شينحۋا اگەنتتىگى كولەمدى ادەبي حابار تاراتتى
«مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ تەلەگەي كۇشىن ۇيىستىرايىق − 2023 - جىلعى مەملەكەتتىك ەكى ءماجىلىس جونىندە شولۋ»
2023.03.15 14:30 كەلۋ قاينارى : شينجياڭ گازەتى
شينحۋا اگەنتتىگىنىڭ 3 - ايدىڭ 13 - كۇنى بەيجيڭنەن بەرگەن حابارى. شينحۋا اگەنتتىگى 3 - ايدىڭ 13 - كۇنى «مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ تەلەگەي كۇشىن ۇيىستىرايىق − 2023 - جىلعى مەملەكەتتىك ەكى ءماجىلىس جونىندە شولۋ» اتتى كولەمدى ادەبي حابار تاراتتى.
ماقالادا بىلاي دەلىندى: جاڭا داۋىردەگى جاڭا جورىقتا كورىكتى تاۋ - وزەندەر مىڭ بوياۋمەن ايشىقتالدى.
پارتيا 20 - قۇرىلتايىنىڭ رۋحىن جاپپاي دايەكتىلەندىرۋدىڭ باستاما جىلىندا، ۇمىتكە تولى وسى كوكتەمدە 14 - كەزەكتى مەملەكەتتىك حالىق قۇرىلتايىنىڭ 1 - ءماجىلىسى، مەملەكەتتىك ساياسي كەڭەس 14 - كەزەكتى كوميتەتىنىڭ 1 - ءماجىلىسى ءتۇرلى كەڭەستىك تارتىپتەرىن ورىنداپ، تابىسپەن جابىلدى.
3 - ايدىڭ 4 - كۇنىنەن 13 - كۇنىنە دەيىن جاڭا كەزەكتى مەملەكەتتىك حالىق قۇرىلتايىنىڭ ۋاكىلى، مەملەكەتتىك ساياسي كەڭەستىڭ مۇشەسى بولعان 5000نان استام ادام تىڭعىلىقتى تۇردە مىندەتىن اتقارىپ، جاۋاپكەرشىلىگىن وتەپ، بەلسەندىلىكپەن اقىل - كەڭەس بەرىپ، دەموكراتيالى، ىنتىماقتى، شىندىققا ۇمتىلعان، ەكپىندەي ىلگەرىلەگەن ءداۋىر سيمفونياسىن شىعانداتتى.
كوكتەمگى تاسقىن بۋىرقانىپ، جەلكەن جاياتىن كەز كەلدى.
جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 14 - كەزەكتى مەملەكەتتىك حالىق قۇرىلتايى 1 - ءماجىلىسىنىڭ جابىلۋ جينالىسىندا ماڭىزدى ءسوز سويلەپ، ۇندەۋ تاستادى −
”ىنتىماقتاسا كۇرەس جۇرگىزىپ، ءورىس اشا جاڭالىق اشىپ، جاڭا جورىقتا ءداۋىردىڭ ءۇمىتىن اقتايتىن، تاريحتىڭ ءۇمىتىن اقتايتىن، حالىقتىڭ ءۇمىتىن اقتايتىن ناتيجە جاراتىپ، مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋدى ىلگەرىلەتۋگە ءبىز وسى ۇرپاق ادامداردىڭ تيەسىلى ۇلەسىن قوسۋىمىز كەرەك“!
ماقالادا بىلاي دەپ اتاپ كورسەتىلدى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، بۇكىل ەلدەگى ءار ۇلت حالقى كوكىرەك كەرنەگەن سەنىممەن كۇش - قايراتتى تاسقىنداتىپ، جىگەرلەنە العا تارتىپ، تەلەگەي كۇش ۇيىستىرسا، جاڭا ۇلى كۇرەس ارقىلى جاڭا ۇلى ىستەر تىندىراتىندىعى داۋسىز.
ماقالا مىناداي ءتورت بولىككە بولىنگەن: باعىت - باعداردى تۇراقتاندىرىپ، جورىققا بىرگە اتتانۋ − پارتيا 20 - قۇرىلتايىنىڭ رۋحىن مەملەكەتتىڭ ەركىنە جانە ورتاق ارەكەتىنە اينالدىرىپ، جاڭا تاريحي باستامادا جاڭا كۇرەس نىساناسىن بەتكە الا ىلگەرىلەۋ؛ وزىنە سەنىپ، ءوزىن الۋەتتەندىرىپ، اسقاق جىگەرمەن قايراتتانا ۇمتىلۋ − كوكىرەك كەرنەگەن سەنىممەن جۇڭگو ۇلگىسىندەگى وسىزامانداندىرۋدىڭ داڭعىل جولىمەن العا تارتۋ؛ زەيىن - زەردەنى ۇيىستىرىپ، كۇش - قۋاتتى توپتاپ، باعىتتاس بولىپ، بىرگە ءجۇرۋ − جالپى بارىستىق حالىق دەموكراتياسىن امالياتتا ايگىلەپ، كوپتىڭ اقىل - پاراساتىن شوعىرلاندىرىپ، تاماشا ءادىس - شارا قاراستىرىپ، ورتاق تانىم ۇيىستىرىپ، سان ميلليونداعان جۇڭحۋا پەرزەنتتەرىن مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ جولىندا ىنتىماقتاسا كۇرەس جۇرگىزۋگە جىگەرلەندىرۋ؛ تەز قارمانىپ تاعى دا جاڭا تاراۋ جازۋ − شىنايى يگەرىپ، ناقتى ىستەپ، قۇلشىنا كۇرەس جاساپ، جاپپاي سوتسياليستىك وسىزاماندانعان مەملەكەت قۇرۋ ءۇشىن جاقسى باستاما باستاپ، جاقسى قادام باسۋ.
ماقالادا بىلاي دەلىندى: بولاشاعىمىز ءۇمىتتى، جولىمىز داڭعىل.
جاڭا جورىققا اتتانىپ، كوكتەم سامالىندا ارشىندى قادام باسامىز، بۇكىل ەلدەگى ءار ۇلت حالقى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، تاريح سەنىمىن بەكەمدەپ، تاريحي ىرىقتىلىقتى كۇشەيتىپ، تۋراشىلدىقتان اينىماي، جاڭالىق اشۋعا تاباندى بولىپ، ستراتەگيالىق تاباندىلىقتى ساقتاپ، كۇرەسكەرلىك رۋحتى اسقاقتاتىپ، باتىلدىقپەن قامال الا قيىندىقتاردى جەڭىپ، مەملەكەتتى قۇدىرەتتەندىرۋ قۇرىلىسىنا، ۇلتتى گۇلدەندىرۋ ۇلى ىسىنە ۇزدىكسىز كۇش قوسىپ، داڭق اپەرەدى!
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
