇرىلتايى قىزمەتىن كۇشەيتىپ جانە جاقسارتىپ، جاپپاي سوتسياليستىك وسىزاماندانعان مەملەكەت قۇرۋ جولىندا جاقسى باستاما اشىپ، جاقسى قادام تاستاۋعا تيەسىلى ۇلەس قوسۋ كەرەك. ءبىز جاڭا كەزەكتى مەملەكەتتىك حالىق قۇرىلتايىنىڭ جانە ونىڭ تۇراقتى كوميتەتىنىڭ، ءسوز جوق، جاڭا ءداۋىردىڭ حالىق قۇرىلتايى قىزمەتىنە جۇكتەگەن تاريحي بورىشتى ارقالاپ، ءورىس اشا العا ىلگەرىلەپ، قايراتتانا ءىس تىندىرىپ، حالىق قۇرىلتايى قىزمەتىندە ۇزدىكسز جاڭا جاعداي اشاتىندىعىنا سەنەمىز.
جاڭا جورىقتا اسقاق جىگەرمەن قايراتتانا ۇمتىلىپ، گۇلدەنۋگە قاراي ەرلىكپەن العا تارتايىق. بۇگىن سان ميلليونداعان حالىقتىڭ ارىنى تاسقىنداپ، داڭق پەن ارمانعا تولى جاڭا جورىقتا ءبىر نيەتپەن ىنتىماقتاسا ەكپىندەي ىلگەرىلەۋدە. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، وزىمىزگە سەنىپ، ءوزىمىزدى الۋەتتەندىرىپ، تۋراشىلدىقتان اينىماي جاڭالىق اشىپ، جىگەرلەنە العا باسىپ، قايسارلىقپەن سايىسىپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ جولىندا ىنتىماقتاسا كۇرەس جۇرگىزەيىك.
(شينحۋا اگەنتتىگىنىڭ 3 - ايدىڭ 13 - كۇنى بەيجيڭنەن بەرگەن حابارى)
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
