3 – ايدىڭ 16 – كۇنىنەن 19 – كۇنىنە دەيىن سۋىق اعىس كىرىپ، سولتۇستىك شينجياڭداعى كوپ ءبولىم جەردە جاڭبىردىڭ سوڭى قارعا اينالادى، تەمپەراتۋرا 8 دە 10 گرادۋس تومەندەيدى
2023.03.15 15:42 كەلۋ قاينارى : حالىق تورابى
تيانشان تورى – شينجياڭ گازەتىنىڭ ءتىلشىسى شيا حۇيبيان حابارلايدى. ءتىلشىنىڭ شينجياڭ اۋا رايى ستانسياسىنان ۇعىسۋىنشا، مەجەمەن 3 – ايدىڭ 16 – كۇنى كۇندىزدەن 3 – ايدىڭ 19 – كۇنى تۇنگە دەيىن، ورتا ازيا الاسا اۋا ءيىرىمىنىڭ ۇزدىكسىز ىقپال ەتۋىنە بايلانىستى، سولتۇستىك شينجياڭنىڭ كوپ ءبولىم جەرىندە جاڭبىردىڭ سوڭى قارعا اينالىپ، تەمپەراتۋرا تومەندەپ، بوران سوعادى. سولتۇستىك شينجياڭنىڭ كوپ ءبولىم جەرىندە، قۇمىل قالاسىنىڭ سولتۇستىگىندە ەڭ تومەنگى تەمپەراتۋرا 8 دە 10 گرادۋس تومەندەيدى، ءىشىنارا وڭىرلەردە سۋىق اعىس جۇرەدى. شينجياڭ اۋا رايى ستانسياسى وسى رەتكى اۋا رايىنىڭ اۋىل شارۋاشىلىعى جانە مال شارۋاشىلىعى ءوندىرىسى، تاس جول قاتىناسى، قالانىڭ اينالىمى، ساياحات قاتارلىلارعا ءتيىمسىز ىقپال جاسايتىنىن ەسكەرتتى.
3 – ايدىڭ 16 – كۇنى كۇندىزدەن 3 – ايدىڭ 19 – كۇنى تۇنگە دەيىن، سولتۇستىك شينجياڭنىڭ كوپ ءبولىم جەرى، تيانشان تاۋلى رايونى، وڭتۇستىك شينجياڭنىڭ باتىسىنداعى تاۋلى ءوڭىر، بايىنعولىن موڭعۇل اۆتونوميالى وبلىسىنىڭ وڭتۇستىگىندەگى تاۋلى ءوڭىر، قۇمىل قالاسىنىڭ سولتۇستىگى قاتارلى جەرلەردە از مولشەردەن ورتاشا مولشەرگە دەيىن جاڭبىر جاۋىپ، سوڭى قار ارالاس جاڭبىرعا نەمەسە قارعا اينالادى، مۇنىڭ ىشىندە، ىلە قازاق اۆتونوميالى وبلىسى، بۇراتالا موڭعۇل اۆتونوميالى وبلىسىنىڭ باتىسى، تارباعاتاي ايماعى، التاي ايماعى، شىحىزى قالاسى، ءۇرىمجى قالاسى، سانجى حۇيزۋ اۆتونوميالى وبلىسى قاتارلى جەرلەردىڭ ءىشىنارا وڭىرلەرىندە قالىڭ جاڭبىر نەمەسە قالىڭ قار جاۋادى، ىلە وبلىسىنداعى تاۋلى وڭىرلەردە، بۇراتالا وبلىسىنىڭ باتىسىندا، تارباعاتاي ايماعىنىڭ سولتۇستىگىندە، التاي ايماعىنىڭ سولتۇستىگىندەگى تاۋلى وڭىرلەردىڭ ءىشىنارا ورىندارىندا نوسەر نەمەسە ەرەكشە قالىڭ قار جاۋادى. ىلە وبلىسىنداعى تاۋلى وڭىرلەردە، التاي ايماعىنداعى تاۋلى وڭىرلەردە، ءۇرىمجى قالاسىنداعى تاۋلى وڭىرلەردە، سانجى وبلىسىنداعى تاۋلى وڭىرلەردە جاڭادان تۇسكەن قاردىڭ قالىڭدىعى 15 تە 25 سانتيمەتر بولادى. جاۋىن – شاشىن بولاتىن ۋاقىت نەگىزىنەن: ىلە وبلىسىندا، بۇراتالا وبلىسىنىڭ باتىسىندا، تارباعاتاي ايماعىنىڭ سولتۇستىگىندە، التاي ايماعىندا 3 – ايدىڭ 16 – كۇنى كۇندىزدەن 3 – ايدىڭ 18 – كۇنى كۇندىزگە دەيىن، شىحىزى قالاسى، سانجى قالاسى، ءۇرىمجى قالاسىندا 3 – ايدىڭ 18 – كۇنى كەشتەن 3 – ايدىڭ 19 – كۇنى كۇندىزگە دەيىن بولادى.
جاۋىن – شاشىنمەن ىلەسە، 3 – ايدىڭ 18 – كۇنى تۇننەن 3 – ايدىڭ 19 – كۇنى تۇنگە دەيىن، سولتۇستىك شينجياڭنىڭ سولتۇستىگى، تۇرپان قالاسى، قۇمىل قالاسى جانە اقسۋ ايماعى، بايىنعولىن وبلىسىنىڭ سولتۇستىگى قاتارلى جەرلەردىڭ ءىشىنارا ورىندارىندا باتىس سولتۇستىكتەن 5 تە 6 بال جەل سوعادى، جەل وتتەرىندە جەل كۇشى 10 بال اينالاسىندا بولادى، وڭتۇستىك شينجياڭداعى ويپاتتىڭ كوپ جەرىندە ءتۇرلى دەڭگەيدە قۇمدى بوران سوعادى.
مەجەمەن 3 – ايدىڭ 17 – كۇنى تۇننەن 3 – ايدىڭ 19 – كۇنى تۇنگە دەيىن، سولتۇستىك شينجياڭنىڭ كوپ ءبولىمى جەرىندە، قۇمىل قالاسىنىڭ سولتۇستىگىندە ەڭ تومەنگى اۋا تەمپەراتۋراسى 8 دە 10 گرادۋس تومەندەيدى، ءىشىنارا جەرلەردە سۋىق اعىس جۇرەدى. سولتۇستىك شينجياڭداعى جازىقتاردىڭ كوپ بولىمىندە ەڭ تومەنگى اۋا تەمپەراتۋراسى نولدەن تومەن 5 تە 10 گرادۋسقا تۇسەدى، تاۋلى وڭىرلەردە نولدەن تومەن 10 دا 20 گرادۋسقا تۇسەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
