مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ ۇلى ءىسى ءۇشىن ۇزدىكسىز كۇش قوسۋىمىز، داڭق اپەرۋىمىز كەرەك
− ءتوراعا شي جينپيڭنىڭ 14 - كەزەكتى مەملەكەتتىك حالىق قۇرىلتايىنىڭ 1 - ماجىلىسىندە سويلەگەن ماڭىزدى ءسوزىن ۇيرەنۋ، دايەكتىلەندىرۋ جونىندە
«حالىق گازەتىنىڭ» شولۋشىسى
2023.03.15 17:20 كەلۋ قاينارى : حالىق تورابى
”مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ ۇتىلامالى تاياقشاسى تاريحي تۇردە ءبىز وسى ۇرپاق ادامدارىنىڭ موينىنا جۇكتەلدى“. 14 - كەزەكتى مەملەكەتتىك حالىق قۇرىلتايىنىڭ 1 - ماجىلىسىندە ءتوراعا شي جينپيڭ پارتيا مەن مەملەكەت ىستەرى دامۋىنىڭ جالپى جاعدايى تۇرعىسىنان، بۇكىل پارتيانىڭ، بۇكىل ەل حالقىنىڭ وزەكتى مىندەتىن كوزدە ۇستاپ، مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋدى ىلگەرىلەتۋ جونىندە ايقىن تالاپتار قويىپ، كەلەلى ورنالاستىرۋلار جاساپ، ”ءبىز تەز قارمانىپ، تاريح سەنىمىن بەكەمدەپ، تاريحي ىرىقتىلىقتى كۇشەيتىپ، تۋراشىلدىقتان اينىماي، جاڭالىق اشۋدا تاباندى بولىپ، ستراتەگيالىق تاباندىلىقتى ساقتاپ، كۇرەسكەرلىك رۋحتى اسقاقتاتىپ، جۇرەكتىلىكپەن قامال الىپ، قيىندىقتى جەڭىپ، مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ ۇلى ءىسى ءۇشىن ۇزدىكسىز كۇش قوسۋىمىز، داڭق اپەرۋىمىز كەرەك!“ دەپ دارىپتەدى. ءتوراعا شي جينپيڭنىڭ ماڭىزدى ءسوزى حالىقتىق مايداندا بەرىك تۇرىپ، تاريحي سەنىمدى بەكەمدەپ، بورىش پەن جاۋاپكەرلىكتى ايگىلەپ، العا باسۋ بەتالىسىنا جەتەكشىلىك ەتىپ، قىزۋ اڭىس قوزعادى، بۇل بۇكىل ەلدەگى ءار ۇلت حالقىن مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ جاڭا جورىعىندا ەرلىكپەن العا باسۋعا جىگەرلەندىرەدى.
تاياۋ زاماننان كەيىن جۇڭحۋا ۇلتى بۇرىن - سوڭدى بولماعان اپاتقا ۇشىراپ، مەملەكەت قورلانىپ، حالىق ازاپ شەگىپ، وركەنيەت زوبالاڭعا كىرىپتار بولدى. جۇڭگودا كوممۋنيستىك پارتيا دۇنيەگە كەلدى، بۇل − جەر - كوكتى ءدۇر سىلكىندىرگەن زور وقيعا. جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ ءۇشىن، جۇڭگو كوممۋنيستىك پارتياسى جۇڭگو حالقىن ىنتىماقتاستىرىپ جانە باستاپ، ”قۇربان بەرۋ بولعانى ءۇشىن ءوستى جىگەر ۇلعايىپ، اي - كۇنگە ءامىر شاشا الامىز جاڭارتۋعا كوك ءجۇزىن“ دەيتىن تايسالماس جىگەرمەن جۇڭحۋا ۇلتىنىڭ نەشە مىڭ جىلدىق تاريحىنداعى ەڭ ايبىندى تاريحي داستاندى جازدى. پارتيا 18 - قۇرىلتايىنان بەرى شي جينپيڭ جولداستى ۇيىتقى ەتكەن پارتيا ورتالىق كوميتەتى جۇڭحۋا ۇلتىنىڭ ۇلى گۇلدەنۋى سىندى ستراتەگيالىق جالپى جاعدايدى جانە دۇنيە