لي چياڭ مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشتى
مەملەكەتتىك كەڭەس قۇرىلىمدارىن قۇرۋعا قاتىستى قىزمەتتەردى اقىلداستى، «مەملەكەتتىك كەڭەستىڭ قىزمەت ەرەجەسىن (وزگەرىس ەنگىزىلگەن نۇسقا)» تالقىلادى، جاڭا كەزەكتى مەملەكەتتىك كەڭەس مىندەتىن جاپپاي اتقارا باستادى
2023.03.15 17:18 كەلۋ قاينارى : حالىق تورابى
شينحۋا اگەنتتىگى، 3 - ايدىڭ 14 - كۇنى، بەيجيڭ. مەملەكەتتىك كەڭەستىڭ زۇڭليى لي چياڭ 3 - ايدىڭ 14 – كۇنى جاڭا كەزەكتى مەملەكەتتىك كەڭەستىڭ 1 - رەتكى ۇنەمىلىك ىستەر ءماجىلىسىن باسقارىپ اشىپ، مەملەكەتتىك كەڭەس قۇرىلىمدارىن قۇرۋعا قاتىستى قىزمەتتەردى اقىلداستى، «مەملەكەتتىك كەڭەستىڭ قىزمەت ەرەجەسىن (وزگەرىس ەنگىزىلگەن نۇسقا)» تالقىلادى. جاڭا كەزەكتى مەملەكەتتىك كەڭەس مىندەتىن جاپپاي اتقارا باستادى.
ءماجىلىس مىنالاردى دارىپتەدى: باس شۋجي شي جينپيڭ مەملەكەتتىك ەكى ءماجىلىس كەزىندە ءبىرقىدىرۋ ماڭىزدى ءسوز جاريالادى، بۇل اسا كۇشتى ساياسي سيپاتقا، يدەيالىق سيپاتقا، جەتەكشىلىك سيپاتقا، باعىتتامالىلىق سيپاتقا يە. جاڭا كەزەكتى ۇكىمەت شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، باس شۋجي شي جينپيڭنىڭ ماڭىزدى سوزدەرىنىڭ جانە مەملەكەتتىك ەكى ءماجىلىستىڭ رۋحىن ىشكەرىلەي ۇيرەنىپ، ءتۇسىنىپ، دايەكتىلەندىرۋدى، تياناقتاندىرۋدى مۇقيات ويداعىداي يگەرۋى كەرەك. ءماجىلىس مىنالاردى دارىپتەدى: مەملەكەتتىك كەڭەس، ەڭ اۋەلى، ساياسي ورگان، ءسوز جوق، تۋدى ايقىن ۇستاي وتىرىپ ساياسيدى دارىپتەپ، ”ەكىنى تۇراقتاندىرۋدىڭ“ شەشۋشى ماڭىزىن تەرەڭ ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداۋ كەرەك. تۋراشىلدىقتان تايماي، جاڭالىق اشۋدا تاباندى بولىپ، باس شۋجي شي جينپيڭنىڭ ماڭىزدى نۇسقاۋلارىنىڭ، بەكىتۋلەرىنىڭ رۋحىن جانە پارتيا ورتالىق كوميتەتىنىڭ شەشىمدەرىن، ورنالاستىرۋلارىن جۇيەلى ۇيرەنىپ، يگەرىپ، تەكسەرۋ - زەرتتەۋ ستيلىن بارىنشا ساۋلەلەندىرىپ، ەلەۋلى ماسەلەلەردى ىشكەرىلەي زەرتتەپ، كەلەلى شارالاردى العا قويىپ، كەلەلى قىزمەتتەردى ىلگەرىلەتىپ، ءتۇرلى مىندەتتەردى جاسامپازدىقپەن ناقتى، ويداعىداي يگەرۋ كەرەك. ”ءبىر تۇتاس جۇيە“ تانىمىن كۇشەيتىپ، ىنتىماقتاسا بىرگە جۇمىس ىستەپ، كۇش بىرىكتىرە ءىس ىستەپ، ءوزارا قولداپ، ءوزارا سايكەسىپ، قىزمەتتەردى سايكەسە وتىرىپ جوعارى ونىمدىلىكپەن ورىستەتۋ كەرەك.
