شي جينپيڭ جاۋاپ حات جازىپ، تەڭىز ارمياسى سۇڭگۋىر كەمە اسكەري ءبولىمىنىڭ بەلگىلى كەمە قۇراماسىن
جاپپاي شىڭدالعان سۋ استى اتويشىلارىن قۇلشىنا سومداپ، ارميا قۇرۋدىڭ 100 جىلدىعى كۇرەس نىساناسىن جۇزەگە اسىرۋعا اناعۇرلىم زور ۇلەس قوسۋعا شابىتتاندىردى
2023.05.12 15:59 كەلۋ قاينارى : حالىق تورابى
شينحۋا اگەنتتىگى، 5 - ايدىڭ 11 - كۇنى، بەيجيڭ. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ تاياۋدا تەڭىز ارمياسى سۇڭگۋىر كەمە اسكەري ءبولىمى بەلگىلى كەمە قۇراماسىنداعى بارلىق كوماندير - جاۋىنگەرگە جاۋاپ حات جازىپ، ولاردى شىن ىقىلاسپەن شابىتتاندىردى.
شي جينپيڭ جاۋاپ حاتىندا مىنالاردى ءبىلدىردى: حاتتارىڭىزدى وقىپ، 10 جىلدىڭ الدىندا سىزدەرمەن بىرگە وتكىزگەن تاماشا ءساتتى ەسىمە الدىم. سىزدەردىڭ باتىلدىقپەن اۋىر مىندەت ارقالاپ، باتىلدىقپەن الدا ءجۇرىپ، ءبىرقىدىرۋ قيىن قامال الىپ، ارقالاعان ءتۇرلى مىندەتتەردى تىندىرىمدى ورىنداعاندارىڭىزدى ءبىلىپ قاتتى قۋاندىم.
شي جينپيڭ بىلاي دەپ دارىپتەدى: سۇڭگۋىر كەمە اسكەري ءبولىمى تەرەڭ تەڭىز - مۇحيتتا شايقاس جۇرگىزەدى، بورىشتارى داڭقتى، جاۋاپكەرلىكتەرى اۋىر. جولداستاردىڭ پارتيا مەن حالىقتىڭ ماڭىزدى تاپسىرماسىن ەستە بەرىك ساقتاپ، بورىش، مىندەت وتەۋ قابىلەتىن ۇزدىكسىز جوعارىلاتىپ، جاپپاي ىسىلعان سۋ استى اتويشىلارىن قۇلشىنا سومداپ، ارميا قۇرۋدىڭ 100 جىلدىعى كۇرەس نىساناسىن جۇزەگە اسىرۋ ءۇشىن اناعۇرلىم زور ۇلەس قوسۋىن ءۇمىت ەتەمىن.
تەڭىز ارمياسى سۇڭگۋىر كەمە اسكەري ءبولىمىنىڭ بەلگىلى كەمە قۇراماسى − ەلىمىزدىڭ بەلگىلى جاڭا تۇرپاتتى سۇڭگۋىر كەمەلەرىنىڭ جاۋىنگەرلىك قۋاتى قۇرىلىسىنداعى ماڭىزدى كۇش. 2013 - جىلى 4 - ايدا شي جينپيڭ وسى كەمە قۇراماسىنىڭ كوماندير - جاۋىنگەرلەرىنە امانداسا بارىپ، حال سۇراپ، تۇسكى استا بىرگە بولىپ، ىشكەرىلەي پىكىر اۋىستىرعان بولاتىن. 10 جىلدان بەرى وسى كەمە قۇراماسى مىندەتىن ادالدىقپەن اتقارىپ، جاۋاپكەرلىگىن ادا ەتىپ، سوعىس دايىندىعىن جاساپ الىس ساپارعا اتتانۋ، سىناق جاتتىعۋى سياقتى كوپتەگەن كەلەلى مىندەتتى ورىندادى، ورتالىق اسكەري ىستەر كوميتەتى ولارعا ىلگەرىندى - كەيىندى ەكى رەت كوللەكتيۆ 1 - دارەجەلى ەڭبەك جازدى. تاياۋدا وسى كەمە قۇراماسىنداعى بارلىق كوماندير - جاۋىنگەر ءتوراعا شي جينپيڭگە تەرەڭ سۇيىسپەنشىلىكپەن حات جازىپ، قولباسشىنىڭ تاپسىرماسىن ەستە بەرىك ساقتاپ، اسكەر جاتتىقتىرۋدى كۇشەيتىپ، جەڭىسكە جەتۋ قابىلەتىن جوعارىلاتۋ سەنىمى مەن بەكىمىن بىلدىرگەن بولاتىن.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