جۇزىندە 100 جىلدا بولماعان زور وزگەرىستى ءبىر تۇتاس جوسپارلاپ، ۇلى تاريحي ىرىقتىلىق رۋحپەن، وراسان زور ساياسي باتىلدىقپەن، كۇشتى جاۋاپكەرلىك ارقالاۋمەن حالىقتى ىنتىماقتاستىرىپ، باستاپ، قيىندىققا قارسى اتتانىپ، ۇدەرە العا تارتتى، پارتيا مەن مەملەكەت ىستەرىندە تاريحي جەتىستىككە قول جەتىپ، تاريحي وزگەرىس تۋىلدى، ەلىمىزدىڭ جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىنا قادام تاستاۋى ىلگەرىلەتىلىپ، جۇڭگو ۇلگىسىندەگى وسىزامانداندىرۋ ءساتتى ىلگەرىلەتىلىپ جانە كەڭەيتىلىپ، ادامزات وركەنيەتىنىڭ جاڭا فورماتسياسى جاراتىلدى، جۇڭحۋا ۇلتى ەڭسە كوتەرۋدەن، بايۋدان قۇدىرەتتەنۋگە دەيىنگى ۇلى شارىتقاۋدى قارسى الدى، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ كەرى بۇرۋعا بولمايتىن تاريحي بارىسقا ءوتتى.
ءتوراعا شي جينپيڭ بىلاي دەپ دارىپتەدى: ”قازىردەن باستاپ وسى عاسىردىڭ ورتا شەنىنە دەيىن جاپپاي سوتسياليستىك وسىزاماندانعان قۇدىرەتتى مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ − بۇكىل پارتيانىڭ، بۇكىل ەل حالقىنىڭ وزەكتى مىندەتى“. داڭق پەن ارمانعا تولى جاڭا جورىققا شەرۋ تارتۋدا ءبىز جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ نىساناسىنا تاريحتاعى ءارقانداي كەزدەگىدەن دە جاقىنداي تۇستىك، ءتىپتى دە سەنىمدى جانە قابىلەتتى بولدىق، سونىمەن بىرگە، ءتىپتى دە زور، ءتىپتى دە جاپالى قۇلشىنىستار جاساۋعا، قيىن – قىستاۋ جاعدايدىڭ، ءتىپتى ويعا كەلمەيتىن اساۋ تولقىندارددىڭ اۋىر سىن - سىناعىنا ساقاداي ساي تۇرۋىمىز كەرەك. پارتيانىڭ 20 - قۇرىلتايى جاپپاي سوتسياليستىك وسىزاماندانعان مەملەكەت قۇرۋدىڭ، جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋدىڭ ايبىندى جوباسىن جاساپ، ەكپىندەي ىلگەرىلەۋدىڭ جاڭا جورىعىنىڭ داۋىرلىك دابىلىن قاقتى. بورىش نەعۇرلىم داڭقتى، مىندەت نەعۇرلىم جاپالى بولعان سايىن، تاريحي سەنىمدى سولعۇرلىم بەكەمدەپ، تاريحي ىرىقتىلىقتى سولعۇرلىم كۇشەيتىپ، شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا، پارتيا 20 - قۇرىلتايىنىڭ ستراتەگيالىق ورنالاستىرۋىنا ساي، وزەكتى مىندەتتى مىقتاپ ارقاۋ ەتىپ، ”بەستى ءبىر تۇلعالاندىرۋ“ جالپىلىق ورنالاستىرۋىن ءبىر تۇتاس ىلگەرىلەتۋدە، ”ءتورتتى جاپپاي ورىنداۋ“ ستراتەگيالىق ورنالاستىرۋىن سايكەستى ىلگەرىلەتۋدە تاباندى بولىپ، جۇڭگو ۇلگىسىندەگى وسىزامانداندىرۋ قۇرىلىسىن جەدەل ىلگەرىلەتىپ، ىنتىماقتاسا كۇرەس جۇرگىزىپ، ءورىس اشا جاڭالىق جاراتىپ، بۇرىنعىلار ىستەپ كورمەگەن باستاما ىستەردى نىق قاداممەن ىلگەرىلەتۋ كەرەك.
مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ ۇلى نىساناسى ادامدى جەلپىندىرەدى، العا باسۋعا جەبەيدى. ءتوراعا شي جينپيڭ بىلاي دەپ دارىپتەدى: مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ جاڭا ساپارىندا ”ساپالى دامۋدى بۇلجىماي ىلگەرىلەتىپ“، ”حالىقتى بارىنەن جوعارى قويۋدا باستان - اياق تاباندى بولىپ“، ”دامۋ مەن حاۋىپسىزدىكتى اناعۇرلىم ويداعىداي ءبىر تۇتاس جوسپارلاپ“، ”’ءبىر ەل، ەكى ءتۇزىم‘ امالياتى مەن وتاندى بىرلىككە كەلتىرۋ ۇلى ءىسىن تىڭعىلىقتى ىلگەرىلەتىپ“، ”ادامزاتتىڭ تاعدىرلاس ورتاق تۇلعاسىن قۇرۋدى قۇلشىنا ىلگەرىلەتۋ“ كەرەك. جاڭا جورىقتا ەلىمىزدىڭ دامۋ، العا باسۋ تاعدىرىن ءوز قولىمىزدا بەرىك ۇستاپ، پارتيانىڭ 20 - قۇرىلتايىندا جاسالعان ايبىندى جوبانى رەالدىققا اينالدىرۋدا ساپالى دامۋ سىندى ماڭداي الدى مىندەتتى مىقتى يگەرىپ، جاڭا دامۋ ۇستانىمىن تولىق، ءدال، جاپپاي دايەكتىلەندىرىپ، جاڭا دامۋ جاعدايىن جەدەل ورناتىپ، ەلىمىزدىڭ ەكونوميكالىق قۋاتىن، عىلىم - تەحنيكالىق قۋاتىن، جالپىلىق مەملەكەت قۋاتىن ۇزدىكسىز كۇشەيتۋ؛ جالپى بارىستىق حالىق دەموكراتياسىن بەلسەنە دامىتىپ، حالىقتى وزەك ەتكەن دامۋ يدەياسىن دايەكتىلەندىرىپ، وسىزامانداندىرۋ قۇرىلىسىنىڭ جەتىستىكتەرىنەن جالپى حالىقتى اناعۇرلىم كوپ، اناعۇرلىم ءادىل يگىلىكتەندىرىپ، مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ تەلەگەي كۇشىن ۇيىستىرۋ؛ جالپى تۇلعالىق مەملەكەت حاۋىپسىزدىگى كوزقاراسىن دايەكتىلەندىرىپ، جاڭا حاۋىپسىزدىك ارناسى ارقىلى جاڭا دامۋ ارناسىن قامتاماسىز ەتىپ، حالىق ارمياسىن مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن ءونىمدى قورعايتىن قۇرىش قورعان ەتىپ قۇرىپ شىعۋ؛ ”ءبىر ەل، ەكى ءتۇزىم“، ”شياڭگاڭدى شياڭگاڭدىقتار باسقارۋ“، ”اۋمىندى اۋمىندىقتار باسقارۋ“، وسكەلەڭ اۆتونوميا باعىتىن جاپپاي، دالمە - ءدال، بۇلجىماي دايەكتىلەندىرىپ، جاڭا داۋىردەگى پارتيانىڭ تايۋان ماسەلەسىن شەشۋ جالپى جوباسىن دايەكتىلەندىرۋ؛ جوعارى دەڭگەيدە سىرتقا ەسىك اشۋدى تىڭعىلىقتى ىلگەرىلەتىپ، بەيبىتشىلىك، دامۋ، سەلبەستىك، بىرگە يگىلىككە كەنەلۋ تۋىن بيىك ۇستاپ، دۇنيە ءجۇزىنىڭ بەيبىتشىلىگى مەن دامۋىنا اناعۇرلىم كوپ ورنىقتىلىق جانە وڭ ەنەرگيا ۇستەپ، ەلىمىزدىڭ دامۋىنا تاماشا حالىقارالىق ورتا جاراتۋ كەرەك.