پارتيا 20 - كەزەكتى ورتالىق كوميتەتىنىڭ ەكىنشى جالپى ءماجىلىسى قاراپ ماقۇلداعان «پارتيا مەن مەملەكەت قۇرىلىمدارىنىڭ رەفورما جوباسى» مەن 14 - كەزەكتى مەملەكەتتىك حالىق قۇرىلتايىنىڭ 1 - ءماجىلىسى قاراپ بەكىتكەن مەملەكەتتىك كەڭەس قۇرىلىمدارىنا رەفورما جاساۋ جوباسىنا ساي، ءماجىلىس مەملەكەتتىك كەڭەسكە توتە قاراستى ەرەكشە قۇرىلىمداردى، توتە قاراستى قۇرىلىمداردى، ءىس باسقارۋ قۇرىلىمدارىن، توتە قاراستى ءىسورىنداردى، مينيسترلىكتەر مەن كوميتەتتەر باسقاراتىن مەملەكەتتىك مەكەمەلەردى قاراپ ماقۇلدادى. ءماجىلىس مىنالاردى اتاپ كورسەتتى: قۇرىلىم رەفورماسى − قازىرگى كەلەلى ساياسي مىندەت، يدەيا مەن ارەكەتتى پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن شىن مانىندە بىرلىككە كەلتىرىپ، ساياسيدى دارىپتەپ، كەلەلى جاعدايمەن ساناسىپ، دەن قويا ۇيىمداستىرىپ، ەگجەي - تەگجەيلى اتقارىپ، قۇرىلىم، قىزمەت جاۋاپكەرلىگى، قوسىن سياقتىلاردىڭ دەر كەزىندە تىڭعىلىقتى رەتتەلۋىنە، رەفورما كەزىندە ءتۇرلى قىزمەتتەردىڭ قالىپتى جۇرگىزىلۋىنە، تارتىپپەن ۇشتاسۋىنا شىنايى كەپىلدىك ەتۋ كەرەك. وسى رەتكى قۇرىلىم رەفورماسىن وراي ەتىپ، جاڭا دامۋ ارناسىن ورناتۋدىڭ، ساپالى دامۋدى ىلگەرىلەتۋدىڭ قاجەتىنە ۇيلەسىپ، ۇكىمەت فۋنكتسياسىنا ىشكەرىلەي بۇرىلىس جاساپ، قىزمەت مەحانيزمىن كەمەلدەندىرىپ، قىزمەت قابىلەتىن جوعارىلاتىپ، قىزمەت ستيلىن جاقسارتىپ، ءونىمدى بازار مەن تىندىرىمدى ۇكىمەتتىڭ اناعۇرلىم ويداعىداي ۇشتاسۋىن ىلگەرىلەتۋ كەرەك.
ءماجىلىس جاڭادان وزگەرىس ەنگىزىلگەن «مەملەكەتتىك كەڭەستىڭ قىزمەت ەرەجەسى» تالقىلاپ، وزگەرىس ەنگىزىلگەن نۇسقانى مەملەكەتتىك كەڭەستىڭ ءبىرىنشى جالپى ءماجىلىسىنىڭ قاراۋىنا ۇسىنۋدى ۇيعاردى. ءماجىلىس مىنالاردى دارىپتەدى: مەملەكەتتىك كەڭەس قىزمەتىن ويداعىداي ىستەۋدە، ءسوز جوق، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن قورعاۋدى ەڭ ءتۇبىرلى ساياسي ءتارتىپ جانە ساياسي قاعيدا ەتىپ، پارتيا ورتالىق كوميتەتىنىڭ كەلەلى شەشىمدەرىن، ورنالاستىرۋلارىن تياناقتاندىرۋ مەحانيزمىندە تاباندى بولىپ جانە ونى كەمەلدەندىرىپ، پارتيا ورتالىق كوميتەتىنىڭ كەلەلى تالاپتارىمەن سانالى تۇردە سالىستىرىپ، پارتيا ورتالىق كوميتەتى شەشىمدەرىنىڭ، ورنالاستىرۋلارىنىڭ قاز - قالپىندا تياناقتانۋىنا شىنايى كەپىلدىك ەتۋ كەرەك. عىلمي، دەموكراتيالى شەشىم جاساۋدا، اكىمشىلىكتى زاڭ بويىنشا جۇرگىزۋدە تاباندى بولىپ، ۇكىمەت قىزمەتىنىڭ جۇيەلى، ءتارتىپتى، ءونىمدى جۇرگىزىلۋىن ىلگەرىلەتۋ كەرەك. پارتيانى جاپپاي قاتاڭ جونگە سالۋدىڭ ساياسي جاۋاپكەرلىگىن ارقالاپ، ورتالىقتىڭ 8 ءتۇرلى بەلگىلەمەسىنىڭ جانە ونى اتقارۋدىڭ ەگجەي - تەگجەيلى ەرەجەسىنىڭ رۋحىن قاجىماي - تالماي تياناقتاندىرىپ، ءار جاقتىڭ باقىلاۋىن سانالىلىقپەن قابىلداپ، پاك ۇكىمەت قۇرىلىسىن ۇزدىكسىز ىلگەرىلەتۋ كەرەك.
ءماجىلىس باسقا ىستەردى دە اقىلداستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