”مەملەكەتتى قۇدىرەتتەندىرۋ قۇرىلىسىن ىلگەرىلەتۋدە، ءسوز جوق، جۇڭگو كوممۋنيستىك پارتياسىنىڭ باسشىلىعى مەن پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىندا تاباندى بولىپ، پارتيا قۇرىلىسىن شىنايى كۇشەيتۋ كەرەك“. جۇڭگو كوممۋنيستىك پارتياسى ءبىزدىڭ ىستەرىمىزگە باسشىلىق ەتەتىن ۇيىتقى كۇش، پارتيانىڭ باسشىلىعى جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ ءتۇبىرلى كەپىلى، پارتيا مەن مەملەكەت ىستەرىنىڭ ۇزدىكسىز دامۋىنىڭ ”مىزعىماس تىرەگى“ ەكەنىن جەتە تانۋىمىز كەرەك. پارتيانىڭ جاپپاي باسشىلىعىندا بۇلجىماي تاباندى بولىپ، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن قورعاعاندا عانا، ەلىمىزدىڭ سوتسياليستىك وسىزامانداندىرۋ قۇرىلىسىنىڭ دۇرىس بەتالىسىنا كەپىلدىك ەتۋگە، ىنتىماقتاسا كۇرەس جۇرگىزەتىن قۇدىرەتتى ساياسي ۇيىسقىشتىققا، دامۋ سەنىمىنە شىنايى كەپىلدىك ەتىپ، جۇدىرىقتاي جۇمىلىپ، قيىنشىلىقتاردى بىرگە جەڭەتىن تەلەگەي كۇش توپتاۋعا بولادى. دۇنيە جۇزىندەگى ەڭ ۇلكەن ماركسيزمدىك بيلىك باسىنداعى پارتيا رەتىندە، پارتيامىز باستان - اياق حالىقتىڭ قولداۋىنا يە بولىپ، ۇزاق ۋاقىت بيلىك جۇرگىزۋ ورنىن بەكەمدەۋ ءۇشىن، ءسوز جوق، قاي - قاشان دا ۇلكەن پارتياعا عانا ءتان قيىن ماسەلەلەردى شەشەتىن سەرگەكتىك پەن تاباندىلىقتى ساقتاۋ كەرەك. جۇرەكتىلىكپەن وزىنە - ءوزى توڭكەرىس جاساپ، پارتيانى جاپپاي قاتاڭ باسقارۋدى ءبىر ءسات تە توقتاتپاي، شىرىكتەسۋگە بۇلجىماي قارسى تۇرىپ، پارتيانىڭ ىنتىماعىن، بىرلىگىن باستان - اياق ساقتاعاندا عانا، پارتيانىڭ قاسيەتىن ماڭگى ساقتاۋعا، ءتۇسىن ماڭگى وزگەرتپەۋگە، سيپاتىن ماڭگى ساقتاۋعا شىنايى كەپىلدىك ەتىپ، مەملەكەتتى قۇدىرەتتەندىرۋ قۇرىلىسىنا، ۇلتتى گۇلدەندىرۋگە پارمەندى كەپىلدىك ازىرلەۋگە بولادى.
تاريحتىڭ شالقار تولقىنى جوڭكىلىپ، ۇرپاقتان - ۇرپاققا جالعاسقان كۇرەس ارقىلى بۇگىنگى جۇڭگو جاراتىلدى. جاڭا نىسانانى بەتكە الىپ، قايراتتانا العا ۇمتىلىپ، شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، ”مەملەكەتتىڭ زور ىستەرىن“ ەستە بەرىك ساقتاپ، جاڭا جورىقتا ءداۋىردىڭ، تاريحتىڭ، حالىقتىڭ ءۇمىتىن اقتايتىن ناتيجە جاراتىپ، قۇدىرەتتى ەل قۇرۋدى، ۇلتتىڭ گۇلدەنۋىن ىلگەرىلەتۋگە ءبىز وسى ۇرپاق ادامداردىڭ تيەسىلى ۇلەسىن قوسايىق!
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
